مش معادي

بجد ياجماعه انا عارف نفسي اني بتأخر في تنزيل كل حاجة وبتأخر في الرد وبتأخر في زيارتكم ويمكن مقصر كتير بس والله الواحد فعلا نفسه يرجع يسافر تاني كان قادر يعيش معاكم لحظه بلحظه من غير الاجتماعيات المرهقه اللي في بلدنا دي


حتى انا كنت لآخر لحظه رايح المنصورة اللقاء اللي معمول هناك وفـ الاخر باب الحظ مزّيق زي مابيقولوا



المهم انا عايزكم تعذروني على البوستات اللي فيها شعر او خاطره او كده انها هتتأخر شوية لإني بصراحه بحس في الحاجات دي اني لو كررت او طلعت حاجة مفيهاش جديد يبأه كإني معملتش حاجة وان انا اخترت لنفسي طريق حاسه صعب شوية ومرهق بس الانسان بيتعلم وهيفضل يتعلم طول عمره وبصراحه في حاجات كيتر الواحد خلاص فاض بيه منها ونفسه يتكلم فيها وبفكر افتح مدونه تانية للحاجات دي بس دي مجرد فكره



مش معادي


اعتبرتك سراب اختفى عن ملمح صراطي

منا متعودتش اكون للشوق شيطان مطاطي

ولا عمري عشت مسجون في سحق واطي


.

.

.

.




دي اسامي الحب

في كياني معناها الشموخ

وتوب العز

ده توبي ومن غير ادوخ

ومبدأ كياني

اكون سالخ بس مش مسلوخ

.

.

.

.


ومش هتعلق من روحي

في حبل الوداد

والوهم هيكون اسمه عشقي

بس مجروح الفؤاد

ومقدرش اني ارسم طريقي

في بلاد العناد

.

.

.

.



ده بريق حياتي بيلوح للشوق قصادي

وجرح كبري ده اعمق من جراح فؤادي

فااسمحيلي معاد حبك فات ومش معادي
18 Responses
  1. سبحان الله انا رحت

    كان نفسي اشوفك كتيييييير

    بس يلا تتعوض

    :d

    بوست مميز


  2. اولا حمد الله على سلامة حضرتك
    عودا احمدا
    ........
    عاجبنى اعتزازك بنفسك رغم جرحك فى القصيدة اللى كتبتها :)


  3. WhItE HeArT Says:

    حسن حنفي

    والله وانا اكتر كان نفسي اشوف كل المدونين بس ان شاء الله ملحوقه

    تحياتي


  4. WhItE HeArT Says:

    original heart


    الله يسلم حضرتك

    مهو زي ماقلت جرح الكبرياء اقوى من جرح العواطف

    تحياتي


  5. sendbad Says:

    المهم انك بتفتكر وبترجع تاني للمدونة
    تحياتي الخالصة مجهود رائع ومشكور
    تحياتي


  6. حمد لله على سلامتك ياابو قلب ابيض

    صعب الانسان يضغط على عزة نفسه عشان حد بتبقةالحكاية صعبه اوىىى

    اهم حاجة انك تكتب اللى بتحسه فى اى وقت وباى طريقة ادام من القلب بيوصل للناس

    تحياتى


  7. shirry Says:

    انا جييييييت
    بجد كلامك رائع اوي وتركيبة الكلام غريبة بس مفهومة
    واحساسها اكتر من واحد
    لاء بجد حلوة اوي
    اتنمي لك النوفيق


  8. blue-wave Says:

    حلو الكلام
    بس ليا ملحوظه
    فى اخر كوبليه
    لو قلت
    ميعاد حبك فات ومابقاش معادى
    متهيألى كدا ماكنتش هاتبقى مكسورة
    تقبل تحياتى


  9. جميلة الخواطر اوى

    دمت مبدعا

    البوست نزل..


    منورنى ديما


  10. SuB ZeRO بجد اناعزرك لان الحال من بعضوة انتا بجد صريح انا نفس المشاكل


  11. البوست جميل أوي ده أول زيارة لمدونتك و أول بوست أقرأهولك و البوست جميل أوي ..و لغتك حساسة أوي
    و تقبلي مروري


  12. appy Says:

    طيب ما تخاصم الاجتماعيه دى وزيت الباب يا كابتن لو رحت الاجتماع ادينى خبر اجيلكم


  13. يامحمد اهم حاجة اننا نطمن عليك
    وان شاء الله لينا لقاء قريب


  14. اعتزلت التدوين

    شكرا انكم قبلتوني في عالمكم الفتره

    دي

    ويشهد الله كم احببتكم فيه


  15. بجد مفيش اجمل من كدة ربنا يحميك يارب اعتزاز بالنفس واصرار على الثبات رائع بجد جميلة اوى عجبتنى اوى دى


    دي اسامي الحب

    في كياني معناها الشموخ

    وتوب العز

    ده توبي ومن غير ادوخ

    ومبدأ كياني

    اكون سالخ بس مش مسلوخ


    بجد يجنن تحياتى


  16. This comment has been removed by the author.

  17. عوداً حميداً اخي الفاضل

    وربنا يكرمك يارب


  18. This comment has been removed by the author.