حبة صبر في آخر الكاس





حبة صبر في اخر الكاس 

وبراهن بيهم بين الناس

يمكن انسى جراحي في امسي

ويمكن اكسب بيهم نفسي

يمكن اجازف واعشق تاني

واعزف ألحاني انا من تاني

بس الخوف

اني اطوف

جوه خيالي

وكل الخوف

اني انا اكسب 

ويكون المكسب

حبة عتمة في ضل النور

شوية حب فوق السور 



طبعا غيابي كان غير مبرر اطلاقا بس جايز يكون خيالي اتحجم ومبقتش قادر اكتب وجايز اكون غير مهيأ حاليا لكتابة اي حاجة


انا بعتذر ليكم ولنفسي

وكل سنة وانتم طيبين وعيد سعيييد ان شاء الله


8 Responses
  1. Unique Says:

    ويلكم باااك .. كل سنة وانت طيب

    حبة صبر في اخر الكاس ..اممم .. راااائعة


  2. BaTresYa Says:

    يا ولكم يا ولكم كلنا هذا الرجل....انا بردو غيبت ينه باين علي عالم التدوين كله ...كنت في غيبوبه الحياه بعيد عنك :(..منور برجوعك


  3. secret-love Says:

    بجد تحفه وملهاش حل يلا ارجه زى زمان واحسن


  4. حمد الله علي السلامه وايت هارت ايه الغيبه الطويله دي يارب تكون بخير
    بجد البوست رائع والكلام مؤثر
    علي فكره انا كمان عملت زيك ومبقتش عارفه اكتب حسه اللي جوايا ده بقي حجر مش عارف اخرج منه حاجه ده انا حتي قفلت المدونه
    بس انت ان شاء الله ترجع تكتتب زاي الاول وتنور مدونتك
    تحياتي


  5. حمدا لله على السلامة البلوجر نور من جديد
    كلماتك تحفة بجد


  6. ريمان Says:

    كل سنه وانتم طيبين


    انا عجبنى اوى اوى عنوان البوست

    والكلمات جميله اوى

    بس لازم نسيب الخوف شويه ومش نسمحله يتمكن مننا عشان نقدر نعيش


  7. عاجبني اوي شكل المدونة جميل اوي

    بكرة احلي اكيد ان شاء الله


  8. Anonymous Says:

    كل سنه وانت طيب
    ويا رب تكون بخير
    وتكون السنه دى واللى بعدها احسن من اللى فات
    منى