تحت الصفر

  دبلتك في القلب راسية تجمعنا وتلهمنا نعدي الصعب والاصعب رغم البشر والحياة القاسية دبلتك بعمر اسامينا دبلتك عيال تداوينا دبلتك بيت يجمعنا  دبلتك روح تدفينا دبلتك مكنتش دبلتك ولا كانت عمرها فضة ولا نحاس  دبلتك روح في قسمتك دبلتك مشاعر ترسمك دبلتك انا وهفضل انا مهما كانت حسبتك 

كان بيننا وعود وعهود وكان بينا كلام مورود ورغم البعد وسخافته ورغم الشوق وقساوته بيفضل صرحنا موجود ويفضل حبنا مشهود جرحتيني … وقلبي معاكي وسايبني انا كنت شاريكي وبايعني انا كنت معاكي متغمي وبيكي عالدنيا مستغني اقدملك قلبي باارادتي من قبل حتى ماتتمني يابنت الناس انا عمري مااكون ليكي لا في فراقنا بناديكي ولا فقربك بلاقيكي انا جوايا مش موجود معدتش باقي او مشدود لا انا عارف اودعني ولا الاقيني واسمعني كإن في قلبي باب مسدود انا جوايا كله ضباب بقايا حلم ضيعتيه وكنت معاكي بضيع فيه فياريت  تنسيه لا تناديه ولا تيجي عليه وافتكري ان لا  بينا حب ولا احنا احباب كان عقلي خاين كداب وكان قلبي ظالمني وتاب امشي وبيعيني خوني وسيبيني او اقولك اعتبريني وهم او  لمعة شوق حقيقتها سراب 

  قالوا عني  مابسامح واني كنت مش صالح وان الغلط كان غلطي و انا الظالم وانا الجارح انا لاكنت من لونهم ولا بشتاق لشجونهم ولا جنونهم ولا قادر اكون كادب واقول عشقت انا عيونهم انا نفسي انا بسمع  كلام نفسي وبرسم ضحكي من همسي انا عاشق لطير الخير لحب الغير لناس اقربلي من نفسي انا لو كنت يوم ظالم فلإني ظلمت ناس غيركم شرهم انقى من خيركم ناس متعرفش الاعيبكم ولا الساكن في مشاعركم انا الظالم  لناس كانت بترعاني وناس كانت بتلقاني وتسمعلي وترضالي وتتمنالي كل الخير ولما اجرح تسامحني انا ظالم  مش في قصتكم مش في تركيبكم ولازيفكم وتأويلكم واديني بعترف ليكم انا ظالم لاني عرفت ناس منكم 

عدت بعد غياب بعد ايام من الفرقة وسنين عذاب عدت لأكتشف  ان لا هم الاهل ولا الصحاب صحاب تغيروا كثيرا لاعترف في حقيقة الامر تغيرنا جميعا وان الواقع مر ولا احد سعيدا الزمن لم يتركنا الزمن هو الملوم الزمن مسموم لم يحافظ علينا ولم يداوي الهموم ايا زمن مالك ومالهم ويحك  تأسرهم صباحا تشقيهم وتتركهم بهم ويحك ياشقي لم لا تسعدهم لم لا تتركهم لم لا ولم لا ولم لا تتركني  اسعد بهم

  في هدوء تام  بدون ضجيج او صخب  بكلمات عتاب مقتضبة للغاية ... رحلت ... او هكذا تخيلت ففي واقع الامر لا هي رحلت  ولا تركتني في هدوء لم اصل بتفكيري وقتها إلى تلكم الشواهد او لم اكن اريد التفكير بها دائما مايريد الانسان التفكير فيما يريده ... او  مايستطيع مجاراته  لا ماسيقضي عليه الشاهد في ما اكتبه اني تركتها في اظلم الاوقات واكثرها صعوبه  وليكون جزائي انها لا تتركني قط لا تفارق مخيلتي حتى في اظلم اوقاتي  عجيب هذا التناقض  لما هي دايما بذلك الصفاء  وما انا الا انسان مليء بالجفاء لما هي خانت قلبها في حبي ولما انا خنت حبها في قلبي سأترك تلك التساؤلات هنا  لعلي اجد يوما لها اجابات  ... او  اغادر تلك الحياة ايضا ... في هدوء

كنتي تستاهلي ابوح لعنيكي ١٠٠ مرة واكون روحك وشريانك واكون الضحكة من بره اكون فرحك واحلامك ومعاكي عالحلوة والمرة كنتي تستاهلي  اشاركك في تكوينك اكون انا نور عينك اكون مصدر حنينك وشجنك و انينك اكون الجاي في سنينك  واسمي وصورتي في جبينك و و كنتي تستاهلي  الحب كله حبيته فيك والحب كله عرفته بيك والعشق والشوق والاحلام بين ايديك كنتي تستاهلي انساك ده كلام انساك دي اوهام وكنت بشتقلك وانا وانت هنا بيني وبينك ذرة نفس بيني وبينك عشق اتلمس كنتي تستاهلي الف ليلة وليلة والف حكاية وسيرة والف قصة حب جميلة والحب كدة والاطلال  وغيره وغيره لكني بوعدك لسه ليكي  زي ماكل مرة بقولها لسه ليكي وهيفضل ليكي  ياللي فيكي  دبت انا من عشقي ليكي

في لحظة فراق  قالتلي ————————- هتفضل تحت خط الحب لا هتقدر توصل ولاتفارق هتعاند قلب ساب لما حب وهتبيع قلبك للي بيفارق ولما يغرق ويبطل يدب هتقول خساره ده كان فارق قالتلي  هتقدر يوم على مفيش هتقدر من غير قلب تعيش  عمر كامل مع الحرافيش هتقدر تبيع حب غالي ويكون التمن انه بمفيش قالتلي هتدور على اللي فحبك خان هتعشق اللي لقلبك هان هتفكر ان بكدة احسان وان الناقص ممكن يتزان ويوم ماتلاقي الحب بجد هتعرف ان البايع ...  عمره ماصان قالتلي  مستحيل افضل معاك مستحيل اكون هواك او رضاك او حتى جفاك لو لحظة فرح في لقاك ————————————— سكتت فقلت انا هتكلم جايز يمكن اداويها وقبل لساني مايتكلم سمعت ايه مزعلها ومقسيها —————————————— قالتلي هخسر معاك نفسي واسمي وقلب من رسمي  واغاني من قلبي ويوم ماشكيلك  اني معاك بتوه تقولي ليكي ذكرى  رسمة بلاتوه ——————— قلتلها ———————- لا العمر دونك  يكفيني ولا ماضي فيه اسمك ينسيني ولا يوم فيه هكون مرتاح طول ماقلبك بيشكيني طول ماروحك بتحكيني وطول ماحضنك مدفيني وان كان العمر سارق زي مايقولوا  لسه الحب فاضل بعرضه وبطوله والقلب هيدب طو...