نويت




نويت خلاص.. اعيش الحقيقة

نظرة بتكدب.. سميتها جريئة

وضحكة بتقتل.. سميتها بريئة





كنت فين ياعقلي لما قلبي تاه

وازاي اقول لروحي حالاً تنساه


وبتقنعني طريقنا وصل لمنتهاه


وناويت تجرح فقلبي وماصدقت الحياة





صدقت ياقلبي الفرحة

في عيون بتخدع



ونسيت ان الغلطه

في زماننا بتوجع



وان طيبتها كدبه

ولشرورها بتطبع




نويت اغير فيا كتير


اولها اني مكنش اسير


اكسر قلوب ومكنش كسير


ابكي عيون


ولا اكنش حنون


وله ده يبقى عليا كتير ؟؟






27 Responses
  1. الله على إحساسك
    تسلم مشاعرك وقلمك الراقى


  2. Anonymous Says:

    الله عليك يا وايت

    كلامك جميل اوي واحساسك عالي مع انه يوجع بجد

    عجبني اوي الكلام دا

    صدقت ياقلبي الفرحة
    في عيون بتخدع

    ونسيت ان الغلطه
    في زماننا بتوجع

    وان طيبتها كدبه
    ولشرورها بتطبع

    كتير مننا بيحس بالكدبه دي في حياته
    بس لازم تكون بنفس القوه اللي كنت فيها في اخر البوست
    وتعرف
    ان ربنا بيعوضنا

    مستنيه جديدك

    ودايما مبدع ومتألق

    تحياتي


  3. حتفرسنى
    مادام نويت تعيش الحقيقة المؤلمة من نظرات بتكدب و ضحكات بتقتل
    و مادام نويت تغير فى نفسك كتير
    فبلاش تتغير للأوحش
    خلى دايما التجارب المؤلمة تغيرك للأحسن
    المفروض انها تقويك
    و تديلك خبرة فى معرفة نوعيات الناس
    افضل حنون لانك فى يوم حتلاقى اللى يقدر حنانك
    و حط وردة بيضا من غير ما تكون ملوثة بالدماء
    لانك من البعد التجربة ديه حتشفى و مش حتتجرح كل شوية
    مش كده ولا ايه؟؟؟؟


  4. Unique Says:

    نويت اغير فيا كتير
    اولها اني مكنش اسير
    اكسر قلوب ومكنش كسير
    ابكي عيون
    ولا اكنش حنون


    النية مش كفاية .. صعب اوي


  5. الفراغ Says:

    يابنى لو بتتكلم عن نفسك
    كفايه عليك تاخد حزرك المره الجايه ومتنخدعش بالكلام المعسول
    لكن لو بتكتب موضوع يعنى..خليك بالكلمه الحلوه واوعى تكون خنجر فى ايد حد
    لك تحياتى


  6. Abo 7anf Says:

    نويت اغير فيا كتير



    اولها اني مكنش اسير



    اكسر قلوب ومكنش كسير



    ابكي عيون

    لا يصحبى محبكش تبقى كدا
    لو كل واحد بقى كدا
    مش هتبقى حياه


  7. بجد حلوووووووة اووووووووى ...

    تسلم ايدك ...


  8. kochia Says:

    عجبني المقطع الاول جدا
    وقعي
    حقيقة فعلا

    تحياتي


  9. Anonymous Says:

    كنت داخله اقول مفيش جديد
    لقيت جديد وغريب كمان

    لو هنتكمل على الكلمات والموسيقى جميل
    لكن
    المعنى
    ..ز
    هو يعنى مينفعش الانسان يبقى لا ظالم ولا مظلوم
    او على الاقل يحاول
    لو الانسان الطيب لما يتعرض للخداع ويحاول يبقى قاسى يبقى فعلا انهزم واتغير للاسوء
    القوىبجداللى يحافظ على قوه الخير جواه مهما حصل ومهما قابل
    يحافظ على نفسه من الخديعه بس برضه مينساش ان بعض الظن اثم
    كل التمنيات الطيبه لوايت هارت اخويا الصغير الطيب اوووى
    منى


  10. ايه ده انا كمان نويت ونيتى صالحه لله
    شكرا


  11. نويت اغير فيا كتير



    اولها اني مكنش اسير



    اكسر قلوب ومكنش كسير



    ابكي عيون



    ولا اكنش حنون



    وله ده يبقى عليا كتير ؟؟


    بصراحه مش معاك في التغير دا

    بلاش الدنيا تجبرنا اننا نتغير للاسوء

    ويارب حياتك كلها تبقي سعاده


  12. saragebaly Says:

    دايما الحقيقة بتوجع

    والجرح في القلب بيولع

    جميل اننا ننوي نتغير

    بس بلاش التغيير يكون للأسوأ

    بلاش تشرب حد من كأس الجرح

    ولا تقوله مهما كان دوق مرارة الدمع

    احنا جربناه لاقيناه مر اوي

    بلاش نخلي غيرنا كمان يدوق مرارته

    فيه قلوب كتير حوالينا وجمبنا

    ممكن احنا مش شايفنها

    بس لسة بيضة وشفافة

    نقية وبتحب بصدق واخلاص

    بس الحزن بقى عامي عيونا وقلوبنا

    مش مخلينا نعرف نشوفهم كويس

    يمكن لو شيلنا النضارة السودا الرؤية هتوضح

    ونشوف قلوب بالحب بتنبض



    آسفة على الإطالة
    كلماتك جميلة

    تقبل مروري وخالص تحياتي

    دمت بود

    سارة


  13. بوست رائع كالعاده

    احساسك بيكون بجد عالى قوى
    ..............
    نويت اغير فيا كتير
    اولها اني مكنش اسير
    اكسر قلوب ومكنش كسير
    ابكي عيون
    ولا اكنش حنون
    وله ده يبقى عليا كتير ؟؟

    .............
    جميله قوى قولت اللى نفسى اقوله من زمان

    لما الواحد بيتعب خالص ويحس ان كل الطرق قفلت معاه
    بيفكر فعلا بالطريقه دى

    بس مش بيقدر يعمل كده ممكن تقنع نفسك يوم او يومين انك غيرت نفسك ونسيت ماضيك وهبتجرح ومش بيهك

    بس ف الاخر بتكتشف ان انت هو انت مش اتغيرت ولا حاجه

    تقبل مرورى


  14. WhItE HeArT Says:

    محمد

    تسلم وبجد شرفتني ونورتني

    تحياتي


  15. WhItE HeArT Says:

    هاجر

    مرسي لردك الجميل

    وزي ماقلتي اهم حاجة ان الانسان يعرف ان ربنا هيعوضه

    تحياتي


  16. WhItE HeArT Says:

    مفروسه

    هههههههههههههه منا من زمان مفرستكيش اعمل ايه بأه


    انا مبقلش اني هتغير للوحش وانما بوصف شعور ممكن اي واحد فينا من كتر الضغط عليه يفكر انه يتغير للوحش لكن زي ماقالت وجدان جريح تحت

    بتكتشف في الاخر ان انته هو انته بنفس طباعك متغيرتش ولا اي حاجة

    تحياتي


  17. WhItE HeArT Says:

    يونيك

    الظاهر كده فعلا

    نورتيني
    تحياتي


  18. WhItE HeArT Says:

    الفراغ

    انا مش قصدي والله اكون خنجر وانما بوصف شعور ممكن ينتاب اي واحد فينا كتر الهزيمة بيولد الضعف زي ماكتر الجفى بيولد الفجور

    استمتعت برأي حضرتك بجد

    وتحياتي


  19. WhItE HeArT Says:

    الزملكاوي

    لا ياريس متخافش عليا
    انا مش هكون كده اوي يعني بس هكون نص ونص

    تحياتي


  20. WhItE HeArT Says:

    أميرة الاحزان

    متشكر جدا للرد الجميل ده

    وانستي وشرفتي

    تحياتي


  21. WhItE HeArT Says:

    كوشيا

    اها عندك حق

    مرسي لردك الجميل

    وتحياتي


  22. WhItE HeArT Says:

    منى

    شوفي هقول لك حاجةى لو الواحد مننا جواه الخير عمره مايقدر يخليه شر حتى لو حاول هيفضل الخير هو الخير حتى لو اتغير لمدة هيرجع تاني لإن ده مش لونه

    لكن انا بوصف شعور بجد انتابني واكيد انتاب ناس كتير مننا مقصدش انا هبأه كده لكن انا وعدت نفسي اخد حذري بعد كده زي مابتقولي

    بجد ردك رائع

    تحياتي


  23. WhItE HeArT Says:

    صوت من مصر

    ههههههههه

    تمام انته جبت المفيد

    تحياتي


  24. WhItE HeArT Says:

    صمت المشاعر

    منوراني دايما

    صدقوني انا مش هتغير للأوحش وانما بوصف لحظه او بوصف تفكير ممكن ييجي لأي حد فينا في موقف ضعف

    وربنا يكرمك يارب على الدعوه الجميله دي

    تحياتي


  25. WhItE HeArT Says:

    سارة

    جميل اوي رأيك

    وفعلا ممكن كتير مننا لسه لابس النضاره السوده زي مابتقولي ومش شايف الحقيقه كويس

    زي ماقلت للناس كلها انا موعدتش نفسي اتغير للأسوء وانما انا كنت بوصف حاله انتابتني مش اكتر

    تحياتي وشكرا لتواجدك

    تحياتي


  26. WhItE HeArT Says:

    وجدان جريح

    صدقيني انتي جبتي الخلاصه
    طبع الخير جوه الواحد مستحيل يتغير ومهما قلنا هنغيره مبيتغيرش

    مرسي لردك الرائع

    وتحياتي


  27. lier smile Says:

    انا بقالي كتير مقريتش حاجه ليك بس بجد جميله قوي عجبتني جدا



    اختك الصغيره