تاج ويارب صبرني
طبعا ده تاج وصلني من اخويا مدحت محمد واختي روح
وبصراحه انا في ناس بعتت لي تاجات ونسيت بصراحه فياريت بس لو حد بعتلي يفكرني لإني والله بنسى وانتم عارفين انا بحب التاجات دي اد ايه " وش عليه ابتسامه صفره" هههههه
طيب بسم الله
لوأعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟
ثلات وردات مرة واحده ايه الكرم ده
الورده الاولى : نفسي اديها لرسول الله صلى الله عليه وسلم لإن بعد التعمق في السيرة شوية اكتشفت اد ايه هوه تعب واد ايه حبنا واد ايه صبر صلى الله عليه وسلم
الوردة التانية : لبابا وماما واخواتي كلهم وممكن عيلتي كمان لو كفت
الورده التالته : لمدحت محمد وروح ومنى لإنهم بصراحه ليهم مواقف معايا بعزهم بطريقه غريبة حتى من غير مااشوفهم ولو اتبقى حاجة على بقيت المدونين
وطبعا هشتري وارده اضافيه هوزعها بين شريف ومحمود اصحابي و
secret love
لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟
لا اله الا الله محمد رسول الله
يارب اهدني واغرلي
يارب ادخل الجنه ويارب اموت على الشهاده
ما هو هدفك فى الحياة ؟؟
اني اكون احسن من النهارده في كل الاحوال واسعاد الاخرين بقدر المستطاع
إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟
اه بصدقها
علشان فيها كلمة ان شاء الله
أجمل مقولة سمعتها فى حياتك ؟؟ هي آيه
قوله تعالى : { أفأمنوا مكر الله} وده لإنها بتنهاني عن امور كتير حرام وغلط
من المغنى اللى بتحبه أوى و إيه أحلى أغنية ليه بتحبها ؟؟
فؤش الشهير بمحمد فؤاد
ولاكل اللي دابو
غزة" تمثل لك إيه فى حياتك ؟؟"
تمثل لي حاجتين
دليل على عروبه مفككه وضعف ايماني عندنا كلنا
تحقيق لقوله تعالى: {وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا } صدق الله العظيم
أعطى لإنتمائك لوطنك درجة من مائة ؟؟
%90
والعشرة في المية الباقيين ضاعو ومش راجعين تاني
لو تزوجت و أنجبت بنتين و ولدين أى الأسماء تختار لهم ؟؟
البنات
بسنت
بانسيه " اسم ورده وبرضه محدش يتريق"
الولاد
عمرو
طارق او طه
عمرك غشيت فى أمتحان و انت صغير ؟؟
نادرا لإني دايما كنت بحل كل حاجة ومبتقفش معايا لما بقى يبأه يقف معايا حاجة كنت بحاول اغش بس بأه عامل زي اللي بيطب الباقي من الميكروباص
ياحاااااااااج ربع جنيه ورا بس
هههههههههههههه
لو أتعرض عليك رشوة كبيرة و انت فى زنقة ماليه هتعمل إيه ؟؟
اللي عرضها عليا لو مكنش من اصحابي هدعيله بالهدايه
ولو حد من اصحابي يبأه انتهى من حياتي للأبد
قول 3 صفات ب 3 كلمات بس توصف بيهم شخصيتك (يعني كريم طيب خدوم كده
طيب ... عصبي ... غيور
اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه
بابا هشتريله بارفان
ماما برضه هشتريلها بارفان
اختي الكبيرة هشتريلها ساعه
اختي اللي في النص هشتريلها كاميرة
اختي الصغيره هشتريلها كومبيوتر عليه العاب كتير قوي
اخويا الصغير هشتريلها احدث بلاي ستيشن في وقتها
وان شا الله ماعن حد حوش
ههههههههههههههه
برضه بكلمة واحدة ايه اهم صفة عايزها في شريك حياتك؟؟
صفتين اول صفه الدين والتانية الرقه
مش ملاحظين اني مبلتزمش بأساسيات التاج وبمشيه على مزاجي برضه
يله مش مشكلة وعلى رأي المثل اللي يعرف ابويا يروح يقول له
ايه المجال اللى غير دراستك وشايف نفسك فيه قوي حتى لو كان ياشيخ الرسم عالحيطة
الطيران ولما بشوف طيارة معديه من فوقي بتضايق قوي
بتحب السفر؟
لا خالص بحب اعيش حياة مستقرة
تمرر التاج ده لمين ؟؟
جينا للسؤال اللي بكرهه جدااا
اصبروا اروح اخدهم من التاج اللي فات كوبي
1- secret-love
2-ورود واشواك
2-ورود واشواك
9-appy
10-جندا حمرا
10-جندا حمرا
اخيرا بقول لمدحت محمد وروح ان ليهم تاج عندي في السكه علشان احنا بنعرف ندبس برضه
Comments
اجابات جمييييييييله
ربنا يحققلك كل اللي انت عاوزه
بس حاول تتخلص من العصبيه لانها صفه وحشه
انا كمان عصبي جدااااااااااااا
تقبل مروري
من الظروف اللى عايشينها اكيد
صفاتك جميلة
وميرسى لسؤالك عليا
وربنا يوفقك ويحققلك كل امانيك
ربنا يكرمك ويعزك
اجابات عميقة وجملية فعلا
ربنا يوفقك وتحقق كل اللى بتتمناه:)
والله بنحاول وربنا يسهل ان شاء الله
بس اصلها حاجة بتجري في الدم
ههههههه
تحياتي
معلش معلش الظاهر دي صفة الشعب المصري كله وبيني وبينك محدش يقدر يقيم نفسه في الموضوع ده قوي اذا كان عصبي او لا
ولا مرسي على واجب لو مكناش هنسأل على بعض امال مين هيسأل
تحياتي
بجد ألف شكر على الاطراء الجميل ده
واسعدني وجودك
تحياتي
مرسي قوي على التلعيق الجميل ده
تحياتي
ربنا يوفقك يا رب
منى الشريكه فى الورده الثالثه دى انا؟؟؟؟؟
ولا تشابه اسماء
انا فهمت انها انا والله مش قادره اقولك فرحت اد ايه سبحان ربى الودود
اوعى تكسفنى بقى و تقول مش انتى
بانسيه ده اسم جميل فعلا ورقيق اوى
ربنا يحقق لك كل احلامك الجميله
ويوفقك لما يحب ويرضى
ومرسىىىىىى على التاج
كالعاده جاوبته قبل كده
هههههههههه
تحياتى وشكرى
يعنى واحدة بواحدة ماشى ياسيدى انا موافق
ربنا يسعدك يامحمد يارب ويكرمك ويوفقك ويرزقك ببنت الحلال
وميحرمناش منك
تحيــــــاتى
المصــــــــــرى
بس عمرى ماجبت عندك اول نعليق حاجه غريبه
وشكرا ليك ان اسمى جه مرتين فى الموضوع
والمرادى هضغط على نفسى واقبل التاج
حبيبى والله
اية التاج العثل دة ربنا يسعدك يارب ويحققلك امنيتك يارب وتعيش سعيد
وميرسى على انك دايما فاكر كل اصحابك وانت عثل تسلم يارب
باى
ناااجح ان شاء الله
الواجب محلول كويس
و الخط جميل
كلها اجابات نموذجيه
ماشاء الله
ممكن لو نجت تجيبلي انا كماان ازازة بارفان
انا مدمنة برفانات
لألأ مش بشربهم
بشمهم بس و استحمى بيهم
هههههههههههههه
كل رمضان و انت طيب و عيلتك كلها طيبة يا رب
هههههههههههههه
ماشي ماشي مقبوله منك بس انا عارف نفسي رومانسي وهقعد اتغزل فيهم ومش هبيعهم
تحياتي
هههههههههه
دايما بتكسفيني وتقولي انك جاوبتيه كده
عموما فعلا الورده التالته ليكي فعلا وانا مقدرش اكسفك
لحد دلوقتي ان شاء الله انا هروح يوم 7/8 هكلم مارو وهعرف المعاد بالظبط والمكان بس والله مش عارف لإن انا عندي ارتباطات اسريه شديده شوية بس لحد دلوقتي ان شاء الله انا رايح
واتمنى اقابل حضرتك
تحياتي
انا هقول لك انا مبحبش السفر لإني بحب الاستقرار الاسري في مكان معين وده ميمنعش اني كان نفسي اكون طيار بس يله مش مشكلة
والظاهر عمو مدحت ساب التدوين واشتغل في التاجات
ههههههههههههه
تحياتي
هههههههههه
اه واحده بواحده وهتشوف ان واحدتي اصعب
ههههههههههههههه
ربنا يخليك يارب ونفسي اشوفك في المنصورة لو هتروح انا هحاول اروح لسه مش اكيد وابقى ابعتلي رقم موبايلك على الياهوو
تحياتي
90%
مش وحشه وبعدين الكمال لله وانا بكده جبت امتياز حد لاقي
ههههههههههههه
لا بجد فعلا مينفعش اقول 100 واكدب على نفسي لإن في حاجات غلط ولازم تتغير وانا متأكد من قوله تعالى { لا يغير الله مابقوم حتى يغيروا مابأنفسهم } صدق الله العظيم
يبأه نتغير ونغير الوطن واكيد هنكون احسن
تحياتي
ربنا يخليك خلاص ولا يهمك المرة الجايه هحجزلك انا اول تعليق ياعم
ههههههههههههه
ربنا يخليك يارب
تحياتي
ايه كمية العسل اللي في الكومنت دي ده النحل اتلم على المدونه وهيقرصني
هههههههههههههههههه
ربنا يخليكي ياااارب
وياريت يكون التاج ده لسه متجاوبش عندك بأه
تحياتي
ايه ده ايه ده هوه انا داخل امتحان عربي طيب يامفروسه الواجب اللي جاي هبعتهولك انتي كمان تحليه
هههههههههههههه
رمضان سعيد عليكي وكل سنه وانتي بألف خير
تحياتي
اية الاجابات الجامدة دى
بس انت مش عاجبك التسعين فى المية
طب يا عم ادينى العشرة اللى وقعوا منك
سلالالالالالالالالالالالالالالالالالالالالالام
شخصية جميلة جدااااااااااا
بس العصبية اخ
ربنا يخلصك منها
دومت هاااااادى ورايق كدة
ههههههههههه
والله ميغلوش عليك اتفضلهم مش انته خلصت جيش وله لسه ؟؟
ربنا معاك
تحياتي
ياااااااااارب
وبجد مرسي اوي على التعليق الجميل ده
تحياتي