معلش يادكاترة سيبونا نتكلم عن القلب




سوري اني اتأخرت على البوست الجديد وسوري للي دخل وملقاش جديد بس فعلا كنت مشغول قوي


عموما ماعلينا المهم ان عندي كلام كتير وبوستات اكتر اقولها واحترت انزل ايه واخلي في جعبتي ايه عموما انا هقول اللي هقوله والامر لله وحده


اليومين دول مهتم بتفسير شوية ظواهر تفسيرات علمية وده يدل على مدى الفراغ اللي انا فيه وبتناقش انا وصاحبي وحبيبي الباشمهندس محمد حلمي في الموضوع ده


المهم اخر ماتوصلنا اليه في قضية الحب على انه وطبعا لأي دكتور هيدخل يقرأ ينسى انه دكتور ويفتكر انهم مش هيعرفوا يفسروا الحب زي مااحنا هنفسره


بداية احب اقول ان اي حاجة بتتحرك حركة منتظمه زي القلب اللي بيدق باانتظام بيبعت زي موجات كده وده اللي الافندية الدكاترة بيرصدوه وهما مش عارفين سببه اصلا


ماعلينا المهم الحب عباره عن ايه بأه


بصو ممكن تشوف اي واحد من مرة واحده قلبك يرتاحله والعكس مقبول برضه وده ليه بأه هوه ده اللي انا هقوله


قلنا مادام القلب بيبعت موجات اكيد هتتنتشر وتوصل لقلوب الناس التانية ده مؤكد

طيب مهو القلوب التانية كمان بتبعت موجات قلنا حلو هنا في 3 حالات


يااما موجات القلب دي هتبأه شبة الموجات الاولانيه "يارب حد يفهم" هنا هيحصل ان هما هيركبوا على بعض وهيعملو موجة اكبر هتأثر على الانسان بشكل معين وفي الحاله دي بتحس ان اللي قدامك قلبه زي قلبك او بمعنى اصح ترتاحله


او ان الموجات متبقاش شبه موجة قلبك خالص وفي الحالة دي هيدمروا بعض وفي الحاله دي تحس انك مش طايقه من اول نظرة والشعور هيكون متبادل عنده على فكره


اما لو كان قلبك بيبعت موجات فيها جزء متشابه معاه وجزء لأ ففي الحاله دي بتحس ان الموجات بتاعت قلبك طبيعيه جدا ومبتحسش بأي شعور وده الغالب عند الناس


مش سهل ابدا انك تلاقي موجة قلب حد زي موجة قلبك بالظبط علشان تحس بالحب الحقيقي ولما وصلنا للنقطة دي


قام محمد حلمي اتكيَف قوي وقال لي كده تمام انا بأه امشي في الشارع ادور على اللي نبضة قلبها شبه نبضة قلبي واكيد هلاقيها ان شاء الله


وطبعا انا بقول لك من هنا ان اكيد نبضه قلبك لسه منزلتش مصر لإن القلوب الصافيه مبقتش موجوده يامحمد وانته عارف الناس عاملين ازاي اهم حاجة بس ان احنا فسرنا للناس احنا بنحب ليه


وبكده يبأه مش عايز حد ييجي يقول لي معرفش بحب ليه اوك


وبرضه بالمعنى ده ان لو انته بتحب حب حقيقي يبأه اللي بتحبه بيحبك من غير ماتسأله




وإليكم الآتي




هنعيش العمر كام مرة


هيه مرة وياصابت يا خابت
هتلاقي روحك في لحظه نامت ياترا هتكون قبليها تابت وله هتكون خسرت و غابت


بلاش تحس انك خسران وبلاش تعيش عمرك ندمان عيش العمر والعب عالفوز وساعد الناس وبلاش تعوز
خليك دايما كده كسبان


اضحك اه.... ابكي ليه ؟؟؟ خايف على ايه وهتضحكي بيه نفسك في ايه ومتمسك بيه
ده كله هتسيبه في النهايه هتسيبه لما تخلص الروايه
خلي حياتك في ايدك تضيعها ليه


ابتسم ابتسامه لطيفه قول للناس كلمة ظريفه وخلي روحك دايماً خفيفه
ونافس علشان السعادة
بس متنساش
تكون المنافسة شريفه
19 Responses
  1. عزيزى
    مش عارف الوجات دى حقيقه علميه يعنى ولا تقصد ايه بس ساعات نقابل حد والموجات تختلف بس فى لحظه نرتاحله من موقف وممكن نحبه يعنى الموجات ممكن تنقلب مره واحده ويحصل بينهم تطابق وتأالف بينهم والحب مش قلب وبس
    ده احساس بيين كيانيين ده الحب الحقيقى
    موضوع جميل
    سلام


  2. WhItE HeArT Says:

    عزيزي حسام الموجات دي حقيقه علمية فعلا اما عن انك ترتاح لواحد من موقف فده ملوش علاقه بالموجات اللي انا بتكلم عنها انا بتكلم عن الاحساس اللي من اول مرة يعني من اول مرة تقول ان الشخص ده انا مش مرتاحله وكل ماتشوفه مترتاحلوش فعلا وده بيبأه احساس نادر زي مااالحب احساس زي مابتقول بين كيانين بس الحب الحقيقي اللي بيبأه بين قلبين فعلا مش بين كيانين نادر برضه وصعب الوجود

    وعلى حسب افتراضي مش من الطبيعي انك تلاقي حد مترتاحلوش ابدا وبعد كده لله في لله ترتاحله ولو حصل تبأه كل فروضي غلط في غلط

    اما لو من المعامله حبيته فده موضوع تاني

    شكرا ليك


  3. walaa Says:

    يعنى من القلب للقلب رسول زى ما بيقولو هو الرسول طلع بقه الموجات ديه على العموم شكرا للك على هذه المعلومات الجميله ديه


  4. ح رد
    يتكلم ع القلوب
    القلوب كثيرة كثر البشر
    قلوب حمرا
    و قلوب خضرا
    قلوب مش قلوب صارت حجر
    و قلوب مثل الورد تنتر عطر
    و قلوب بيضا مثل قلبك الابيض

    و انا قلبي كبير
    ياريت تزورني في مدونتي و معي تصير


  5. تدوينة جميلة أوى

    بارك الله فيك

    بس أنا ساعات كتير أول ما أشوف حد مستريحلوش وبعد كده يكون من أفضل الناس عندى


    دى تفسيرها إيه


  6. WhItE HeArT Says:

    شكراً ليكي ياولاء على زيارتك ويارب ماتكون الاولى والاخيره

    وعفوا على المعلومات


  7. WhItE HeArT Says:

    قلب كبير شكرا لزيارتك

    وان شاء الله تكون الزيارة متكررة


    وشكراً ليكي


  8. WhItE HeArT Says:

    أمـ الله ـة

    شكراً ليكي يااختي على الاطراء الجميل

    بيتهيألي انك لو شفتي حد ومستريحتلوش هتفضلي مش مستريحاله الا اذا اتعاملتي معاه وحسيتي انه انسان من داخله طيب واعتقد ان هنا ده دور العقل لكن اذا لو متعاملتيش معاه اعتقد ان المفروض بناءاً على كلامي والهل اعلم انك تفضلي مش مستريحاله

    شكراً ليكي وعلى زيارتك الجميله اللي ان شاء الله تتكرر


  9. Anonymous Says:

    موضوعك جامد انا كمان اكتشفت انك عاقل بس الموضوع اللي من غير شعر بيبقى نقصه حاجة زي الاكل اللي من غير ملح وبعدين براحة علينا يا بشمهندس احنا مش قد تفكيرك الهندسي دة ده انا بقيت خايفة لحسن تكون بتعد وبتقيس الرز عموما موضوعك احى من اللي قبله
    حد من افراد العائلة


  10. NOURAN Says:

    انا بصراحه مش فاهمه الموضوع بس حبيت اكتبلك عشان متزعلش مني وتفتكرني منفضه ليك لاني انا مش مركزه اساسا لان الامتحانات يوم 1\1والمنهج مخلصش يعني متبهدله بس انا واثقه ان الموضوع حلو ودعواتك يا بشمهندس محمد. NOURAN


  11. kingmody Says:

    معلش يا محمد بس انت عارفني مش بجامل بس الموضوع ده مش الي هو
    وشكلك انت وحلمي كنتو عاوزين تنامو او شربانين ديتول
    وصحيح الدكاترة عارفين ايه سبب حركة القلب لو سالتني في الفون كنت قلتلك
    وعلى فكرة حاجة هتقول ان الموضوع ده غلط يا محمد
    ان القلب مش هو الجزء الخاص بالمشاعر عشان كده الموضوع ده مفيش كلمة فيه داخلة دماغي
    وان شاء الله هنزل مواضيع عشان بجد كاتب شوية حاجات بس بتقل عليك شوية :$


  12. WhItE HeArT Says:

    يمنى ازيك عامله ايه

    اسعدني مرورك وكلامك اللي كله اكل وطبيخ ده الظاهر انك كنتي جعانه وانتي بتكتبي بس برضه الكلام جميل

    فرحان انك عرفتي مؤخرا المعلومات الجميله دي عني وغالبا هيه مش فيه

    اما بالنسبة للتفكير الهندسي فده حاجة بسيطة يمكن صح ويمكن غلط لكن ظواهر الموجات ظواهر سليمه هندسيا

    شكرا ليكي


  13. WhItE HeArT Says:

    نوران أأسف انك مفهمتيش الموضوع بس مش مشكلة عااادي وعاادي جدا كمان ان شاء الله تفهمي اللي بعده وكلامك اسعدني جدا

    شكرا ليكي


  14. WhItE HeArT Says:

    الدكتور محمود مكنتش خايف الا من آراء الدكاترة اللي عارف انهم هيتعبوني ومكنتش خايف الا من رأيك لإني عارفك انك كلك نقد وبالذات لما تلاقي موضوع طبي هيستفز فيك مشاعرك كدكتور بس بدري عليه شوية

    بص يامحمود انا متكلمتش هوه القلب هيتحرك ليه وده شيء ميخصنيش ومش عايز حتى اعرفه

    انا اتكلمت حركته هتعمل ايه وعلى فكره الموجات اللي الحركة هتعملها اللي انا بتكلم عليها لازم القلب يعملها واحلفلك انه بيعملها كمان ووانتو بتعملوا رسم قلب بتشوفوها بس طبعا انا فسرتها بطريقه قلت يمكن دي البلي بتسب المشاعر وده فرض


    لا انا اقدر اقول اني متأكد ان هوه ده اللي بيأثر في المشاعر ولا حاجة انا حطيت فرض لو عند كل الناس يبأه فرضي صح لو واحد بس يبأه الفرض غلط لكن موضوع الموجات ده صحيح مية في المية وانا ولمي مكنوش شاربين ديتول واحنا بنتكلم بس الظاهر ان حضرتك اللي مفهمتش اني بتكلم عن نواتج حركة القلب وليس عن حركة القلب نفسها

    عايز تقول ان الموضوع ده غلط قول لي ان فيه فرض مش عندك وانا هكتب في اول الموضوع الموضوع غلط بااكبر خط احمر في نص الصفحه كمان

    تحياتي ليك واسعدني مرورك ومستني بوستاتك اللي بتتقل فيها عليا مش عارفه ايه حكاية التقل دي من الناس كلها


  15. secretlove Says:

    الموضوع جامد بس اعتقد انك كنت ممكن تبسط الكلام شويه وعلى فكرة انا اول مره اعلق على واضيعك بجد مواضيعك راوعه استمر ولاتتوقف
    ودائما ساقرا اليك


  16. kingmody Says:

    يا حبيبي يا محمد الموجات الي بتطلع في رسم القلب ملهاش علاقة
    عشان الموجات دي بتتغير من شخص لشخص ومتغيرة في الشخص نفسو
    يعني كل مرض وليه رسم قلب مختلف يا حبيبي على كلامك بقة يبقى اتنين عندهم نفس المرض رسم القلب بتاعهم هيكون واحد ( على اساس ان الموجات هي الي احنا بنشوفها في رسم القلب) يبقو الاتنين هيحبو بعض ;)


  17. WhItE HeArT Says:

    سكريت

    بجد حاولت ابسط الكلام على قد مااقدر لإن المشكلة اللي معرفش يفهمها البعض انها شغل معادلات والموضوع في الاخر هيقلب بفيزيا ملهاش اي لازمه ولا حد هيقدر يفهمها

    لكن الخلاصه زي ماقلت الموجات دي يارب تكون فهمتها

    يسعدني جدا ردك ويسعدني اكتر انك تفضل تشرف مدونتي بزيارتك

    تحياتي


  18. WhItE HeArT Says:

    محمود معلش اعذرني انته مش فاهم الموضوع انا قلت من الصعب والصعب جدا انه يتشابه موجة قلب مع موجة قلب تانية بل من المستحيل انها تتشابه محمود عالم الموجات ده عالم رهيب بجد فيه حيود وفيه تداخل بناء او هدام وفيه حياة تانية فمتضطرنيش اني اقلبها درس فيزيا علشان حضرتك تفهم

    تحياتي ليك وحاول تفهم انا قصدي ليك ومستني جديدك وبلاش تقل ياابني هيوديك في داهيه


  19. 7elmy Says:

    ana 7elmy ba2oloko matesma3oosh kalam el a5 da e7na kona mehayeseeen sa3etha bas mosh aktar we 5aly balko elkalam da handasawe sa7 bas ma3rafsh betoo3 teb hay2olo eh