Posts

Showing posts from 2010

بيستفزني حلم

Image
بيستفزني حلم اني اداوي جرحي منك بدمعة منك بكلمه بايخه اقولها عنك بصوت تنهيدة دموعك برعشة بتنسف ضلوعك بيستفزني حلم ابأه جرحك اللي جارحك  شيطان و بيغير ملامحك  بسمة خوف وقت فرحك وضحكة رعب تهز صرحك الله يسامحك نسيتيني اني مني روحي مني وحلمي مني خلتيني احلم بغيري احلم اغير ضميري حتى طيري مبقاش اسيري بيستفزني حلم اني انسى الحب ده   انا كنت احسن من كده بنام وانا حاسس بالرضا من غير دموع متنهدة من غير عيون متنكده النهارده   مبقتش واضح مش بصارح ومش بسامح بقيت انسان من غير ملامح قلبه جارح قلبه قاسي.. لحبايبه ناسي ايوة حبك غير فيا كل حاجة قتل فيا الطيابه لأ قتل فيا السذاجه ايوة فعلا السذااااجه

انا مفيش

Image
انا جيت اداوي ... اتجرحت حبيت اني امسح دمعهم ... اتمسحت متخفش مني يازماني انا انتهيت متقولش نقسى على قلبه تاني ده انا اكتفيت انا عرفت اني ضعيف بغرق  في اي شيء طفيف ويهزني ورقة ربيع  ومنديل خفيف انا دبت من كتر الشتات انا ذكريات انا حلم فات انا ساعة صفى عقربها مات انا تفانيش حد مش عارف يعيش انا صورة باهته... في الأفيش انا طراطيش انا انا انا مفيش 

مش هو رسمي

Image
ازاي قدرت اني اكون لعبه في ايدين الهوى وازاي ضحكت لما اتنسيت وبكيت لما بقيت انا لا يوم حاولت اني افوق واتخنقت من ده طوق بيعشمني بحلم الشروق ازاي يكون العشق شوق لحد مالقتني عاااشق مخنوق حاولت اراجع يوم حكايتي ايه ياربي كانت بدايتي وازاي دي تكون نهايتي ؟ كنت بتعرف عليا كنت برسم حدودي وفلحظة مابثبت وجودي لقتني بغرق جوه مني جوايا في لحظة شرودي فين مرايتي فين نفسي  وانا نِفسي القى شمسي بصرخ بصمتي يسمعني همسي يرسمني خيط وبحلف بربي مش هو رسمي ايوة ده مش هو رسمي  

ايوة بحبك

Image
"ايوة بحبك" قدرت خلاص اني مقولهاش قدرت اني اخسر وعدي بإني في يوم مخسرهااش كنت بشوف نظرة خوف وقدرت اداري ومفهمهاش ودمعة عينها تنور عينها وقدرت كمان ممسحهاش مكونتش احب   ان كلمة حب اقدر في يوم منطقهااش قدرت اني اخلق الحزن انا فيها قدرت اني ازرع شوق يبكيها قدرت اشوف الفرحة انا بيها ولما عاشتها  وبيا شافتها انا وقلبي مكملناش اوعدك ياقلبي اني ارجع ليها ....ادفي ايديها ومنعيش غير بيها بس اوعدني منظلمهاش

بس انتي بتبعديني.... انا عشت بستناك

Image
حبيبت لمحتك ومعرفتكيش   وبصتيلي ومشفتنيش ازاي يضيع كده حبنا   وازاي يهون بينا حلمنا ده لا انتي انتي ولا انا لا ده هوانا ولا عشقنا !!؟؟ حتى حبيبتي نظرتك   فيها دمعتك فيها كدبتي وكدبتك حتى حبيبتي رقتك   وضحكتك بانت فيهم قسوتك ليه حتى ألوان طرحتك مش هما اللي عشقتهم وفي احلى شعر وصفتهم حتى حبيبتي السلسلة   اللي عليها   البسملة انا مش لاقيها انا فيكي بدور عليها ليه ياحبيبتي بتهونيني و بكل مافيكي بتجرحيني   لسه الامل جوايا باقي   بس انتي بتبعديني ("محمد"WhItE HeArT) حبيبي الحزن مالي العين والضعف غلبنا احنا الاتنين والحب اهو ضاع من سنين بإيديك قتلته وبإيديا دفنته جاي بتدور فيا عليه!؟ جاي بتسأل فين تلاقيه!؟ كان فين قلبك لما باعني وف لحظة طيش كسرني عشت بستناك ،، وبقلب ف الصور قلت يمكن اللقى ،، يجي ف القدر وأما شفتك .. شفت فيك ،،

لحظة ماهمشي

Image
متصوريش لنفسك لحظة ماهمشي دمعة حزينة عطرف رمشي متتغريش في شمسك وتتباهي برسمك مترضيش طموحك وتكدبي في بوحك  ومتداويش جروحك بأوهام في روحك لحظة ماهمشي المحي في عيني لمعة خفية بتداوي انيني وبتقتل حنيني هتحاول تنّسيني المر في سنيني لحظة ماهمشي نفسي تعرفّيني ساعتها بنفسك او حتى تفكريني ايه كان اسمك

مبقاش وقته

Image
مبقاش وقته احس هواكي ده انا قلبي قتلته علشان ينساكي وحبي كرهته علشان انساكي مبقاش وقته اني انده اسمك جوايا انا ياما اتألم منك وانتي حبيبتي بعتي لإنك حبيتي عذابي يكون من سِمِك مبقاش وقته حبيبتي رجوعنا اشواقنا حبيبتي نسيو عيوننا ودموعنا اكيد طفو شموعنا مبقاش وقته وفعلا اسف باقي حياتي هعيشها انا خايف اشوفك مرة افتكر احزاني او ألمح طيفك جوه منامي او اسمع همسك بيهد كياني مش وقته ننسى اللي راح انا نسيت معنى السماح بس اتعلمت معنى الحب اني اعيش من غير قلب اتعلمت كلمة جديدة اتعلمت كلمة جرااااح

حبيبتي علشانك

Image
حبيبتي علشانك اعزفيني مقطوعه عذابك وارسميني لوحة ألم واحفريها جوه بابك واوصفيني لحظة شجن ودونيها في كتابك ولو اتبقى فقلبي شوق  للشروق ولو اخدت الماضي طوق وحاولت افوق فبحنانك ساعديني وفجنانك اسحريني واول ماتحسي بساعدتي وان حبك نور ارادتي فبخنجر مسموم بالورود احرميني من الوجود ولما تتوه المعاني ولما يتدمر كياني هحاول اثبتلك ولما تنطفي العيون وتغرق تحت الجفون هحاول اقولك ولما يبدأ الضياع وفي اخر لحظات الوداع هحاول اوصفلك > اد ايه عشت بحبك <