انا مفيش


انا جيت اداوي ... اتجرحت

حبيت اني امسح دمعهم ... اتمسحت


متخفش مني يازماني

انا انتهيت

متقولش نقسى على قلبه تاني

ده انا اكتفيت


انا عرفت اني ضعيف

بغرق  في اي شيء طفيف

ويهزني ورقة ربيع 

ومنديل خفيف


انا دبت من كتر الشتات

انا ذكريات

انا حلم فات

انا ساعة صفى

عقربها مات


انا تفانيش

حد مش عارف يعيش

انا صورة باهته... في الأفيش

انا طراطيش

انا

انا

انا مفيش 




11 Responses
  1. Anonymous Says:

    انت مش مفيش
    انت كل حاجة :)
    حاول تكون سعيد ..وهتقدر ;)
    وأنا اول كومنت عشان متقولش اني مش بقول رأيي ..
    حلوة اوي الكلمات ومش حلوة خالص حالة اليأس الي انت عايش فيها ;)

    Sa7ar ..


  2. للاسف كلنا برضه مفيش
    لان مفيش امل


  3. Unique Says:

    مش فاهمة حاجة :D

    رغم الاحباط اللي في الكلمات لكن بجد جميلة كالعادة
    عجبتني كلمة تفانيش جدا

    بالنسبة لطلب الترجمة سينظر فيه مع إن الكلام مكتوب بالعربي

    كل سنة وانت طيب ومش مفيش


  4. Unique Says:

    حياة إضافية مقتبس من رسالة جابرييل جارثيا
    http://dostor.org/culture/news/10/november/14/31974
    مع إضافات من عندي
    على كل حال لك حرية الاقتباس منه وسعيدة إنه كان ليه تأثير كويس

    موفق بإذن الله.. عيد سعيد


  5. السلام عليكم و رحمة الله و بركاته

    كل عام و انتم بخير و صحة و سعادة

    بمناسبة عيد الاضحى المبارك

    جمعنا الله دائما على الخير

    و جعل ايامنا جميعا اعياد و فرح و خير و سعادة

    تحياتى و تقديرى


  6. Tamer Nabil Says:

    كل سنة وانت طيب وبخير


    عيد سعيد عليك وعلى اسرتك الكريمة


    مع خالص تحياتى


  7. abdo el aidy Says:

    كل سنه وانت طيب يابوب
    بجد اعجبني جدا اخر حاجه انت كتبتها(انامفيش)بجد روعه بجد انك من اكتر الناس اللي بحب اقراله ومينفعش اني اشوف قصيده ليه وتعدي عليه عابره لازم ادقق في كل كلمه وكل حرف واسرح معاهم واحس بيهم واطير واتوه بحر الحنان والجمال والاحساس الرائع الذي يجعل كل من يقراه ليس علي الارض بل طاير مع طيور الجنةلان احساسك ده مش احساس عادي ولا كلام ناس بل احساس ملائكه وكلام ملائكه احساس جميل بيخدنا معاه لاخر الدنيااحساس صادق


  8. Anonymous Says:

    abdoelaidy معلش مش هقدر اوصفك لان لووصفتك انت وشعرك اخاف اظلمك انا مهما وصفتك مش هديك حقق وبامانه كلامك روعه وديه مش مجامله واحنا في انتظار المزيد


  9. Nouran Says:

    بتشدني بجد اني ادخول


  10. nour shahen Says:

    جميله جدا بجد
    بتمنالك دايما تكتب الاحسن
    ولو كانت دى لحظة فقدان امل زى ما معظم المعلقين كاتبين فمتأكده انك هتتغلب عليها لأنك تقدر


  11. انا دبت من كتر الشتات

    انا ذكريات

    انا حلم فات

    انا ساعة صفى

    عقربها مات

    حلوة أوى بس اتمنى تكون ابداعات مالهاش علاقة بالواقع لأن الوصول للمرحلة دى اكيد محتاج وقفة وبداية من جديد

    تحياتى لك