فضفضة-استحملوني



يبدو ان الحزن قد توغل كثيرا داخل ذلك القلب المسكين

كيف امكنه الصمود تلك اللحظات وكيف امكنه الحياة بعدها

وكأن شيئا لم يكن

لم يتغير شيء حتى ذلك الكوب الفارغ مازال هنالك في مكانه صامدا وكأنه لا يعنيه من الامر شيئا

استغل الحزن ضعف قلبي وسيطر على كياني

اصبح جزءا لا يتجزأ من حياتي

حتى ابتسامتي لم تعد هي تلك اللي عهدها البعض

الجميع اصبحوا ينفرون مني كما لم يكونو سابقاً

وكأن الرابط بيني وبينهم هي تلك الابتسامات اللتي اهدرها الزمان

ضاع حبي للحياة وللبشر ايضا

كنت اتمنى الا يحدث هذا ابدا

ولكن ليس كل مايتمناه المرء يدركه


============================

بجد مش قادر اركز في اي حاجة فكل مابدخل عند حد منكم مش قادر افهم هو عايز يقول ايه فسامحوني لغيابي عنكم **بعتذر** ليكم

============================
25 Responses
  1. ربنا يسعدك دايما
    ولا يهمك
    فى إنتظارك دوما وفضفضى زى متحبى


  2. ربنا مع حضرتك

    ان شاء الله ترجعي تاني قريب


  3. حتى ذلك الكوب الفارغ مازال هنالك في مكانه صامدا وكأنه لا يعنيه من الامر شيئا
    ----

    ساعات فعلا الواحد بيفكر بالطريقة دي رغم غرابة التفكير

    ربنا يريح بالك يارب وتقدر تكتب زي الاول تانى :)


  4. Anonymous Says:

    طبعا هنستحمل
    وهنعذرك
    بس ده مش معناه انك تفضل كده
    ياريت متستسلمش للحزن
    الحزن ده عامل زى مصاص الدماء مش بيشبع ابدا

    الناس اللى بتقول نفروا منك عشان حزنك وضياع ابتسامتك
    اسمح لى ميستهلوش انهم يجوا حتى فى بالك

    بس برضه ممكن يكونوا زعلانين عشانك مش منك

    ضاع حبي للحياة وللبشر ايضا

    الجمله دى صعبه اوى متطلعش ابدا من وايت هارت

    صدقنى مرحله وهتعدى ربنا يهون عليك وتعد
    ى بسرعه وترج
    ع احسن من الاول

    بس ارجوك اخى متستسلمش


    اختك منى


  5. WhItE HeArT Says:

    محمد وحسن حنفي

    ربنا يخليكوا يارب بس ايه ياجماعه انتم نسيتوني وله ايه انا ولاد والله بس مش مشكلة الاهم هو تواجدكم والف شكر

    تحياتي


  6. WhItE HeArT Says:

    كفاية طيبة

    والله الواحد مستغرب من نفسه جدااا من طريقة التفكير بس فعلا هي دي الحقيقة زي مابينت وكان تعبيري صادق جدا فعلا ببص لأي حاجة زي الكوباية واقول هي ليه مش زعلانه زيي للأسف بنوصل للمرحله دي

    اما للكتابه بجد ان شاء الله هكتب تاني والله كنت مجهز حاجات كتير وكان عندي افكار اكتر بس الحزن فعلا بيزلزل كيان اي انسان

    تحياتي


  7. WhItE HeArT Says:

    منى

    والله عندك حق الحزن زي مصاص الدماء مش بيشبع ابدا

    حتى النسيان الحاجة اللي اتزرعت في الانسان مش عارف ليه مش راضية تشتغل معايا

    حاسس بالتقصير وحاسس بالذنب وحاسس اني بقيت لوحدي في عالم مليش حتى نفس التواجد فيه


    كنت زمان بزعل بس اول مرة اوصل للمرحله دي

    اما الناس ففعلا بيبانوا في وقت الشدة يامنى مش معنى كده ان الواحد هيقاطعهم لإن محدش يعرف مين عنده ايه واكيد كل انسان عنده همومه ومش ناقصني والله يامنى بحاول اضحك معاهم عادي بس مش بنفس بحس ان الضحك بيضايقني اكتر

    وبدعي ان ربنا يهون عليا ويصبرني يااارب

    بشكرك بجد انا فعلا بحس انك اختي اللي عمري ماشفتها

    تحياتي


  8. تذكر اخي ان مع العسر يسرا ان مع العسر يسرا,
    ربنا يفرج همك وكربك ويكشف غمك .


  9. استغل الحزن ضعف قلبي وسيطر على كياني
    اصبح جزءا لا يتجزأ من حياتي
    حتى ابتسامتي لم تعد هي تلك اللي عهدها البعض
    الجميع اصبحوا ينفرون مني كما لم يكونو سابقاً
    وكأن الرابط بيني وبينهم هي تلك الابتسامات اللتي اهدرها الزمان
    ضاع حبي للحياة وللبشر ايضا
    كنت اتمنى الا يحدث هذا ابدا
    ولكن ليس كل مايتمناه المرء يدركه

    بجدالواحد لمه بيكون حزين بيحس ان الدنيابتسود فى وشه وكل حاجة كانت بتفرحه زمان مش بيبقه ليها طعم و مش بتقدر تفرحه زى زمان بس دى فترة واكيد بتعدى و بيرجع الانسان زى الاول

    ربنا معاك يارب و يسعدك و يريح بالك و يزيح همك يارب و ترجع تانى تمتعنا بكلامك الحلوووووو ...


  10. GiGi Says:

    يارب يكرمك ويفرحك يارب وتبقى اسعد واحد فى الدنيا ويرزقك رضا ربنا عليك وحب الناس وصحبه المصطفى صلى الله عليه وسلم


  11. لما قرأت اليوست حسيت اني دخلت بلوج خطأ
    لا الكلام دا كلامك ولا الحزن دا طبعك الي اتعودت عليه
    ومع ذلك بقوولك بجد شده وهتزول وان شاء الله هترجع تاني زي الاول واحسن وفي اسرع وقت كمان
    بس ليا تعليق على حكاية ان الناس بقت تنفر منك احب اقولك حاجة ربما تكون مش عارفة ان مفيش حد يكون عارف واحد زيك ويقدر ينفر منو حتى لو ايه الي حصل علشان كدا يمكن تكون دي حاجة تخليك تعرف الي بيعزك بجد والي بينافق واسفة جدا على الاطالة


  12. wafaa Says:

    ألم يأتى اوان الاعتذار لهذا القلب المسكين ؟؟ اتعبته كثيرا فى لحظات الحب وحملته بالهموم فى الحزن وهو على عهده مازال ينبض كل لحظة ولم يخون دقاته
    مازال ينبض لانه يريد الحياه ، متى يسمع منك " استمر يا قلبى وانا معك ؟
    واخيرا ، بالله عليك ماتخلى فى صدرك حزن .. اشتكى احنا اصحابك
    تقبل مرورى
    وفاء


  13. ربنا معاك اية اللى جرالك اتحسدت ولا اية اتمنا بجد ربنا يسعدك ويبعد عنك اى حزن او اى شىء يدايقك علشان تبهرنا

    فضفض ولا يهمككككك


  14. السلام عليكم
    ازيك يا محمد
    يارب تكون بخير
    مالك بس الحزن حالة تحترم زى الفحر لكنها لابد وان تكون مجرد حالة وتعبر لا تستمر والا قضى على الانسان
    ربنا يبدل لك الاحوال وتبتسم ان شاء الله بجمال وحب ورضا من جديد
    تفائل يا باشا مهندس
    وبلاش غياب كتير
    لا اخصم منك نص جنية


  15. السلام عليكم
    ازيك يا محمد
    لية الحزن بس
    روح عن قلبك ساعه بعد ساعه
    حاول تغير جو وربنا يوفقك يارب وتبقى احسن


  16. منى Says:

    يا رب تكون احسن دلوقتى

    عارف حكايه الناس بتبان وقت الشده حسيتها اوى الفتره اللى فاتت طبعا مش هقاطع حد لكن اكيد فهمتهم اكتر
    وكمان فيه ناس حسيت بقيمتهم اكتر

    هكتبلك دعاء كتبته وانا فى قمه الالم وكان نفسى اهدى شويه عشان اللى حواليه والحمد لله ريحنى كتير
    وحولته مذكر كمان عشان اخويا وايت هارت

    يا رب انا فى حاجه اليك لا لسواك
    يا ربى الكريم انا عبدك الضعيف الضال
    فاهدنى وارحمنى ولا تسلط الشيطان على
    اللهم قوينى باسمك القوى المتين
    اللهم ارحمنى باسمك الرحمن الرحيم
    اللهم اغفر لى باسمك الغفور الكريم
    يا ربى لا تضلنى بعد اذ هديتنى وهب لى من لدنك رحمه
    ربى اغثنى
    ربى اغثنى
    ربى اغثنى


  17. wafaa Says:

    هتغيب تانى ولا ايه ؟
    صدقنى اما تتكلم هترتاح كتير
    قول اى حاجة عايز تقولها
    بس ماتسكتش


  18. Anonymous Says:

    متسيبش الزعل ياكل من قلبك حتة,ربنا موجود حوالينا فى كل وقت ,دور على السعادة جواك,اكيد فى حجات كتير تستحق اننا ننبسط,كفاية طيبة قلبك والله يا محمد


    كائن نورانى


  19. Selfmeaning Says:

    خليك مومن دايما ان ربنا بيختار لينا الخير و قل لن يصيبنا الا ما كتب الله لنا
    اكيد ديه مرحلة و هتعدى و بعد كده احنا كلنا اخوات و اكيد كلنا عدينا بنفس الازمة

    ان شاء الله ترجع لينا تانى بالسلامة


  20. WhItE HeArT Says:

    مش عارف اقول لكم ايه ياجماعه ربنا يخليكم يارب

    تحياتي


  21. Anonymous Says:

    متقولش حاجه المهم تكون بخير
    اختك منى


  22. enjy Says:

    اول مرة اجى هنا............عجبتنى بشدة الجملة اللى على البانر اللى هى تحت العنوان دى جامدة جدا
    اما بالنسبة للبوست فربنا يفك كربك


  23. ربنا معاكي يارب ويزيح عنك الهم والحزن

    وليس كل ما يتمناه المرء يدركه زي ما قلتي

    فربنا مع الجميع ان شاء الله


  24. ربنا يفك كربك ياارب حاول انك تدعى ربنا كتير وتفضفض معاه هو اللى هيسمعك ومش هيمل ابدااا قول له كل اللى عندك وادعيه انه يقك كربك وربنا قريب سميع مجيب الدعوات

    ضاقت حلقاتها فلما استحكمت فرجت وكنت أظنها لا تفرج


  25. السلام عليكم ورحمة الله وبركته

    وألف ألف مبروك ع التخرج

    مع تمنياتى القلبية بدوام الأفراح والبعد عن الأحزان

    ودايما فى سعادة ونجاح