كله كلام










أخيراً خلصت امتحانات الميدترم الحمد لله ومشم مهم عملت فيها ايه ولا تسألوا عن امور ان تبد لكم تسؤكم






الكلمات اللي جاية كتبتها من حوالي سنة واتنشرت بالفعل في مدونة اخويا وحبيبي محمود لكن انا صممت اني اكتبها تاني واخد رايكم فيها عندي هنا












كله كلام




كلام هقولوا وياريت تنسيني



وعشان بكره نرجع تاني هتعب قوي .... جرحك كان فوق الخيال جرح عذبني قوي





ده كلام هقولوا كان نفسي تفهميه




دي كمنجة قلوبنا عزفت للأيام هنا ... نفس الكمنجة اللي علمتنا الغنى ... وبكلمتين جيتي نسيتي مين انا .... كسرتي قلبين ونسيتي حبنا

اما ده فكلام علشان تفتكريني
فاكره ولد صغير بيقطف ورد الشجر.... وله فاكره اسمين اتحفروا على الحجر .... ولما فرحوا غنو ورقصوا على ضي القمر .... فاكره لما اتباعدوا واتواعدو يجمعهم القدر .... ولما اشتاقو اتقابلو في حلم بعد السهر .... اكيد نسيتي اللي في بعدك دموعه كانت مطر

وده كلام لقلبي وروحي وجراح سنيني

ياعم كبر دي واحده مش أكترامال ياقلبي لو عرفت اللي فيهادي قشعريرة قلبك وانته بتلامس اديها ... تبتسملها بخبث ابتسامه بتداريها

امال ياجرحي لو عرفت اللي فيها بتشكيلك وجراحك بتداويها ... بتطبطب عليك والاسى جوه عنيها .... وبعيد عنك دايما الجفى ماليها......امال ياقلبي لو عرفت اللي فيها


اما ده فكلام لقلبك اللي بيه هنتيني

متجيش في يوم تبكي وتنادي عليا .... واوعى اسمع نبضك مشتاق لعنيا.... كرهك خلاص صرخ بيه كل مافيا... وروحي واخلى بغيري زي ماخليت بيا




وده كلامي ليكي وفيكي انتي وعنيكي




ياحبيبتي قصدي ياقلب ملوش لزمه .... كان نفسي زمان من اديكي لمسه .... او اسمع قلبك بيهمس همسه .... وكنت بموت لما اشوف منك بسمه ... دلوقتي بقيتي في الحلق غصه
نفسي تعيشي في كره الناس .... نفسي تعيشي ياللي معندكيش احساس ... قلبك رخيص عليه ينداس .... وحبك كان وهم ملوش اساس



واسمعي ياحب فات اسمعي ياقلب مات كلامي ياريته في يوم يجرحك ... بعد ماكنت بموت لو حد زعلك ... دلوقتي قلبي يتمنى الموت للي يفرحك


خلصت الحكاية ياللي فكرتك ملاك... خلصت الحكاية يالللي فيك نطقتها كلمة أهواك ... خلصت ياللي بكيت عليك واتمنيت احيى معاك
24 Responses
  1. Anonymous Says:

    SECURITY CENTER: See Please Here


  2. walaa Says:

    من تفأول لتساؤم انا مش معاك حب وانتهى ليه نفكر فيه
    ومبروك عليا اول تعليق
    تحياتى ولاء


  3. walaa Says:

    على فكره اللى فوق ده فيرز ابقى احذفه


  4. أعجبنى البوست
    إسلوب منفرد وجميل
    والحق أقول مدونتى أفضل بكثييير
    تحياتى لك ولمحمود
    محمود سعيد


  5. كل دا كلام
    هو الكلام لما بيتكتب وبيخرج القلب و الفكر بيرتاحوا
    لكن نصيحتي اقلب صفحة الماضي وابدأ الكتابة علي صفحة جديدة بيضاء
    تحياتي


  6. بالظبط زى ما ولاء قالت
    حب و انتهى متفكرش فيه بقى
    اقلب الصفحه دى و الجاى هيبقى احسن ان شاء الله
    تحياتى


  7. بصراحه جامده جدا تحفه
    كلها احساس فعلا
    كل كلمه كتبتها كنت حاسس بيها وطالعه من قلبك مش كلام وخلاص
    احييك بجد
    ربنا يوفقك


  8. شكلك دماغ.. راجعلك تانى


  9. appy Says:

    اولا عقبال ما تنجح فى اى حاجه انت فيها هههههههه

    ثانيا اللى اقوى من الجرح هو الظلم وافهمها كويس

    بس ده كلام ومش خلاص ده كلام من قلب مجروح او مظلوم


  10. دلوقتي بقيتي في الحلق غصه
    نفسي تعيشي في كره الناس .... نفسي تعيشي ياللي معندكيش احساس ... قلبك رخيص عليه ينداس .... وحبك كان وهم ملوش اساس




    واسمعي ياحب فات اسمعي ياقلب مات كلامي ياريته في يوم يجرحك ... بعد ماكنت بموت لو حد زعلك ... دلوقتي قلبي يتمنى الموت للي يفرحك


    !!!!!!!!!!!!
    ازاي دا بقي
    هل فعلا القسوة تجيب قسوة
    والجرح بيسيب وراه أحسيس سلبية قوي كدا

    ازيك شو الاخبار يارب تكون بخير
    مبروك علي للامتحانات وعقبال النتيجة


  11. جميلة اوى بس ياريت اشوف تفاؤل بالحب تحياتى


  12. secret-love Says:

    خلاص ياحبيبى ماتزعلش نفسك واهم حاجه اللى يقدرنا نقدره واللى يبيعنا مش مشكله ربنا اكيد اكيد هيعوضنا احسن منه واكيد انت فهمنى كويس


  13. WhItE HeArT Says:

    ولاء

    فعلا الموضوع انتهى

    وانا كاتبها من زمان

    بس قلت احفظها من الضياع والبالمرة اخد رأيكم

    تحياتي


  14. WhItE HeArT Says:

    ولاء

    اه نسيت اقول لك شكراً على التنبيه بس اعتقد بعد فوات الآوان


    تحياتي


  15. WhItE HeArT Says:

    محمود ليه انته

    سعيد ان البوست عجبك

    مفهمتش تاني جمله

    مش عارف مدونة مين افضل توهتني بصراحه

    سعيد بوجود حضرتك طبعا اوتمناها زياره دائمة

    تحياتي


  16. WhItE HeArT Says:

    سنو وايت

    قلبنا الصفحه واشترينا قلم جديد من الغالي كمان

    ولسه بنسطر الصفحه زي بتوع المدارس

    تحياتي


  17. WhItE HeArT Says:

    العبقرينو شريف طلال


    طبعاً نقلب الصفحه ونقطعها كمان

    تحياتي


  18. WhItE HeArT Says:

    أحلام عمرنا

    سعيد ان البوست عجبك ووصلك

    ودائما يشرفني وجودك

    تحياتي


  19. WhItE HeArT Says:

    حازم السويلم

    مستنيك بس شكلك هتتأخر

    تحياتي


  20. WhItE HeArT Says:

    آبي بكوكبها عندنا يادي الهنا يادي الهنا

    شكراً للمشاعر الاخوية الجميله دي


    اعتقد اني فهمت كلامك صح جداً


    وسعيد بيه لأأبعد مدى

    تحياتي


  21. WhItE HeArT Says:

    الخيط الرفيع

    اعتقد ان القسوة بيولد قسوة زي مالضغط بيولد الانفجار بالظبط

    اما عني فاانا تمام الحمد لله والله يبارك فيكي عقبال الاحتفال الاخير بأه


    تحياتي


  22. WhItE HeArT Says:

    البرنسيسه

    ان شاء الله التفاؤل دايما موجود

    يارب تكون زيارة دائمة

    تحياتي


  23. WhItE HeArT Says:

    الحب السري

    تمام فهمتك والجاي احسن منته عارف الفوله بأه

    تحياتي ياكينج


  24. كلامك حلو بجد كويس بس عايزين مواضيع حلوه ليك انت
    انت
    انت
    يا ريت تنورني بقى في مدونتي وتقولي رأيك في الاغنيه الجديده
    اشطات