نويت
نويت خلاص.. اعيش الحقيقة
نظرة بتكدب.. سميتها جريئة
وضحكة بتقتل.. سميتها بريئة
كنت فين ياعقلي لما قلبي تاه
وازاي اقول لروحي حالاً تنساه
وبتقنعني طريقنا وصل لمنتهاه
وناويت تجرح فقلبي وماصدقت الحياة
صدقت ياقلبي الفرحة
في عيون بتخدع
ونسيت ان الغلطه
في زماننا بتوجع
ولشرورها بتطبع
نويت اغير فيا كتير
اولها اني مكنش اسير
اكسر قلوب ومكنش كسير
ابكي عيون
ولا اكنش حنون
وله ده يبقى عليا كتير ؟؟
Comments
تسلم مشاعرك وقلمك الراقى
كلامك جميل اوي واحساسك عالي مع انه يوجع بجد
عجبني اوي الكلام دا
صدقت ياقلبي الفرحة
في عيون بتخدع
ونسيت ان الغلطه
في زماننا بتوجع
وان طيبتها كدبه
ولشرورها بتطبع
كتير مننا بيحس بالكدبه دي في حياته
بس لازم تكون بنفس القوه اللي كنت فيها في اخر البوست
وتعرف
ان ربنا بيعوضنا
مستنيه جديدك
ودايما مبدع ومتألق
تحياتي
مادام نويت تعيش الحقيقة المؤلمة من نظرات بتكدب و ضحكات بتقتل
و مادام نويت تغير فى نفسك كتير
فبلاش تتغير للأوحش
خلى دايما التجارب المؤلمة تغيرك للأحسن
المفروض انها تقويك
و تديلك خبرة فى معرفة نوعيات الناس
افضل حنون لانك فى يوم حتلاقى اللى يقدر حنانك
و حط وردة بيضا من غير ما تكون ملوثة بالدماء
لانك من البعد التجربة ديه حتشفى و مش حتتجرح كل شوية
مش كده ولا ايه؟؟؟؟
اولها اني مكنش اسير
اكسر قلوب ومكنش كسير
ابكي عيون
ولا اكنش حنون
النية مش كفاية .. صعب اوي
كفايه عليك تاخد حزرك المره الجايه ومتنخدعش بالكلام المعسول
لكن لو بتكتب موضوع يعنى..خليك بالكلمه الحلوه واوعى تكون خنجر فى ايد حد
لك تحياتى
اولها اني مكنش اسير
اكسر قلوب ومكنش كسير
ابكي عيون
لا يصحبى محبكش تبقى كدا
لو كل واحد بقى كدا
مش هتبقى حياه
تسلم ايدك ...
وقعي
حقيقة فعلا
تحياتي
لقيت جديد وغريب كمان
لو هنتكمل على الكلمات والموسيقى جميل
لكن
المعنى
..ز
هو يعنى مينفعش الانسان يبقى لا ظالم ولا مظلوم
او على الاقل يحاول
لو الانسان الطيب لما يتعرض للخداع ويحاول يبقى قاسى يبقى فعلا انهزم واتغير للاسوء
القوىبجداللى يحافظ على قوه الخير جواه مهما حصل ومهما قابل
يحافظ على نفسه من الخديعه بس برضه مينساش ان بعض الظن اثم
كل التمنيات الطيبه لوايت هارت اخويا الصغير الطيب اوووى
منى
شكرا
اولها اني مكنش اسير
اكسر قلوب ومكنش كسير
ابكي عيون
ولا اكنش حنون
وله ده يبقى عليا كتير ؟؟
بصراحه مش معاك في التغير دا
بلاش الدنيا تجبرنا اننا نتغير للاسوء
ويارب حياتك كلها تبقي سعاده
والجرح في القلب بيولع
جميل اننا ننوي نتغير
بس بلاش التغيير يكون للأسوأ
بلاش تشرب حد من كأس الجرح
ولا تقوله مهما كان دوق مرارة الدمع
احنا جربناه لاقيناه مر اوي
بلاش نخلي غيرنا كمان يدوق مرارته
فيه قلوب كتير حوالينا وجمبنا
ممكن احنا مش شايفنها
بس لسة بيضة وشفافة
نقية وبتحب بصدق واخلاص
بس الحزن بقى عامي عيونا وقلوبنا
مش مخلينا نعرف نشوفهم كويس
يمكن لو شيلنا النضارة السودا الرؤية هتوضح
ونشوف قلوب بالحب بتنبض
آسفة على الإطالة
كلماتك جميلة
تقبل مروري وخالص تحياتي
دمت بود
سارة
احساسك بيكون بجد عالى قوى
..............
نويت اغير فيا كتير
اولها اني مكنش اسير
اكسر قلوب ومكنش كسير
ابكي عيون
ولا اكنش حنون
وله ده يبقى عليا كتير ؟؟
.............
جميله قوى قولت اللى نفسى اقوله من زمان
لما الواحد بيتعب خالص ويحس ان كل الطرق قفلت معاه
بيفكر فعلا بالطريقه دى
بس مش بيقدر يعمل كده ممكن تقنع نفسك يوم او يومين انك غيرت نفسك ونسيت ماضيك وهبتجرح ومش بيهك
بس ف الاخر بتكتشف ان انت هو انت مش اتغيرت ولا حاجه
تقبل مرورى
تسلم وبجد شرفتني ونورتني
تحياتي
مرسي لردك الجميل
وزي ماقلتي اهم حاجة ان الانسان يعرف ان ربنا هيعوضه
تحياتي
هههههههههههههه منا من زمان مفرستكيش اعمل ايه بأه
انا مبقلش اني هتغير للوحش وانما بوصف شعور ممكن اي واحد فينا من كتر الضغط عليه يفكر انه يتغير للوحش لكن زي ماقالت وجدان جريح تحت
بتكتشف في الاخر ان انته هو انته بنفس طباعك متغيرتش ولا اي حاجة
تحياتي
الظاهر كده فعلا
نورتيني
تحياتي
انا مش قصدي والله اكون خنجر وانما بوصف شعور ممكن ينتاب اي واحد فينا كتر الهزيمة بيولد الضعف زي ماكتر الجفى بيولد الفجور
استمتعت برأي حضرتك بجد
وتحياتي
لا ياريس متخافش عليا
انا مش هكون كده اوي يعني بس هكون نص ونص
تحياتي
متشكر جدا للرد الجميل ده
وانستي وشرفتي
تحياتي
اها عندك حق
مرسي لردك الجميل
وتحياتي
شوفي هقول لك حاجةى لو الواحد مننا جواه الخير عمره مايقدر يخليه شر حتى لو حاول هيفضل الخير هو الخير حتى لو اتغير لمدة هيرجع تاني لإن ده مش لونه
لكن انا بوصف شعور بجد انتابني واكيد انتاب ناس كتير مننا مقصدش انا هبأه كده لكن انا وعدت نفسي اخد حذري بعد كده زي مابتقولي
بجد ردك رائع
تحياتي
ههههههههه
تمام انته جبت المفيد
تحياتي
منوراني دايما
صدقوني انا مش هتغير للأوحش وانما بوصف لحظه او بوصف تفكير ممكن ييجي لأي حد فينا في موقف ضعف
وربنا يكرمك يارب على الدعوه الجميله دي
تحياتي
جميل اوي رأيك
وفعلا ممكن كتير مننا لسه لابس النضاره السوده زي مابتقولي ومش شايف الحقيقه كويس
زي ماقلت للناس كلها انا موعدتش نفسي اتغير للأسوء وانما انا كنت بوصف حاله انتابتني مش اكتر
تحياتي وشكرا لتواجدك
تحياتي
صدقيني انتي جبتي الخلاصه
طبع الخير جوه الواحد مستحيل يتغير ومهما قلنا هنغيره مبيتغيرش
مرسي لردك الرائع
وتحياتي
اختك الصغيره