ندعي لغزة ونعمل الصح






السلام عليكم




كنت النهارده في مدونة منى وبجد ألف ألف مبروك يامنى على الخطوبة بجد فرحتلك اوي


المهم فعرفت بموضوع حملة الدعاء لفلسطين


ولقيت ان الموضوع سهل قوي وكلنا نقدر نعمله


الموضوع بكل بساطة


هنقوم ونصلي الفجر وبعد مانصلي الفجر ندعي لأخواننا في فلسطين باللي في قلبنا


بجد ياجماعه الموضوه سهل ومش هيكفلنا كتير بس لما فكرت فيها لقيت اننا هنكسب كتير


هنكسب ان احنا هنحس اننا بنعمل حاجة


وكلنا اكيد مقتنعين 100% اننا بنعمل حاجة ليها معنى وان شاء الله ربنا معانا









الحملة التانية اسمها حملة الصح















الحملة دي انتشرت في جامعة عين شمس وبجد لقيت ليها معنى كبير قوي



شعارها كان بيقول خلي العيبة متطلعش منك




فعلا عندهم حق انته انسان مثقف ومحترم وفوق ده كله مسلم فبلاش العيبة تطلع منك انته




سمعت ان الحملة كان مدتها شهر لكن اعتقد ان احنا مش لازم نلتزم بموضوع شهر دي ممكن نمشيها طول حياتنا
تحديث
============================
بعد ماتفتح معبر رفح اللي كان مقفول يتم الان نقل المغونات والاغاثات
لإيصال التبرعات إلى فلسطين:
لجنة الإغاثة الإنسانية - نقابة الأطباء دار الحكة: 42 ش قصر العيني - قريب من محطة مترو السيدة زينب أو نقابة أطباء مصر: مدينة نصر 7 ش علي امين بجوار المخبز الالي امام مسجد نوري خطاب , تقاطع مصطفي النحاس مع الطيران
لجنة اغاثة نقابة أطباء مصر
البنك الوطني المصري
حساب رقم 500555
للإتصال: نقابة الأطباء المصرية
هاتف: 7940738 - 7943812 - 7943166 - 3652006 – 3636366
العنوان: 27 شارع القصر العينى امام معهد السكر
ems_cai@ems.org.eg بريد ألكتروني:
:ـلجنة الإغاثة الطبية التابعة لاتحاد نقابات الأطباء العرب
بنك قناة السويس فرع الدقى
حساب رقم (21090/1)
ـللإتصال: الدكتور جمال عبد السلام، مدير لجنة الإغاثة باتحاد الأطباء العرب
دار الحكمة 42 شارع القصر العينى
تليفون: 7940738-7943166
فاكس: 7940518
مؤسسة لجنة الإغاثة الإنسانية للعون
الناصرة - الصفافرة ,حي بلال ص.ب 20059تليفون : 046082095فاكس : 046082097
info@egatha.com بريد ألكتروني::ـ
--------------------
والمدونة في حداد على شهداء غزة وبجد ياجماعه مش عايز الناس تقول لي ربنا مش هيتستجيب ولازم نعمل حاجة خلونا ندعي لإن ده اشيء اللي في ايدينا دلوقتي
وخلوا في ثقة ان سبحانه وتعالى هيستجيب لينا
==============================

21 Responses
  1. esraa Says:

    ان شاء الله ندعيلهم

    وحملة صح فكرتها حلوه اوي
    اتمني انها تنتشر


  2. السلام عليكم
    اولا احب احييك واحيي كل المدونين الي كان ليهم وقفة في موضوع غزة لان فعلا الموضوع زااد اوي وبجد بقى حاجة بتوجع فينا
    وطبعا احنا مفيش بايدينا اي حاجة نعملها ليهم وتنفعهم غير الدعاء وان شاء الله ربنا ينصرهم على عدونا وعدوهم
    اما بقى بالنسبة لموضوع نعمل الصح فهي فعلا حملة هدفهما جميل وشعارها جميل كمان واكييد هتغير حاجات كتير
    وبشكرك مرة تانية....


  3. Anonymous Says:

    انا دعيتلهم.. بجد ياريت كلنا ندعيلهم واحنا بنصليمفيش اجمل من اننا نحس ان ربنا ويانا..

    وبالنسبه لحملة صح فكرتها وشعارها جامدين جدا جدا
    بتمني انها تنتشر وكلنا نعمل الصح والعيبه متطلعش مننا

    تقبل مروري

    تحياتي


  4. السلام عليكم

    على فكرة ربنا مش هيقبل لاننا منستهلش

    سلالالالالالالالالالالالالالالالالالالالالالام


  5. الدعاء جميل لكن الى متى سنظل ندعو


  6. Anonymous Says:

    صح الصح ياحبيب قلبى


    ربنا ينصر غزة ويصحى امتنا اللى تحت اليطاطين نايمين متغطيين


  7. Anonymous Says:

    اخوك مدحت

    بس المدونة مش راضية تفتح معايا


  8. حاضر نصلى وندعى
    وربنا يستخب ان شاء الله
    ممكن تقولى رايك فى اننا ممكن نروح يوم الثلاثاء 6/1 نزور الجرحى الفلسطنيين
    فى المستشفيات ؟


  9. WhItE HeArT Says:

    نهر الحب

    الموضوع رائع لكن للأسف انا عندي امتحانات بداية من يوم 5-1

    لكن ده عمل انساني اكتر من رائع واعتقد انه لو انتشر في مدونين كتير هيروحوا لإن رغم كل شيء احنا جوانا خير كبير بالفطرة

    انا عايزك تديني تأكيد بالموضوع ده وانا هنشره في المدونات وعندي عالبلوجبس تكوني متأكده

    دمت بكل خير


  10. جزاك الله خير
    فعلا الدعاء يرد القدر والله عز وجل قال " ادعوني استجب لكم " ونسأل الله العلي القدير أن بنصر المسلمين ويرحم الشهداء .


  11. لازم كلنا ندعيلهم فعلا لان ده واجب عليا مش شئ تطوعا

    ربنا معاهم يارب


  12. السلام عليكم...
    ومن قال ربنا لن يستجيب..
    مارد القضاء مثل الدعاء..
    اليوم الخميس ..
    سنقوم بالصيام والدعاء تضامننا مع أهل غزه..
    .......
    دمت بخير..


  13. ازيك يارب تكون تمام وبخير اتاخرت عليك كتير بس لظروف بجد
    وبحييك على البوست وتفاعلك ويارب يكتبلهم النصر وينتقم من اليهود حسبنا الله ونعم الوكيل


  14. wafaa Says:

    صح الصح يا افندم


  15. دعوه
    الأخ العزيز/او الأخت العزيزه
    تحيه طيبه
    ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
    المدونه
    http://netonradio.blogspot.com
    الموقع
    http://dear.to/cairo


  16. منى Says:

    اولا الله يبارك فيك
    ربنا يكرمك ويسعدك ويديم الاخوه الجميله
    ويفرحنا بيك

    ثانيا ربنا يجزيك كل خير على استجابتك ونشر الموضوع وكمان موضوع اعمل الصح
    جميل فعلا واللى يقدر يتحكم فى نفسه شهر هيقدر يكمل باذن الله

    ثالثا ان شاء الله ربنا يستجيب ولو بعد حين

    يقول عز وجل
    انى عند ظن عبدى بى
    ويقول سبحانه وتعالى
    ادعونى استجب لك
    افلا نؤمن بكلمات الله؟؟

    رابعا اسفه انى اتاخرت

    كل التحيه والاحترام


  17. GiGi Says:

    ربنا يعزك ويتقبل مننا دعاءنا يارب
    يارب انصر اخزانا فى فلسطين واعز الاسلام والمسلمين


  18. saheda.com Says:

    الإذاعة الصهيونية تؤكد إصابة 10 جنود صهاينة بجروح متفاوتة... القناة العاشرة الصهيونية تقول إن اشتباكات عنيفة تقع بين المقاومة الفلسطينية والجيش الصهيوني الذي طلب نجدة الطيران والمدفعية... 550 شهيدًا في غزة والقسام تتعهَّد بسحق جنود الاحتلال... القسام تعلن وصحيفة بلغارية تؤكد إسقاط مقاتلة صهيونية... عائلات فلسطينية على الحدود الشرقية والشمالية لقطاع غزة تطلق مناشدات للصليب الأحمر والمنظمات الدولية... كتائب شهداء الأقصى تقصف تجمعًا للدبابات الصهيونية جنوب غزة... تفجير 3 عبوات وقنص 4 جنود ومعاودة قصف قاعدة "حتسور" بصاروخ جراد وناحل عوز بصاروخي قسام.


  19. جزاك الله كل خير يامحمد


  20. Tamer Nabil Says:

    ازيك ياصاحبى

    اخبارك اية

    الف شكر على سوالك عليا

    ربنا يكرمك

    عودة

    تحياتى


  21. princess Says:

    طبعا ندعى ولازم النية تكون ان ان شاء الله ربنا يستجب لان على حد معلوماتى ويا ريت حد يصلحلى لو غلط ان الدعء من شروطه انك تحطى ثقة فى الله انه يستجب ومش شرط الاستجابة فى وقتها
    يعنى متقميش من على السجادة وتفتحى التلفزيون وتلاقى الاسرائيلين باسوا على دماغ الفلسطنيين ويقولولهم مش هنعمل كده تانى هههههه
    مفيش الكلام ده احنا ندعى بنية صح ونسيب طريقة الاستجابة دى لربنا:))