من انا




لطالما كان الزمن يرهقني كثيرا

يبدد طاقاتي ويهلك قواي

ورغم ذلك كنت احب ذلك الصراع

وكأن هزيمتي دائما هي تلك الطاقة

التي تدفعني الي ارهاقني اكثر

كان صراعا بائسا لا امل منه

ولكنه امتعني كثيرا

مثلي مثل الطفل

الذي يحب اللعب مع الكبار

رغم خسارته الدائمة الا انه

مستمتع بها



الا ان دوام الحال من المحال

ويبدو ان طاقتي قد فنيت تماما

ولم يعد بمقدوري مقاومة الزمن

لا استطيع غوض المعارك الفاشلة

اصبحت مستسلما من البداية

اتذكر ذلك اليوم جيدا الذي حولني

من نشاط وطاقة الى خمول وارهاق

فقد كان ذلك اليوم هو اخر شيء اتذكره

واصبح النسيان هو اكبر همومي

كيف سيمكنني الصمود امام زماني هذه المرة

كيف ستكون العودة

حتى تلك التدوينة الشاعرية التي طالما احببتها

اصبحت لا اطيق حتى التفكير في امرها

غريق انا ام تائه ام مازلت مصدوم

انا ذاك الشاب المبتسم ام الشاب اليائس البائس

الذي لا يدري من هو؟


نعم استطيع الآن الصرااخ

من انا؟؟؟

24 Responses
  1. للاسف كتير مننا مش عارفين احنا مين

    بص ان في رأي انه مجرد مرحله وقتيه وان شاء الله هترجع تاني بس مش عارف ليه مش متأكد من كده يمكن علشان انا برضه حاليا كده بس حاسس اي هرجع ومش هرجع في نفس الوقت :(


  2. من انا ؟

    سؤال محير فعلا والاجابه عليه صعبه وخصوصا لو كان الانسان بيمر بمرحله صعبه في حياته

    فيارب يبعد عنك وعن الجميع الهم والحزن


  3. انا مين وانت مين وهو مين
    العلم عند الله


  4. من أنا
    بجد كلمات روعة تسلم إيدك
    دمت فى سعادة


  5. منى Says:

    انت اخونا الطيب
    اللى حلمه مكنش فى ايده

    ومحدش بيختار خطوات حياته
    بس خليك على يقين ان ربنا اختار لنا الافضل حتى لو مش واخدين بالنا
    انت انسان عايش فى دنيا يعنى معرض يوم فرح ويوم الم

    ربنا يكتر من افراحك ويجزيك على المك من الحسنات ما يغفر به خطاياك
    دمت بكل الخير اخى


  6. wafaa Says:

    انت قلم حساس يسطر مشاعره
    وعقل مبدع يدق اوتار الكلمات
    وصديق صدوق يشاركنا حياتنا ويشركنا بحياته
    الحمد لله ان انت انت


  7. ميرام Says:

    هو ليه اليأس سيطر علينا بالشكل ده
    ليه محدش لاقي ال(أنا) الخاصة بيه ..
    ليه كل مابيبقى جوانا حلم بيتقتل ..
    ويتقالنا احلمو ..
    قاومو ..
    عيشووو ...
    .............


    مثلي مثل الطفل
    الذي يحب اللعب مع الكبار
    رغم خسارته الدائمة الا انه
    مستمتع بها

    ..............
    حسيت بيها قوي
    بجد تشبيه في منتهى القوة ..


    بس تعرف رغم كل ده ..
    هقولك ..
    قاوم ..
    عشان الزمن مايقدرش علك ..
    (:

    على الهامش ..
    اسم مدونتك لفت انتباهي جدا ..
    :)
    أنتظر جديدك
    تحيــــــــاتي


  8. WhItE HeArT Says:

    حسن حنفي

    بص انا كنت من اشد معارضي جملة رحلة البحث عن الذات

    مفيش حاجة اسمها كده

    انا هو انا

    انته مش عارف نفسك يبأه انته شخصية تايهة وضاله

    ده كان مبدئي

    لكن حقيقي في ناس بتتعرض لصدمات ممكن تخليه يتوه ويضل الطريق

    لدرجة انه ممكن يوصل لمرحلة انا مين

    تحياتي


  9. WhItE HeArT Says:

    صمت المشاعر

    عندك حق فعلا

    تحياتي


  10. WhItE HeArT Says:

    صوت من مصر

    طبعا العلم عند الله

    تحياتي


  11. WhItE HeArT Says:

    محمد صاحب سر سعدة المدونين

    بشكرك بجد وحضورك بجد يشرف مدونتي

    تحياتي


  12. WhItE HeArT Says:

    منى

    بجد مفيش عند الواحد كلمة يقولها احسن من جزاك الله خير

    وشكرا

    تحياتي


  13. WhItE HeArT Says:

    وفاء

    من اجمل الردود اللي قريتها من فترة

    بجد شكرا اوي ياريتني استحق الكلمات دي

    تحياتي


  14. WhItE HeArT Says:

    ميرام

    معتقدش كلنا مش لاقيين ال انا زي مابتقولي

    لكن اعتقد ان كلنا مش رضيين بيها

    بنتوهم في حياة افضل واحنا في مكاننا محدش عايز يطور من نفسه

    جميل ان الواحد يلاقي نفسه والاجمل انه يرضى بيها

    ---------
    ومرسي اوي للاطراء الجميل
    --------

    اما بالنسبة لاسم المدونة فبجد بقالي سنتين اهو بدون محدش عمره قالي تعليق على اسم المدونة

    ههههههه

    بصي هقول لك حاجة صب زيرو يعني زي ماانتي عارفه تحت الصفر

    لكن الجميل في صب زيرو هو ان غالبا مابيرتبط بالنقاء والبياض في نفس الوقت
    لما درجة الحرارة 1 صب زيرو اكيد هيبأه في تلج واكيد هيبقى في نقاء حولينا بغض النظر عن البرودة طبعا

    وانا من عشاق الابيض

    الجزء التاني من الكلمة ان احنا في مصر بنقول على الانسان بارد يعني انسان سوري في الكلمة معندوش دم

    في حين ان انا شايف ان اي انسان علشان يعيش في البلد دي لازم يكون مش بارد لا تحت الصفر

    بس على فكره انا انسان مش بارد اطلاقا بتعصب من جوايا كتير لكن مبحاولش العصبية دي تطلع بره علشان اي انسان عنده حق مجرد انه بان انه اتعصب ده بيلغي كل حقوقه

    ياريت المعنى يكون وصل

    وتحياتي


  15. انضموا معنا لحملة
    الحرية للمدون الدكتور توكل مسعود صاحب مدونة بلا وطن
    http://belawa6an.blogspot.com/
    الحملة تنطلق من هذا الرابط
    http://abersbel.blogspot.com/


  16. تساؤل ممتاز
    وتناول رائع

    أمنياتي


  17. ازيك يا محمد
    دايما تمتعنا بما تكتب
    بس دايما بحس بحزن فى كلماتك
    لكن تعبرك جميل وكلماتك رائعه
    سملت اناملك


  18. جميلة جميلة جميل
    بجد كلماتك حلوة وبوستك هايل
    كنت بقراه انا وايناس
    والكلام بجد رائع


  19. مش عارفة ليه بقي الوقت او الزمن احداثه مرهقة للبني ادم
    ولا احنا اللى ضعفنا ولازم نرجع تانى زي الاول

    حاول تستعين بربنا فى مواجهة الزمن
    وهو هيمر عليك ببساطة ويسر

    ربنا يقويك يارب

    اتمنى انك تكون بخير :)


  20. جـــــــربت مــــــــره تــعمل حاجه للاقـصي

    لو ما جربتش جرب تشـــــــارك معــــــــــنا

    يمكن نقدم حاجه تكــــــــون مفـــــيده تنفعــنا

    ويمكــــن بيها في الجنه ربنا يجــــمـعنـــــــا

    خليــــــــــــــــــك جـــرئ وشــاركنـــــــــــا

    بامكناك ان تشارك في نهضه امــــــــــــــتنا

    لا تقل لا استطيع المشاركه في بناء عزتـــنا

    ان عــــــزتنا تكمن في تــحرير غفلــــــــتنا

    ندعوك ان تشترك معنا للنهوض بدولتــــنا

    لا تتردد فانها فرصتك في مساعده اخواتنا

    حمله :بايدينا ندفع الخطر عن الاقصي
    رابطه مدونون من اجل فلسطين


  21. جـــــــربت مــــــــره تــعمل حاجه للاقـصي

    لو ما جربتش جرب تشـــــــارك معــــــــــنا

    يمكن نقدم حاجه تكــــــــون مفـــــيده تنفعــنا

    ويمكــــن بيها في الجنه ربنا يجــــمـعنـــــــا

    خليــــــــــــــــــك جـــرئ وشــاركنـــــــــــا

    بامكناك ان تشارك في نهضه امــــــــــــــتنا

    لا تقل لا استطيع المشاركه في بناء عزتـــنا

    ان عــــــزتنا تكمن في تــحرير غفلــــــــتنا

    ندعوك ان تشترك معنا للنهوض بدولتــــنا

    لا تتردد فانها فرصتك في مساعده اخواتنا

    حمله :بايدينا ندفع الخطر عن الاقصي
    رابطه مدونون من اجل فلسطين


  22. اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة


  23. Selfmeaning Says:

    من انا؟؟؟؟

    انسان عادى معرض انه يفقد حماسة فجأة لظروف او لذكرى
    انسان عادى هيجىء وقت و يصحى من تانى و كله امل و يدفن كل حاجة جوه قلبه و يرجع يعيش من تانى و يفتح صفحة جديدة يقدر يواجة بيها كل حاة ممكن تفقده حماسته من جديد


  24. Anonymous Says:

    كلمك كتير مؤثر ورائع تسلم على الاحساس الرائع