حبيبتي علشانك
حبيبتي علشانك
اعزفيني مقطوعه عذابك
وارسميني لوحة ألم
واحفريها جوه بابك
واوصفيني لحظة شجن
ودونيها في كتابك
ولو اتبقى فقلبي شوق
للشروق
ولو اخدت الماضي طوق
وحاولت افوق
فبحنانك ساعديني
وفجنانك اسحريني
واول ماتحسي بساعدتي
وان حبك نور ارادتي
فبخنجر مسموم بالورود
احرميني من الوجود
ولما تتوه المعاني ولما يتدمر كياني
هحاول اثبتلك
ولما تنطفي العيون وتغرق تحت الجفون
هحاول اقولك
ولما يبدأ الضياع وفي اخر لحظات الوداع
هحاول اوصفلك
>اد ايه عشت بحبك<
Comments
حلوة اوي
بس كل الحب ده
بلا مقابل الاقسوة من الطرف الاخر طيب ليه؟؟
متتأخرش علينا تاني
المهم ايه الجمال والعوده الجميله ده بدج مفتقدينك موت
اخبارك اية
ان شاء الله تكون بخير
كلمات جميلة
وفكرتها حلوة
تسلم عليها
ربنا يوفقك ويكرمك
مع خالص تحياتى
لازلت مبدع بصراحة
حمد الله علي السلامه ايه الكلام القوي
ده ...عوده قويه وبجد البوست رائع
تسلم ايديك
تحياتي ليك
الحيــاة أجمــل
وللأسف ساعات كتير قوي مابتستناش
(:
تحية لقلمك
بس حسيت فيها تناقض كتيييييييير
لا هي مش قسوة بالمعنى اللي انتي فهمتيه انا اقصد انها ممكن تكون م مصدقة حبي فبقول لها اعملي فيا كل حاجة علشان اكرهم وبرضه ههحبك
ده اللي اقصده
تحياتي
متشكر جدا يافندم على الكلام الراقي ده
وان شاء الله مفيش تأخير تاني
بس ادعولي تيجيلي افكار لإني مقدرش اكتب حاجة انا نفسي احس انها اقل من اللي قبل كده
بجد نفسي اكتب كل يوم بوست واتنين لكن نقول ايه مش بمقدوري
وتحياتي
بجد انا اللي مفتقد وجودي في العالم السحري عالم التدوين طبعا
حاسس ان في حاجة نقصاني لكن مالبيد حيله انته عارف ظروفي السنة دي
او الظروف اللي مرت علينا كلنا كانت عصيبة
ان شاء الله في عوده جامده دعواتك
تحياتي
تسلم ياتامر وجودك شرفني طبعا
تحياتي
متشكر ياباشا على الكلام الجميل ده
تحياتي
متشكر جدا كلماتك هي الاجمل طبعا
تحياتي
طبعا وصف الحب رائع في جميع الاوقات لكن لحظة الموت بيكون الاروع على الاطلاق
وكمان استمرار الحب تحت ظل الضغوط والكره فهو ده الحب الحقيقي " الحب اللي مش مشروظ بحب زيه"
فعلا الحياة ساعات كتير اوي مبتستناش متفق معاكي تماما
تحياتي
الاجمل هو وجودك طبعا
بس كان نفسي لو توضحي ايه التناقض اللي حضرتك شايفاه
تحياتي
كلمات جميله وراقيه وان كانت موجعه وهكذا طبع الحياه
ربنا يوفقك ويا رب تكون دايما بخير
منى
و مدونة اروع
و كاتب شكله اروع و اروع
سعيدة اوي اني اول مرة ازورها
يا ريت نتابع بعضنا لان ده شرف ليا
يا باشمهندس
و على فكرة انا ضيفت مدونتك في المدونات المهمة عندي
تقبل مروري الاول و ان شاء الله مش الاخير
مع خالص تحياتي و تقديري
ربنا يسعدك دايماااااااااااااا
الحب فعلا شعور جميل
بتحس انه الاكسجين اللى فى اللهواء
و نسبته بتكون عالية
لان سبحان اللع
اللى بيحب
بتلاقى عنيه بتلمع
و وشه بشوش
و مزاجه عال العال
تحياتي
حلوة اوي
انتي فين طمنينا عليكي
وبجد شكرا على الكلام الراقي ده
ومستنيين جديدك
تحياتي
بجد ربنا يخليك يارب
كلامك جميل كالعاده
تحياتي
متفق معاكي 100% فعلا الحب شيء جميل
بس الحب الصادق
اسعدني تواجدك
تحياتي
شكرا جامد اوي يافندم لحضرتك
وبجد اسعدني اوي ان البوست عجبك
واكيد تشرفي المدونة في اي وقت
تحياتي