حاجة اخيره
افتكرتك في نفس المكان
اللي جمعنا زمان
نفس الامان
نفس الشعور
نفس العطور
بس ضاع منه الحنان
انا مش قادر مشفكيش
اتنفسك ومحسكيش
الاقي صورة
وملقكيش
جايز
الحزن بان في العين
بس انا جوايا انين
انين قلب حبك اوي
خاف تضيعي منه اوي
جوايا صرخه صنعها الكبت
صرخه شقت بحور الصمت
صرخه قلب مجروح اوي
ايوة
انا شايفك جوه الصورة
وفاكر كلامك وقت الصورة
"
انا علطول هفضل فاكراك
بحبك قوي ....ومش هنساك
"
ايوة انا فاكر كل كلامك
حفرته في قلبي مهوّ مكانك
بحبك
بحبك يااغلى ماعندي
قصدي اللي كان عندي
كنت معاكي مالك الدنيا
بس رحتي ياروحي فثانية
مش هنساكي ولايوم اقدر
ده اللي مابيننا ماهيتقدر
ايوة انا راضي اني اتكدر
ولاهتضايق ولاهتصدر
بس اقول لك حاجة اخيرة
حاجة عليا حقيقي مريرة
حتى ان دمع قلبي كتير
هيفضل قلبي
شايل حبك
حافظ رسمك
سامع همسك
"رحمة الله عليها"
عارف ان الكلام ملخبط وغريب بس بجد من كتر ماكنت متأثر وانا بكتبه فمش عارف كتبت ايه ولا عارف ظبطته وله لا بس هو كده وخلاص فمعلش خلوها عليا المرة دي
Comments
وإحساس اروع
تسلم إيدك
ماشاء الله
ربنا يعينك ويكرمك ويعوضك باذن الله
ارجو ان تنفع تلك الكلامات فى يوم من الايام
والتطور بتاع الذكري من تذكر الرؤية ثم تذكر الاحداث
حلو ومعبر جدا
تحياتي
تسلم ايدك ...
ان شاء الله تتقابلوا في الجنه
ربنا يهون عليك يارب
دمت بكل خير
هدى اللعب شويه وربنا يكون فى عونك ربنا يطمنى عليك دايما
شايل حبك
حافظ رسمك
سامع همسك
--------
مليش تعليق بعد الكلام الجميل دا والاحساس العالي دا .. بجد تسلم ايديك
:(( وربنا يرحمها يااارب ويصبرك
شايل حبك
حافظ رسمك
سامع همسك
كلام جميل اوي رغم الحزن اللي ماليه
فعلا في ناس تستاهل بجد اننا نكتبلها ونكتب عنها ونفضل فاكرينهم
ربنا يرحمها ويرحم موتانا جميعا
سلمت أناملك
حلوه يصحبى
فكرتنى بحاجه كنت كتبتها
لا أريدك ثانيا
ولن يعاودنى الحنين
عالمى أخترته بعيدا عنكى
لكن مازال قلبى اسير لكى
لم يتأثر بمرور السنين
صرت
لا أدري ماذا أفعل فى أمرك
واذى ذنب أرتكبته حتى أحبك
ولم بخل على الزمان ولم أسكن قلبك
صدقينى مهما طال زمانى سيظل قلبى يحبك
ربنا يعينك يارب
خليتنى اصدق ان الولاد ممكن يحبوا بجد
واحساسك الصادق مؤثر
واخيرا يبقى الالم
ربنا يرحمها ويكون اخر الاحزان
ويعوضك عنها خيرا
وفى النهاية لا تنسى الزكرى انها باقية بالقلوب
وليه ياصاحبي
تبقالها ..
وليه ترجع تحنلها ..
تشيل الصورة في جيوبك
وتمسك فيها تشكيلها ..
ماتنساها ..
وقطع فورا الصورة
عشان ماتعيشش ذكراها
ماتنسـاهـا
(:
تحيــــاتي
خلينا نشيل عنك شويه
الاقدار محدش فى ايده يغيرها
لكن الاحزان ممكن نحاول نبعدها مش نسيان للى راحوا ولا غدر مننا لكن بما اننا لسه عايشين فنحاول نبقى اقوى متنساش ان ضعفنا بيوجع اللى حوالينا وبيهتموا بامرنا
واكيد كل اللى بيحصل حكمته عند ربنا
ربنا يكتب لك كل الخير فى عاجل امرك واجله ويمنحك الصبر والرضا
انا كتبت جديد واسفه على التاخير
اختك منى
تسلم ايدك
اكيد الذكريات بتطاردنا وبنفضل نفتكر كل اللى حصل
بس رحمة الله عليها
مش عارف هى ماتت كروح ولا جسد
لو جسد يبقى خليك فاكر الذكريات دى واوعى تنساها
لاكن لو كروح يبقا انساها لان الروح اللى تعيش معاها كل الذكريات دى وتبعد عنك بسهوله كده
يبقى ذكرياتها لازم تموت
انا اتلغبطت برضوا فى التعليق
عديها برضوا المره دى
تحياتى
سلام
bgd kalam gamed