مــازلت أبحث



مازلت أبحث !!
عندما يعجز اللسان عن التعبير، عندما أغرق في بحور الكلمات ولا أجد من ينقذني، عندما أنظر حولي فلا أجد سوا أحلاماَ نسجتها يدي ، حينها لا أجد سوا قلمي يحكي هموماً لم تحكها الكلمات..أسرار دفنتها بيدي في أعماق قلبي.. وحينها فقط أيقن أن عجلات الزمان تدور ويمر بي الوقت ومازلت واقفة في مكاني... مازلت أبحث عنه !!!
ولكني لا أعلم .. هل سأجده؟ أم سأكمل بقية حياتي في بحث لا جدوى منه؟
أبحث عن من يأسر مشاعري ويأخذني الى عالمي.. إنه عالم الخيال، أبحث عن من تأسرني نظراته وتسحرني لمساته، يكن لي الصدر الحنون وأكن له الدفئ والحب.. نسجت له في خيالي كل معالم الحب ، علي أجده في يوم من الأيام حتى أشبع ظمأ أحلامي..أحلامي التي نسجتها أناملي.. كلما حل الليل وضاقت بيا الدنيا دخلت إلى غرفتي وأطفأت الأضواء.. أضع رأسي على وسادتي ... تلك الوساده التي شاركتني رسم الأحلام أضع رأسي عليها وأبدأ في إكمال ما رسمت.. أبدأ في الذهاب إلى عالمي .. عالم الاحلام .. إنه عالم سحري .. أبحر فيه .. استكشف كل ما فيه من آهات وأهنأ بكل ما فيه من الحب.... ولكـــــــــــــــــــــــــــــــــــــــن ! لماذا؟ لماذا أهرب من عالمي لأدخل هذا العالم؟ أمازلت أبحث عنه؟ قلبي يصرخ بأني سألقاه .. نعم سألقاه حتى ينتشلني ويأخذني الى عالمه.. هناك حياتي التي مازلت أرسمها في غرفتي و مع وسادتي وسأكملها معه.. سأكمل حياتي في أحضان قلبه.. يده تتحسس يدي لتشعرني بالأمان .. أشم أنفاسه فأهنأ بالحياة حينها فقط سأدرك قيمة الحياة.. حياتي معه لها مذاق خاص.. أنام و أصحو في أحضانه، تأسرني نظراته ، لمساته تداعب مشاعري.. أحبـــــــــــــــــه نعم أحبه .. ولا أعلم من هو!! أهو موجود في هذه الحياة؟ أم انه مجرد حلم من أحلامي الطفولية البريئة ؟ أم انني من تصنع شخصيته المثالية؟
أسئلة كثيرة تبحر في عقلي .. لا أملك الاجابه ولكني أظل أحبــه .. أتمنى أن ألقاه حتى تنتهي معاناتي وتبدأ حياتي .. سأفتح الباب معه على أجمل مستقبل وأحلى حياة .. حياة ملؤها الحب والحنان والأمان.. سندخل معاً عالمنا.. عالم تصنعه أناملنا.. أنا وهو فقط نضع كل تفاصيله ونهنأ بكل ما فيه .. آآآآآآآآآه كم أحب هذه الحياة .. حياتي معك لها معنى يا من جعلتني احب الدنيا .. أحبـــــــــــــــــــــــــــــــــــــــــــــــك للأبد

كـــل سنـــة وأنت طيـب



يا جمااااعة زي النهارده من حوالي سبعيين سنة
لا يعني بصراحة هما مش سبعييين اوي يعني
هما تمانية وستين حاجه زي كدا
مش هنختلف على عدد السنين يعني
المهم اتولد انساان راائع بجد
بيتهيالي ان اي حد بيتعامل معاه بيحبه
علشان طيبتة وحنيتة و اسلووبة
وانا النهارده جاية اقوولو كــل سنة وانت طيب يا محمــد
ويارب تحقق كل أحلامك
وعقبااال مليووووون سنة يارب
تعيشهم في سعادة وهنا
ودي حاجة بسييطة هدية عيد ميلااادك

**********************


كل سنة وانت سعييد
و أفراحك دايماً تزيد


وكل سنة نقول ونعيد
كل سنة وانت سعيد


كل سنة وانت طيب
ومن ربك قريب


وكل سنة نقوول ونعيد
كل سنة وانت سعيد


كل سنة وانت منور
وبسمتك زي الشمس تنور


وكل سنة نقول ونعيد
كل سنة وانت سعيد


كل سنة وانت حبيبنا
وتعيش معانا ولا تفارقنا


وكل سنة نقول ونعيد
كل سنة وانت سعيد


كل سنة وانت زي النجوم
مكانك دايما فووق

كل سنة وانت اخويا
لا واكتر من اخويا
كل سنة وانت سعييد
كل سنة وانت منور
كل سنة وانت حبيبنا
كل سنة وانت معانا
واحــنا معاك
كـــل سنة وانت طيب



بجد انا عارفة ان الكلام ركييك اوي
والاسلوب مش كويس
والكلام دا مش مقامك
بس بصراحة مكانش ينفع يعدي عيد ميلادك كدا منغير ما اعملك حاجه
بجد كل سنة وانت طيب
ومن كل قلبي بتمنالك حياة سعيدة

مش قادر اكتب




والله انا لسه مخلصتش امتحانات بس صعب عليا ان ناس تدخل عندي وميلاقوش حاجة جديده وبجد وحشتوني جدااا وبعتذر للناس اللي مردتش عليهم وهرد قريب ان شاء الله وبشكر قوي الناس اللي سألت عليا وبجد والله حاسس انكم حاجة كبيره اوي في حياتي

طبعا دي لما مسكت القلم ومعرفتش اكتب اي حاجة فكتبت الشعر ده وده كان شيء طبيعي اني معرفش اكتب وانا مضغوط في الامتحانات


-----------------------------------------



مستحيل اني اقدر اكتب
شعري انا ليكي
بيهرب فكري
لصفو عنيكي
بيتخلى عني
ويسرح فيكي




وافضل تايه مش قادر اكتب
وتعيشي حياتك وانا متعذب
ومتقوليش اننا بتهرب
دايب فيكي....ومش قادر اكتب




هاكتب ف ايه وله ف ايه
مش قادر اكتب وهقول لك ليه




اخاف اكتب مقدرش اوصف
وله احوّر فيكي واحرّف
ومش قادر حتى اني اتصرف
اسف ملاكي...والله مااعرف




هاكتب ف ايه وله ف ايه
مش قادر اكتب وهقول لك ليه


خايف اكتب كلامي يتكتف
بوزن وقافيه وكلام متزيف
وله يكون كلام متستف
لا متهندم ولا متأيف



هاكتب ف ايه وله ف ايه
مش قادر اكتب وهقول لك ليه




جايز اما اجي اوصفلك حاجة
اوصفها كده بكل سذاجه
وانسى انها جمله محتاجه
مطفيه كده ومش وهّاجه




هاكتب ف ايه وله ف ايه
مش قادر اكتب وهقول لك ليه



ازاي هترجم سحرك
جوه حروف؟؟
وازاي هلون طيفك
بكلام مصفوف؟؟
وازاي هقدر اكتبلك
وانا ملهوف ؟؟



هاكتب ف ايه وله ف ايه
مش قادر اكتب وقلتلك ليه

------------------------------------------

الموضوع اللي جاي اقدر استنبيء اسمه انه

مازلت ابحث

تدوينة للمدونة اميرة الاحزان

موجود عندي درافت ويارتني كنت اقدر انزله بدل التهييس اللي فوق ده

بس مش مشكلة هيه تبأه تنزله بنفسها

متنسوش انا لسه اجازة