غلو خلاص الحاجة الساقعه



غلّو خلاص الحاجة الساقعه


ولسه دماءنا جوانا ساقعه


و مين حاسس ياناس بالواقعه


غلو خلاص الحاجة الساقعه


مين يستجري انه يقول


ساكتة قلوبنا كده علطول ؟!؟


انا او انته مش حاسين


وغيرنا كتير مش عايشين


انا راح ادفع ربع زيادة


وغيري هيحفى وراه اسبوع


هشرب برضه زي العاده


وغيري صراخه مش مسموع


يانصرخ ونقول الحق


يااما هنمشي ياناس بالزق


لازم وققفه ده فينا غلابه


وكلاهم حيوانات مالية الغابه


غابه عيشينها وهنعيش فيها


طول ماضعفنا بيسلم ليها


طول ماصراخنا مكتوم بيها


بس افتكروا ياناس الواقعه


غلو كمان الحاجة الساقعه




12 Responses
  1. السلام عليكم
    تدوينة جمييلة يا صاحب اجمل مدونة
    والاسلوب بجد عجبني جدا
    ف انتظار جديدك وياريت يكون حاجة رومانسية بعيدة عن النكد (( انت عارف الواحد مش ناقص يعني ))


  2. بوست رائع بجد

    المعنى وصل

    ربنا يصلح احوالنا يا رب

    جزاك الله خيرا


  3. بوست جميل اوى

    متألق دايما

    بس ايه الشحنة السلبية دى كلها؟

    شكلك عاوز حاجه ساقعه من بتاعت بابا

    اخبارك ايه؟ ومزاجاتك؟

    ودراستك؟وصاحبك عامل ايه؟

    يارب يكون كله تمام

    ابقى طمنى يا انج

    الكومنتين اللى اتمسحو دول لزوم الشخبطة يعنى


    عادى بلوجة اخويا بقى

    دعواتك زنقة امتحانات


  4. والله انت عثل هية فعلا غليت مش هتيجى على دى ومش هيغلوها اذا كان اكلنا اللى بيعيشنا غالى هتيجى على دى يعنى بس ما شاء الله عليك عبرت باسلوبك الجميل تسلم


  5. انت فين يا صديقى من مدة؟؟؟
    ماعرفش عنك حاجة من يوم زيارة ابو الريش.

    غلاء الحاجة الساقعة هو بس اللى زعلك وغلاء المواد الغذائية الضرورية مش مهم ؟؟؟

    طبعا مدرك انه اسلوب سخرية لكن الحمد لله إن ده مش بيحصل فى مصر وإنه بيحصل بس فى دول تانية
    ههههههههههههههههه


  6. حلوة اوى عاميتك هنا

    ربنا يعين الجميع
    و فعلا فى ناس غيرنا الربع جنيه بيفرق معاها كتير

    كل شكرى و تقديرى اخى


  7. منى Says:

    الحاجه الساقعه والحاجه السخنه
    الحاجه السايله والحاجه الناشفه
    الحاجه الحلوه والحاجه الوحشه
    وكل ما الحاجه تغلى احنا نسكت نحس اننا بنرخص
    امتى بقى يبقى لنا تمن
    ؟؟

    تحياتى


  8. rara Says:

    والله معاك حق


  9. Abo 7anf Says:

    السلام عليكم

    ازيك انت مختصمنى ولا ايه

    وبعدين تغليه الحاجه الساقعه علشان يتضر الصحه

    بعد طبى


  10. بسنت Says:

    وانت زعلان على غلو الحاجه الساقعه طيب ما غلو السكر والزيت والرز والعدقيق والسمنه واللحمه
    تقريبا ما فيش حاجه رخيصه غير الانسان فى الزمن دا
    اسلوبك جميل
    دمت طيب


  11. يعنى انت زعلان على الكمليات ما هو محدش اتكلم لما الاساسيات باظت وغليت
    اشمعنى الكوكا يعنى هههههههه


  12. للاسف مش اعتقد ن حد حاسس علشان كده من حقهم يغلوها اكتر كمان :(