نصايح في برشامه دوا وكوباية مية


ورجعنا من تاني









جوانا كلام كتير نفنسا نقوله وجوانا مشاعر كتيره نفسنا نبينها للناس



سواء كانت مشاعر حب او كره مش فارقه المشكلة انها مشاعر مكبوته



نفسها تطلع وتشوف النور ولو للحظه واحده






نفسنا الشخص اللي بنهتم بيه يحس ويفهم على دمه شوية



ونفسنا الشخص اللي مزعلنا يحس برضه على دمه ويراجع حساباته من تاني






نفسنا نفهم لغة العيون بأه ولما حد يبصل للي بيحبه يقول له كل الكلام

نفسنا الواحد لما يقول هعمل حاجة يعملها مش يكبر ويطنش ويطلعلك واحد اهبل يقول لك اعمل عبيط ياعم


وهقف شوية عند كلمة اعمل عبيط دي

هوه العبط دلوقتي بأه حاجة نفس الواحد يوصلها وله ايه بالظبط

وله بأه صفه زي الكرم والحاجات دي


ياجماعه عاوزين نكبر مخنا شوية عاوزين نعلى بتفكيرنا شوية ايه المستوى الدنيء اللي بقينا بنفكر فيه ده

يعني ايه واحد ييجي يقول لك كبر ياعم وسيبك منه ده واد عبيط

ياسلام مش الواد العبيط ده كنت ماشي انته وهوه زي السمن على العسل


ماشي دي مرحله وعدناها والواد فعلا عبيط ليه متفتكروش بالحاجات الحلوه اللي عملهالك


اوك ماشي هنعدي الموضوع ده علشان غايظني ولو اتكلمت فيه مش هخلص


نيجي للناس اللي بيقولوا للأسف انا مصري "وهما عارفين نفسهم واه انا بكلمهم هما بالذات " مهما بلدك عملت فيك ومهما اتعذبت وشفت العذاب ألوان وشفت الخداع والغش والكدب يكفيك انك لما تروح اي بلد انته مصري يعني ليك مكانه يعني بلغه المهندسين كده مخ مش محتاج " عمره" صعب ان اي حد يغشك او يضحك عليك لإنك بتعرف ازاي تفكر وتتصرف


صح احنا ادارتنا جزاها الله الخير مظبطانا لكن مش لدرجة ان الواحد يقول للأسف انا مصري


ماشي ده نقطه وعدت هيه كمان


ايه بأه مضوع الشحاته

اه ده موضوع جديد محدش اتكلم فيه قبل كده

واحد اكيد هيقول " ياعم دول ناس غلابه مالك ومالهم هما كمان " ياناس مفيش في الشرع ولا في اي شرع في الدنيا حاجة بتقول تقف تشحت ده انته تشتغل اي حاجة علشان كرامتك وعلشان نفسك حتى ولو هتموت

ماشي هنعتبر ان دول غلابه قوي وظروفهم صعبه مع ان في منهم كتير ناس اغنى مني ومنكم لكن هنعديها " الفراش بتاع اللجنه بتاعة الامتحانات وهتكلم عن الفراش بتاع لجنتي انا بالذات ييجي في امتحان الرسم اللي هوه محتاج في كل ثانية وكل تركيز وديلك العلبه علشان تحطله فيها الفكه ياسلااااااااااااااااااااااااااااااام لا اسلوب حضاري بس الذنب مش ذنبه الذنب ذنب رئيس اللجنه المتثقف اللي سمح له بكده لإن دي بقت عاده كل امتحان هوه هوه نفس الفراش ويقول لك موسم بأه وكل سنة وانتي طيب " ماشي ياعم موسم بس متقرفنيش يعني مرة اللي قدامي قاله معاييش غير ميت جنيه قاله هاتها وافكهالك ياخبر ابيييييض يعني قمة الاستعبااااط


عموما دي كانت اخر نقطه في النقاط وياريت يكون الدوا عجبكم
4 Responses
  1. Halawa Says:

    كله عااااااااااااااااادي

    لسه كنت فاتح القاهرة اليوم
    لقيت عربية نقل اجابات الثانوية العامة اتحرقت وكان فيها اجابات العيال
    تخيل
    وهيخشواااااا دور تاني أو يقبلوا بخمسين المية معلش اسمح لنا لو بالغييييييييظ نقول ياخسسسسارة يامصر

    خش شوف التاج بتاعي
    وفي قصيدة بعده
    عايز رأيك فيها

    يارب امتحاناتكم تكون عدت بخير


  2. WhItE HeArT Says:

    بص بصراحه دي عدم ثقافه من الشعب المصري وانه شعب همجي مبيعرفش يفهم حاجة وبصراحه انا لو مكان اي واحد منهم مش هدخل دور تاني ولازم يجيبولي ورقتي هيه فعلا ياخسارة بس مش على مصر ياخسارة على شعب مصر

    والحمد لله امتحناتي عدت بخير عقبال الكل


  3. الف مبروك علي النجاح
    ويارب دائما
    وبالنسبه للبوست الكلام بيعبر عن واحد بيتعرف علي الحياه حوليه بتركيز عالي وبوجهة نظر لا تقبل الاندثار
    بجد تحياتي


  4. WhItE HeArT Says:

    الله يبارك فيكي بس والله مش حكاية ابص من وجهة نظر متقبلش الاندثار انا فعلا واحد اسم مصر ده حاجة كبيره اوي عندي وبصراحه بشوف كل يوم مهزله وبسكت ومبتكلمش

    عموما شكراً قوي على الرد اللذيذ ده بس لو كنتي تغيري اللغه الصعبه دي يعني فيها ايه بدل كلمة لا يقبل الاندثار لا يقبل اي حاجة او اي كلمة لازم تخلينا نفتح المعجم يعني