حكاية دموع

حته افتكاسه
الووووو شششششش الووووو شششششش
الو شرطة العباسية
ايوة هندسة عين شمس معاكم
ايه اللي عندكم عاوزين ايه خير
عاوزين عشرين عرييت اسعاف وخمسين دكتور وتمنين ممرض وممرضه علشان عندنا ناس متخرشمة
ليه خناقة
لا دراسة
السلام عليكم
دي اول مواضيعي اللي هكتبلكم فيها حكاية دموع اهداء الى اي حد مجروح ومعلش احنا بنتبهدل
في البداية كانو عايشين سمن على عسل ومفيش مشاكل
وبعدين حصل الاختلاف وكان الحبيب هوه اللي غلطان
طبعا راح يصالحها وكتبلها
كلمة الوداع خلاص قوليهالي
بدل العذاب ياريت تسمعيهاني
اكيد هيتجرح قلبي
اكيد هيموت حبي
هجيب منين حبيب احبه تاني
تستاهل ياقلبي يضيع منك
كان هوه حياتك وهوه قلبك
اهو بعد ماكان عايش في قربك
سابك في الدنيا تايه لوحدك
خلاص مات الحب يازماني
اكيد ياحبيبتي هتقدري تنسيني
كان من المستحيل ان زي مابحبك تحبيني
وتستاهل ياقلبي
كان دايما الملاك قدام عنيك
واهو انته ياقلبي ضيعته بإديك
متدورش بأه على حد يخاف عليك
ومتقلش ياريتها كانت عاشقاني
وياقلبي هتترجاها تاني في ايه
وهيه هتسمعك تاني ليه
خلاص ضيعت من حبك اجمل المعاني
اكيد ياحبيبتي هتقدري تنسيني
كان من المستحيل ان زي مابحبك تحبيني
وتستاهل ياقلبي
ياقلبي لاتستعطفها ولاتترجاها
كلماتك مبقتش تفرق معاها
وياريتك بقد تقدر تنساها
ضيعت منك حبك الاولاني
ولو حبيت هيضيه برضه تاني
بصت له بأحتقار وازدراء ومشيت وسابته ولا كإنها تعرفه
طبعا مفيش اسود من كد موقف يعني
فطبعا اثرت فيه قوي
راح البيت وقعد مع نفسه وقلمة وورقته
وراح كتب لها
هتجرحي ايه وايه اللي اتبقى في قلبي تجرحيه
حبيتك وكان نفسي القلب اللي عشقك تعشقيه
عايزه ايه بس تاني*قلبي مات في ثواني
ماتت جواه الاماني*واللي اتبقى دمرتيه
انا هقدر انساكي*مبقتش عايز هواكي
وياريت تاخدي قلبي معاكي * اكيد هتحني وتسمعيه
قلبي اللي هدمتيه* قلبي اللي موتيه
ياريته في يوم يسألك ليه بس عذبتيه
خلاص الامل مات جوايا*ومش عايز قلبك معايا
كان جرحك ليا كفايا*وياريت قلبي بأه تنسيه
من غيرك هقدر اعيش* وقلبك ميلزمنيش
وجرحي ميرضينيش* وحبي اكيد هتخسريه
لكن وصلنا للنهاية*وخلصت خلاص الحكاية*و قلبي مبقاش عايزك تحبيه
وبعتلها الورقه متكرمشة من دموعه
6 Responses
  1. يا دى اللايت يادى اللايت

    البش مهندس رزق شخصين

    اهلن بيك يا فندم

    نورت عالم البلوجات السحرى

    اولن انا مستعده اكون موجودة فى

    الفريق الطبى اللى هيلحقكو فى عين شمس

    بس على شرط اكون الليدر بتاع الفريق

    دا طبعن عشان شطارتى وجدارتى فى هذه المهنة

    الحمدلله

    بجد الكلام واصل والاحساس عالى

    واضح انك موجوع

    بس عادى نفض للدنيا وعيش حياتك

    وعلى راى الشاعر

    طنش تعش تنتعش

    ومنتظرين ابداعاتك ودمك الخفيف


    يلا سلاموتو


  2. صحيح نسيت اقلك

    على درجة الحرارة شوية احسن هتتلج

    وبلاش صاب زيرو دى

    اللى ينجح مرة يقدر ينجح الف مرة


  3. WhItE HeArT Says:

    ميرسي اوي على الكومنت

    وعلى فكره انا مبقبلش بفريق طبي الا

    من طب عين شمس ده بعد اذن حضرتك طبعا
    وبعدين عالم البلوجات اللي بتقولوا

    عليه سحري منور بوجودكم اكيد

    وان شاء الله هكتبلكم حاجات جميله

    بس استحملوني بأه


  4. محمد البري Says:

    سابك في الدنيا تايه لوحدك
    خلاص مات الحب يازماني
    اكيد ياحبيبتي هتقدري تنسيني
    كان من المستحيل ان زي مابحبك تحبيني

    هاجي من أول هنا اقولك بلاش تايه لوحدك وخليها" عايش وحداني " يعني دا رأيي على فكرة برضو

    ونيجي للحتة دي برضو

    وهيه هتسمعك تاني ليه
    خلاص ضيعت من حبك اجمل المعاني

    وهيه هتسمعك ليه تاني
    خلاص ضاع منك كُل المعاني

    ياقلبي لاتستعطفها ولاتترجاها
    كلماتك مبقتش تفرق معاها
    وياريتك بقد تقدر تنساها
    ضيعت منك حبك الاولاني
    ولو حبيت هيضيه برضه تاني

    تستعطف تقيلة في الرتم بتاع الكلام يباى تقول

    يا قلبي لا تحايلها ولا تترجاها
    كلامك خلاص يا قلبي
    مبقاش يفرق معاها
    وياريتك بجد تبعد يا قلبي
    تبعد بعيد تنساها
    حُبك اهو مات وعُمرك ضيعته ياما في هواها

    *********


    الجزء التاني انا عدلته كامل وياريت يكون تعديلي كويس


    هتجرحي ايه وايه اللي اتبقى في قلبي تجرحيه
    حبيتك وكان نفسي القلب اللي عشقك تعشقيه
    عايزه ايه بس تاني*قلبي مات مني فــ ثواني
    ماتت جواه أحلى الاماني*واللي اتبقــــى دمرتيه


    انا هقدر يوم انساكي* انا مبقتش خلاص بهواكي
    وياريت تاخدي قلبي معاكي * اكيد هتحني وتسمعيه

    قلبي اللي بحبك وهمتيه *** وياما جرحتي قسيتي عليه
    يا رتني حبيبتي أعرف بس
    انتي ليه عذبتيه


    خلاص الحلم مات جوايا*ومش عايز قلبك ويايا
    كان جرحك ليا كفايا*وياريت حُبي تنسيه
    من غيرك هقدر اعيش* وقلبك خلاص ميلزمنيش
    وجرحي يا قلبي ميرضينيش* وحبي اكيد هتخسريه
    لكن وصلنا للنهاية *وخلصت بأى كُل الحكاية *و قلبي مبقاش عايزك تحبيه


  5. محمد البري Says:

    نسيت اشكرك عليها وبجد جميلة ربنا يخليك بس ياريت أعرف رأيك في التعديل انا عدلت لأكبر حد في إستطاعتي ولسا في أخطاء بس بسيطة وهتقدر انتا تعالجها يا باشا

    وربنا يوفقك يا بشمهندس


  6. WhItE HeArT Says:

    طبعا تمام ومفيش احلى من كده
    ومحدش يقدر يتكلم ياابني بس بجد تعديلات جامده جدااااااااا جداااااااا جدااااااااا

    وفعلا شراً قوى على التعديلات ومستني بلوجايتك هنا لإني واثق انها هتبأه حاجة اعلى من التحفه