ايوة بحبك





"ايوة بحبك"

قدرت خلاص اني مقولهاش


قدرت اني اخسر وعدي

بإني في يوم

مخسرهااش


كنت بشوف

نظرة خوف

وقدرت اداري

ومفهمهاش


ودمعة عينها

تنور عينها

وقدرت كمان

ممسحهاش


مكونتش احب 

ان كلمة حب

اقدر في يوم

منطقهااش


قدرت اني اخلق

الحزن انا فيها

قدرت اني ازرع

شوق يبكيها

قدرت اشوف

الفرحة انا بيها

ولما عاشتها 

وبيا شافتها

انا وقلبي مكملناش


اوعدك ياقلبي

اني ارجع ليها ....ادفي ايديها

ومنعيش غير بيها

بس اوعدني منظلمهاش

4 Responses
  1. حاضر يا عم
    هههههههه


    ****** كلماتك جميلة
    رغم شعورى بالتضارب فى المشاعر تحبها لكن تظلمها وتمنع نفسك من التعبير لها عن حبك وترى الدموع فى عينها ولا تحاول ان تساعدها حب وصمت وتراجع فى آن واحد طب ممكن تفهمنى ؟؟؟

    عموما احيانا ما يخطا الانسان لكن لله الحمد انه يقدر على تدارك خطأئة ومحاولة اصلاحة
    كلماتك جميلة ومعبرة


    تحياتى


  2. WhItE HeArT Says:

    يافندم حضرتك منورة المدونة والله

    بصي هقولك على حاجة ساعات الواحد بيتشتت عاطفيا ومبيبقاش قادر يقدّر مشاعره صح وساعتها بيخاف يعلن مشاعره تكون الحاله اللي هو فيها مش صح فبيتأخر وبيندم بعد كده

    لكن فعلا هو يقدر يرجع ويتدارك خطئه زي ماحضرتك قلتي لكن لازم يتأكد من مشاعره برضه علشان ميظلمش

    بجد نورتي المدونة
    وطمنيني عليكي واخبارك ايه


  3. كلامك جميل .. يا قمر يا جميل

    دمت بخير


  4. Mafrousa Says:

    انا جيت
    ده العقل اللى بيكلم القلب؟؟؟؟
    يعنى اقلب عاوزها
    و العقل بيظلمها؟؟؟؟
    القلب اصله عمرةما بيظلم
    القلب بيحب وبس
    تحياتي
    حلوة