انا ميت صغير
دي تدوينة بعتهالي واحد صاحبي هديه عجبتني فيها حاجات واستغربت من حاجات ومفهمتش حاجات
انا ميت صغير
اتخطفت بدري
اتخطفت بدري
عمري قصير
بضرب وبجري
--------
ضربني في ضهري
بصيت ملقتوش
اشتاتا اشتوت
ياحواش حوش
---------
العلقه بتفوت
والكل هيموت
--------
لو بصيت قدام
جاي تاني مش هينام
--------
اتغدر بيا
ومن غدره بتعلم
وبفضل بقيت عمري
فحالي ألملم
--------
مجاش بس ليا انا
جه لينا كلنا
-----
ليه جه؟مين هوه؟
خلانا بره غير جوه
-------
موتني!!؟؟؟
وموتي موت الناس حوليا
لوحدي ليل
قبري مقفول عليا
-------
البلد غنية
من كتر سارقينها
عقول فذه ولوغاريتم حالنها
كورة زي الفل
وراكعة ساجدينها
---------
الاهلي ،الاسلام وعروبة
وكمان بحب المنتخب
مصرين نبأه كركوبه
متقرطسين في لاسلام ولا حرب
----------
...مصر رائده
مصر قائده
معدش للكلام ده فائده
وان مكنش العيش علمائده
ابقى قابلنييييي !!!!!!؟؟؟؟؟
;)
---------
احنا عيال فرعون
واقولها لو اتسأل
ومولتشي عالتلفزيون
وانا مش لاقي اشتغل
طب ليييييييييييييه ؟
---------
الكل قال اهي ماشية
وجمع ماشيه مواشي
احنا اللي فيها بقرة
وهوه فينا فاشي
--------
تبارك مبارك
وفي حضنه سوزي
والعيلين كمان
لآخد على بوزي
--------
في ناس شبر واقطع
والتانيين كل وبرطع
---------
انا في نفسي اولع؟؟؟
وله اهج تاني؟؟
فاحشه وسوء سبيل
والمربع مستطيل
كل دين مخنوق عليل
اخ لو اغير زماني!!؟؟
-------
ههههههههههه
--------
الحزب لغيره بعبع
والاخوة تعمل ايه
لاكنت في يوم بشجع
ومنهم بريء يابيه
----------
اصل انا يوم ماهتبع
هتوسع دنيا الكلام والشبرءا
وفي كده هنسى في يوم ان هيه ""ضيقه"" !!؟؟
وعمري اساسا اهو راح بعزقه
-----------
دنيا دلوقتي ،عايزة اللي يفصل
عايزة اللي يفصل
هوه هوه اللي يوصل
--------
مصر ام الدنيا
والدنيا بنت كلب
الحجه كالها جالطه
قلبت بأزمة قلب
---------
لا انا مرضتها
ولا اعرف ايه دواها
بس لو اعرف تعبان ليه معاها
---------
هجينا سنين!!!!؟؟؟
راجعين!!!؟؟ مش راجعين !!؟؟
---------
مصر دي مامتشي
والام مدرسة
ماصدقنا نطينا السور
ونقول مين ده ؟؟ دا ده المدرسه
والناظر ناظر وهوه مسرور
----------
بياع البلد راجل وتد
لا نافع قر ولا حسد
---------
سيخ محمي في وسط شله
تعرفشي يخويا من انهي مله
واي حلول صبح فيها عله
----------
صراحة عجبتني فيها حاجات كتير ومعجبتنيش فيها حاجات كتير وهسيب ليكم التعليق
Comments
وفى كلام مفهوم
وفى كلام معناه باين حتى لو مش مفهوم
بس كان المفروض تقوليله اية الوغاريتمات دى اصل يعنى ده يعنى مش تنظيم شعرى ولا ادبى ولا حاجة
بيتهيالى خاطره بس كان فيها شوية تنظيم بسيط
تحياتى
وشوية كلام قلب علييا مواجع
وشوية كلام هييست معاه
واهه
وشوية سلام
XD
بقولك ايه ارجع لكتابتك تانى انا يا ابنى مهيسه وعندى هلاوس اصلا بتصحيها ليه ارحمنى هههههههههههههه
المهم انا رديت عليك عندى ابقى شوف وانا مش زعلانه منك انت اخويا الصغير
وبيحكى عن حالنا وسلبيتنا
بجد هو كان بيفضفض مع نفسه بس فضفضه جميله عجبتنى قوى
تحياتى ولاء
بس على اللى انا فهمته
الله عليك
محمود
لو اتفنطوا كده كل موضوع هياخد حقه
زحمة وتاهوا الحبايب
بص
هو فيه حاجات كتير بجد حكم
وفيه حاجات تانية مفهمتهاش
لكن واضح انه بيتكلم عن النقر والحفر الى احنا عايشين ندخل ونطلع منهافى مصر
بس هو عنده حق
انا برضه عندى حدوته زى كل واحد عايش معاه الحدوته بتاعته
i think he just express his difereeent feelings in words.so many of us cant understand what he sa saying.
c u
bye
بعضة مبالغ فى قسوتة
وبعضة غير مفهوم معناة
لكن واضح انة من حد قرفان من البلد
تحياتي لحضرتك واهلا بيك في مدونتي المتواضعه دي
اعتقد انها كذلك
تحياتي
اعتقد ان البوست عجبني فيه اشياء كثيره وبعدين ده النبي قبل الهديه
تحياتي
معلش اني قلبت عليك المواجع بس سعيد ان الكلام وصل لحضرتك
تحياتي
ربنا يسهل ادينا بنحاول نكتب حاجة وربنا يسهل كده ياآبي دعواتك
واسفين على ازعاج حضرتك واننا لخبطناكي
تحياتي
عجبني استنتاجك ياولاء جميل فعلا بالذات في الشباب اللي ماصدقوا نطو السور مجتش في بالي بصراحه
استنتاج جميل فعلا ورد رائع
تحياتي
الله عليه بأه هوه اللي كتب مش انا
وجودك اسعدني
تحياتي
موناليزا بحالها عندنا
اول زيارة وان شاء الله مش هتكون الاخيره مش كده برضه ؟
اعتقد فعلا انه مدخل كل المواضيع في بعض
تحياتي
ايه الرد الجميل ده
مش عارف هيه الزيارة الاولى وله لا بس برضه ان شاء الله مش هتكون الاخيره
وبالنسبة لأحمد عدوية اللي في الاول ده كان بيغني الاغنية دي ايام مامكنش في زحمه
كلنا بصراحه في حاجات مفهمنهاش انا صاحب عمره وفي حاجات مفهمتهاش بصراحه
تحياتي
هوه بيقول كده بس هوه كان يقصد حاجات بعينها
تحياتي
جميل موضوع كل واحد عايش معاه الحدوته بتاعته دي
رد مقنع
تحياتي
فعلا هوه بيوصف احاسيسه في كلمات وحاجات تخصه بس في حاجات واضح هوه يقصد ايه
وبعدين مكنش لازم تحرجنا بالانجليزي ده
هههههههههههه
شكراً لزيارتك الجميله اللي اتمنى انها متكنش الاخيره
تحياتي
متفق معاكي تماما
وبشكر لحضرتك زيارتك الاولى ويارب تتكرر
تحياتي
هى ساعات تكون عاليه قوى والاقى كلامها ايقاعه سليم وساعات مره واحده يحصل نشاز بسيط
بس فى الاخهر المعنى مليان كلام جميل
بصراحه كان مفروض قسمتها على مرتين وركز فى كل مره فى شئ معين
بس حلوة
وحاول تعدل فيها بعدين لو قدرت
تحياتى
سلام
دا كلام جامد
مشاء الله عليك بصراحه
مع انوا ممكن تكون بتشجع الزمالك وتعيش بردوا
وانا قدامك اهه
لا بجد توبيك رائع
تحياتي لحضرتك بس عاوز اوضح لحضرتك حاجة ان دي مش تدوينتي دي جاتلي هديه يعني انا مكتبتهاش خالص
بس شكراً لتعليق حضرتك الجميل وياريت كنت اقدر اعدل فيها بس انا شايفها كده كويسه علشان برضه حقوق النشر والبطيخ
تحياتي
وهما الزملكاوية مالهم بس مهم عايشين اهو بس بصراحه مبقوش يعرفوا يلعبوا
شكراً لردك الجميل بس للتذكرة بس الكلام مش كلامي خالص
وردك الرائع اكيد هيوصل لكاتب الكلام
تحياتي