ابتسامه
ابتسامه
لكن من جُرِح في قلبه وتفوَق على جراحه ابتسامه
لكل من دُمِعت عينيه من الألم وظل صامدا ابتسامه
لكل من حُمِّل مالا يستطيع وتحدى ذاته وحَمَله ابتسامه
لكل من اعتصر غضبه وتفوّق عليه ابتسامه
لكل من صمته يعبِّر عن كلامه ابتسامه
لكل من باطنه غامض وظاهره واضح ابتسامه
لكل من ارضى الناس ولم يرضِ نفسه ابتسامه
لكل من تحمل مشقة سعادة الجميع وهوه حزين ابتسامه
لكل من فهم اسرار الحياة واوهام الناس ابتسامه
لكل من جاهد الظالمين من أجل حياة أفضل تهنئة وتحية وابتسامه
ياريتنا فعلا نحاسب نفسنا وفي الاخر هنلاقي ان احنا مبنعملش ولا حاجة من اللي فوق
Comments
ابتسامه لك
ولاء
+6
الهب اضلعي بالصوت
ضع عنقي على اسكين
لن تسطيع حصار فكري ساعة
او نزع ايماني ونور يقيني
فالنور في قلبي
وقلبي بيد ربي
وربي ناصري ومعيني
ساعيش معتصماً بحبل عقيدتي
واموت مبتسماً ليحيا ديني
ادعوك لزيارة مدونة ميخا لمعرفة اين
الجيش العربي
الا صحيح هو الجيش العربي فين
فعلا زي ماقلتي الحزن والفرح لا يؤديان الى نتيجة
ابتسامة لك وللمصريين
تحياتي
وماأجمل الكلام بس ياريت نعمل حاجة وقبل مانعمل أي حاجة لازم نغير من نفسنا ومن اللي حولينا علشان نعرف نعمل حاجة
كلامك جميل جدا والشعر اكتر من رائع وبلوجتك مميزة
تحياتي ليك
كويس ان كلامي عجبك ورائع ان ردك الرقيق ده مفيهوش اخطاء املائية كعادتك
وحلو اسم المتفائلة ده
بس ياريت برضه يكون اسم ليه معنى في حياتك
شكرا ليكي
لكل من اعتصر غضبه وتفوّق عليه
ابتسامه
لكل من صمته يعبِّر عن كلامه
جميل فعلا
وفعلا قليل اللي يستحق الابتسامه دي
اعتقد مش هتبقي اخر زياره يا صاحبي
تحياتي
دي مش فاهمها
اعتقد المفروض ان الاظاهر والباطن يكونو ضحين ؟!!
لكل من فهم اسرار الحياة
اعترض على النقطة دي وبشدة عشان محدش هيفهم اسرار الحياة ( وما أوتيتم من العلم الا قل
يلا )اما الباقي فجميل جدا
بس انا قارنت نفسي فلقيت نفسي بعمل حاجات كتير منهم :)
يا لعبك يا معلم ولسه تقلان عليك :p
كم هوه جميل ردك وكم هوه اجمل موضوع تحياتي ليك وتسعدني زيارتك ليا
تحياتي ليك
شكرا لمجاملتك الجميله دي وانا لا اتمنى زيارتك ان تنتهي ابدا
شكرا ليك
حقيقي اسعدني ردك ونرفزني في نفس الوقت كالعاده يعني مفيش جديد
عموما خير
بص طبعا مش مطلوب انك تفهم كل حاجة وانته واحد بتكتب شعر ماشاء الله وعارف المعنى الاصلي في ودان الشاعر قصدي يعني عند الشاعر
وانا هقول لك في ساعات الانسان مبيفهمش نفسه صح بس بيقدر يفهم نفسه وهوه بيتعامل مع الاخرين وده اللي كنت اقصده انا واتمنى تكون فهمت
ومش مطالب ان الواحد يفهم اسرار الحياة لإن كل دي حاجات انا بقولها وصعب انها تتحقق وانا مقصدتش باسرار الحياة المعنى الحرفي اللي انته فهمته
قصدي معنى تاني
وبعدين انا بعترض على نقطة انك راجعة الكلام واكتشفت ان تلات تربعه حاجات انته بتعمله لإن للأسف يامحمود اللي بيقول انا بعمل حاجة بيكون مبيعملهاش واللي بيسكت عن الحاجات الجميلة اللي بيعملها فعلا بيكون عملها واتمنى ليك الخير واتمنى ليك دايما التميز
محمود بص للدنيا من منظور تاني
تحياتي ليك
خالك
ابتسامة
هو الرسول قال
تبسمك فى وجه اخيك صدقة
بيتعبنى اوى العلماء اللى بيطلعو
او الشيوخ وبيتكلمو فى الدين
ومبيطبقوش
الحديث
ويقلك احنا سنيين
وهما نسيو يطبقو الحديث ده
وتلاقيهم كشريين بطريقة
رهيبة
يارب يجعل ايامك كلها
ابتسامات وصدقات وحسنات
ويرضى عنك
تحياتى
انا دى
ودى مش حاجة بتتعمل اصلا
واحيييييييييييييييييييييييكى
على الموضوع
اول ممرة ادخل
بقيتى فى الففرت
هههههههههههههههههههههه
ليكى انتى بقى
ابتسامة
الحمد لله ان الموضوع عجبك وده شيء يسعدني بجد انا اني بعدت عن النظرة الفلسفيه فاانا مبفكرش في اللي انا بكتبه اذا كان فلسفي او لا المهم اكون مقتنع بالكلام
شكراً ليك
شكرا على ابتسامتك ومني ليك وللمسلمين كلهم ابتسامه برضه
وفعلا الرسول قال كده ويمكن دي الحاجة اللي بتتعب البعض ان الواحد بيكون متضايق ومجبر انه يسمع كلام الرسول ويبتسم وفي ناس مبتعملش كده اما بالنسبة للعلماء فربنا يهديهم بجد انا شفت منهم كتير وكتير قوي وفعلا زي مابتقول بيأمروا بالشده والعنف اللي يخلو الواحد عايز يقول لهم طب منيش هسمع الكلام وهعمل اللي انا عايزة ده ربنا بيقل "ادع الى سبيل ربك بالحكمة والموعظة الحسنة" الحسنة مش السيئة بس هنقول ايه بس
ويارب يرضى عنا جميعاً
اسعدتني زيارتك واتمناها زيارة دائمة
وتحياتي لك
مفهمتش انته تقصد ايه بكلمة انا دي هل يعني الجمله مطابقة لشخصيتك او حاجة
وانا حاولت اشرح الجمله دي وقلت انا اقصد ان الانسان ساعات مبيفهمش نفسه لكن في تعامله مع الناس بيكون فاهم نفسه كويس جدا وده غالبا مبيحصلش اللي بيكون مش فاهم نفسه بيكون مش فاهم نفسه قدام الناس كلها
نو تشانس انا ولد يمكن انته مخدتش بالك بس ده مش موضوعنا
الحمد لله ان موضوعي عجبك ويكون لي الشرف ان بلوجتي تكون في الفيفوريت عند حضرتك
تحياتي ليك
مبحبش كلمة ارفانه من الدنيا لإن ده فيه اعتراض على قضاء الله لإن ربنا قدر انك تعيشي في الدنيا بين الناس اللي انتي عاييشة معاهم بيا اما تعيشي صح يااما تسكتي بس متقوليش ارفانه من الدنيا
الحمد لله ان موضوعي عجبك والحمد لله عجب ناس كتير اوعدك الموضوع اللي جاي فيه شبه من اللون ده
مينفعش اتغر عليكم انتم اهلي وناسي واخواتي برضه
واذا الواحد اتغر على اهله هيفقدهم يبأه هيكون باقيله ايه في الدنيا بالعربي هيكون ضيع نفسه
متقلقيش مش هتغر عليكم وهتكلموني عادي
تحياتي ليكي
ازى سعادتك يا فندم البوست جميل اوى
واضح انك مش بتطبل ابتسامات
ربنا يفرحك ديمن
لكل من باطنه غامض وظاهره واضح ابتسامه
دى نوووووو
الوضوح اهم شئ فى البنى ادم اللى قدامك
لكل من ارضى الناس ولم يرضِ نفسه ابتسامه
دى كمان نوووووووو
محدش يستحق انك تزعل نفسك عشانه
انت اهم حد فى حياتك
حلو اوى يا محمد ايوة كدا البوست فيه المختصر المفيد مش الحجات الطويلة اللى بتدوخنا
تسلم ايدك
اخبار الدراسة والمذاكرة بقى ايه؟
يارب يكون كله تمام
وصحبك عامل ايه؟
سلم عليه اما تكلمه
على فكرة انا خلللصت وفضيت وبقينا فى ستة
عقبالكووووووووو
الف الف الف مبروووك على ستة وعقبال ماتخلصي خالص انا عارف بس كان ايه لزمتها طب وبعدين انتي نسيتي انك بكلمة عقبالكو بتدعي عليا
ايوة بتدعي عليا احنا ان شاء الله خمس سنين بس مين اللي جاب ستة في الموضوع انا بقول لك بس علشان ان شاء الله لما تبقي في سابعه متدعيليش الدعوه دي علشان ساعتها الانتحار يبأه ارحم بأه
بالنسبة للبوست بأه
ساعات يادكتورة الانسان مبيفهمش نفسه والله فعلا انا ممكن اكون واحد من الناس دي بس بقول اللي مبيفهمش نفسه ياريت لو يقدر يفهم نفسه قدام الناس علشان يتصرف بعقله مش بطبيعته انا عارف ان معنى الكلمة غير الكلمة خالص وعارف ان محدش فمها زي ماانا عايز بس في الاول وفي الاخر دي بلوجتي واقول اللي انا عاوزه "بلطجه الله يمسيك بالخير ياشريف" اما بقى نفسك اهم حاجة في حياتك فده انا شايفه بصراحه ومتزعليش مني فيها انانية مفرطه قوي لإني بصراحه وبكل امانه في ناس في حياتي اهم من حياتي نفسها والله ولو ياانا اعيش ياهما مش هتتردد لحظه اني اديهم حياتي بدون مقابل
مش مثالية مني اطلاقا والله بس فعلا حبا فيهم فمقدرش الناس دي مبسطهمش
عموما سلامك يوصل ان شاء الله
وبما انك خلصتي فاانا نفسي ادخل بلوجتك الاقي فيها موضوع غير خلصت الباطنة ده لإني مش اتعقدت من الباطنه انا اتعقدت من كلمة يس اللي في اسم الموضوع
تحياتي ليكي
بحييك علي ابتساماتك الجميله دي
وياريت توضحلي معنى اسرار الحياةالتاني عشان افهم بردو :)
بالنسبة لاخر نقطة اولا انا مقلتش تلت تربعه انا قلت كتير منه يعني 3 فما فوق عشان اقل الجمع تلاتة :)
وده بشهادة ناس غيري مش انا وشهادتي انا لنفسي مش من قبيل التزكية بس من قبيل اني فاهم نفسي والحمد لله
وانا بردو بتمنالك الخير يا ولد :p
وسلملي على ثلاثة وثلاثون
بهزر معاك ;)
الحمد لله ان البوست عجبك وشكرا لزيارتك الجميله دي واتمناها زيارة دائمة
تحياتي
انا مش هشرح تاني خلاص مش كل الناس ساكته وانته بتتكلم بلغة الشعب انا شرحته 3 مرات حرام عليك انته هتجيب لي الضغط الوسكرة مع بعض " بعد الشر عليا طبعا " المهم الحمد لله ان البوست عجبك ومستني جديدك برضه
شكرا على المجاملات الجميله دي
وانا مجمعتش كل حاجة ولا حاجة واحنا هنقدر نجمع ايه وله ايه بس
الحمد لله ان البوست عجبك ومش بحب زيارة اليوم الواحد اتمناها زيارة دائمة
تحياتي
بجد اسف اصل انا متسرع شوية
وانا افتكرتك بنت من الصور اللى انت حاططها بس على العموم اسف يا باشا
وتكملة لرايى
انا وانا بتعامل مع الناس بشوف
نفسى اسوا واحد فيهم
وانا كان قصدى لما قولت انا دى
اننى فعلا شايف نفسى كدة
مش عارف اقولك اى
بجد بجد اسف
يا ريت متزعلش
ياعمي ولا يهمك ايه المشكلة يعني هما مش بقو يغنو خلاص البنت زي الولد
خلاص يباه البنت زي الولد بس ده مش معناه اني زي البنت لااااااااااا والف لا وانا افتخر اني ولد " برضضه مش عنصريه " تحياتي لحضرتك
وااااااااااااسعه
تحياتى
وشكرا لابتسامتك الرائعه دي وفعلا احسن حاجة الواحد استفادها من البوست ده كمية الابتسامات اللي جتله دي فعلا ابتسامه كبيرة ليكم كلكم وواسعه ليكي انتي يامنى
تحياتي لحضرتك
بس الكلمات أحلى
بارك الله فيك
ودي إبتسامات منك لك الشكر عليها ثانياً
وأهم حاجه إننا نبتسم ده ثالثاً
وطبعاً لو كنا بنعمل الحاجات اللي كتبتها أكيد حنبتسم إبتسامة حقيقية نابعة من القلب
جزيت خيراً
تقبل تحياتي
شكرا لرد حضرتك الجميل
وتحياتي لحضرتك
مرحبا بحضرتك في اول زيارة وان شاء الله متكنش اخر زيارة
فعلا نفسي كلنا نبتسم ابتسامه من القلب اللي ان شاء الله هنغير بسببها
شكراً لحضرتك على الكلام الجميل