لحظة صفاء


أجمل لحظة صفاء بيعيشها الانسان وهوه بيشكي عقله لقلبه


او نقدر نقول عليها بالمعنى المصري بيحاسب نفسه



الجميل في الموضوع لو بصينا للقلب والعقل على انهم شخصين وانته بتشكي العقل للقلب



ولما تعرف ان القلب والعقل بيحبوا بعض حب لانهائي يعني لو مات القلب يموت العقل ولو مات العقل يموت القلب



بس دايما الاطيب هوه القلب والاقوى هوه العقل



دايما اي مؤلف بيتكلم عن الموضوع ده بيحسس الناس ان العقل شرير والقلب هوه الطيب اللي مكسور جناحه



في حين ان الواحد لازم يعرف ان العقل ده هوه الحكيم بس مدي على مغرور شوية اللي العواطف مبتأثرش فيه



هنا بأه ممكن نمثل العقل بالانسان الاجنبي ونمثل القلب بالانسان العربي



دايما تلاقي الانسان الاجنبي بيتنقل من مكان لمكان حسب اللي هيستفيده اما الانسان العربي يقول لا مقدرش اسيب البيت اللي عشت فيه سنين عمري





تيجي تسأله ليه ياعم يقول لك "اصل الحيطه دي ياما مشيت جنبها" ياعم سيبك من الحيطه اللي هتجيبك لورا دي



بس العقل ممكن يتنازل للقلب كذا مرة



يعني ممكن الانسان يخاصم اخوه ويصالحه مع ان عقله رافض الفكره لإن عقل اي انسانزي ماقلنا مدي علىا مغرور"انته لو اقتنعت بفكرة البوست الي فات يبأه عقلك اقتنع لكن انته مش مقتنع وانا نفسي كمان مش مقتنع علشان كده العقل مش مقتنع وهيفضل حاسس ان هوه مبيغلطش علشان كده قلت عليه مغرور" بس علشان القلب حكم بكده



علشان كده الانسان لما بتزيد الهموم عليه بسبب تصرفاته اللي هيه تصرفات عقله بيقعد ويحاسب نفسه وهنا اللي بياخد القرار قلبه وعقله لازم يوافق وعلشان كده انته بتكون راضي وفي لحظة من الصفاء



ياريت حد يكون فهم



""انا مش عارف ليه بحس ان مفيش حد بيقرا بوستاتي وبيفهمني هل ده صحيح وله ده شعور داخلي ملوش معنى""





9 Responses
  1. عزيزتى
    اول شئ كلامك مفهوش ونظريتك واضحه
    بس انا شايف ان الانسان بلاش نقسمه بعقل وقلب وروح واحساس هو الانسان كينونه واحده والعقل لما بيفكر القلب بياخد القرار معاه والقلب لما بيحب الاحساس بياخد القرار معاه
    والاحساس لما بيحس بشئ العقل بيفكر اد ايه الشئ ده اثر فيه
    وموضوع الاجانب والمصريين صدقينى كل انسان مهما كانت جنسيه بيرتبط بالمكان بتاعه وهما كمان بياثر فيهم الاماكن اللى اتولدوا فيها واتربوا فيها
    وشوفى موضوع السماح وانى اصالح حد موضوع الاحساس والمشاعر دخله فيه
    وطبيعة شخصية الانسان
    وصدقينى القرار مش بالعقل بس ولا القلب بس لان القلب لو رافض شئ مش هتكمليه والعقل لو رافض شئ مش هتكمليه برضوا
    ولا ايه رائيك
    تحياتى يا قمر
    سلااااااااااام


  2. WhItE HeArT Says:

    اولا احب احييك على رأيك واقول لك اني انا ولد مش بنت واوعدك اني هراجع البروفايل بتاعي علشان اتأكد اني كاتب ده

    بس وجهة نظرك فيها شيء من الاقناع بس محتاجه تفكير اكتر وبعدين احنا فعلا منعرفش مين اللي بياخد القرار القلب وله العقل فا انا فرضت فبرضية ممكن تكون صح وممكن تكون غلط بس بيني وبينك فرضيتي انا مستريحلها نفسيا بس ممكن تكون غلط لكن موضوع ان الاجانب بيتأثروا بالمكان ده مش صحيح فعلاً


    فعلا رأيك يستحق الاحترام وشكراً ليك

    سلام


  3. Anonymous Says:

    مييييييييين بس قال ان الناش مش بتشوف كلامك
    الموضوع دا جميل جدا
    وانا كنت فكرت في الموضوع دا قبل كدا
    واخر ما توصلت اليه
    علي اد ما يكون في تصالح من القلب والعقل علي اد ما هيكون في استقرار نفسي واتزان
    يعني الموضوع بتاع العلاقة ما بين القلب والعقل ابسط من اننا نسميه معركة
    مع انه عند كتير من الناس معركة ودي الناس اللي كويسه شويه في ناس قلبويه بغباء ما اقصدش القلب بمعني الحنان لا بمعني الألف والاستهلال لكل خطواط الحياة
    وناس مش عقلانيه لا ناس مريضة بما تسميه عقل ودا بشوفه فيهم امراض نفسيه بتعمل قسوة وضلمة بيخبوها ورا التفكير والعقلانيه

    انا بتكلم عن امثله حيه في محيطي
    يعني تجربه مع بني ادمين
    مش حاجة تستحق التعميم
    والحلو انك توازن لو قلبك راح لحاجة
    تفتكر كلمة عمربن الخطاب اوكلما اشتهيت اشتريت
    وبعدين يجي العقل يشترك معاه ويكون قرار متزن عقلاني فيه روح
    ولو العقل قرر لك حاجة لازم القلب بشترك ويوافق علشان تعرف تستمتع بهذا القرار
    لو دخلت كليه معينه وكان دا اختيار عقلك وشوفتك للمستقبل باي وجهه نظر
    لازم قلبك يسنك لانه هو الطاقه الحقيقيه اللي هتحركك
    حب ما تعمل كي تعمل ما تحب


  4. اللي فات من الخيط الرفيع


  5. WhItE HeArT Says:

    شكراُ ليكي على مرورك وعلى رأيك

    وفعلا هما القلب والعقل لازم يكونوا مشتركين في القرار علشان يطلع القرار سليم زي ماانتي قلتي

    شكراً ليكي تاني


  6. Anonymous Says:

    محمد انا من كتر تركيزي حسا اني بجد طايرا من كلامك بس انا بقول اني لوفكرت احب هفكر بالعقل بس اشوف الي يريح القلب انا بفكر بالعقل بس انا مش بحث ان العقل الي هيحسسني بالدنيا يعني باختسار انا بحث ان العقل ملوش لزمة في الحياة اما القلب بدونه محدش يعرف يعيش انا بجد حسيت انك فعلا بتعرف تفتح كلام مكنش في البال ولا حاجة انا بسراحة احترم كلامك جدا ..من اختك نوران


  7. WhItE HeArT Says:

    شكرا على ردك يانوران اما العقل ملوش لازمه فده تفكير انا مش معاكي فيه لإن ربنا سبحانه وتعالى مخلقش حاجة ملهاش لازمه

    وشكراً ليكي


  8. Anonymous Says:

    انا اصدي ان الموضوع احساس طبعا بدون عقل مش هتحث بالحب ...نوران


  9. Anonymous Says:

    اولا احب اقولك ان البلوج بتاعك حلو اوى
    والموضوع دا عجبنى اوى
    خصوصا الجزء بتاع الواحد يصالح نفسه يصالح قلبه على عقله وعجبنى تجسيدك ليهم انهم شخصين
    فعلا لو واحد قدر يقنع قلبه وعقله ببعض هيستريح ولو اقتناع مؤقت بس هيحس انه مرتاح
    اسلوب كلامك حلو