ساعد نفسك




حاسس جوا عيوني الخوف


خايف اكون انسان مكتوف


صاحيه عيوني ومش بتشوف

بس بساط الخير اهو قرب




ومن ربنا اهو هنتقرب




وفساد الروح خليه يتغرب




خليك في الخير كده سباق




ولسبحانه اكيد مشتاق




اوعى تخلي النفس ضعيفه




في بيوت ربنا رجليك خفيفه




خليك ثابت ترتاح اكتر




طريقك مش محتاج يتفسر




احفظ نفسك من شرورك




اغلب كده خوفك وغرورك




ادعي لنفسك تكسب نفسك




واحمد ربك تغلب يأسك




وافتح تاني الصفحه البيضه




رحمة ربك مش بعيده




ساعد نفسك وابدأ خطوة




يساعدك ربك بيجي ميت خطوة












65 Responses
  1. Unique Says:

    ادعي لنفسك تكسب نفسك

    كلمات جميلة اوي وباعثة للهمة .. رمضان كريم


  2. ربنا يهدينا للخير ويثبتنا على الايمان
    كل سنة وانت طيب


  3. كل سنة وانت طيب يازميلى


  4. كل سنه وانت طيب
    والى يدعى لنفسه يدعيلى ؟
    ويساعدنى ؟


  5. fire bird Says:

    كل سنة وانت طيب

    وياريت كل واحد فعلا يساعد نفسه


  6. منى Says:

    ربنا يساعدنا
    ويقوينا نساعد نفسنا
    عوده قويه
    ربنا يبارك فيك
    تحياتى


  7. السلام عليكم

    اول زيارة ليا لمدونة حضرتك

    مدونة رائعة بجد جزاك الله بهاخيرا كثيرا

    يا رب يقدرنا على حسن العبادة ويتقبل مننا

    كلمات حضرتك رائعة

    تقبل مرورى

    كل سنة وحضرتك طيب


  8. حلوة يابوب

    استمر


    على فكرة البتاع دي تنفع أغنية




    بجد واللهي مش بستظرف


    يلا سي يو مرة تاني أجين


  9. انا جيت :)
    بصراحة انا سعيدة جداا بالتعرف عليك
    وبجد شكرا على حضورك
    جزاك الله خير


  10. بجد كلام جميل

    وياريت نعرف ننفذه

    ربنا يبارك فيك

    اسف علي التاخير بس رمضان بقي

    كل سنه وحضرتك طيب


  11. سلمت يمناكى اخيتى الفاضله


  12. appy Says:

    بزمتك مش وجودك ساعدك انت كمان
    بجد اسفه مش عرفت اقعد كتير معاك بس انت شايف والحمد لله انى شفتى بس كان نفسى اقرص ودنك هههههههههههههههه
    الجايات جايه كتير


  13. جميل قوى
    بس بجد سعيد جدا بمقابلتك
    وبمعرفة حضرتك
    وشكرا على دور الشهامة
    تحياتى وتقبل مرورى


  14. اه
    نسيت اشكرك على التوصيلة
    بجد شكرا لك
    وشرفت جداا بالتعرف عليك


  15. WhItE HeArT Says:

    unique

    شكرا ليكي اوي

    تحياتي


  16. WhItE HeArT Says:

    wanna b a physician

    يارب وشكرا ليك وربنا يتقبل منا جميعا

    ورمضان كريم

    تحياتي


  17. WhItE HeArT Says:

    مدحت محمد

    وانته بالصحه والسلامه ياريس

    وبجد انا عارف اني مقصر في حقك كتير اعذرني

    تحياتي


  18. WhItE HeArT Says:

    صوت من مصر


    ربنا يوفقك يارب

    اديني بدعي اهو

    تحياتي


  19. WhItE HeArT Says:

    fire bird

    ياريت فعلا

    وربنا يوفق الجميع

    تحياتي


  20. WhItE HeArT Says:

    منى

    شكرا ليكي وتعليقك الجميل


    ويارب ثبتنا على الخير

    تحياتي


  21. WhItE HeArT Says:

    أختكم في الله


    نورتي المدونه بجد وألف شكر على تعليقك الجميل وان شاء الله الزيارة تتكرر ومتكنش الاخيرة


    تحياتي


  22. WhItE HeArT Says:

    محمد محمود يوسف


    هههههههههههههههه

    ماشي ياعم تنفع ومالو برضه

    نورت


    تحياتي


  23. WhItE HeArT Says:

    نهر الحب

    والله انا اسعد وبعدين ايه حكاية شكرا على التوصيله دي

    المفروض الشكر يكون لأحمد سكر مش ليا

    بجد سعدت جدا بالتعرف عليكي

    وتحياتي


  24. WhItE HeArT Says:

    حسن حنفي


    ان شاء الله كلنا هننفذه

    متعتذرش ياعم ماالواحد ياما اتأخر

    جزاك الله كل خير

    تحياتي


  25. WhItE HeArT Says:

    صناع الحرية

    شكرا ليكي اوي وشكرا لزيارتك ويارب تتكرر

    بس انا مش بنت والله انا ولد


    تحياتي


  26. WhItE HeArT Says:

    آبي

    بجد انتي صعبتي عليا اليوم ده تعبت كتير بس جزاك الله كل خير


    انا كمان كان نفسي اقعد معاكي بس ان شاء الله مرة تانية

    تحياتي


  27. WhItE HeArT Says:

    همس الاحباب



    بجد سعيد جدا بمعرفة حضرتك لإنك بصراحه شخصية محترمه جدا


    وشكرا على تلعيقك الجميل بس بلاش جملة دور الشهامه دي لإنكم هتحسسوني اني عملت انجاز

    تحياتي


  28. حنين.. Says:

    وافتح تاني الصفحه البيضه



    رحمة ربك مش بعيده



    ساعد نفسك وابدأ خطوة



    يساعدك ربك بيجي ميت خطوة
    كل سنه وحضرتك طيب
    من زمان ما قرتش حاجه تدعو للتفاؤل
    جزاكم الله خيرا
    دمت بخير


  29. Abo 7anf Says:

    السلام عليكم
    ازيك يصحبى
    انت زعلان منى ولا ايه
    كل سنه وانت طيب
    الموضوع جميل
    وربنا يعينك ويعينا على تنفذيه


  30. Coca Says:

    جميله وبسيطه اوي
    كل سنه و وانتي طيبه وبخير
    تحياتي


  31. فيه تاج فى مدونتى يا ريت لو حضرتك تحله


  32. Anonymous Says:

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html


  33. ايه يا عم الجمال ده
    هو انا ماليش تقل على الشعر
    بس اللى عجبني اد ايه كلماتك بتكشفلنا عن روحك الجميلة
    كل سنة وانت طيب


  34. mohaawad8 Says:

    ياااااااااااا رب

    طريق واضح
    خطوات معدودة
    بس احنا اللي بنمسحها
    واحنا اللي بنمحي الطريق

    ربنا يهدينا جميعا

    كلماتك روعة
    بجد محتاجين نفتكرها علطول مش بس في رمضان

    :D
    تحياتي


  35. منى Says:

    فين جديدك؟؟؟
    لعل المانع خير


  36. اللهم زد هـــــــذا الوجه نورا
    واجعله دائـما مأجورا
    وبلغه العيد مسرورا
    امين يارب العالمين
    عيد سعيد


  37. رضي الله عنك وأرضاك
    وهداك وأغناك
    وعافاك وشفاك
    ووفقك لخير الدعاء
    وأجاب لك الرجاء
    وأحبك بلا ابتلاء
    وجعلك ساعياً للخير
    مؤثراً في الغير
    وكل عام وانت بخير


  38. بسم الله الرحمن

    فيديو كليب ..
    تهنئة لشرفااء الوطن
    بمناسبة عيد الفطر

    الان على

    قلب ابيض

    تابعونا


  39. Anonymous Says:

    كل عام و انت بخير و عيد سعيد صديقي


  40. Selfmeaning Says:

    جميلة جدا جدا

    و ربنا يتقبل من و منكم كل الدعاء

    و كل سنة و انت بالصحة و السلامة


  41. ابو قلب ابيض ازيك يا عثل كل سنة وانت طيب اتاخرت عليك شوية ان شاء الله تتعوض ويارب يسعد قلبك ويكرمك يارب وعيد سعيد


  42. جميللللللللللل والامل قوى اوى , ربنا يثبتنا ويزود من صبرنا


  43. رائعه القصيده
    بس بلاش تورد لفظ لأتيان الله عز وجل
    غير ما قال عن نفسه


  44. WhItE HeArT Says:

    حنين

    جزاك الله خير

    تحياتي


  45. WhItE HeArT Says:

    أبو حنف

    والله اقدر ازعل منك ياصاحبي

    يله العيد خلص متعنا بمواضيعك

    تحياتي


  46. WhItE HeArT Says:

    كوكا

    كل سنة وانتي طيبه

    تحياتي


  47. WhItE HeArT Says:

    اختكم في الله

    اكيد هجاوبه

    وكل سنة وانتي بخير

    تحياتي


  48. WhItE HeArT Says:

    الباحث عن الحقيقه

    شكر جدا لإطرائك الجميل

    ودمت بكل الود

    تحياتي


  49. WhItE HeArT Says:

    محمد عوض

    يارب

    وكل سنة وانته بخير

    تحياتي


  50. WhItE HeArT Says:

    منى

    جديدي في السكة وان شاء الله قريب

    تحياتي


  51. WhItE HeArT Says:

    نهر الحب

    ربنا يخليكي ياارب

    وكل سنة وانتي بخير

    تحياتي


  52. WhItE HeArT Says:

    قوس قزح

    والله مش عارف اقول ايه اكيد اللي هقوله مش في جمال كلام حضرتك

    بجد ألف شكر

    وتحياتي


  53. WhItE HeArT Says:

    قلب ابيض

    ان شاء الله هشوفه

    تحياتي


  54. WhItE HeArT Says:

    اجندا حمرا

    بجد الف شكر على مرورك ونورتيني زي كل مرة

    تحياتي


  55. WhItE HeArT Says:

    selfmeaning

    يارب

    وبجد الف شكر

    وكل سنة وانتي بألف صحة وسلامه

    تحياتي


  56. WhItE HeArT Says:

    برنسيس بيري

    كل سنة وانتي بخير

    وبجد اتأخرتي بس مش مشكلة

    تحياتي


  57. WhItE HeArT Says:

    زي الهواا

    يارب

    كل سنة وحضرتك بخير

    تحياتي


  58. WhItE HeArT Says:

    أنا انسان


    كل سنة وضحرتك طيب وزيارتك نورتني حقيقي

    في الحقيقه انا مذكرتش اللي انته قلته

    وافتكر اسعى ياعبد وانا اسعى معاك

    مش كده وله ايه

    بلاش نكبر الامور ولو بصينا تحت رجلينا هنلاقيها لسبب

    ان الهدف من النثر اللي انا قلته ان احنا نحاول نتقرب وللتذكرة وللوعي وانما الاعمال بالنيات

    وانا نيتي الحمد لله كانت خالصه لله تعالى

    انا بشكر حضرتك لتوجيهي وبجد مبسوط لوجود حضرتك واتمناها زيارة دائمة

    تحياتي


  59. إحساس عالى قوى
    كل سنة وحضرتك بخير


  60. عندى تاج فى المدونة ياريت لو عجب حضرتك تاخده تحله


  61. حضرتك ليك تاج عندي
    ياريت تستلمه
    :)


  62. Anonymous Says:

    في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html


  63. فين جديدك؟؟؟؟؟؟؟؟؟؟؟؟؟؟..........


  64. حضرتك مش كتبت من زمان يارب تكون بخير