ألحان الحياة




ياجماعه اللي يقرى الكلمتين اللي تحت تكون دماغه رايقه وشارب كوبايتين شاي ويركز اوي



مش هحبك .. رغم انك



صوت في قلبي.. بيعزف ألحان الحياة

روح في نبضي .. بيشدني لطوق النجاة



ايوة حبك داء كياني

ايوة صمتك لحن تاني

لحن غير لحن الاماني
لحن زلزلني فـ مكاني


بس


انا متحملش غيرتي

تصرفاتك كل حيرتي

حاجة بتغير مسيرتي



مش هسيبك


تجرحيني بحبي ليكي

توأديني بشعري فيكي



مش هكون

تمثال بفرضك

والشوق يهون

من تحت امرك


غيرتي ومن حقي الوفاء

ولجل يهون الكبرياء


لازم مش اكون انا

اكون سراب م الفنى


واسمعيني

مش هحبك .. رغم انك

صوت في قلبي

..

..

..

بيعزف الحان الحياة

ونجحنااااااااااااااااااااااا



وسسسسسسسسسسسسسع يااااااااااعم



انا نجحت ياناس




اللي بيعرف يزغرط يزغرط واللي مبيعرفش يتعلم من اللي بيعرف ويزغرط

والرجاله ميزغرطوش علشان مش ناقصين فضايح

جبتلكم حلاوة النجاح معايا اهو اصبرو بس بشد فيها اصلها كبيره شوية






ومدحت محمد عمل مدونه جديده جايبله واحده هوه كمان على قده


ههههههههههههههههه















اصبروا اصبروا هجيب الاطباق











والحاجة الساقعه للي طلب حاجة ساقعه







وعصير للي مبيحبش الحاجة الساقعه وبيقاطع وبيوازي والكلام ده









انا عايز طفاسه في الاكل اللي كل مرة ياكل تاني واللي شرب حاجة ساقعه ياخد لعياله معاه



وسمعونا احلى زغروطه بأه







الحب بات ... مصنوع من قهر السكات



متقوليش


الحب كان ماضي وراح

وان من عادتي السماح

وهوه كان فين البراح؟

وجرح قلبي بات مباح

ومشاعر الروح تستباح


والحب فين يروح

ولمين الشوق يبوح

وقلب مين مجروح؟

ده قلب كان قلبك
.
بعطره بشتاقلك

باسمه بندهلك

وبحبه كان نهلك


وبتطلبي ان انسى زمان

واقتل حب كان كيان؟؟

في ليل جريح

بات مريح

اصبح طريح!!؟؟

اصبح ضريح!!؟؟
.
وبدون معاد
الحب يتحول رماد
والهوى في زمنه يُقاد


وبظلم مين آن الآوان

اني اقتل الشوق الـ كان

اني اجرح القلب المهان

اني اعقد الروح ف الزمان


وده امر مين؟


انسى الغرام

والمغرمين

انسى احلام

العاشقين



مكتوب


حياتي تكون صراع

مع حبيب لازم يطاع

والحب سلعة بقت تباع

والغدر فيه اشهى الطباع


فمتنسينش اني حبيبك

الغدر دايرة من ايدينك

هتلف اكيد بيني وبينك

وهييجي من يجرح حنينك


وتفتكري من ضاع بإيدك

بس انسي انه يطير يجيلك


وافتكري يومها الذكريات

وافتكري ان الحب بات

مصنوع من قهر السكات


---------------------------------------------------------
عاجباني اوي كلمة قهر السكات دي معرفش انا جبتها منين بجد فجأه لقيتها في الورقه فطبعا محدش يسألني معناها
المهم انا دي من المرات القليله اللي اكتب حاجة واحبها قوي كده افتكر اخر حاجة كانت سلام وده كان اخر بوست ليا السنة اللي فاتت
وده ان شاء الله هيكون اخر بوست ليا قبل النتيجه ادعولي علشان انا بجد خلاص بدعي ربنا يرحم اعصابي
دمتم على خير واكيد هبلغكم لما النتيجه تطلع دعواتكم

تاج برضه

ياااااه دي التاجات اللي متأخره دي موضوع مرهق بجد قاعد نص ساعه افتكر مين بعتلي تاج انا كان عندي المفروض 4 تاجات متجاوبوش جاوبت واحد قبل كده يتبقى 3 عمال بعصر في دماغي في الاخر افتكرت واحد فرحت جيبته وجيت جري لحد ماربنا يفرجها ادعولي افتكر
المهم بأه التاج ده وصلني من مدونتين بصراحه مدحت محمد && ساره البحر بشكرهم بجد وبقول لهم نردهالكم في الافراح


..السؤال الأول
.. أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك ؟
خمسه كتيييير
1- كنت بحلم اني اطلع طيار ومازال الحلم ده بيقهرني كل مااشوف طيارة او اركب في طيارة والحلم ده مكنتش هعدل فيه اي حاجة
2- كنت بحلم اني ادخل كلية الهندسة في كندا لإن اقتناعي ان طبعا دراسة الهندسة في كندا احسن مليون مرة من مصر وهكذا والحلم ده لو هعدل فيه يبأه همحيه تماما لإني اعتقد ان مفيش فرق بين دراسة الهندسة في كندا او مصر بالعكس مصر اقوى لكن امكانياتها اقل
3-كنت بحلم بالحب وده لطبيعة شخصيتي اللي ممكن تكون رومانسية حبتين وبرضه لو هعدل يبأه امسح الحلم ده تمام لإقتناعي
التام بإن الحب يأتي في اوقاته ولا داعي لانتظاره
الظاهر اني فاهم التاج غلط والله اعلم
4-كنت بحلم بشخصية قوية واسبيشيال شوية عن الناس واعتقد اني حققت بعض مااصبو اليه
5-كنت بحلم ان اعيش في مصر حياة شفافه سعيده ولم يتحقق هذا الحلم للأسف واظن كلكم عارفين ليه
السؤال الثانى .. اذكر خمس أحلام على الأقل تخص مستقبلك
انا مش فاهم ايه حكاية خمسه دي هوه اللي عمل التاج ده كان قصده انه ميتحسدش وجت فوق دماغي انا وله ايه؟
المهم
1- بحلم اني اقرب علاقتي مع ربنا اكتر واكون راضي عن نفسي واعتقد دي محتاجه مجهود مني شوية
2- بحلم اكون مهندس فاهم وناجح
3- بحلم ان ربنا يرزقني بزوجه صالحه وطيبه ورقيقه تحبني وتخاف على حياتي وتحميني
4- بحلم اخلف ولد وبنت الولد هسميه عمر
والبنت هسميها يااما بانسيه " ده اسم ورده ومحدش يتريق" او بسنت
5-بحلم اعيش حياتي بعد كده في بلد هاديه وراقيه ويكون فيها نهر ويكون بيتي على النهر وقدامه جنينه بسيطه
وطبعا يكون معايا مراتي وولادي ان شاء الله
السؤال الثالث ..
أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..
الشخص الاول هوه أحمد خالي وحبيب قلبي صاحب مدونة
الشخص التاني هوه الباشمهندس محمد حلمي زميلي وصاحبي وحبيبي

السؤال الرابع ..
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..
صعب السؤال ده شوية
لكن كان نفسي يكون متواجد الرسول صلى الله عليه وسلم في حياتي وحياة اولادي
التاني معرفوش بصراحه لإن وسائل الاتصالات بقت تقرب البعيد وانتم عارفين ان العالم اصبح كقريه صغيره ممكن تمد رجلك
الشباك تلاقيك وقعت في موريتانيا والكلام العجيب ده
السؤال الخامس .. تهدى التاج لمين ؟؟
اه جينا للسؤال اللي كل الناس بتتهرب منه وتقول اي حد مجاوبش عليه يتفضل وياخده وهما طبعا مش طايقين نفسهم ولا السؤال لإن التاج بيكون عمل عمايله
1- secret-love
2-روح اللي اكتشفت ان عندها تاج ليا وهروح اخده يتبقى واحد لو عرف فينه يقول لي
3- برقش
4-سنو وايت
5- prencess bery
6-منى
اللي بجد بيكتب احسن مني وعنده موهبه مميزة
8-رئيسة حزب الاحلام " مع اعتقادي انها جاوبته بس تجاوبه تاني مش مشكلتي"
9-appy
وبرضه لو جاوبته تجاوبه تاني
10-اجندا حمرا
بصوا ياجماعه من الاخر اي حد من دول جاوبه يجاوبه تاني انا مليش دعوه ده تدبيسه واي حد هيرد في التعليقات هياخده برضه
ده بالغصب واللي هيعمل مش واخد باله هروح اجيبه من بيته قصدي من مدونته
ههههههههههههههههه
وطبعا اي حد مجاوبش عليه عايز ياخده يتفضل ياخده

خطوة جديده







نفسي المح جوه عنيكي




مشهد ليا




وله اتجلى على نضارتك




طاله عليا




وله اسمع نبض قلبك




سرحان فيا




كل ماافكر اقرب منك




مرة شوية




اقول اكيد هتعدى حدودي




واتخيل كفوفك معلمه ف خدودي




يااااااه




نفسي احقق بأه مقصودي




واقرب منك ياروحي شوية




عارف عيبي اني بسيط




فاكر الحب راح يستنى




ده انا بتمنى




اخده كمان بالتقسيط




آه ياعبيط




فاكر الحب قصوره كتير




واني بحب في زمن ميت




الحب فيه مش متقوّت




بحب لوحدي ومين بأه أدي




بس الحقيقه مبتستناش




اكيد ف يوم راح تتعاش




بس انا هاخد خطوة جديده




ومش هقعد تاني عالرّف




ولا هستنى قراية الكف




كفاية كده عليكي صبري




هبدأ احارب عشانك عمري




وهدعي تكوني أجمل قدري




وهبدأ حبك بعهد جديد




عهد كله مليان تجديد




معاه سبحانه




رب العبيد

تاج

Slamo 3aleko
awalan aheb abal5ko 2n el post da tawel 2awy we mafehosh la she3r wala ai haga helwa we bsaraha aktar da lly 3awez ye3rafny 3an 2rb we ely mesh 3awez ana ba3feh men 2rayt el post da
besm ellah nebda2
lsa gay men 3and elo7't zefta hanem kanet menazela post 3n el franko arab we henak 2olt 2n ely beye3mel keda beyeb2a beygary elmoda bas mesh aktar we 3alashan agary ana kaman el moda 2olt agarb nafsy feh yemken anfa3
ana habda2 agaweb 3ala eltagat ely elnas edohaly we ana besaraha manzary ba2a wehesh 2awy coz 2n ba2aly fatra rakenhom 3andy
da awel tag from my sister mona realy ana appreciates u mona " 3ala el tadbesa el helwa da" we nerodahalek fe el afrah


اذكر عشر صفات عن نفسي
وعلشان اكون صادق مع نفسي هقول 5 صفات كويسين و5 منيلين بستين نيله
1- عصبي جدا ولما بتنرفز بتصرف تصرفات بندم عليها بعدين.
2- مستفز احيانا وده بيعرضني للوقوع في بعض المشكلات انا في غنى عنها
3- غيور جدا ومشكلتي الحقيقية اني بكتم جوايا وبحاول مبينش الصفه دي لإن مقتنع تماما ان الغيرة الزايده بتضر مش بتنفع وربنا يستر.
4- حساس جدا وبرضه بكتم جوايا فبتألم قوي.
5- اني كتوم فعلا وبحاول مبينش انفعالاتي اوي يعني اكون مبسوط وابين اني مش مبسوط واكون متضايق وابين اني مبسوط شكلي لازم اروح لدكتور نفسي.
6- احيانا بكون مغرور بس على اصحابي وبيكون بهدف الهزار" قالوا زمان ان ياما هزار قلب بجد ومشاكل وانا مصدقتش" بس بتفهم غلط برضه وعمري مااغتريت على حد مااعرفهوش بالعكس خالص.
ااييه ده دول بقم 6 صفات وحشه طيب معلش ال 4 اللي جايين كويسين ان شاء الله
7- طيب قوي وقلبي ابيض قويييييي وبسامح على طول " بس مبنساش اللي اللي يأذيني مهما طال الزمن وممكن تضيفو دي على الصفات الوحشه"
8- بحاول على قد مااقدر اكون صادق مع ربنا ثم مع نفسي وده بيديني راحه نفسيه .
9- اصحابي دول حاجة مهمه قوي في حياتي يعني بجد لو طلبو من اديهم حياتي كلها هديهالهم ومش هستخسرها عليهم وبسبب كده مش سهل ان اي حد يكون صاحبي حتى لو بينتلو انو صاحبي اوي " لو كان في دي خداع او حاجة يبأه ممكن تضيفوا الخداع على الصفات الوحشه مع اني والله مش بخدع حد بس علشان مضايقهومش"
10- مشاعر الناس شيء مهم اوي في حياتي ومحبش حد يتضايق مني ولو عرفت ان حد زعلان مني لازم اعرف ليه واهتم بيه " وبصراحه في بعض الناس بتلكك علشان تعرف غلاوتهم عند بعض علشان كده انا بروح على طول للي بيزعل مني"
تم بحمد لله
بشكر اللي وصل معايا للنقطه دي قوي

بفكر اسيبك


مش عارف اقول ايه بجد انا بتأخر جدا ومش لاقي اي كلمة عذر حتى بس والله كنت برتب للسفر ومشغول بحاجات عندي في الكية وكنت بتابعكم من بعيد لبعيد

المهم انا فعلا سافرت اعمل عمره في السعودية وطبعاً هدعيلكم كلكم المدونين وان يوصل فكرهم للناس كلها لإن بجد دول فئة انا بحترمها جدا


جالي شعور وانا في المطار بالحزن اني هسيب مصر ولو حتى لفترة صغيرة انا طبعا عشت حياتي كلها بره مصر بس مش عارف ليه حسيت اني مقدرش اعملها تاني فكتبت كلمتين عبرت فيهم عن شعوري وبعتذر اني ممكن اتأخر عليكم تاني بس مبفكرش في موضوع اجازة تدوينية يعني هتأخر بس هكون معاكم برضه



يابلدي ياأشجاني

ياسر احزاني

عمري بتفكرك

وانتي ناسياني


بفكر اسيبك وابعد بعيد

جايز بعادي يابلدي يفيد

وازاي راح اقدر

ودمعي مايتقدر

في بعدك اكيد


دي عصافير جناينك

بتدبح في سمعي

ونيلك يابلدي

بيطرح في دمعي


وبقول هسيبك وابعد بعيد

جايز بعادي يابلدي يفيد


ومن فوق سحابك

بطقطق براسي

بصور شوارعك

وحدايقك جنيانك

وبحلف ماناسي


شموعي طفيتها

كل مااسيبك

وحالف لإيدها

كل اما اجيك


هسيب ذكرياتي

تحضن في أهلي

وهتهرب آهاتي

فيكي يابلدي


وبفكر اسيبك وابعد بعيد

جايز بعادي يابلدي يفيد


يابلدي اسمعيني


هقول كلمتين

من حزني مرميين


واربيلنا بابك

مهو احنا ولادك

ويوم اما نسمع

صرخه بلادي

علينا بتنادي

في لحظه هنرجع


بس اعذريني


بفكر اسيبك وابعد بعيد

جايز بعادي يابلدي يفيد