انا ميت صغير

دي تدوينة بعتهالي واحد صاحبي هديه عجبتني فيها حاجات واستغربت من حاجات ومفهمتش حاجات
انا ميت صغير
اتخطفت بدري
عمري قصير
بضرب وبجري
--------
ضربني في ضهري
بصيت ملقتوش
اشتاتا اشتوت
ياحواش حوش
---------
العلقه بتفوت
والكل هيموت
--------
لو بصيت قدام
جاي تاني مش هينام
--------
اتغدر بيا
ومن غدره بتعلم
وبفضل بقيت عمري
فحالي ألملم
--------
مجاش بس ليا انا
جه لينا كلنا
-----
ليه جه؟مين هوه؟
خلانا بره غير جوه
-------
موتني!!؟؟؟
وموتي موت الناس حوليا
لوحدي ليل
قبري مقفول عليا
-------
البلد غنية
من كتر سارقينها
عقول فذه ولوغاريتم حالنها
كورة زي الفل
وراكعة ساجدينها
---------
الاهلي ،الاسلام وعروبة
وكمان بحب المنتخب
مصرين نبأه كركوبه
متقرطسين في لاسلام ولا حرب
----------
...مصر رائده
مصر قائده
معدش للكلام ده فائده
وان مكنش العيش علمائده
ابقى قابلنييييي !!!!!!؟؟؟؟؟
;)
---------
احنا عيال فرعون
واقولها لو اتسأل
ومولتشي عالتلفزيون
وانا مش لاقي اشتغل
طب ليييييييييييييه ؟
---------
الكل قال اهي ماشية
وجمع ماشيه مواشي
احنا اللي فيها بقرة
وهوه فينا فاشي
--------
تبارك مبارك
وفي حضنه سوزي
والعيلين كمان
لآخد على بوزي
--------
في ناس شبر واقطع
والتانيين كل وبرطع
---------
انا في نفسي اولع؟؟؟
وله اهج تاني؟؟
فاحشه وسوء سبيل
والمربع مستطيل
كل دين مخنوق عليل
اخ لو اغير زماني!!؟؟
-------
ههههههههههه
--------
الحزب لغيره بعبع
والاخوة تعمل ايه
لاكنت في يوم بشجع
ومنهم بريء يابيه
----------
اصل انا يوم ماهتبع
هتوسع دنيا الكلام والشبرءا
وفي كده هنسى في يوم ان هيه ""ضيقه"" !!؟؟
وعمري اساسا اهو راح بعزقه
-----------
دنيا دلوقتي ،عايزة اللي يفصل
عايزة اللي يفصل
هوه هوه اللي يوصل
--------
مصر ام الدنيا
والدنيا بنت كلب
الحجه كالها جالطه
قلبت بأزمة قلب
---------
لا انا مرضتها
ولا اعرف ايه دواها
بس لو اعرف تعبان ليه معاها
---------
هجينا سنين!!!!؟؟؟
راجعين!!!؟؟ مش راجعين !!؟؟
---------
مصر دي مامتشي
والام مدرسة
ماصدقنا نطينا السور
ونقول مين ده ؟؟ دا ده المدرسه
والناظر ناظر وهوه مسرور
----------
بياع البلد راجل وتد
لا نافع قر ولا حسد
---------
سيخ محمي في وسط شله
تعرفشي يخويا من انهي مله
واي حلول صبح فيها عله
----------
صراحة عجبتني فيها حاجات كتير ومعجبتنيش فيها حاجات كتير وهسيب ليكم التعليق
28 Responses
  1. الحقيقة ان فى كلام غير مفهوم
    وفى كلام مفهوم
    وفى كلام معناه باين حتى لو مش مفهوم
    بس كان المفروض تقوليله اية الوغاريتمات دى اصل يعنى ده يعنى مش تنظيم شعرى ولا ادبى ولا حاجة
    بيتهيالى خاطره بس كان فيها شوية تنظيم بسيط
    تحياتى


  2. secret-love Says:

    قولتلك من الاول بلاش وانت مسمعتش كلامى


  3. لأ بجد شوية كلام ضحكنى

    وشوية كلام قلب علييا مواجع

    وشوية كلام هييست معاه


    واهه

    وشوية سلام
    XD


  4. appy Says:

    ايه اللخبطه دى
    بقولك ايه ارجع لكتابتك تانى انا يا ابنى مهيسه وعندى هلاوس اصلا بتصحيها ليه ارحمنى هههههههههههههه
    المهم انا رديت عليك عندى ابقى شوف وانا مش زعلانه منك انت اخويا الصغير


  5. walaa Says:

    هو يا سيدى بيحكى عن نفسه وعن حاله وعن حبيبته اللى هجرته وعن مبارك وفساده وعن الشاب اللى غرقوا فى النهر فى الحته بتاعت الاطفال اللى بينطوا من على سور المدرسه
    وبيحكى عن حالنا وسلبيتنا
    بجد هو كان بيفضفض مع نفسه بس فضفضه جميله عجبتنى قوى
    تحياتى ولاء


  6. بصراحة انا كنت على وشك أقرا البوست لثالث مرة عشان أفهم اللى مفهمتوش
    بس على اللى انا فهمته
    الله عليك
    محمود


  7. monaliza Says:

    هو حاجات كتير مع بعض
    لو اتفنطوا كده كل موضوع هياخد حقه


  8. aya Says:

    زحمة يا دنيا زحمة
    زحمة وتاهوا الحبايب


    بص
    هو فيه حاجات كتير بجد حكم
    وفيه حاجات تانية مفهمتهاش

    لكن واضح انه بيتكلم عن النقر والحفر الى احنا عايشين ندخل ونطلع منهافى مصر

    بس هو عنده حق


  9. mostafarayan Says:

    هو كلام واحد مصري مهيس زينا كلنا يعني


  10. مش عارف بس هى حدوته صح بس بصراحه جميله جدا
    انا برضه عندى حدوته زى كل واحد عايش معاه الحدوته بتاعته


  11. Hossam Says:

    hello
    i think he just express his difereeent feelings in words.so many of us cant understand what he sa saying.
    c u
    bye


  12. shreen Says:

    كلام بعضة صحيح
    بعضة مبالغ فى قسوتة
    وبعضة غير مفهوم معناة

    لكن واضح انة من حد قرفان من البلد


  13. WhItE HeArT Says:

    اللي نفسه يبأه فيزيائي

    تحياتي لحضرتك واهلا بيك في مدونتي المتواضعه دي

    اعتقد انها كذلك

    تحياتي


  14. WhItE HeArT Says:

    secret-love

    اعتقد ان البوست عجبني فيه اشياء كثيره وبعدين ده النبي قبل الهديه

    تحياتي


  15. WhItE HeArT Says:

    محمد حمزة

    معلش اني قلبت عليك المواجع بس سعيد ان الكلام وصل لحضرتك


    تحياتي


  16. WhItE HeArT Says:

    آبي هانم

    ربنا يسهل ادينا بنحاول نكتب حاجة وربنا يسهل كده ياآبي دعواتك

    واسفين على ازعاج حضرتك واننا لخبطناكي

    تحياتي


  17. WhItE HeArT Says:

    ولاء

    عجبني استنتاجك ياولاء جميل فعلا بالذات في الشباب اللي ماصدقوا نطو السور مجتش في بالي بصراحه

    استنتاج جميل فعلا ورد رائع

    تحياتي


  18. WhItE HeArT Says:

    محمود

    الله عليه بأه هوه اللي كتب مش انا

    وجودك اسعدني

    تحياتي


  19. WhItE HeArT Says:

    MONALIZA

    موناليزا بحالها عندنا
    اول زيارة وان شاء الله مش هتكون الاخيره مش كده برضه ؟

    اعتقد فعلا انه مدخل كل المواضيع في بعض

    تحياتي


  20. WhItE HeArT Says:

    AYA

    ايه الرد الجميل ده

    مش عارف هيه الزيارة الاولى وله لا بس برضه ان شاء الله مش هتكون الاخيره

    وبالنسبة لأحمد عدوية اللي في الاول ده كان بيغني الاغنية دي ايام مامكنش في زحمه

    كلنا بصراحه في حاجات مفهمنهاش انا صاحب عمره وفي حاجات مفهمتهاش بصراحه

    تحياتي


  21. WhItE HeArT Says:

    مصطفى ريان

    هوه بيقول كده بس هوه كان يقصد حاجات بعينها

    تحياتي


  22. WhItE HeArT Says:

    صوت من مصر

    جميل موضوع كل واحد عايش معاه الحدوته بتاعته دي

    رد مقنع

    تحياتي


  23. WhItE HeArT Says:

    حسام

    فعلا هوه بيوصف احاسيسه في كلمات وحاجات تخصه بس في حاجات واضح هوه يقصد ايه

    وبعدين مكنش لازم تحرجنا بالانجليزي ده

    هههههههههههه

    شكراً لزيارتك الجميله اللي اتمنى انها متكنش الاخيره

    تحياتي


  24. WhItE HeArT Says:

    SHIREEN

    متفق معاكي تماما

    وبشكر لحضرتك زيارتك الاولى ويارب تتكرر


    تحياتي


  25. عزيزى
    هى ساعات تكون عاليه قوى والاقى كلامها ايقاعه سليم وساعات مره واحده يحصل نشاز بسيط
    بس فى الاخهر المعنى مليان كلام جميل

    بصراحه كان مفروض قسمتها على مرتين وركز فى كل مره فى شئ معين

    بس حلوة

    وحاول تعدل فيها بعدين لو قدرت

    تحياتى

    سلام


  26. Abo 7anf Says:

    لا ياعم
    دا كلام جامد
    مشاء الله عليك بصراحه
    مع انوا ممكن تكون بتشجع الزمالك وتعيش بردوا
    وانا قدامك اهه
    لا بجد توبيك رائع


  27. WhItE HeArT Says:

    احساس لسه حي

    تحياتي لحضرتك بس عاوز اوضح لحضرتك حاجة ان دي مش تدوينتي دي جاتلي هديه يعني انا مكتبتهاش خالص

    بس شكراً لتعليق حضرتك الجميل وياريت كنت اقدر اعدل فيها بس انا شايفها كده كويسه علشان برضه حقوق النشر والبطيخ

    تحياتي


  28. WhItE HeArT Says:

    الزملكاوي


    وهما الزملكاوية مالهم بس مهم عايشين اهو بس بصراحه مبقوش يعرفوا يلعبوا

    شكراً لردك الجميل بس للتذكرة بس الكلام مش كلامي خالص

    وردك الرائع اكيد هيوصل لكاتب الكلام

    تحياتي