حب من طرف واحد


تكفيني مشاعري لأعلم انني سقطت في بحر الحب حبيبتي

ويكفي الناس شرودي ليعلموا عمق حبي لك حبيبتي

وكم يكفيكي من براهين وأدله لتعلمي انك انت حبيبتي



حبيبتي لست ممن يعزفون المشاعر على تلك الاوتار

ولست ممن يتحدثون فتهفوا اليهم الانظار

وان كنت تنتظرين مني عبثاً فوداعاً لتلكم الافكار



حبيبتي معك يخفق قلبي ويصرخ حبي ويضعف كياني

حبيبتي حبك ساكن روحي ومعربد في قلبي ولربما أعياني

حبيبتي لرضاك سأتحدى ذلك العالم وحبك هو رهاني


"اهداء الى ........ مش لازم تعرفوا على فكره"



فعلا باين انه حب لكن واضح انه حب من طرف واحد مش من طرفين وده اسوأ انواع الحب "وله حد عنده رأي تاني " وده على اعتبار ان الحب انواع


بس في الحب من طرف واحد شيء جميل فعلا انه الانسان بيتخيل حبيبته معاه على طول علشان يعوض شيء ناقص عنده "وده بيربي فيه ملكة التخيل" بس عادة بيقلب في الآخر بأمراض نفسيه لو كان الانسان ضعيف في تقديره للأشياء


طيب مهو لو جينا نتكلم هنقول انه اللي يلاقي حب وميحبش يبأه انسان غبي مش كده برضه وده معناه ان الانسان اللي بيحب من طرف واحد ده ليه حالتين


يااما اللي بيحبها دي ياعيني هيه كمان واقعه في حب بس حب تاني ومش رايقاله خالص


يااما هيه مش شايفه حبه ليها اصلا ولو شافته وحسته اكيد هتحس بيه وهتحبه لإن زي ماقلنا اللي يلاقي حب وميحبش يبأه انسان غبي لإن الحب مش بييجي للواحد كل يوم


طبعا الحاله الاولانيه دي مشكلتها منتهية يعني الموضوع مفروغ منه بس يحاول يعرف الشخص لو هوه بيحبها وهنا هنقسمه لحالتين


ياما ان اللي بيحب من طرف واحد ده انسان عاقل وهيفكر في الشخص التاني ولو كان انسان كويس هيدعيلهم بالتوفيق ولو كان انسان سيء هيحاول يبعده عن طريقه بس بعقل


يااما انسان مجنون وساعتها هيقتله ويخلص نفسه ويادار مادخلك شر


اما الحاله التانية فدي اللي الامل فيها كبير وهنا برضه هنقسمها لحالتين


ياما الانسان هيبأه انسان مغرور وساعتها غروره هيمثله انه ليه هوه اللي يبين مشاعره ويحسسها انه ملهوف عليها ميستنى وتيجي منها وده للأسف انسان مريض نفسيا ياعيني عايز يتعالج


يااما انسان عادي وده الافضله انه يعمل المستحيل علشان يبين لها حبه ليها لإنها لو حسته هيبأه الحب عادي وهيكون من طرفين



24 Responses
  1. Anonymous Says:

    سلامو عليكوووووووووو


    ازيك يا بش مهندس قلت مبتسالش نسال احنا ونطمن بقى ؟

    اخباراتك ايه ؟
    والدراسة عملا معاك ايه؟

    واخبار شرين؟؟

    يارب تكونو كلكم تمام معلش والله كنت عوزا اقرا كويس واعمل كومنت وكدا بس يو عارف انا بمتحن ومتنيلة خالص مطحونة جدا

    دعواتك

    اول ما اكون فاضية هدخل واقرا كل الجديد واظبطك

    شد حيلك بس انت وخلى بالك من نفسك ومن شرى

    ربنا يوفقكم ويوفقنا

    دعواتك يا بطل

    نورانى


  2. WhItE HeArT Says:

    وعليكم السلااااام

    ازيك انتي عامله ايه شدي حيلك في الامتحانات دي طب ومش اي طب دي طب المنصورة بس ربنا معاكي انتي قدها وقدود اكيد ان شاء الله ومتبقيش زي شيريف كان عندي في البيت في يوم وابن خالتي وقع على رجله راح مسك رجله وقال تلاقيها اربطه وله حاجة وفي الاخر طلع الواد عنده 3 عظمات مكسورين ياعيني


    اما انا فكويس وشيرين كويسه ومستنيكي تقري الكلام وتقولي رأيك والله كل يوم بدخل بس مبلاقيكيش كاتبه حاجة جديده فبعرف انك بمتحني


  3. حقيقي البلجاية دي اكتر من الروعة وعجباني اوي افكارك ونظرتك للناس والامور.


  4. WhItE HeArT Says:

    بجد انا متشكر جداً

    بس ياريت ميكنش ردك المرة دي رد زيارة وخلاص

    مع اني مش عارف مين حضرتك بس اللي متأكد منه انك واحده من العيله

    وللمرة التانية شكراً ليكي


  5. احمد العايدى Says:
    This comment has been removed by a blog administrator.

  6. WhItE HeArT Says:
    This comment has been removed by the author.

  7. أحمد العايدي Says:

    الموضوع طيب وقد كتب الكاتب عن الحب من طرف واح وهو امر كان يحتاج الى الكتابة فالطبع الحب من طرف واحد مشكلة قد وقع فيها الكثير من الناس اكثرهم الشباب اناثا كانو او ذكورا فالحب من طرف واح نار تلقى فى القلب وانا شخصيا قد وقعت فيها وكا ذكر الكاتب كيفية التعامل معها فسأضيف العلج المثل وباختصار شديد كانت حكايتى انى احببت واحدة من طرف واحد حب شديد وكن حبا حقبقبا ولكن عندما اقتربت من الله ودخل حب الله فى قلبى شعرت براحة كبيرة وبدأ هذا الحب ينقص تدريجيا ولكن لم انكر انه ماذال موجود ولكن بنسبة ضئيلة جدا انها حقا مشكلة وبصراحة اكتر حاجة تضايقانى ان حبيبتك تعرف بأنك تحبه وبالبلدى كدة تتنطت عليك وفى حاجة عايز اضيفها وهى للكاتب ان لو شعرت حبيبتك بحبك مش شرط انها تحبك ختى لو عملت لها كل حاجة لان احيان الحب لانستطيع ملكه

    احمد العايدي


  8. WhItE HeArT Says:
    This comment has been removed by the author.

  9. WhItE HeArT Says:

    يبأه انته مختلف معايا في موضوع اللي يلاقي حب وميحبش يبأه غبي

    خلاص يبأه ده اختلاف والاختلاف في الرأي لا يفسد في الود قضيه


  10. لولا Says:

    الحب من طرف واحد عذاب وممكن يكون غباء لما يكون مستحيل الي بيحبه يحبه
    وعموما الحب كله بانواعه تعب قلب
    سواء من طرف واحد او من طرفين كله تعب بس التعب ده في نظرنا بيبقى احسن تعب في الدنيا..بس احنا كدة البشر غاوين تعب قلب

    تحياتي ليك


  11. WhItE HeArT Says:

    وجهة نظر فيها بعض الاحباط والاسى يارولا بس احنا ممكن نفكر في الموضوع بطريقه ابسط من كده

    ليه العذاب وليه الجرح مادام عايشين وفينا قلب بينبض يارولا

    وعلى فكره احنا اللي بنعمل العذاب يمكن علشان زي مابتقولي بنحب تعب القلب ويمكن برضه زي مابتقولي علشان احسن من تعب الدنيا بس برضو في ادينا ان احنا نحول اي تعب في الدنيا لراحه لو فكرنا فيها بمنطقية زياده عن اللزوم

    وتحياتي ليكي وشكراً على تشريفك ليا في بلوجتي


  12. عزيزى
    شوف الحب لازم يكون بين طرفيين علشان اسميه حب اما من طرف واحد دى مش علاقه حب دى مشاعر غلط لازم تموت وتتولد لحد تانى احسن مش بقول اللى يحب ينتظر الطرف التانى يحبه انا شايف الحب وضوح وايجابيه وقبول ورفض
    المفروض محدش يخبى مشاعره بس المفروض لو المشاعر دى ملقتش اللى يحضنها يحاول يلغيها ويسيب مشاعره تحاول تانى مع حد تانى لانه ساعتها اكيد من حبه الحقيقى
    سلاااااام


  13. Anonymous Says:

    انت جامد مووت على فكرة يا محمد شعرك فعلا جامد جدا والموضوع دة فعلا موجود كتير وعلى فكرة انت نسيت حاجة انه ممكن اللي بيحب من طرف واحد ينتحر لان اول حب في حياته هيكون فاشل ولا ايه رايك
    حد من افراض العائلة


  14. Anonymous Says:

    انت جامد مووت على فكرة يا محمد شعرك فعلا جامد جدا والموضوع دة فعلا موجود كتير وعلى فكرة انت نسيت حاجة انه ممكن اللي بيحب من طرف واحد ينتحر لان اول حب في حياته هيكون فاشل ولا ايه رايك
    حد من افراض العائلة


  15. WhItE HeArT Says:

    احساس لسه حي

    كل كلامك صح تقريباً بس للأسف في حب من طرف واحد صحيح العملية غلط تماما لكن احنا مش هنقدر نموتها لإن ده شيء مش بإيدينا لكن زي مابنقول كلنا في الموضوع ده ممكن نتناساها لكن لا هنموتها ولا هننساها وانا معاك في ان مينفعش حد يخبي مشاعره عن التاني لإن فعلا الحب زي ماقلت وضوح وايجابية وقبول ورفض

    واشكرك على رأيك الجميل


  16. WhItE HeArT Says:

    ههههههههههههههههه

    شكل العائلة دي بسم الله ماشاء الله متفرعه اوووي

    شكراً على اطرائك اللي في الاول
    بس انا شايف ان الانتحار ده موضوع مبالغ فيه الا اذا كان الحب بالنسباله هوه همه الاول والاخير وحياته كلها ومفتكرش في انسان عاقل دي مشكلته الوحيده في الحياة

    وشكراً ليك


  17. Anonymous Says:

    السلام عليكم
    الموضووع جمييل اوى يا بشمهندس
    بس انا في رايي مفيش حاجه اسمها حب من طرف واحد
    لان الحب احساس متبادل بين قلبين
    انا شايفة اللي يحب حد يقووله واكييد اذا هو بيحب بجد هيلاقي رد يعجبه
    بس كل دا ميمنعش ان الموضوع قمة في الرووعة ودا المعتااد يعني

    تقبل مروري ... أختك


  18. kingmody Says:

    احم احم السلام عليكم في الاول
    اولا الكلام جميل وحلو اوي بس كلمة رهاني مش جاية مع الباقي خالص
    بس الباقي جامد
    اما الموضوع نفسه بقة
    انا اختلف معاك ان الي يجيلي الحب وميحبش يبقى غبي
    عشان انت عارفني واد ايه انت كلمتني بس بردو انا كنت غبي على رايك
    اما حب من طرف واحد الله يعين الشخص ده بجد وزي ما احمد قال الواحد يقرب من ربنا والعملية هتخلص
    وانتظرني ان شاء الله هحط حاجات جديدة في البلوج بتاعتي تبقى تزورني بس افوق من الدوامة الي انا فيها دي
    سلام يا باشا


  19. WhItE HeArT Says:

    محمود حبيبي اختلاف الرأي عادي جدا انا بتكلم عن معظم الناس انته حاله جينياش او اكسبشن من اللي انا بقوله مش زي مابقوله كل نظريه او طريقه حل ليها شواذ فعادي انته عارف رأيي برضو

    وان شاء الله هزورك يامعلم بس انته تنزل بتقلك كده


    شكرا ليك


  20. Anonymous Says:

    انا الموضوع عاجبني جدا بس بخسارة فتحته متاخر بس انا الي اقدر اقولو ليك ان ممكن يبقى من طرف واحد مده كبيرة جدا وممكن يكون من طرفين ويبقى مدة قصيرة جدا انا اصدي بالكلام دة ان الحب الي من طرف واحد يكون حب حقيقي جدا بس ممكن يكون من طرفين ويبقى مش حب لعب بالمشاعر من طرف واحد انا افضل ان الحب يبقا من طرف واحد ..انا كمان لية وجهت نظر تانية ان الي يلاقي حب وميحبش يبقا غبي لا مين قال كدة الحب هوة قلب عايش بروح تانية مش يحب واحد لمجرد انه لقى في الدنيا حب كبير .....من اختك نوران


  21. WhItE HeArT Says:

    نورا اختي الامورة شكراً ليكي على ردك واهتمامك الزايد بيا الفترة المؤخرة مش عارف ليه وجميله جدا جملة

    الحب هوة قلب عايش بروح تانية

    طلعتي اذكى مما توقعت يانورا وبتتفلسفي اهو


    شكراً على ردك الجمييل ده


  22. Masterzizoul Says:

    أول ذي بدء السلام عليكم
    أنا عزيز من ماليزيا. ما أجمعل القول كتبت. رغم أن كثير من الناس لا يصدقون الحب من أول نظرة ويقول أنه فقظ إعجابية ولكنني أصدق وجود هذا الحب.شعور الحب لا أحد يقدر فهمه إلا من ينغمس في بحر الحب


  23. Masterzizoul Says:

    أول ذي بدء السلام عليكم
    أنا عزيز من ماليزيا. ما أجمعل القول كتبت. رغم أن كثير من الناس لا يصدقون الحب من أول نظرة ويقول أنه فقظ إعجابية ولكنني أصدق وجود هذا الحب.شعور الحب لا أحد يقدر فهمه إلا من ينغمس في بحر الحب


  24. Masterzizoul Says:

    أول ذي بدء السلام عليكم
    أنا عزيز من ماليزيا. ما أجمعل القول كتبت. رغم أن كثير من الناس لا يصدقون الحب من أول نظرة ويقول أنه فقظ إعجابية ولكنني أصدق وجود هذا الحب.شعور الحب لا أحد يقدر فهمه إلا من ينغمس في بحر الحب