قلب و تاه

كالعاده بتأخر عليكم اوي مش هقول حجج لكن بجد مش لاقي حاجة اقولها حتى اللي بكتبه بقطعه فقلت اكتب حاجة كنت كاتبها زمان واشوف رأيكم فيها لحد ماتفرج على عقلي يارب ادعولي

عنيا واتقابلت مع اللي روحي عاشقاها
بعد ماكنت هنساها دلوقتي في لحظه القاها
يمكن مش هي انا غلطان نفسي ارّجع اللي كان
الحب اللي ضاع من زمان
بس لا لا ده انا سامع نداها
------------------------------------
واتاريني رايح اجرح قلبي من تاني
هجرحه بعد جرحه الاولاني
سامحني ياقلبي سامحني عشاني
------------------------------------
ده انا كنت محتفظ بصورتها وفاكر اخر مرة علشاني نزلت دمعتها
وفاكر حبي وحبها وفاكر كل كلمة حب انا قلتها وعدتها
------------------------------------
واتاريني رايح اجرح قلبي من تاني
هجرحه بعد جرحه الاولاني
سامحني ياقلبي سامحني عشاني
------------------------------------
واهي حبيبتي جايه
نفسي اقول لها وحشتيني
جايه وهقول لها تعالي من تاني احبك وتحبيني
تعالي نعوض كل لحظه فاتت تعالي ندوس على كل دمعه كانت
تعالي قبل ماتنسيني
------------------------------------
واتااااااااري الضحكة مش ليا واتاري نداها هوه سكات
واتاريها نسيت عنيا وخلاص قلبي ياخساره مات
------------------------------------
واديني بشوف حضنة اديهم واديني بشوف الحب في عنيهم
واهو شايفه حاضن حبيبتي انا
بس ياقلبي مين شايف دمعي انا
------------------------------------
واتاريني جرحت قلبي من تاني
جرحته بعد جرحه الاولاني
سامحني ياقلبي سامحني عشاني
------------------------------------

دي قصة حب خدعتها الحياه قصة قلب داق الحب وبعدها تاه

حب ياريت في يوم أنساه



18 Responses
  1. Anonymous Says:

    واتاريني جرحت قلبي من تاني
    جرحته بعد جرحه الاولاني
    سامحني ياقلبي سامحني عشاني
    جامدة اخر حاجة يامحمد السطرين دول بجد جامد الشعر كله والله العظيم تحفة اخر حاجة بديتك كانت مشرفة يامحمد ربنا نعاك وتمتعنا بشعرك كمان وكمان يمنى


  2. WhItE HeArT Says:

    وعليكم السلام

    ازيك يااستاذه ايه الاخبار

    الحمد لله انه عجبك وشكرا على كلامك الرائع

    تحياتي لحضرتك


  3. walaa Says:

    بتغيب بتغيب وبترجع بحاجات حلوه
    يارب تنساه وتيجى اللى تعوضك ان شاء الله
    والحبيب اللى يجرح ويسيب حبيبه منبكيش عليه لالالا
    ننساه
    تحياتى ولاء


  4. appy Says:

    امممممممم مش هنعلق على الغياب اصل المرة الجايه هرفدك من المدرسه بتاعت المدونين
    بس اللى اتقال ده حقيقه كتير بتحصل بس لازم نلتمس الاعذار للطرف التانى مهما ان كان طالما كان فيه حب الموضوع طويل بس تسلم ايديك ويا رب تنسى


  5. معلش انا اللى اتاخرت عليك اوى
    عامل ايه يامحمد يارب تكون بخير
    كلمات جميلة
    بس حابب
    اقلك انى اصعب حاجة انى انسان يتخدع فى الانسان اللى بيحبه
    فعلا بتبقى مؤلمة جدا
    جرح تانى
    لا يلدغ المؤمن من جحر مرتين
    تحياتى ليك
    doha


  6. رائع ..

    أقل كلمة أقدر أوصف بيها البوست ده ..

    بجد ابداع وكلماته صادقة أوى بحس نا هى بتكلمنى

    انطلق ومتغبش عننا عشان متحرمناش من ابداعك


  7. تعرف انك مش حتنسى حتى لو مارجعتش تانى مش حتنسى عارف ليه لانى الحب رغم نهايته الى بتالم احيانا بتمر علينا لحظات الحب دى علشان نبتسم وياخدنا الحنين تانى ونتخيل المحبوب
    الابيات والكلمات والصوره روعه بجد انا كنت شايف موقف


  8. WhItE HeArT Says:

    walaa

    شكرا على كلماتك الجميله ان شاء الله مفيش غياب تاني وفي بوست قريب قوي

    الواحد بينسى ياولاء وتقريبا نسي وبيدور على التعويض بأه
    :)

    تحياتي


  9. WhItE HeArT Says:

    appy

    ترفديني ده ايه لا لا انا مستحملش ده انا حتى تلميذ نجيب اهو وبعدين انا ناوي اخد اجازة يومين اقضيهم في كوكبك عندك مانع ؟


    انا حاسس انه حقيقه فعلا انا كتبته وانا بتصور المشهد هوه صحيح مش قصة حقيقه حصلتلي بس تقدري تقولي من نسج الخيال
    نلتمس الاعذار يآآبي بس كل حاجة وليها ليميت فعلا الموضوع طويل

    تحياتي لحضرتك


  10. WhItE HeArT Says:

    doha

    ولايهمك على التأخير انا اللي اتأخرت قوي بصراحه

    مدونتك الجديده جميله جدا طبعا انا هقراها كلها لإن فاتني حاجات كتير

    شكرا لكلامك الجميل ده

    فعلا زي ماقلت لا يلدغ المؤمن من جحر مرتين

    تحياتي ليك


  11. WhItE HeArT Says:

    محمد حمزة

    ألأف شكرا ليك على كلامك الجميل ده

    وانا شاء الله مش هغيب تاني كتير كده

    تحياتي ليك


  12. WhItE HeArT Says:

    رئيس جمهورية نفسي


    جايز يكون عندك حق في كلامك ان الواحد مش هينسى بس على الاقل مايتألمش في حبه وله ايه رأيك

    شكراً لكلامك الرائع

    وتحياتي


  13. secret-love Says:

    انت عارف رايى يابشا موضوع جامد كمل واستمر وانا معاك على الخط


    مع تحيات خالو


  14. عزيزى
    الفراق قرار بنخده عن تفكير بجد

    مش بمقابله ولا نظره ينهد القرار ده

    اوعى تخلى اى شئ يغير قرارك

    او تاخد قرار انتا مش قده

    يا تستحمل اللى بيحصلك

    كلماتك جميله
    بس ده مش حب
    الحب بيخلينا اعزاء واقوياء
    تحياتى
    سلام


  15. أنت
    يا سارقة ياء النداء من حروفي
    لماذا أنتِ مرتبكة ؟
    نعم أعنيك أنت
    ادعوك للإنضمام للفكرة
    فانتِ وحدك .. تلك التي لم تأت
    هذا طريق لم يكن يعرفه احد
    و لا يعرف احد
    طريق لم تعرفه اقدام المارة
    و لم تدنسه من قبل عجلات سيارة فارهة وقودها من عرقك و دمي
    تعالي معنا و املئي الدنيا بالضجيج
    نظرة على اسرار اون لاين لن تضيرك
    و مشاركتك تأكدي انها مصدر سعادة لنا
    http://asraronline.com/vb/


  16. WhItE HeArT Says:

    سيكريت

    حبيبي الف شكر على الكلام الجميل ده


  17. WhItE HeArT Says:

    حسااام


    طبيعي ان ميكنش ده حب لكن هوه ممكن تقول انها مشاعر حزن

    تحياتي لحضرتك


  18. WhItE HeArT Says:

    أمين سر

    احب اقول لك اني ولد لكن ان شاء الله هاجي اشوف ايه الموضوع

    تحياتي لحضرتك