من غيرها هعيش

طعباً الصورة دي ده مفتاح الحياة مش حاجة تانية ومفتاح الحياة ده كان رمز عن الفراعنه باين بيعبر عن الحياة وطبعا حقوق الطبع والتحميض محفوظة لمدونتي ولو شفتها عند حد تاني انتم عارفين انا مش ممكن اعمل ايه؟

بتجرحيني برضه تاني

لسه حبك للناس اناني


بأه

جاي ومادد ايدي ليكي

ولسه بيهون الوفاء

بوصف اسم العشق فيكي

وبتوصفيني بالجفاء


مستنياني اكون خاضعلك

مذلول مهان واعيش بظلك

اهمل حياتي وابقى سرك

مشفش غيرك وانسى اسمك


ده الحب عندك سرو باتع

الحبيب يكون له خاضع

اللون في حبه يبأه فاقع

والاحساس تعبيره واجع


ياحبيبتي اخر الظلمه نور

ده عقرب الكون عمال يدور

وكل واحد عايشله دور


كان ممكن تبقيلي اميرة

وروحي تبقالك اسيرة

بس انتي فحبك بخيله

هدمتي احلامنا الجميله


كان نفسي لو مشفتكيش

انسانه مليانه بمفيش

حبها خلاني مليش

جايز من غيرها اعيش
#
بعتذر عن تغيبي للمرة المليون وبعتذر عن تقصيري عند الكل ومش هقول مبررات
#
ياجماعه اللي يعرف مدحت محمد فين او على اتصال بيه يقول لإنه اختفى مرة واحده وبصراحه قلقان عليه




Comments

حلو مفتاح الحياة بس لو تفتح الصورة اكتر
لتنبض بالوان الحياة

كان نفسي لو مشفتكيش
انسانه مليانه بمفيش
حبها خلاني مليش

تعليق ما عنديش

.. هاااااايل ..
حسن حنفى said…
بجد كلنا محتاجين مفتاح الحياه

ويارب لو عرفت حاجه عن مدحت قلي والله مش عارف هو راح فين ومش فتح حتي علي الميل من زمان اووووي

يارب يكون بخير
قديم قوي مفتاح الحياة ده

دلوقتي بقي في رقم سري مكون من عدد لانهائي من الأرقام والحروف الغير معروفة لنا عشان كده محدش بيحيا الحياة دلوقتي بقت الحياة هي ألي بتحيا بينا
كلنا محتاجينه مفتاح الحياة
mohamed ghalia said…
كان ممكن تبقيلي اميرة


وروحي تبقالك اسيرة


بس انتي فحبك بخيله


هدمتي احلامنا الجميله

جميل مفتاح الحياة
وجميل إحساسك
تحياتى
kochia said…
كان ممكن تبقيلي اميرة
وروحي تبقالك اسيرة

عجبني المقطع ده

وفعلا مدحت اختفي بشكل غريب
وانا كمان قلقانة عليه والله
ربنا يطمنا ان شاء الله
جميلة اوى :)

قعدت اجيب الماوس على الصورة عشان اشوفها ملونة كل شوية :D

دمت بميز :)
تسلم ايدك
كلماتك جميلة جدا و فيها صدق جميل

و فعلا مدحت بقاله فترة مش ظاهر
ياريت لو حد عرف حاجة عنه يبلغنا
اقصوصه said…
كلمات جميله

والصوره زادتها جمال
تقبل مروري من هنا
ع فكره انا بسرق الصوره
هههههههههههههه
WhItE HeArT said…
unique

الصورة افتح من كده بكتير بصراحه بس البلوج قالبه على باهت مش عارف ليه

آآه وممكن لو وقفتي على الصورة تلون ده اوبشن موجود برضه يمكن حضرتك مستخدمتيهوش

ههههههههه

شكرا اوي لتعليقك

تحياتي
WhItE HeArT said…
حسن حنفي

ياريته موجود حتى


اما عن مدحت فبجد انا قلقان عليه لإن فعلا الميل حتى مبيفتحهوش اختفى مرة واحده وبندعي يكون المانع خير

تحياتي
WhItE HeArT said…
شباب روش طحن

على رأيك فعلا خزنة مهي الحاجات بتطور مع تقدم العصور من مفتاح لخزنة والله اعلم بعد كده هيبقى في ايه

شكرا لزيارتك بتمناها تتكرر وشرفني تواجدك

تحياتي
WhItE HeArT said…
شباب روش طحن

على رأيك فعلا خزنة مهي الحاجات بتطور مع تقدم العصور من مفتاح لخزنة والله اعلم بعد كده هيبقى في ايه

شكرا لزيارتك بتمناها تتكرر وشرفني تواجدك

تحياتي
WhItE HeArT said…
اختكم في الله

ايه الرد المختصر المفيد ده


طيب بالنسبة لمطولة ابن خلدون اللي انا كاتبها تحت مفتاح الحياة ملفتتش انتباه حضرتك خالص

ههههههه

انا بهزر على فكره

تحياتي ودوما بيسعدوني وجودك
WhItE HeArT said…
mohamed ghalia


شكرا اوي لتشريفك ليا وردك الجميل ده

تحياتي
WhItE HeArT said…
kochia

شكرا لردك الجميل وبنتمنى نسمع خبر حلو عن مدحت

تحياتي
WhItE HeArT said…
كفاية طيبة


الصورة جميله طيب الموضوع نفسه ياجماعه ملفتش انتباهكم مفيش كمنت حلو وحش اي ريسبونس طيب

يله معلش المرة الجايه مش هحط صور خالص

هههههههههههه

شرفني وجودك

تحياتي
WhItE HeArT said…
اقصوصه

لا كله الا الصورة ده الناس عجبتهم الصورة ومعجبهمش الموضوع

دي الصورة دي بقت غالية عندي اوي

ههههههههه

اهلا بيكي في مدونتي البسيطة ومبتمنهاش تكون اخر زيارة

تحياتي
DR.HAMAS said…
سلام عليكم

جزاكم الله خيرا يا عسل

بصراحة مبحبش هذا النوع من الفن

يمكن لعدم إحساسى بأهميته

لكن

شكرا لحضرتك



د.حماس
WhItE HeArT said…
د. حماس

في الحقيقة انا مبسوط لزيارتك ليا بغض النظر عن اي اعتبارات تانية

اما عن الفن فاانا مش فاهم قثدك هل تقصد الصورة مثلا او تقصد فن الشعر والكلام ده

ارجو ان حضرتك توضح الصورة وتوضح رأيك

لكن لو اتكلمنا عن فوايده لو كنا بنتكلم عن الشعر بلاش الصورة

فتقدر تقول فوايده متعدش ولا تحصى او يمكن لإن حضرتك مقريتش لشعراء زي ابي القاسم الشابي وحسان بن ثابت والمتنبي وايليا ابو ماضي وجاي تقرالي انا فطبيعي مع احترامي لنفسي بالطبع ان حضرتك تحس ان اللي انا بكتبه ده مش فن وملوش فايده

لكن اللي بأكده لحضرتك لو جربت تدخل وسط الكلمات مش بتاعتي سيبك مني انا دلوقتي

لكن لو حاولت تدخل لأدبات في الشعر وسط الكلام هتلاحظ اد ايه الناس دي بيعرو عن الشيء من قلبهم ويوصفولك الشيء بطريقة جديده

انا بحاول اتعلم منهم وبعدين مش شرط يكون الشعر زي اللي حضرتك قريته عندي اولا ده باللغة العامية ثانيا ده عاطفي ويمكن حضرتك مبتحبش اللون ده

لكن انا كاتب تحت ده على طول شعر تقدر تقول سياسي بطريقه معينه ممكن حضرتك تقراه وتلاحظ اني بعبر عن غلو الحاجة الساقعه بطريقة بسيطة وهوه ده الهدف من الشعر انك يكون عندك طريقتك الخاصه للتعبير عن الشيء بطريقة تحسس الاخرين بالموضوع بس من زاوية جديده

آسف على الاطالة وبرضه زي ماقلت في الاول انا مبسوط من الزيارة جدا وتشريفك ليا وسام عندي بغض النظر عن اي اعتبارات تانية

تحياتي

Popular posts from this blog

الحب بات ... مصنوع من قهر السكات

تساؤلات

ساعد نفسك