حوار مع النفس

بدور عليكي وسط الوشوش
ووسط الزحام وبره المدن
في وسط انشغالي 
وسكون الزمن 
بدور جوه مني
وجوايا ميرضيهوش
ياللي سنين سكنتي
 تحت الرموش

يجوز كان مابينا مجرد كلام
ويجوز كان كلامنا مجرد سلام
بس
 الحقيقي فيكي كان ابتسام
وحب السلام
والحقيقي فيا بواقي لحطام

علشان استحالة مااصبحنا فيه
وعلشان يوم ماقلتي هتسبني؟؟
طب وليه ؟؟؟
قلبي هيفضل يدور عليكي 
ولو الدنيا حلفت تخبي عليه


اه انا يومها بعت
وانا مش انا
وانا اللي بيكي تهت
في جوايا انا 
لإني يومها خنت
اللي في قلبي انا



اتفقنا...وكان فراقنا








"انت معايا طول العمر
....
وانتي حلم ومش هيمر"

"انت الكون لما بكون
..
وانتي في قلبي مهما يكون"

-----------------------------------------------------------------

اتواعدنا واتفقنا...
وبعد الهمس بااخر همهسه
وبعد سلامنا في اخر لمسه
كان فراقنا
كان سكاتنا
وكان بعادنا
رغم اننا في يوم
اتفقنا

....................

السؤال عن السبب احيانا بيفتح ابواب الغضب
والرجوع للماضي بمحتوياته بيزود حطب
مااحناش ملايكه علشان نقيم بعض 
برغم اصراري باانها من الملايكه
بس صعب عليها تحكم
مين شطب
ومين اتشطب

....................

برغم الصوت اللي جوايا باانها باعت
او اتباعت
الا اني باقي على الذكريات
ولو صوتي هيفضل كده ساكت
فاانا علشانها هزود السكات 
بسكات

..................

 خدعنا بعض او اتخدعنا ..!؟
انا كنت بتداوى باايديها
وكنت بتحامى في عنيها
بس
انا كنت خايف عليها
فخدعتها
.
.
.
.
.
وافترقنا 

في حاجه مش صح

في حاجة مش صح
خطواتي مش صح
قراراتي مش صح 
ناس بكسبهم مش صح
وناس بخسرهم مش صح
واحلام بكسبها مش صح
واحلام بخسرها مش صح

وايه الاصح ؟؟
مبقتش عارف حاجة
ولا عارف مين جنبي
ومين احتاجه ملقهوش 
ومين بيناديني ومسمعوش

انا فيا الخير وله الشر ؟
وله مكمن الخير دايما شر 

حالة كده من الضياع
مخدوع في دنيا مبتخدعش
الدنيا واضحه
واحد مع واحد يبقوا اتنين
الدنيا بريئة مننا 
احنا اللي بنخدع بعض
او بنخدع نفسنا 
او بيتهيألنا اننا بنخدع بعض
مع اننا بنخدعنا
وبنجرحنا 




رسالة لمن تشاركني الحياة


كل عام وانت احب من حبيبة
كل عام وانت اقرب من قريبة
كل عام وانت اصدق من صديقة
كل عام وانت في عمري طبيية


كل عام يبقى العام اجمل بعيونك
ويبقى الورد ازهى بحضورك
ويبقى القلب انقى واطهر
بوجودك


كل عام ... وساقولها كل عام
بانك من منحني الدفىء والاهتمام
وبانك من ارتضى به قلبي
ونضجت بك روحي
وامتلأت مشاعري بالحب والسلام

كل عام لن احياه الا وانتي فيه
ولن ارتضي بالعمر حتى تعمريه
وسيظل قلبي يهتف بحبك
بحبك
بحبك
حتى يموت.. او حتى تسمعيه
وتصدقيه


كل عام سعيد يااحب من نفسي
كل عام رائع ياصباحي وامسي
ياصوتي ورسمي وسمعي
وهمسي ولمسي وروحي
ونفسي (بفتح الفاء)





اتمنى ان اعود



ادركت اني لابد وان اكتب شيئا ... فبيني وبين نفسي قد خسرت الكثير ومازلت اخسر ... لم استطع الحفاظ على مابقي مني ... او اني توهمت بان هنالك مابقى من فتاتي ... 

اكتب لكي استرجع ولو اقل القليل ... ولو حتى مابقي من ضمير ... فها هي الحياة تثبت لي بان طاقتي قد نفذت وصبري قد اضمحل او ... انتهى

اكتب لكي يذوب غضبي فوق تلك السطور ... ولكن هاهو الغضب لا يزول ... وها انا افشل من جديد في ابسط الاشياء ... ان كان هناك ماتبقى من اشياء .

اكتب لان تلك الساحة التي اكتب بها منذ زمن ... تستهويني ... تلملم بقايايا ... تخدر جراحي ... وتمدني بالحد الادنى من القدرة على التعايش .....


اتمنى ان اعود ....


لسه اصحاب



لإن العمر بيجّرح ولا يداوي
ولإن الكون بيعذب وبيداري 
ولإن اللي جو القلب متداري
هفضل ليك انا الصاحب
وانا الأخ اللي 
عمره ماكان ليك ساحب
ولا سايب


انا صاحبك 

-ولو كنت يوم انا جرحك
فانا والله كان نفسي اكون
فرحك
 -ولو كنت انت يوم جرحي
فانا والله هعديلك
ومسامحك

فيا صاحبي

مترسمش عليا الحزن
لإن الرسم مش راسمك
ومتسوءش فيا الظن
لإني في الحياة مقاسمك

لسه ليكي


لسه ليكي ألف وعد

 

لسه ليكي ..
اني أمد الفرح مد 
وإني اهد الحزن هد 
وإني أعد نجوم سماكي
في العيون السود دي عد

لسه ليكي ...
إني اكفيكي بحنيني
واني ارضيكي بيقيني
وإني ارسملك طريقك
فوق حياتي وفوق سنيني

لسه ليكي....
اكتر من الحب اللي بيننا
واكتر من الوقت اللي فاتنا
واكتر من الفرحة اللي كانت
يوم فرحنا مااتقابلنا

لسه ليكي....
إني روحي تبقالك اسيرة
واني اخليكي اميرة
واتمعشق فيكي كل مرة
تناديني عنيكي بغيرة

لسه ليكي...
إننا نلف الكون ده لف
وإننا نِشِف الفرحة شَف
علشان 
لسه ليكي من الوعد


ألف