قلب و تاه
كالعاده بتأخر عليكم اوي مش هقول حجج لكن بجد مش لاقي حاجة اقولها حتى اللي بكتبه بقطعه فقلت اكتب حاجة كنت كاتبها زمان واشوف رأيكم فيها لحد ماتفرج على عقلي يارب ادعوليعنيا واتقابلت مع اللي روحي عاشقاها
بعد ماكنت هنساها دلوقتي في لحظه القاها
يمكن مش هي انا غلطان نفسي ارّجع اللي كان
الحب اللي ضاع من زمان
بس لا لا ده انا سامع نداها
------------------------------------
واتاريني رايح اجرح قلبي من تاني
هجرحه بعد جرحه الاولاني
سامحني ياقلبي سامحني عشاني
------------------------------------
ده انا كنت محتفظ بصورتها وفاكر اخر مرة علشاني نزلت دمعتها
وفاكر حبي وحبها وفاكر كل كلمة حب انا قلتها وعدتها
------------------------------------
واتاريني رايح اجرح قلبي من تاني
هجرحه بعد جرحه الاولاني
سامحني ياقلبي سامحني عشاني
------------------------------------
واهي حبيبتي جايه
نفسي اقول لها وحشتيني
جايه وهقول لها تعالي من تاني احبك وتحبيني
تعالي نعوض كل لحظه فاتت تعالي ندوس على كل دمعه كانت
تعالي قبل ماتنسيني
------------------------------------
واتااااااااري الضحكة مش ليا واتاري نداها هوه سكات
واتاريها نسيت عنيا وخلاص قلبي ياخساره مات
------------------------------------
واديني بشوف حضنة اديهم واديني بشوف الحب في عنيهم
واهو شايفه حاضن حبيبتي انا
بس ياقلبي مين شايف دمعي انا
------------------------------------
واتاريني جرحت قلبي من تاني
جرحته بعد جرحه الاولاني
سامحني ياقلبي سامحني عشاني
------------------------------------
دي قصة حب خدعتها الحياه قصة قلب داق الحب وبعدها تاه
حب ياريت في يوم أنساه
Comments
جرحته بعد جرحه الاولاني
سامحني ياقلبي سامحني عشاني
جامدة اخر حاجة يامحمد السطرين دول بجد جامد الشعر كله والله العظيم تحفة اخر حاجة بديتك كانت مشرفة يامحمد ربنا نعاك وتمتعنا بشعرك كمان وكمان يمنى
ازيك يااستاذه ايه الاخبار
الحمد لله انه عجبك وشكرا على كلامك الرائع
تحياتي لحضرتك
يارب تنساه وتيجى اللى تعوضك ان شاء الله
والحبيب اللى يجرح ويسيب حبيبه منبكيش عليه لالالا
ننساه
تحياتى ولاء
بس اللى اتقال ده حقيقه كتير بتحصل بس لازم نلتمس الاعذار للطرف التانى مهما ان كان طالما كان فيه حب الموضوع طويل بس تسلم ايديك ويا رب تنسى
عامل ايه يامحمد يارب تكون بخير
كلمات جميلة
بس حابب
اقلك انى اصعب حاجة انى انسان يتخدع فى الانسان اللى بيحبه
فعلا بتبقى مؤلمة جدا
جرح تانى
لا يلدغ المؤمن من جحر مرتين
تحياتى ليك
doha
أقل كلمة أقدر أوصف بيها البوست ده ..
بجد ابداع وكلماته صادقة أوى بحس نا هى بتكلمنى
انطلق ومتغبش عننا عشان متحرمناش من ابداعك
الابيات والكلمات والصوره روعه بجد انا كنت شايف موقف
شكرا على كلماتك الجميله ان شاء الله مفيش غياب تاني وفي بوست قريب قوي
الواحد بينسى ياولاء وتقريبا نسي وبيدور على التعويض بأه
:)
تحياتي
ترفديني ده ايه لا لا انا مستحملش ده انا حتى تلميذ نجيب اهو وبعدين انا ناوي اخد اجازة يومين اقضيهم في كوكبك عندك مانع ؟
انا حاسس انه حقيقه فعلا انا كتبته وانا بتصور المشهد هوه صحيح مش قصة حقيقه حصلتلي بس تقدري تقولي من نسج الخيال
نلتمس الاعذار يآآبي بس كل حاجة وليها ليميت فعلا الموضوع طويل
تحياتي لحضرتك
ولايهمك على التأخير انا اللي اتأخرت قوي بصراحه
مدونتك الجديده جميله جدا طبعا انا هقراها كلها لإن فاتني حاجات كتير
شكرا لكلامك الجميل ده
فعلا زي ماقلت لا يلدغ المؤمن من جحر مرتين
تحياتي ليك
ألأف شكرا ليك على كلامك الجميل ده
وانا شاء الله مش هغيب تاني كتير كده
تحياتي ليك
جايز يكون عندك حق في كلامك ان الواحد مش هينسى بس على الاقل مايتألمش في حبه وله ايه رأيك
شكراً لكلامك الرائع
وتحياتي
مع تحيات خالو
الفراق قرار بنخده عن تفكير بجد
مش بمقابله ولا نظره ينهد القرار ده
اوعى تخلى اى شئ يغير قرارك
او تاخد قرار انتا مش قده
يا تستحمل اللى بيحصلك
كلماتك جميله
بس ده مش حب
الحب بيخلينا اعزاء واقوياء
تحياتى
سلام
حبيبي الف شكر على الكلام الجميل ده
طبيعي ان ميكنش ده حب لكن هوه ممكن تقول انها مشاعر حزن
تحياتي لحضرتك
احب اقول لك اني ولد لكن ان شاء الله هاجي اشوف ايه الموضوع
تحياتي لحضرتك