بس انتي بتبعديني.... انا عشت بستناك
حبيبت
لمحتك ومعرفتكيش
وبصتيلي ومشفتنيش
ازاي يضيع كده حبنا
وازاي يهون بينا حلمنا
ده لا انتي انتي ولا انا
لا ده هوانا ولا عشقنا !!؟؟
حتى حبيبتي نظرتك
فيها دمعتك
فيها كدبتي
وكدبتك
حتى حبيبتي رقتك
وضحكتك
بانت فيهم
قسوتك
ليه حتى ألوان طرحتك
مش هما اللي عشقتهم
وفي احلى شعر وصفتهم
حتى حبيبتي السلسلة
اللي عليها البسملة
انا مش لاقيها
انا فيكي بدور عليها
ليه ياحبيبتي بتهونيني
و بكل مافيكي بتجرحيني
لسه الامل جوايا باقي
بس انتي بتبعديني
("محمد"WhItE HeArT)
حبيبي
الحزن مالي العين
والضعف غلبنا احنا الاتنين
والحب اهو ضاع من سنين
بإيديك قتلته
وبإيديا دفنته
جاي بتدور فيا عليه!؟
جاي بتسأل فين تلاقيه!؟
كان فين قلبك لما باعني
وف لحظة طيش كسرني
عشت بستناك ،،
وبقلب ف الصور
قلت يمكن اللقى ،،
يجي ف القدر
وأما شفتك ..
شفت فيك ،،
سنين عمري الي ضاعت
شفت فيك ،،
قسوة الزمن الي بانت
كان لازم قلبي يقسى
وف لحظة ضعف ينسى
قلبي مات من زمان
ماتت معاه السلسلة
ودفنت وياه البسملة
والي لسا معايا عايش
حب شلته من زمان
قلت قلبي ده مش مكان
..قتلت قلبي..
وعشقت حبي
وخبيته
ضميته بروحي
ودفيته
ده لا حد ف الدنيا يقدر
يجي عليه او يكسر
حب عايش جوايا
وبيكبر
(أميرة الاحزان"سحر")
ده كان دويتو
فكرة فكرنا فيها ونفذناها انا وزميلتي في المدونة سحر يارب تعجبكم
Comments
:)
الاسلوب الارتجالى
الى بينكم فى القصيدتين
ومحاولة جميلة اوى للرد على بعض
بنفس الاسلوب تقريب
بس الكلام جامد وسحر بشكرها كتيير جدا لانها بجد ابعدت تحياتى ليكم انتو الاتنين
ديو رائع بينكو ..والكلامات متناسقه ومعبره جداااااااااااااااااااا
تحياتي ليكم
من هنا لبكره رااااااائعه بجد
تسلم ايديكم :)
تسلم إيديك
دمت مبعا و بخير
تحياتى
انا لسه جديدة ف عالم المدونات وليا مدونة ع قدى بس عجبنى اوى
بقى الاحساس مالوش معنى ..
حاجات عمالة تتكسر ..
حاجات أكتر بتوجعنا ..
انا اتغيرت ..
وانا عارفة ان انا بخسر ..
مفيش مكسب يرّجعنــا
..
حسيتها وانا بقرأ
جميل اللي بتكتبوه
الاحساس عالي قوووي ..
الوزن اختل شويتين ...
لكن بجد جميل
منتظرة الجديد
تحيتي
لكن دويتو عمري ماسمعت مثلة
والله والله جميل تحفة
ربنا يوفقكم انتو الاتنين ويوفق الجميع
تقبل مروري
بعدين ايه الغيبة دي كلها 5 شهور مكتبتش ولا قصيده
ازاي شاعر مثلك لسة ماكتب ولو نص قصيده
عسى ان تكون بخير ومتشوفش وحش
تقبل مروري.
سلامي