تحت الصفر

ان اعتبرت القرارات المصيرية لأي شخص هي نتاج حل خوارزمية لمجموعه من المعطيات ... فيكفيك ان تعرف ان كنت احدي معطيات من هم معطيات خوارزميتك ... هي ليست بالتأكيد عملية تبادلية ... فياحبذا لو كنت معطياتهم جميعا ولم يكونوا يوما ضمن معطياتك ... وياحبذا لو كنت كما لم تكن ... فلا انت معطياتهم ولا هم معطياتك ...  ما اريد ان اقوله انه من الجيد احيانا ان تدرك انك شخص مؤثر في حياة البعض ... ومن الجيد ان يدرك البعض تأثيرهم في حياتك ... ولكن الأفضل بالتأكيد هو الابتعاد ...

"ياليلة العيد انستينا وجددتي الامل فينا  ياليلة العيد" اغنية جميله لام كلثوم وواحده من اشهر اغنيات العيد  اغنية كل الناس بتكون في منتهى السعاده لما بتسمعها ... الا انا  اكتر اغنيه بتضايقني هي الاغنيه دي ... اغنية بتفكرني بجدتي ربنا يرحمها  اتعودت دايما تغنيلي الاغنيه دي في ليلة العيد وكانت دايما تقولي ان لو مت افتكرني ... ١٠ سنين عدوا ... ولسه فاكر وعمري ماانسى عمري ماانسى الانسانه اللي ربتني على الصدق  والاحترام وتقدير الناس كلهم  عمري ماانسى اني كنت بصحى متضايق في الفجر علشان كانت بعد الصلاة بتقعد تدعي للناس كلهم احياء واموات  ربنا يرحمك يارب ويجازيكي خير على تربيتك ليا ويجازيكي خير على دعائك ليا  ١٠ سنين عدوا .. ولو عدى الف برضه هفضل فاكر وهستنى اقابلك تاني يااحب الناس 

في حاجة مش صح خطواتي مش صح قراراتي مش صح  ناس بكسبهم مش صح وناس بخسرهم مش صح واحلام بكسبها مش صح واحلام بخسرها مش صح وايه الاصح ؟؟ مبقتش عارف حاجة ولا عارف مين جنبي ومين احتاجه ملقهوش  ومين بيناديني ومسمعوش انا فيا الخير وله الشر ؟ وله مكمن الخير دايما شر  حالة كده من الضياع مخدوع في دنيا مبتخدعش الدنيا واضحه واحد مع واحد يبقوا اتنين الدنيا بريئة مننا  احنا اللي بنخدع بعض او بنخدع نفسنا  او بيتهيألنا اننا بنخدع بعض مع اننا بنخدعنا وبنجرحنا 

كل عام وانت احب من حبيبة كل عام وانت اقرب من قريبة كل عام وانت اصدق من صديقة كل عام وانت في عمري طبيية كل عام يبقى العام اجمل بعيونك ويبقى الورد ازهى بحضورك ويبقى القلب انقى واطهر بوجودك كل عام ... وساقولها كل عام بانك من منحني الدفىء والاهتمام وبانك من ارتضى به قلبي ونضجت بك روحي وامتلأت مشاعري بالحب والسلام كل عام لن احياه الا وانتي فيه ولن ارتضي بالعمر حتى تعمريه وسيظل قلبي يهتف بحبك بحبك بحبك حتى يموت.. او حتى تسمعيه وتصدقيه كل عام سعيد يااحب من نفسي كل عام رائع ياصباحي وامسي ياصوتي ورسمي وسمعي وهمسي ولمسي وروحي ونفسي (بفتح الفاء)

ادركت اني لابد وان اكتب شيئا ... فبيني وبين نفسي قد خسرت الكثير ومازلت اخسر ... لم استطع الحفاظ على مابقي مني ... او اني توهمت بان هنالك مابقى من فتاتي ...  اكتب لكي استرجع ولو اقل القليل ... ولو حتى مابقي من ضمير ... فها هي الحياة تثبت لي بان طاقتي قد نفذت وصبري قد اضمحل او ... انتهى اكتب لكي يذوب غضبي فوق تلك السطور ... ولكن هاهو الغضب لا يزول ... وها انا افشل من جديد في ابسط الاشياء ... ان كان هناك ماتبقى من اشياء . اكتب لان تلك الساحة التي اكتب بها منذ زمن ... تستهويني ... تلملم بقايايا ... تخدر جراحي ... وتمدني بالحد الادنى من القدرة على التعايش ..... اتمنى ان اعود ....

لإن العمر بيجّرح ولا يداوي ولإن الكون بيعذب وبيداري  ولإن اللي جو القلب متداري هفضل ليك انا الصاحب وانا الأخ اللي  عمره ماكان ليك ساحب ولا سايب انا صاحبك  -ولو كنت يوم انا جرحك فانا والله كان نفسي اكون فرحك  -ولو كنت انت يوم جرحي فانا والله هعديلك ومسامحك فيا صاحبي مترسمش عليا الحزن لإن الرسم مش راسمك ومتسوءش فيا الظن لإني في الحياة مقاسمك

لسه ليكي ألف وعد   لسه ليكي .. اني أمد الفرح مد  وإني اهد الحزن هد  وإني أعد نجوم سماكي في العيون السود دي عد لسه ليكي ... إني اكفيكي بحنيني واني ارضيكي بيقيني وإني ارسملك طريقك فوق حياتي وفوق سنيني لسه ليكي.... اكتر من الحب اللي بيننا واكتر من الوقت اللي فاتنا واكتر من الفرحة اللي كانت يوم فرحنا مااتقابلنا لسه ليكي.... إني روحي تبقالك اسيرة واني اخليكي اميرة واتمعشق فيكي كل مرة تناديني عنيكي بغيرة لسه ليكي... إننا نلف الكون ده لف وإننا نِشِف الفرحة شَف علشان  لسه ليكي من الوعد ألف