تعالي ياروحي




ساعات الواحد بيتجرح بجد من حد معين عمره ماكان يتوقع الجرح منه


بيتضايق بجد وبيزعل لدرجة غير طبيعيه والسبب بسيط وانا قلته انه عمره ماكان يتوقع انه يتجرح من الشخص ده بالطريقه دي


وانا للاسف جربت الشعور السيء ده وللأسف انا انسان فاشل في اني اخد حقي من اي انسان ظلمني بطريقته يعني مقدرش انه يتبلى عليا واتبلى انا كمان عليه مينفعش ومتمشيش معايا




ومقداميش غير ورقتي اللي بطلع فيها كل اللي جوايا من احاسيس فبيطلع الاحساس زي ماانتم هتشوفوه كده
هوه بصراحه مبلغش قمة السوء اللي انا وصفته بيها بصراحه

لكن هوه بأمانه ... يستاهل














تعرفي حاجة ؟؟؟









تعالي ياروحي بس اسمعي




انا مش عايزك ابداً ترجعي




وكل آمالي انك تدمعي












انا مش ممكن اكون خدامك




وان كان ده حلم في احلامك




مش اسف اني انا هقتل حلمك




قبل ولادته حتى في عقلك










ده ان حبيتك في لحظة طيش




وبيكي انا مقدرش اعيش




صدقيني ........ ومترديش




حبك ده ميلزمنيش









انا حبيتك بس رحمه




خفت عليكي ياننوسه




تعيشي من غير حب ولهفه




وتنتهي بيكي في بحر عنوسه











هتبكي عليا ... ده شيء طبيعي




دوقي خريفهم... بعد ربيعي




دوقي زوابيعهم ... بعد نسيمي










خلتيني اكون شمّاعه




لبلاوي كانت ليكي




علقتيها بكل وضاعه




على حبيب روحوا فيكي










وبأنانية علشان حبيتك




وبأسامي العشق انا سميتك




وفي احلى مكان خليتك











بتجرحيني بأسم الحب ؟؟




وهوه الحب كان له ذنب ؟؟




هوه كمان مظلوم منك




له ياحبيبتي وليا انا رب











كدابة وعاشقة ياروحي نفسك






عايزة الناس كلها ملكك




كلهم عبيدك وفي كفك




مهفوفه ياروحي ومين كان هفّك








وبتقوليلي اني ارجع ليكي




علشان مأدمعش عنيكي




برضه كلامك في مصلحتك




آآآه يابجاحتك




يله ياماما يله سلامتك
43 Responses
  1. walaa Says:

    اللى حراحنا من غير ما ننتقم نبعد وخلاص
    مش ممكن لما نبعد عنه من غيير ما ننتفم
    ممكن ربنا يعوضنا احسن منه
    كل واحد منه لله
    وربنا بيحاسب كل واحد حسب ضميره
    ومبروكعليا اول تعليق
    تحياتى ولاء


  2. كلاام راائع فعلا وبصراااحة الإسلووب أرووع
    بجد تسلم الأيادي على الكلام الجمييل دا...


  3. من جنتك تطردنى
    وفى قلبى تقتلنى

    تعاقبنى
    تبعدنى

    وانت لا تدرى انى اموت ندما
    وان جرحك هو جرحى الذى يفترسنى ألما
    اترانى اعيش وهما
    عندما احدث نفسى انك ربما تعود يوما


    تحياتى لقلمك المبدع
    بوست جميل
    واجمل مافيه تلك الكرامة والقوة
    وعزة النفس التى لا ترضخ للقلب
    مهما كان مقدر الحب

    تحياتى وتقديرى


  4. ro7 Says:

    يالهوي
    ايــــــــه الكلام دة ياعم
    وهي شافت الكلام دة؟؟؟
    بس لو شافتة هي لسة عايشة
    اسلوبك جااااااااامد
    ويدل علي شدة الجرح
    وعلي شدة حبك ليها قبل جرحها ليك
    كل دة وبتقول مش بعرف اخد حقي
    دة اسمة افتري
    هههههههههههههه
    سعيدة اني زورتك
    واتمني زورني قريب
    تقبل تحياتي


  5. Anonymous Says:

    عزيزي صاحب القلب الأبيض

    شوف الجرح بيكون مؤلم اوي خصوصا لو جه من حد مانتوقعش انه يألمنا
    بنفضل ممكن سنين بنسأل نفسنا ليه عمل فينا كده و خصوصا لو كنا اديناله كل حاجه و حبيناه بصدق لكن دي طبيعه البشر

    انا كمان زيك صعب اني اخد حقي من اللي جرحني بسكت و بطنش لكن الألم جوايا بيفضل موجود لحد وقت معين علي حسب الجرح بلاقي اني مابحسش نحيه البني ادم ده لا بكره ولا بحب بيكون سيان عندي

    كلماتك رقيقه عزيزي و ماليانه شجن

    بتمني الجاي يكون احسن و بتمنالك السعاده مع اللي تستاهل قلبك الطيب الأبيض

    تحياتي ليك


  6. appy Says:

    ياااااااا كل ده جواك بس معنى تعبيرك انك قوي اهو
    طيب بما حد يعمل فيك حاجه تعالى صفر وانا ابهدله لك هههه
    كمل حياتك الدنيا مش بتقف على حد


  7. rara Says:

    مساء الخير
    كلامك مؤثر جدا وربنا يعينك فى جرحك واذا كنت انت مش بتعرف تاخد حقك فأن الله يمهل ولا يهمل وربنا معاك

    تحياتى


  8. اه يابجاحتك صح

    جدع انك اخدت القرار ده

    وقول الحمد لله على كل شىء

    اسلوبك جميل

    ده شىء طبيعى

    وقرارك حكيم

    تحياتى يازميلى


  9. واضح ان الجرح كان صعب اوي اللي يطلع الكلام دا كله
    بس احسن رد ترد بيه الاساءة انك تتجاهل من اساء ليك دا اكبر عقاب ليه


  10. ro7 Says:

    اخ وايت انا عايزة اضيفك عندي
    بس خيفة لو ضفتك وحد دخلك من عندي
    اخد انا الذنب علي الاغاني اللي
    هيسمعها عندك لان هكون اانا اللي سهلتله الدخول ليك وانا عارفة انك بتحط اغاني بقولك يعني لازم
    الاغاني دي؟؟؟؟؟؟؟
    ماتحط طيب اغنية حتي من غير موسيقي
    يعني عشان مش ناخد زنوب
    وانت كمان في غني عن الذنوب دي
    كل واحد هيسمع الاغنية دي عندك
    انت هتاخد ذنب عليه ولية طيب
    ربنا يرضي عنك ويكرمك
    ويوفقك لما يحب ويرضي
    ومشكووووووووووور علي زيارتي
    تقبل تحياتي


  11. Abo 7anf Says:

    السلام عليكم
    دا واضح انوا رد جامد

    وجدت فى حبك غموض الضباب لا ترى ما وراؤه
    أحب السير وحدى خلاله
    أجده قد أحاطنى برداءه
    يمتلكنى فلا أتمنى زواله
    لكن أخاف من دهائه
    حسبتك قمرا ساطعا سيزيل الظلام بضيائه
    يضيئ لى كونى ويلقى علينا بظلاله
    لكنك أردتى حبنا مثل هذا الظل كم هو سهل فنائه
    ضباب ظلال لم تعدينى دائما بحلم كالسراب
    أتتلذي بتركى فى هذا العذاب
    تتركينى تائها ثم تلوميننى على العتاب
    أخطأت يوم رأيتك لكن هذا قدرى
    أن أغرم بكى وتملكى وحدك قلبى
    بكل سهوله سلمت لكى امري
    ولكنك لم تصدقينى
    وبحبك كنتى تخادعينى
    من الأن سأتركك وأذهب بعيد
    سأحيا وحدى فى عالم فريد
    أكون فيه وحيدا خوفا أن ينبض قلبى من جديد

    بوستك هايل
    و جميل قوى الكرامه والقوه الفيه


  12. WhItE HeArT Says:

    ولاء

    صح عندك حق وده اللي انا عملته بعدت وخلاص ياولاء بس دي احاسيس جوايا كان لازم تطلع

    وان شاء الله ربنا هيعوضنا احسن منه

    تحياتي


  13. WhItE HeArT Says:

    أميرة الاحزان

    شكراً ليكي على كلامك الجميل ده بجد


    تحياتي


  14. WhItE HeArT Says:

    كاميليا

    بجد كلماتك دايماً مميزة انا على كده المفروض اشيل البوست ده واكتب كلامك اللي بجد رائع

    وميرسي لأطرائك الجميل

    تحياتي


  15. WhItE HeArT Says:

    روح

    هههههههههههه معرفش شافته وله لا بصراحه بتمنى متكنش شافته وتكون نسيتني لإني بصراحه برضه لحد دلوقتي مش عايز اجرحها وهيه لو شافته هتتجرح وده شيء انا مش عايزة

    وفعلا انا مبعرفش اخد حقي مش عارف ليه مش هبل مني بس طيبة وبحس ان مفيش اخد حق بين المسلمين

    وشكراً على اطرائك الجميل ده


    تحياتي وتقديري


  16. WhItE HeArT Says:

    اجندا حمرا


    شخصيتك قريبة من شخصيتي انا بسامح وطنش بس للأسف عمري مابقدر انسى الجرح حتى لو من اعز اصحابي بفضل فاكره عارف انه عيب في شخصيتي بس اعمل ايه بحاول انسى ومبقدرش


    وشكراً على كلامك الجميل ده بجد اسعدني جداً

    خالص تحياتي


  17. WhItE HeArT Says:

    آبي وكوبكبها يامراحب يااهل البيت يامراحب


    ياآبي قلتيلي عندك برضه صفر وانتي هتيجي النهارده في الكلية صفرت لما مصر كلها جت الا انتي

    ههههههههههه


    فعلا زي مابتقولي الدنيا مش بتقف على حد


    تحياتي وتقديري


  18. WhItE HeArT Says:

    رارا

    مساء الورد


    فعلا زي ماقلتي ان الله يمهل ولا يهمل

    شكراً لردك الاكثر من رائع

    تحياتي


  19. WhItE HeArT Says:

    دوحا

    بجد شكراً جدا على ردك الرائع وفعلا انا كمان بستجدعك موت وزي مااتفقنا في بلوجك القديم اني اجي اشوف السويس وجمالها


    تقبل تحياتي واحترامي


  20. WhItE HeArT Says:

    سنو وايت


    فعلا الجرح كان صعب لإني عمري ماتوقعت كده

    وانا فعلا تجاهلت من اساء الي

    شكرا لكلامك الجميل وتقبلي تحياتي


  21. WhItE HeArT Says:

    روح


    ههه كلاكيت تاني مرة انا هسميكي روح المدونة مش روح بس

    انا زمان كنت بحط اغاني وبرضه انتي جيتي قلتيلي شيل الاغاني وشيلتها فعلا

    انا حطيت الاغنية في البوست ده لإني حسيت انها هتضفي على البوست قوة في الحزن مش اكتر

    ان حضررتك تضيفيني عندك ده شرف ليا اعلى من اي اغنية ممكن احطها وفعلا انا هشيل الاغنية

    تقبلي تحياتي


  22. WhItE HeArT Says:

    أبو حنف

    ايه الكلام الجامد ده بجد راااائع

    شكراً على ردك الجميل ده

    تقبل تحياتي


  23. Tamer Nabil Says:

    رغم ان الطرف دة كان سبب مشاكل وظروف صعبة علينا

    الا انة من الجميل عدم الرد علية بنفس الاسلوب الغير انسانى اللى عملة معانا

    وكل انسان ظلم او جرح انسان قاصد ينال منة

    كما تدين تدان

    هيدوق ويشرب من نفس الكاس

    ربنا يكرمك

    تحياتى


  24. منى Says:

    يبدو ان الموقف كان شديد فعلا
    اسمحلى
    كلامك قاسى اوى
    يمكن عشان حطيت فيه كل حزنك وخيبه املك فى انسانه كانت مهمه بالنسبه لك
    لكن خلينى اقولك دايما خلى قلبك كبير
    مش بس عشان اللى حواليك
    لكن عشان انت كمان ترتاح
    يعنى مش هقولك فى دقيقه انسى كل حاجه
    لكن حط فى بالك ان الناس مختلفين
    وممكن الحاجه اللى تقتلك من الحزن واحد تانى يقولك عادى
    يبقى الحل
    انك من الاول
    متستناش ان حد يقابل الخير بالخير
    ولا الحب بالحب
    انت بتعمل حاجه حلوه استنى النتيجه من ربك بس
    حتى لو فهموك غلط
    حتى لو قسوا عليك
    ابعد لو ينفع تبعد
    لكن اوعى تكره او تاذى حتى بالكلام
    خليك دايما
    وايت هارت
    تحياتى
    وطبعا الزعل مرفوع


  25. ياباشا تشرف وتنور السويس بحالها

    بقلك ده اميلى ابقى ضفنى عندك

    عايز ابقى اتكلم معاك

    doha_adh@yahoo.com


  26. الجرح وبالذات لما يكون من انسان كنا فاكرينة حبيب بيبقى فى منتهى القسوة
    وتحياتى


  27. buffy Says:

    enta bhdltha awy 3la fekra hwa enta knt bt7bha asln aslk lw knt bt7bha mkntsh htbhdlha awy kda wtever happend any way sorry 4 u &4 her too


  28. bar2ash Says:

    جميل اوي
    استفزت الضحكه جوايا
    جميله ومعبره
    تحياتي


  29. اولا ميرسى انك قلتلى ازاى اشيل التاكيد

    ثانيا الكلام على قد ما هوة فية قسوة بس جميل اوى اوى ومعبر وانا مقدرش احكم على اللى بتتكلم عنها بس فعلا رائع تسلم


  30. WhItE HeArT Says:

    تامر نبيل

    كلامك صح وفعلا زي ماقلت هيدوق من نفس الكاس

    تحياتي لحضرتك


  31. WhItE HeArT Says:

    منى

    اسمحلك طبعاً واي زعل لازم يكون مرفوع

    لإن يامني انتي اختي الكبيرة ولما تنصحيني مش ممكن ازعل او اتضايق ابدا بالعكس انا النصيحه دي اسعدتني جدا وخلتني افكر مرات ومرات بجد

    ده انتي ندمتيني بجد اني كتبت الكلام ده

    كلامك صح فعلا
    تحياتي لحضرتك


  32. WhItE HeArT Says:

    دوحا

    السويس منورة بأهلها

    وانا فعلا ضفت الميل عندي

    خالص تحياتي


  33. WhItE HeArT Says:

    رئيسة حزب الاحلام

    فعلا بيبأه في منتهى القسوة

    تقبلي تحياتي


  34. WhItE HeArT Says:

    buffy

    مش اوي كده بس فعلا انا كنت بعزها جدا مش شرط حب الحبيب للحبيبه بس كنت بعزها ومازالت بصراحه لو احتاجتني مقدرش اتأخر عليها مهما كان الخلاف بأه

    تحياتي


  35. WhItE HeArT Says:

    برقش

    جميله جملة استفزت الضحكة جوايا

    هههههههه حتى الضحكة قدرت استفزها

    على كده انا مستفز لأقصى حد

    تحياتي


  36. WhItE HeArT Says:

    Princess

    لا شكر على واجب وهوه انا عملت ايه يعني وبعدين ترديهالي في الافراح وله انتي مش ناوية ترديهالي

    هههههههههه

    شكراً لردك الجميل ده

    تحياتي


  37. youmna Says:

    ايوه يا ميدو يا جامد ايه ياعم قسوة القلب ديه جبتها منين من امته وانت قاسي كده بس خدها نصيحه من بنت خالتك العزيزة متقساش عليها يمكن تكون ظالمها ولو هي مش مظلومه انت مش فاشل ولا حاجه مش عيب ان الانسان يكون طيب يا بني ولا يهمك حاجة بس جامد


  38. هو بجد الاسلوب روعه اوي ومحسوس جدا برغم انه قاسي اوي اوي
    بس طريقتك واسلوبك في الكتابه جميل
    اما عن القصه نفسها ممكن الواحد لو انجرح اوي يبعد بس بلاش القساوة دي كلها
    مرسي اوي وتحياتي ليك يالقلب الابيض


  39. WhItE HeArT Says:

    يمنى

    شكراً لتعليقك الجميل ده

    تحياتي


  40. WhItE HeArT Says:

    ساره البحر

    شكراً بجد ليكي على كلامك الجميل

    وفعلا الواضح اننا نبعد احسن

    تحياتي


  41. هي اكيد حتتجرح لوقريته
    بس انت كده عبرت عن اي حاجه كانت جواك

    واكيد مقولتش الكلام ده من فراغ

    بس انا عجباني اوي بحر عنوسه
    مستحيل حسمعها ف خواطر تاني


  42. WhItE HeArT Says:

    قلب صغير

    ههههههه

    مش مستحيل ولا حاجة بس هيه يعني كانت كلمة سخيفه جت في بالي وانا بكتب فكان لازم احطها فكتبت قبليها ننوسه علشان تمشي مع اللحن مع ان ملهاش لازمه
    تقبلي تحياتي


  43. malaksoft Says:

    كلامك حلو اوى بس لو ممكن مساعده زاى حطيت خلفيه مم البايزام عندك يايت تكلمنى على الايميل ده moon.day10@yahoo.com