تااااااااج


تاج اهدتهولي المدونة هاجر " مشاعر صنعت كلمات " وبجد بشكرها اوي وهجاوبة اهو قبل ماانسى زي ماعملت كتير قبل كده




1- كان ينفع تختار عصر تعيش فيه هيبقي انهي؟ ومين الحاكم؟


في نفس عصرنا ده والحاكم يكون سيدنا محمد صلى الله عليه وسلم


2- أول أولويه في حياتك؟


عيلتي


3- أكتر حاجه بتحبها في رمضان؟


كل حاجة
الواحد بيحس ان كل حاجة مختلفه وبعدين اللمة بتزيد اوي في رمضان وانا بحب اللمة بصراحه


4- أوصف أجمل فطار ممكن تفطره؟


لما اكون عامل فيه حاجة بإيدي مع اني مبعرفش اعمل حاجة فبتخرج ابداعات


5- لو انت حاكم هتكون عادل؟ وهتعرف ازاي؟


ههههههههههه انتم كده دخلتم ارضي ياجماعه
انتم بتتكلمو في ايه
ده انا هكون انسان مفتري
لا بأمانه انا مقدرش اكون حاكم لإنه فعلا حمل رهيب واخاف منه
مش ظلم بقصد لكن ظلم من غير قصد


6- مين أكتر اعلامي بتحبه؟


الاستاذ وائل الابراشي


7- لو ممكن شغلانه تانيه تختار ايه؟


هو انا لسه مشتغلتش
بس زي ماقلت مشروع مهندس
ولو هختار شغلانة تانية فياريت لو طيار



8- تاني بلد تحب تعيش فيه بعد مصر؟


انا بعشق تراب مصر بس مش قادر استحلم اعيش فيها ونفسي اخلص دراستي واسافر في اي بلد تانية وغالبا هتكون كندا مش حبا في كندا لكن هي المتاحه

9- اوصف ترتيبات أجمل فرح ممكن تحضره؟

فرحي ان شاء الله وطبعا كلكم معزومين من دلوقتي


10- بتراعي كلام الناس والقيل والقال؟ وليه؟

كلام الناس لو فعلا حسيت اني صح بحاول اغير من نفسي
لكن معملش الحاجة الفلانية علشان مين هيتكلم ومين هيقول لا مبهتمش
وبأمانه لو بلغني ان حد اتكلم على حاجة انا عملتها من ورايا بيصغر في عنيا اوي
لكن برضه تقدروا تقولوا كل ظرف وليه اسبابه ممكن يكون مش عايز يضايقني
وانا دايما بختلق الاعذار للناس اللي بحبهم


11- صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟

ممكن اكتئب بأمانه


12- السعاده هي ... ؟

رضا الله واننا منخافش من بكره والنجاح كمان


13- عندك أمل؟ وأسبابك؟

اه انا عندي امل كبير

علشان انا مسلم وعارف ان الله قادر على كل شيء


14- لما تحب تهرب من كل حاجه بتروح فين؟


بأمانه متعودتش اهرب من اي حاجة ماعدا الحزن
انا جبان جدا قدام الحزن
ولما بييجي بتكفيني كلمة حلوة او حتى اني اتمشى في الشارع



15- امتي أخر مره أخدت فيها نفس وقلت ياااااه أنا كبرت؟


لما قريت السؤال بجد


16- بتشرب سجاير ولا لا؟ وايه رأيك في الستات والرجاله اللي بيشربوا؟

مبشربش


لكن بقول عنهم انهم مساكين وقعوا في الخدعه يعني جربوها مرة علشان يعرفوا الناس بتشربها ليها كسؤال محيرهم

والمادة الادمانية اللي جواها سيطرت عليهم بعد كده


بأمانه حصلي موقف اني غلطت برضه وقلت اجرب وطبعا بتكون بمساعدة صديق سوء وجربت وفعلا طعمها وحش جدا بل مقزز كمان لكن تاني يوم جالي احساس ان انا عايز اشرب معرفش ليه بس عرفت ان اكيد وراها ان


17- بتعرف ايدك الشمال ازاي؟


بعرف اليمين الاول اللي باكل بيها او بكتب بيها وعكسها تبأه الشمال

"ايه السؤال الغريب ده"


18- أكتر آله موسيقيه بتحبها؟

رغم اني مبعرفش اعزف على ولا اله موسيقيه لكن بحبهم كلهم جدا جدا كمان واكترهم البيانو والعود


19- ليه الزوق والنخوه اتعدموا؟


هما متعدموش بس هما قلو والسبب معروف قلة ايمان


20- ايه الحاجات اللي لو حصلت هتبقي سعيد؟


بأمانه اقرب من ربنا اكتر واحقق نجاحي في دراستي وفموهبتي وانزل زي ديوان صغير كده بس لسه الحلم ده قدامه كتيييير


21- تحب أرض زراعيه ولا اجنس عربيات ولا كام عماره ولا فلوس في البنك؟

بكرههم كلهم وبأمانه مبحبش الفلوس ولو معايا لازم اصرفهم لإني للأسف انسان مبذر جدا


22- تحب البحر ولا النيل؟

البحر وغالبا بيكون كل ممنوع مرغوب يعني انا مش كل يوم بشوف البحر لكن على الاقل كل شهر بعدي اتفرج على النيل


23- مركب ولا طياره؟

مركب لنفس السبب بتاع السؤال اللي قبله


24- شخص مجنون ولا عاقل؟

عاقل بس الناس ممكن تفكرني مجنون والاحلى في

الموضوع اني بسيبهم يفكرو وهنا يكمن الجنون


25- تقرا كتاب ولا تتفرج علي فيلم؟

لا اقرى كتاب وغالبا مبجبش كتب الا لو كنت واثق اني هحبه

وممكن اقعد 3 تيام معرفش انام علشان اخلص الكتاب



-- اهداء التاج --

بصو انا سبق واتهدالي التاج ده بس نسيت من مين وكمان جالي ييجي خمسه ونسيت هما ايه ولا مين اللي اهداهم وبجد موقفي محرج جدا لإني قبلتهم فانا قررت اني مش هدبس حد في الموضوع ده ماعدا زميلتي التدوينية الصامته اميرة الاحزان


هي اللي اختارت الاستايل بتاع المدونة متشكرين اوي لمجهوداتك الجبارة ياانسة بس اللي كنت مختاره كان احسن :)






8 Responses
  1. راى البوست رائع جدا ؟


  2. Tamer Nabil Says:

    ازيك ياصاحبى

    اخبارك اية

    كل تاج وانت طيب
    وربنا يحقق كل احلامك

    اجاباتك تمام

    ربنا يكرمك

    تحياتى


  3. Anonymous Says:

    اجاباتك جميله اوي بتدل انك اد ايه شخصيه جميله..

    ربنا يحفظك :)

    وميرسي جدا انك قبلت التاج وجاوبته

    دمت بكل خير وود

    تحياتي


  4. كويس :)
    التاج ده جالى قبل كدة وكان متعب اوى :D
    ربنا يكرمك :)


  5. منى Says:

    حلو التاج والاحلى الاجابات
    خد بالك انا جاوبته من زمان
    خد بالك فيه تاج هجاوبه قريب وهبعتهولك اوعى يتركن
    تحياتى


  6. اولا اجابتك كلها منطقية وجميلة
    وتلقائية

    اما فى سؤال ضحكنى جدا
    بتعرف ايدك الشمال ازاي؟

    ده ليه يعنى على اساس ان التاج بيتبعت لاسماعيل يس


  7. السلام عليكم
    اجاباتك وردودك بترسم ملامح شخصيتك وتجسدها,ربنا يكرمك.


  8. عامل ايه معلش مش دخلت من زمان ومش سالت من زمان بس السبوع ده كله زحمه
    .......

    ان شاء الله تحقق كل احلامك