ندعي لغزة ونعمل الصح






السلام عليكم




كنت النهارده في مدونة منى وبجد ألف ألف مبروك يامنى على الخطوبة بجد فرحتلك اوي


المهم فعرفت بموضوع حملة الدعاء لفلسطين


ولقيت ان الموضوع سهل قوي وكلنا نقدر نعمله


الموضوع بكل بساطة


هنقوم ونصلي الفجر وبعد مانصلي الفجر ندعي لأخواننا في فلسطين باللي في قلبنا


بجد ياجماعه الموضوه سهل ومش هيكفلنا كتير بس لما فكرت فيها لقيت اننا هنكسب كتير


هنكسب ان احنا هنحس اننا بنعمل حاجة


وكلنا اكيد مقتنعين 100% اننا بنعمل حاجة ليها معنى وان شاء الله ربنا معانا









الحملة التانية اسمها حملة الصح















الحملة دي انتشرت في جامعة عين شمس وبجد لقيت ليها معنى كبير قوي



شعارها كان بيقول خلي العيبة متطلعش منك




فعلا عندهم حق انته انسان مثقف ومحترم وفوق ده كله مسلم فبلاش العيبة تطلع منك انته




سمعت ان الحملة كان مدتها شهر لكن اعتقد ان احنا مش لازم نلتزم بموضوع شهر دي ممكن نمشيها طول حياتنا
تحديث
============================
بعد ماتفتح معبر رفح اللي كان مقفول يتم الان نقل المغونات والاغاثات
لإيصال التبرعات إلى فلسطين:
لجنة الإغاثة الإنسانية - نقابة الأطباء دار الحكة: 42 ش قصر العيني - قريب من محطة مترو السيدة زينب أو نقابة أطباء مصر: مدينة نصر 7 ش علي امين بجوار المخبز الالي امام مسجد نوري خطاب , تقاطع مصطفي النحاس مع الطيران
لجنة اغاثة نقابة أطباء مصر
البنك الوطني المصري
حساب رقم 500555
للإتصال: نقابة الأطباء المصرية
هاتف: 7940738 - 7943812 - 7943166 - 3652006 – 3636366
العنوان: 27 شارع القصر العينى امام معهد السكر
ems_cai@ems.org.eg بريد ألكتروني:
:ـلجنة الإغاثة الطبية التابعة لاتحاد نقابات الأطباء العرب
بنك قناة السويس فرع الدقى
حساب رقم (21090/1)
ـللإتصال: الدكتور جمال عبد السلام، مدير لجنة الإغاثة باتحاد الأطباء العرب
دار الحكمة 42 شارع القصر العينى
تليفون: 7940738-7943166
فاكس: 7940518
مؤسسة لجنة الإغاثة الإنسانية للعون
الناصرة - الصفافرة ,حي بلال ص.ب 20059تليفون : 046082095فاكس : 046082097
info@egatha.com بريد ألكتروني::ـ
--------------------
والمدونة في حداد على شهداء غزة وبجد ياجماعه مش عايز الناس تقول لي ربنا مش هيتستجيب ولازم نعمل حاجة خلونا ندعي لإن ده اشيء اللي في ايدينا دلوقتي
وخلوا في ثقة ان سبحانه وتعالى هيستجيب لينا
==============================

بحبك


تحديث
========
تم تغيير الصورة بناءا على رغبة الجماهير
ومعلش ياحسن كنت عارف ان الصورة القديمه عجباك بس نعمل ايه بأه ده اصحبي اتصلوا على الموبايل علشان ادخل اشيلها اعمل
ايه حكم القوي
========






بحب فيكي سحر العيون





بحر على شط





الجفون






نبع من قلبك حنون





دوبني على حد





الجنون










بحبك




نبض روح بيا




وبوصف ضحكتك ليا




وبحفر بسمتك فيا







بحبك




ياصورة بتنور مسيرتي




ياوهم وبيلون حقيقتي




ياجنة سميتها بأميرتي











بحبك




ونفسي تحسيني بعيونك




او حتى يربكني سكونك




او جايز يوهمني جنونك







بحبك




وكل ماشوفك بحبك

وكل ما تغيبي بحسك

ونفسي حبيبتي اقول لك

اني خلاص عشقتك كلك




بحبك




ووهبتلك نفسي




بحبك




وكتبتلك قلبي




بحبك




وسلمتلك حبي















صراحة ده كان طلب من حد غالي اوي عليا اني اكتب حاجة رومانسية وبسرعه كمان فكانت ورطة بصراحه فكتبت






حاجة لايت في المختصر المفيد زي مابيقولوا


زمني وقلبي



لك زمني


هل ضل العشق عاشق سواي


ام اضاع الورع يوما منايا


أضاقت الحدود بيني ونفسي



وتشتت العبرات فوق سماي



افأين الحب الوليد ياحب عمري



وافمتى تتهاوى نظرتي وبكاي


لك قلبي


أيا قلبي قد ضقت بالهوى اضطرابا


ام قد فارق الهوى منك انجذابا


لبيت رغبة الهوى دوما وابدا


وبكاك امسى للضرير شهابا


نُسّيت يوما ان الهوى


اقرب للجحيم بك انتسابا













بعتذر عن تغيبي عنكم وكل سنة وانتم طيبين

اعماق الحب


الشعر ده انا جبته من مدونة الحب الخفي 
بجد عجبتني جدا وقلت انكم تشاركوني رأيي فيها لإنها بجد لمست جوايا حاجات كتير
اعماق الحب 

جروح وحاجات كانت جوانا
مشيينا تايهين وهنروح على فين
احتجنا حبيب يكون ويانا
يفهمنا لو جوانا حزين 
يحس بينا ويفك همومنا
ويخلي القلب كله حنين
نصرخ بالحب ويعلى صوتنا

ويهرب جوانا الطير السجين
يرفرف بجناحه على عرش حبيبه
ينسيه ايام عاشها فـى انين
يبص للسما ويدعى ربه 
يفك اسر كل العاشقين

 
واهو جه اللي بيحس بيه 
لو جت الدنيا فيوم عليه
يقرب منه ويوهبله عنيه
ياريت كل العشاق عاشوا
صرخه عاشها بين ايديه
يتعلموا معنى شوق السنين

ولو تاه منه في يوم حبيبه
بكلمه جميله تطلع منه
ونظرة عميقه تنسيه همه
 من غير حتى نظرة عين

حبيبى
بجد انا عايزك ليا
ولو العيوب مليانه فيا
 طمني كمان واتمسك بيا

وقولي انا برضه لسه حبيبك
عمري معاك دنا كلي نصيبك
مهما هتقسى في يوم عليا
انته حبيبي و جوا عنيا


...........................







بحبك ومهما يقولو عليكي

او الجفى يضيّ فـ نني عنيكي

فيوم انا هرجع والمس اديكي

اغازلك حبيبتي واتملى فيكي

عارف هدّمع ساعتها عنيكي

لكن قلبي تاه واهو بين اديكي



بحبك ودايب حبيبتي فكونك

واوعدك اني اكون بلسم يصونك

شاكر لربي وعمري مااخونك

راسم حياتي فـ لئاليء عيونك

وتكفيني نظرة حاضنه جفونك




هكون ملك امرك


تايه فـ صمتك


عابر... لشطك


واثق... بحبُك






هعشق سكونك .. زي الندى

وهعشق جنونك.. لأبعد مدى

وهكتب بحبك... حكاية وفى

دي صرخة فـ حبك.. لروحي دفى










-------------------------------------------------------------


طبعا الموضوع من غير عنوان لإني احترت احطه ايه فاللي يقرى يختار العنوان اللي يريحه و """يقول لي عليه""" وحطوا مليون خط تحت كلمة يقول لي عليه دي

-------------------------------------------------------------

من غيرها هعيش

طعباً الصورة دي ده مفتاح الحياة مش حاجة تانية ومفتاح الحياة ده كان رمز عن الفراعنه باين بيعبر عن الحياة وطبعا حقوق الطبع والتحميض محفوظة لمدونتي ولو شفتها عند حد تاني انتم عارفين انا مش ممكن اعمل ايه؟

بتجرحيني برضه تاني

لسه حبك للناس اناني


بأه

جاي ومادد ايدي ليكي

ولسه بيهون الوفاء

بوصف اسم العشق فيكي

وبتوصفيني بالجفاء


مستنياني اكون خاضعلك

مذلول مهان واعيش بظلك

اهمل حياتي وابقى سرك

مشفش غيرك وانسى اسمك


ده الحب عندك سرو باتع

الحبيب يكون له خاضع

اللون في حبه يبأه فاقع

والاحساس تعبيره واجع


ياحبيبتي اخر الظلمه نور

ده عقرب الكون عمال يدور

وكل واحد عايشله دور


كان ممكن تبقيلي اميرة

وروحي تبقالك اسيرة

بس انتي فحبك بخيله

هدمتي احلامنا الجميله


كان نفسي لو مشفتكيش

انسانه مليانه بمفيش

حبها خلاني مليش

جايز من غيرها اعيش
#
بعتذر عن تغيبي للمرة المليون وبعتذر عن تقصيري عند الكل ومش هقول مبررات
#
ياجماعه اللي يعرف مدحت محمد فين او على اتصال بيه يقول لإنه اختفى مرة واحده وبصراحه قلقان عليه




غلو خلاص الحاجة الساقعه



غلّو خلاص الحاجة الساقعه


ولسه دماءنا جوانا ساقعه


و مين حاسس ياناس بالواقعه


غلو خلاص الحاجة الساقعه


مين يستجري انه يقول


ساكتة قلوبنا كده علطول ؟!؟


انا او انته مش حاسين


وغيرنا كتير مش عايشين


انا راح ادفع ربع زيادة


وغيري هيحفى وراه اسبوع


هشرب برضه زي العاده


وغيري صراخه مش مسموع


يانصرخ ونقول الحق


يااما هنمشي ياناس بالزق


لازم وققفه ده فينا غلابه


وكلاهم حيوانات مالية الغابه


غابه عيشينها وهنعيش فيها


طول ماضعفنا بيسلم ليها


طول ماصراخنا مكتوم بيها


بس افتكروا ياناس الواقعه


غلو كمان الحاجة الساقعه




ساعد نفسك




حاسس جوا عيوني الخوف


خايف اكون انسان مكتوف


صاحيه عيوني ومش بتشوف

بس بساط الخير اهو قرب




ومن ربنا اهو هنتقرب




وفساد الروح خليه يتغرب




خليك في الخير كده سباق




ولسبحانه اكيد مشتاق




اوعى تخلي النفس ضعيفه




في بيوت ربنا رجليك خفيفه




خليك ثابت ترتاح اكتر




طريقك مش محتاج يتفسر




احفظ نفسك من شرورك




اغلب كده خوفك وغرورك




ادعي لنفسك تكسب نفسك




واحمد ربك تغلب يأسك




وافتح تاني الصفحه البيضه




رحمة ربك مش بعيده




ساعد نفسك وابدأ خطوة




يساعدك ربك بيجي ميت خطوة












رمضان كريم








الواحد رجع اهو بروح معنوية مرتفعه والجو جميل والحياة حلوة ورمضان كريم وكل سنة وانتم طيبين


انا في البداية بجد متشكر جدا على اللي سأل عني في غيابي واسف اني طولت


ويمكن انا فعلا مكنتش بفتح البلوج خالص في الفترة اللي فاتت


بجد متشكر جدا


وزي ماقلت رمضان كريم



وبرضه تاني كل سنة وانتم طيبين وبألف صحة وسلامة



بصراحه مش عارف اقول ايه بس هقول ياجماعه احنا بدأنا رمضان واحنا بحال ياريت ميخلصش رمضان واحنا زي مااحنا


اللي عايز يختم القرآن مرة يخليها مرتين وخلونا نتسابق في الخير والاجر بحسب المشقة


وبرضه كل سنة وانتم طيبين

بعد اذنكم

اعذروني هاخد اجازة من التدوين فترة
وده كان غصب عني
وهتوحشوني
سلامي

مش معادي

بجد ياجماعه انا عارف نفسي اني بتأخر في تنزيل كل حاجة وبتأخر في الرد وبتأخر في زيارتكم ويمكن مقصر كتير بس والله الواحد فعلا نفسه يرجع يسافر تاني كان قادر يعيش معاكم لحظه بلحظه من غير الاجتماعيات المرهقه اللي في بلدنا دي


حتى انا كنت لآخر لحظه رايح المنصورة اللقاء اللي معمول هناك وفـ الاخر باب الحظ مزّيق زي مابيقولوا



المهم انا عايزكم تعذروني على البوستات اللي فيها شعر او خاطره او كده انها هتتأخر شوية لإني بصراحه بحس في الحاجات دي اني لو كررت او طلعت حاجة مفيهاش جديد يبأه كإني معملتش حاجة وان انا اخترت لنفسي طريق حاسه صعب شوية ومرهق بس الانسان بيتعلم وهيفضل يتعلم طول عمره وبصراحه في حاجات كيتر الواحد خلاص فاض بيه منها ونفسه يتكلم فيها وبفكر افتح مدونه تانية للحاجات دي بس دي مجرد فكره



مش معادي


اعتبرتك سراب اختفى عن ملمح صراطي

منا متعودتش اكون للشوق شيطان مطاطي

ولا عمري عشت مسجون في سحق واطي


.

.

.

.




دي اسامي الحب

في كياني معناها الشموخ

وتوب العز

ده توبي ومن غير ادوخ

ومبدأ كياني

اكون سالخ بس مش مسلوخ

.

.

.

.


ومش هتعلق من روحي

في حبل الوداد

والوهم هيكون اسمه عشقي

بس مجروح الفؤاد

ومقدرش اني ارسم طريقي

في بلاد العناد

.

.

.

.



ده بريق حياتي بيلوح للشوق قصادي

وجرح كبري ده اعمق من جراح فؤادي

فااسمحيلي معاد حبك فات ومش معادي

تاج ويارب صبرني

طبعا ده تاج وصلني من اخويا مدحت محمد واختي روح
وبصراحه انا في ناس بعتت لي تاجات ونسيت بصراحه فياريت بس لو حد بعتلي يفكرني لإني والله بنسى وانتم عارفين انا بحب التاجات دي اد ايه " وش عليه ابتسامه صفره" هههههه
طيب بسم الله
لوأعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟
ثلات وردات مرة واحده ايه الكرم ده
الورده الاولى : نفسي اديها لرسول الله صلى الله عليه وسلم لإن بعد التعمق في السيرة شوية اكتشفت اد ايه هوه تعب واد ايه حبنا واد ايه صبر صلى الله عليه وسلم
الوردة التانية : لبابا وماما واخواتي كلهم وممكن عيلتي كمان لو كفت
الورده التالته : لمدحت محمد وروح ومنى لإنهم بصراحه ليهم مواقف معايا بعزهم بطريقه غريبة حتى من غير مااشوفهم ولو اتبقى حاجة على بقيت المدونين
وطبعا هشتري وارده اضافيه هوزعها بين شريف ومحمود اصحابي و
secret love
لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟
لا اله الا الله محمد رسول الله
يارب اهدني واغرلي
يارب ادخل الجنه ويارب اموت على الشهاده
ما هو هدفك فى الحياة ؟؟
اني اكون احسن من النهارده في كل الاحوال واسعاد الاخرين بقدر المستطاع
إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟
اه بصدقها
علشان فيها كلمة ان شاء الله
أجمل مقولة سمعتها فى حياتك ؟؟ هي آيه
قوله تعالى : { أفأمنوا مكر الله} وده لإنها بتنهاني عن امور كتير حرام وغلط
من المغنى اللى بتحبه أوى و إيه أحلى أغنية ليه بتحبها ؟؟
فؤش الشهير بمحمد فؤاد
ولاكل اللي دابو
غزة" تمثل لك إيه فى حياتك ؟؟"
تمثل لي حاجتين
دليل على عروبه مفككه وضعف ايماني عندنا كلنا
تحقيق لقوله تعالى: {وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا } صدق الله العظيم
أعطى لإنتمائك لوطنك درجة من مائة ؟؟
%90
والعشرة في المية الباقيين ضاعو ومش راجعين تاني
لو تزوجت و أنجبت بنتين و ولدين أى الأسماء تختار لهم ؟؟
البنات
بسنت
بانسيه " اسم ورده وبرضه محدش يتريق"
الولاد
عمرو
طارق او طه
عمرك غشيت فى أمتحان و انت صغير ؟؟
نادرا لإني دايما كنت بحل كل حاجة ومبتقفش معايا لما بقى يبأه يقف معايا حاجة كنت بحاول اغش بس بأه عامل زي اللي بيطب الباقي من الميكروباص
ياحاااااااااج ربع جنيه ورا بس
هههههههههههههه
لو أتعرض عليك رشوة كبيرة و انت فى زنقة ماليه هتعمل إيه ؟؟
اللي عرضها عليا لو مكنش من اصحابي هدعيله بالهدايه
ولو حد من اصحابي يبأه انتهى من حياتي للأبد
قول 3 صفات ب 3 كلمات بس توصف بيهم شخصيتك (يعني كريم طيب خدوم كده
طيب ... عصبي ... غيور
اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه
بابا هشتريله بارفان
ماما برضه هشتريلها بارفان
اختي الكبيرة هشتريلها ساعه
اختي اللي في النص هشتريلها كاميرة
اختي الصغيره هشتريلها كومبيوتر عليه العاب كتير قوي
اخويا الصغير هشتريلها احدث بلاي ستيشن في وقتها
وان شا الله ماعن حد حوش
ههههههههههههههه
برضه بكلمة واحدة ايه اهم صفة عايزها في شريك حياتك؟؟
صفتين اول صفه الدين والتانية الرقه
مش ملاحظين اني مبلتزمش بأساسيات التاج وبمشيه على مزاجي برضه
يله مش مشكلة وعلى رأي المثل اللي يعرف ابويا يروح يقول له
ايه المجال اللى غير دراستك وشايف نفسك فيه قوي حتى لو كان ياشيخ الرسم عالحيطة
الطيران ولما بشوف طيارة معديه من فوقي بتضايق قوي
بتحب السفر؟
لا خالص بحب اعيش حياة مستقرة
تمرر التاج ده لمين ؟؟
جينا للسؤال اللي بكرهه جدااا
اصبروا اروح اخدهم من التاج اللي فات كوبي
1- secret-love
2-ورود واشواك
3- برقش
4-سنو وايت
5- prencess bery
6-منى
7-
المدون الجديد محمد البري
8-رئيسة حزب الاحلام
9-appy
10-جندا حمرا
اخيرا بقول لمدحت محمد وروح ان ليهم تاج عندي في السكه علشان احنا بنعرف ندبس برضه

ألحان الحياة




ياجماعه اللي يقرى الكلمتين اللي تحت تكون دماغه رايقه وشارب كوبايتين شاي ويركز اوي



مش هحبك .. رغم انك



صوت في قلبي.. بيعزف ألحان الحياة

روح في نبضي .. بيشدني لطوق النجاة



ايوة حبك داء كياني

ايوة صمتك لحن تاني

لحن غير لحن الاماني
لحن زلزلني فـ مكاني


بس


انا متحملش غيرتي

تصرفاتك كل حيرتي

حاجة بتغير مسيرتي



مش هسيبك


تجرحيني بحبي ليكي

توأديني بشعري فيكي



مش هكون

تمثال بفرضك

والشوق يهون

من تحت امرك


غيرتي ومن حقي الوفاء

ولجل يهون الكبرياء


لازم مش اكون انا

اكون سراب م الفنى


واسمعيني

مش هحبك .. رغم انك

صوت في قلبي

..

..

..

بيعزف الحان الحياة

ونجحنااااااااااااااااااااااا



وسسسسسسسسسسسسسع يااااااااااعم



انا نجحت ياناس




اللي بيعرف يزغرط يزغرط واللي مبيعرفش يتعلم من اللي بيعرف ويزغرط

والرجاله ميزغرطوش علشان مش ناقصين فضايح

جبتلكم حلاوة النجاح معايا اهو اصبرو بس بشد فيها اصلها كبيره شوية






ومدحت محمد عمل مدونه جديده جايبله واحده هوه كمان على قده


ههههههههههههههههه















اصبروا اصبروا هجيب الاطباق











والحاجة الساقعه للي طلب حاجة ساقعه







وعصير للي مبيحبش الحاجة الساقعه وبيقاطع وبيوازي والكلام ده









انا عايز طفاسه في الاكل اللي كل مرة ياكل تاني واللي شرب حاجة ساقعه ياخد لعياله معاه



وسمعونا احلى زغروطه بأه







الحب بات ... مصنوع من قهر السكات



متقوليش


الحب كان ماضي وراح

وان من عادتي السماح

وهوه كان فين البراح؟

وجرح قلبي بات مباح

ومشاعر الروح تستباح


والحب فين يروح

ولمين الشوق يبوح

وقلب مين مجروح؟

ده قلب كان قلبك
.
بعطره بشتاقلك

باسمه بندهلك

وبحبه كان نهلك


وبتطلبي ان انسى زمان

واقتل حب كان كيان؟؟

في ليل جريح

بات مريح

اصبح طريح!!؟؟

اصبح ضريح!!؟؟
.
وبدون معاد
الحب يتحول رماد
والهوى في زمنه يُقاد


وبظلم مين آن الآوان

اني اقتل الشوق الـ كان

اني اجرح القلب المهان

اني اعقد الروح ف الزمان


وده امر مين؟


انسى الغرام

والمغرمين

انسى احلام

العاشقين



مكتوب


حياتي تكون صراع

مع حبيب لازم يطاع

والحب سلعة بقت تباع

والغدر فيه اشهى الطباع


فمتنسينش اني حبيبك

الغدر دايرة من ايدينك

هتلف اكيد بيني وبينك

وهييجي من يجرح حنينك


وتفتكري من ضاع بإيدك

بس انسي انه يطير يجيلك


وافتكري يومها الذكريات

وافتكري ان الحب بات

مصنوع من قهر السكات


---------------------------------------------------------
عاجباني اوي كلمة قهر السكات دي معرفش انا جبتها منين بجد فجأه لقيتها في الورقه فطبعا محدش يسألني معناها
المهم انا دي من المرات القليله اللي اكتب حاجة واحبها قوي كده افتكر اخر حاجة كانت سلام وده كان اخر بوست ليا السنة اللي فاتت
وده ان شاء الله هيكون اخر بوست ليا قبل النتيجه ادعولي علشان انا بجد خلاص بدعي ربنا يرحم اعصابي
دمتم على خير واكيد هبلغكم لما النتيجه تطلع دعواتكم

تاج برضه

ياااااه دي التاجات اللي متأخره دي موضوع مرهق بجد قاعد نص ساعه افتكر مين بعتلي تاج انا كان عندي المفروض 4 تاجات متجاوبوش جاوبت واحد قبل كده يتبقى 3 عمال بعصر في دماغي في الاخر افتكرت واحد فرحت جيبته وجيت جري لحد ماربنا يفرجها ادعولي افتكر
المهم بأه التاج ده وصلني من مدونتين بصراحه مدحت محمد && ساره البحر بشكرهم بجد وبقول لهم نردهالكم في الافراح


..السؤال الأول
.. أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك ؟
خمسه كتيييير
1- كنت بحلم اني اطلع طيار ومازال الحلم ده بيقهرني كل مااشوف طيارة او اركب في طيارة والحلم ده مكنتش هعدل فيه اي حاجة
2- كنت بحلم اني ادخل كلية الهندسة في كندا لإن اقتناعي ان طبعا دراسة الهندسة في كندا احسن مليون مرة من مصر وهكذا والحلم ده لو هعدل فيه يبأه همحيه تماما لإني اعتقد ان مفيش فرق بين دراسة الهندسة في كندا او مصر بالعكس مصر اقوى لكن امكانياتها اقل
3-كنت بحلم بالحب وده لطبيعة شخصيتي اللي ممكن تكون رومانسية حبتين وبرضه لو هعدل يبأه امسح الحلم ده تمام لإقتناعي
التام بإن الحب يأتي في اوقاته ولا داعي لانتظاره
الظاهر اني فاهم التاج غلط والله اعلم
4-كنت بحلم بشخصية قوية واسبيشيال شوية عن الناس واعتقد اني حققت بعض مااصبو اليه
5-كنت بحلم ان اعيش في مصر حياة شفافه سعيده ولم يتحقق هذا الحلم للأسف واظن كلكم عارفين ليه
السؤال الثانى .. اذكر خمس أحلام على الأقل تخص مستقبلك
انا مش فاهم ايه حكاية خمسه دي هوه اللي عمل التاج ده كان قصده انه ميتحسدش وجت فوق دماغي انا وله ايه؟
المهم
1- بحلم اني اقرب علاقتي مع ربنا اكتر واكون راضي عن نفسي واعتقد دي محتاجه مجهود مني شوية
2- بحلم اكون مهندس فاهم وناجح
3- بحلم ان ربنا يرزقني بزوجه صالحه وطيبه ورقيقه تحبني وتخاف على حياتي وتحميني
4- بحلم اخلف ولد وبنت الولد هسميه عمر
والبنت هسميها يااما بانسيه " ده اسم ورده ومحدش يتريق" او بسنت
5-بحلم اعيش حياتي بعد كده في بلد هاديه وراقيه ويكون فيها نهر ويكون بيتي على النهر وقدامه جنينه بسيطه
وطبعا يكون معايا مراتي وولادي ان شاء الله
السؤال الثالث ..
أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..
الشخص الاول هوه أحمد خالي وحبيب قلبي صاحب مدونة
الشخص التاني هوه الباشمهندس محمد حلمي زميلي وصاحبي وحبيبي

السؤال الرابع ..
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..
صعب السؤال ده شوية
لكن كان نفسي يكون متواجد الرسول صلى الله عليه وسلم في حياتي وحياة اولادي
التاني معرفوش بصراحه لإن وسائل الاتصالات بقت تقرب البعيد وانتم عارفين ان العالم اصبح كقريه صغيره ممكن تمد رجلك
الشباك تلاقيك وقعت في موريتانيا والكلام العجيب ده
السؤال الخامس .. تهدى التاج لمين ؟؟
اه جينا للسؤال اللي كل الناس بتتهرب منه وتقول اي حد مجاوبش عليه يتفضل وياخده وهما طبعا مش طايقين نفسهم ولا السؤال لإن التاج بيكون عمل عمايله
1- secret-love
2-روح اللي اكتشفت ان عندها تاج ليا وهروح اخده يتبقى واحد لو عرف فينه يقول لي
3- برقش
4-سنو وايت
5- prencess bery
6-منى
اللي بجد بيكتب احسن مني وعنده موهبه مميزة
8-رئيسة حزب الاحلام " مع اعتقادي انها جاوبته بس تجاوبه تاني مش مشكلتي"
9-appy
وبرضه لو جاوبته تجاوبه تاني
10-اجندا حمرا
بصوا ياجماعه من الاخر اي حد من دول جاوبه يجاوبه تاني انا مليش دعوه ده تدبيسه واي حد هيرد في التعليقات هياخده برضه
ده بالغصب واللي هيعمل مش واخد باله هروح اجيبه من بيته قصدي من مدونته
ههههههههههههههههه
وطبعا اي حد مجاوبش عليه عايز ياخده يتفضل ياخده