حبيبتي علشانك




حبيبتي علشانك

اعزفيني مقطوعه عذابك

وارسميني لوحة ألم

واحفريها جوه بابك

واوصفيني لحظة شجن

ودونيها في كتابك


ولو اتبقى فقلبي شوق 

للشروق

ولو اخدت الماضي طوق

وحاولت افوق


فبحنانك ساعديني

وفجنانك اسحريني

واول ماتحسي بساعدتي

وان حبك نور ارادتي


فبخنجر مسموم بالورود

احرميني من الوجود


ولما تتوه المعاني ولما يتدمر كياني

هحاول اثبتلك

ولما تنطفي العيون وتغرق تحت الجفون

هحاول اقولك

ولما يبدأ الضياع وفي اخر لحظات الوداع

هحاول اوصفلك

>اد ايه عشت بحبك<

24 Responses
  1. سعيدة عشان اول تعليق

    حلوة اوي

    بس كل الحب ده
    بلا مقابل الاقسوة من الطرف الاخر طيب ليه؟؟


  2. Unique Says:

    جميلة جدا جدا .. احساس عالي أوي

    متتأخرش علينا تاني


  3. secret-love Says:

    انا مش اول تعليق ماشى
    المهم ايه الجمال والعوده الجميله ده بدج مفتقدينك موت


  4. Tamer Nabil Says:

    ازيك ياصاحبى

    اخبارك اية

    ان شاء الله تكون بخير

    كلمات جميلة

    وفكرتها حلوة

    تسلم عليها

    ربنا يوفقك ويكرمك

    مع خالص تحياتى


  5. ازيك يامحمد عامل ايه


    لازلت مبدع بصراحة


  6. وايت هاااااااااارت
    حمد الله علي السلامه ايه الكلام القوي
    ده ...عوده قويه وبجد البوست رائع
    تسلم ايديك
    تحياتي ليك


  7. ميرام Says:

    وليه تستنى لحظة موت عشان توصف عشت ازاي بتحبها (:

    الحيــاة أجمــل
    وللأسف ساعات كتير قوي مابتستناش

    (:
    تحية لقلمك


  8. غروب Says:

    جميله بجد

    بس حسيت فيها تناقض كتيييييييير


  9. WhItE HeArT Says:

    نهر الحب

    لا هي مش قسوة بالمعنى اللي انتي فهمتيه انا اقصد انها ممكن تكون م مصدقة حبي فبقول لها اعملي فيا كل حاجة علشان اكرهم وبرضه ههحبك

    ده اللي اقصده

    تحياتي


  10. WhItE HeArT Says:

    يونيك

    متشكر جدا يافندم على الكلام الراقي ده

    وان شاء الله مفيش تأخير تاني

    بس ادعولي تيجيلي افكار لإني مقدرش اكتب حاجة انا نفسي احس انها اقل من اللي قبل كده

    بجد نفسي اكتب كل يوم بوست واتنين لكن نقول ايه مش بمقدوري

    وتحياتي


  11. WhItE HeArT Says:

    احمد حبيب قلبي

    بجد انا اللي مفتقد وجودي في العالم السحري عالم التدوين طبعا

    حاسس ان في حاجة نقصاني لكن مالبيد حيله انته عارف ظروفي السنة دي

    او الظروف اللي مرت علينا كلنا كانت عصيبة

    ان شاء الله في عوده جامده دعواتك

    تحياتي


  12. WhItE HeArT Says:

    تامر نبيل

    تسلم ياتامر وجودك شرفني طبعا

    تحياتي


  13. WhItE HeArT Says:

    مدحت

    متشكر ياباشا على الكلام الجميل ده

    تحياتي


  14. WhItE HeArT Says:

    ملكة زمانها

    متشكر جدا كلماتك هي الاجمل طبعا

    تحياتي


  15. WhItE HeArT Says:

    المبدعه ميرام

    طبعا وصف الحب رائع في جميع الاوقات لكن لحظة الموت بيكون الاروع على الاطلاق

    وكمان استمرار الحب تحت ظل الضغوط والكره فهو ده الحب الحقيقي " الحب اللي مش مشروظ بحب زيه"

    فعلا الحياة ساعات كتير اوي مبتستناش متفق معاكي تماما

    تحياتي


  16. WhItE HeArT Says:

    غروب

    الاجمل هو وجودك طبعا

    بس كان نفسي لو توضحي ايه التناقض اللي حضرتك شايفاه

    تحياتي


  17. Anonymous Says:

    السلام عليكم ورحمه الله وبركاته
    كلمات جميله وراقيه وان كانت موجعه وهكذا طبع الحياه
    ربنا يوفقك ويا رب تكون دايما بخير
    منى


  18. بجد خاطرة جميلة اوي

    و مدونة اروع

    و كاتب شكله اروع و اروع

    سعيدة اوي اني اول مرة ازورها
    يا ريت نتابع بعضنا لان ده شرف ليا
    يا باشمهندس
    و على فكرة انا ضيفت مدونتك في المدونات المهمة عندي

    تقبل مروري الاول و ان شاء الله مش الاخير
    مع خالص تحياتي و تقديري


  19. جميلة اوى الكلمات وكلها رقة واحاسيس عالية
    ربنا يسعدك دايماااااااااااااا


  20. أد ايه عشت بحبك

    الحب فعلا شعور جميل
    بتحس انه الاكسجين اللى فى اللهواء
    و نسبته بتكون عالية
    لان سبحان اللع
    اللى بيحب
    بتلاقى عنيه بتلمع
    و وشه بشوش
    و مزاجه عال العال

    تحياتي
    حلوة اوي


  21. WhItE HeArT Says:

    منى

    انتي فين طمنينا عليكي

    وبجد شكرا على الكلام الراقي ده

    ومستنيين جديدك

    تحياتي


  22. WhItE HeArT Says:

    محمد

    بجد ربنا يخليك يارب

    كلامك جميل كالعاده

    تحياتي


  23. WhItE HeArT Says:

    مفروسة

    متفق معاكي 100% فعلا الحب شيء جميل

    بس الحب الصادق

    اسعدني تواجدك


    تحياتي


  24. WhItE HeArT Says:

    مها

    شكرا جامد اوي يافندم لحضرتك

    وبجد اسعدني اوي ان البوست عجبك

    واكيد تشرفي المدونة في اي وقت

    تحياتي