...........................







بحبك ومهما يقولو عليكي

او الجفى يضيّ فـ نني عنيكي

فيوم انا هرجع والمس اديكي

اغازلك حبيبتي واتملى فيكي

عارف هدّمع ساعتها عنيكي

لكن قلبي تاه واهو بين اديكي



بحبك ودايب حبيبتي فكونك

واوعدك اني اكون بلسم يصونك

شاكر لربي وعمري مااخونك

راسم حياتي فـ لئاليء عيونك

وتكفيني نظرة حاضنه جفونك




هكون ملك امرك


تايه فـ صمتك


عابر... لشطك


واثق... بحبُك






هعشق سكونك .. زي الندى

وهعشق جنونك.. لأبعد مدى

وهكتب بحبك... حكاية وفى

دي صرخة فـ حبك.. لروحي دفى










-------------------------------------------------------------


طبعا الموضوع من غير عنوان لإني احترت احطه ايه فاللي يقرى يختار العنوان اللي يريحه و """يقول لي عليه""" وحطوا مليون خط تحت كلمة يقول لي عليه دي

-------------------------------------------------------------
27 Responses
  1. ro7 Says:

    اية حكاية الحب معاكم
    دي تاني تدوينة اقراها عن الحب النهاردة
    عموما ربنا يسعدكم ويزقكم حسن الطاعة
    ويرضي عنكم ويعطيكم سؤلكم
    وطبعا سعيدة اني اول تعليق
    وطبعا هتتقبل تحياتي


  2. الله

    ماشاء الله

    احساس جميل اوى بجد :)

    ممكن تخلى العنوان :

    "هكتب بحبك"


    دمت طيبا :)


  3. بجد جميله

    واعتقد انك لو عملت العنوان بحبك فهو كفايهااوووي :)


  4. ايه الرومانسيه دى كلها يا عم

    انا اقترح التعليق يكون
    بحبك حبيبتى لابعد مدى

    احييك عالبوست الهايل
    اللى البنات كلها ف مصر مفتقده مثل هذه الكلمات الرومانسيه

    اتمنى تنورنى


  5. اولا أخبارك اية
    والنت كان فاصل ودة كان سبب تغيبى الفترة اللى فاتت
    رومانسيه جامدة فى موضوعك ويابختها اللى انت قايل الكلام دة عشانها
    وافضل عنوان الحب البرئ
    الف تحية لك


  6. catroz Says:

    هعشق سكونك .. زي الندى

    وهعشق جنونك.. لأبعد مدى

    وهكتب بحبك... حكاية وفى

    دي صرخة فـ حبك.. لروحي دفى

    ...........

    ما شاء الله بجد
    حلوة بجد
    رقيقه اوى

    ممكن فعلا زى ما مومو قالت

    "هكتب بحبك"

    فعلا جميله اوى ..


  7. catroz Says:

    مومو اللى هى كفايه طيبة

    بس حلوة رد يا عم دى :D


  8. السلام عليكم
    اولا انا سعيدة جدا انك نورتني تانى
    وعلى فكرة بوستك هو الى تحفة بجد
    ماشاء الله عليك
    جميل احساسك بالحب وتعبيرك باأرق الكلمات،
    والاجمل اكيد انك تلقى من يستحق اياها
    اما من ناحية العنوان
    فممكن :-
    "أًحِبُك.....فيكفينى ذلك"
    او "أحبك..."
    او "بِحُبكِ انتِ ...."
    هههههههههه مش شرط عنوان

    انا شايفة ان البوست مش محتاج عنوان لان احساسك بالكتابة اقوى من وجود عنوان والمعنى واضح
    دمت بكل ود وخير
    كل التحيه........



  9. منى Says:

    من اجمل بوستاتك
    معنى واسلوب
    ومش عارفه الاقى عنوان
    هى كده احلى
    تحياتى


  10. حكاية وفا

    أعتقد انه هيكون مناسب
    خاصة انها من المقطع الأجمل
    و انت نفسك بتقول فيه
    و هأكتب بحبك حكاية وفا

    حلوة و ممكن تتغنى
    تحياتي


  11. اية الحلاوة دى بس الحب الحب ههههههه

    بجد جامدة جدا جدااااااااا عجبتنى مغازلتك للمحبوبة ومشاعرك الفياضة اسمحلى اختارلك عنوان

    بالحب انا على وعدى


  12. بحبك ودايب حبيبتي فكونك

    واوعدك اني اكون بلسم يصونك

    شاكر لربي وعمري مااخونك

    حقيقى كلمات رائعة
    تقبل تحياتى وإعجابى
    ليك عندى تاج ياريت تقبله
    فى إنتظار إجاباتك
    تحياتى


  13. Abo 7anf Says:

    السلام عليكم
    مبروك يصحبى على المكسب بتاع امارح
    ويارب يتمها ليكوا
    جميل قوى الموضوع
    كلماتك حلوه و بسيطه


  14. جميل اوى احساسك
    ومشارعك ملئية بالصدق والجمال
    وفقك الله
    وسلمت اناملك


  15. يوم الجمعه 14/11بأذن الله
    هنروح نزور دار ايتام فى بورسعيد اللى يحب يشرفنا
    ياريت تنورنا ونحاول نرسم بسمه ونتعاون على البر والتقوى
    وبعدها هنقعد مع بعض شوية طبعا لو تحبوا
    التفاصيل عندى بالمدونة
    اعتذر لكنه ليس اعلان لكنها دعوه للخير


  16. secret-love Says:

    جميله جدا جدا جدا ولولو عجباه جدا جداجداجداجداجداجادجادجاداجداجدجادج


  17. Angel Says:


    Whit Heart
    تبهرينى دوما بفيض عشقك و كلماتك
    الاخاذة
    فاقبع بين حنايا صفحتك انهل المزيد من عذب احساسك

    اسجل اعجابى و تقديرى العميق بزمردية قلمك

    دمت قلباً أبيض في سبل العشاق وهاجا
    ولي أخً

    ورود الياسمين تزهر لعذب مشاعرك الرقيقة و الراقية

    ..........

    من جهة العنوان إيه رأيك في
    حبيبتي يا نبض قلبي وآهاتي

    ده مجرد إقتراح

    تقبل مروري ولك كل الود والاحترام
    Angel Love


  18. فعلا جميلة جدا ومليئة بالمشاعر المتدفقة أعجبتني كثيرا كلماتك الرقيقة
    اممممممممممم العنوان الذي سأختاره لها هو هذا هو حبي لك


  19. ريمان Says:

    الله الله

    ايه الجمال ده كله

    بجد رائع

    مممممممممم

    ممكن نخلى العنوان

    بحبك بلا حدود

    مع تحياتى


  20. اقصوصه Says:

    جميل جدا ما خططت

    شعور رائع

    واحساس مرهف

    كلمات رقيقه..وقويه

    اسجل اعجابي بمل قرات

    تقبل مروري


  21. مش هاقدر اساعدك فى موضوع العنوان دا نوهائى , بس ممكن مثلا ( لك وحدك ) , مش عارفة اصلى فاشلة اوى فى العناوين , بس جميلة اوى كتاباتك


  22. Barrak Says:

    العنوان المناسب

    ياناخذ حقنا
    يانغرق كلنا


  23. الكلمات اكثر من رائعه

    تحياتى ومودتى


  24. elsha3er Says:

    السلام عليكم كلمات جميلة سلمت يداك


    احمد الشاعر


  25. Angel Says:


    Whit Heart


    مساء الخير والورد

    فينك من زمان؟؟؟

    أتمنى تكون بخير

    Angel Love


  26. بجد حلووووووووة اوووووووووووى و إحساسك تحفه جدا ...