نظرة عينك








آآه من نظرة عينك ليا
بتقوي فيكي وتقتل فيا

سهم معدّي...داخل عندي
لحد ماطرفه لامس قلبي

عارفك اميرتي بتصيبي قلوب
بس ياروحي مليانه عيوب

الحب عندك بس هوايه
قصة وتافهة جوه روايه

نسيتي ان الهوى احساس
مشاعر حلوة مابين الناس

الحب ياروحي مش بس بكلمة
ممكن حتى يكون من بسمه

الحب ياروحي هوه الخوف
ومش ممكن اوصفه بحروف



ده الحب كلمات ومعاني
الحب احاسيس واماني

الحب اني اسهر اوصف فيكي
بس لروحي

واما اشتاقلك اطير انا ليكي
برضه بروحي

!!!عمري ماقلت
اني ياعمري بحبك موت
!!!بس حلفت
الهوى يتحس ومن غير صوت
21 Responses
  1. عزيزى

    اه البدايه الجامده دى نظرة عينها تقويها وتضعفك وتقتلك

    هو دائما فى الحب طرف اقوى من التانى

    بس هى كانت اميرتك ..كانت

    جميلة وتعبيرتها سهله وسلسه

    احيك يا باشا

    سلام


  2. WhItE HeArT Says:

    حسام

    فعلا عندك حق لازم يكون في الحب طرف اقوى من التاني بس انا مبحبش الضعف للراجل ومبحبش يبأه هوه الضعيف بس بحب في انه يكون طيب

    علشان كده انا قلبت مود الشعر مرتين مرة حسستها انها ملهاش قيمه لما حسيت انها اقوى منه والمرة التانية حسستها بالحب لما حسيت اني زودتها

    يارب تكون فهمتني

    شكرا على تعليقك الجميل

    وتحياتي


  3. Human Says:

    كلامتك بسيطه ...وجميلة
    عجبتني قوي الحب بيتحس مابتقلش
    جميل جداً
    وبداية موفقة إنشاء الله


  4. WhItE HeArT Says:

    human

    بشكرك على زيارتك اللي بتمناها متكنش الاخيره

    وشكرا على تنعبيراتك الجميله دي

    بس انته كده هتزعلني علشان قلت بدايه انا كاتب قبل كده كتير انته بس اللي جيت متأخر :)

    بتمناه يكون تطور من مرحله لمرحله مش اكتر

    تحياتي


  5. appy Says:

    يا بختها ربنا يخليكوا لبعض واحساسك يبقى عالى كمان وكمان يا رب


  6. goodman Says:

    كلماتك جميلة رغم انى غير معتاد على العامية
    تحياتى لك


  7. walaa Says:

    فعلا الحب احساس جميل قوى
    ومن غيره يبقى الانسان مش عايش
    وجميله مشاعرك ورقيقه كلاماتك
    ولاء


  8. الحب حلو
    اه
    حلو اوى اوى
    علمها الحب فى كلماتك
    خليها تعيش معناه
    تسلملى


  9. بجد كلمات جامدة جداً
    ومعاني رقيقة ومعبرة
    بس الحب كده حنعمل إيه؟
    تحياتي لك


  10. WhItE HeArT Says:

    appy

    شكرا لردك الجميل

    تحياتي


  11. WhItE HeArT Says:

    goodman

    ألف شكر ومعلش ان شاء الله المرة الجايه ميكنش بالعامية

    تحياتي


  12. WhItE HeArT Says:

    ولاء

    شكرا لردك الجميل ده

    تحياتي ليكي


  13. WhItE HeArT Says:

    مدحت

    اعلمها الحب واخليها تعيش معناه

    هههههه

    جميل فعلا ردك

    تحياتي


  14. WhItE HeArT Says:

    أمير القلوب

    مقدمناش اننا نعمل حاجة

    شكرا لزيارتك الجميله دي ويارب تكون دائمة

    تحياتي


  15. السلام عليكم
    اخبارك ايه؟؟؟؟
    يارب تكون تمام في كل حاجة
    ايه التجديدات الجامدة في البلوج
    بقت شيك قوي
    الكلام لطيف وفي احساس ما
    بس حاول تتمكن من زبط المزيكه بتاعة الكلام
    والجميل ان الكتابة بتطور من مرة لمرة
    الللللللللي الامام
    سلام
    وابقي سلم علي صاحبك


  16. sendbad Says:

    جميل وبسيط وهادي واحساس ياسر
    تحياتي


  17. Youmna Says:

    اكيد انت عارف رأي بس اقوله تاني جامده اخر حاجه انا عارفة انك سمعت رأي قبل كده بس زياده الخير خيرين يا جماعه على فكره الصوره دي على زوقي كمان يلا ماعلينا المهم يارب تستمر في موضوعاتك في موضوعاتك الجامده دي وربنا معاك


  18. WhItE HeArT Says:

    الخيط الرفيع

    شكرا لمرورك الحلو ده

    طبعا اعتب عليكي تأخرك حتى في تنزيل البوستات

    لكن مشم شكلة

    طبعا الكلام في تطور ده شيء انا مش ملاحظه خالص

    علشان اللي فات احلى

    سلامك هيوصل وبالتوفيق

    تحياتي


  19. WhItE HeArT Says:

    سندباد

    اهلا بيك في اول زياره وان شاء الله متكنش الاخيره

    شكرا لردك الجميل

    وانتظرني على مركبك قريب

    تحياتي


  20. WhItE HeArT Says:

    youmna

    اهلا بيكي انا بقيت احس انك صاحبة البلوج مش انا اختاتري الصورة شوية شوية هلاقيكي بتردي بدالي شوية اكتر والاقيكي بتنزلي مواضيع بدالي

    طيب مادام الحكاية كده تعالي وشاركيني في لبلوج ونزلي مواضيع وفكري وعرضي مازال قائما

    تحياتي


  21. bRoBaGaNdA Says:

    بداية شديد.. والعزم حديد..والقوة تزيد..والعمر مديد.. وكمان انا حاسك اوى لأن النظرة بالنسبالك تعنلى لك الكثير يا رفيق الدرب بس عايزك تسكعنا واحدة كدة على ما قسم ...وكمان متنساش اللى اتفقنا عليه