تتهجي الغيرة
استحليتي تتهجي الغيرة جوه عنيا
استحليتيها لإنك عارفه
انها نار بتقتل فيا
ومش بإديا
اعلنتيها نقطة ضعفي
ونسيتي ان الضعف ده قوة
بس عليكي
والحنيه مليانه قسوة
تبكي عنيكي
عمري ياروحي ماسمحت لقلبي
انه يشوفها
نظرة غيرة .. جوه عنيكي
او يسمعها
آهة حزينة .. بتجرح فيكي
وياه لو تعرفي مقدار حبك
وازاي نفسي افضل جنبك
نفسي اعملك من قلبي اساور
كل اسورة مكتوب فيها
ياحبيبتي بحبك
وكل بحبك مرسوم فيها
صورتي وصورتك
عايزك ليا..مش لحد
اقولها بحبك.. واسمعها الرد
وبيقولولي اخاف م الصد
وان بابك في وشي اتسد
اخاف ازاي انا ياحبيبتي
وهوه قلبك يقدر يرفض
قلب بينبض ؟؟؟
ياحبيبتي بجد الغيرة هلكتني
ومن مرارة الحب دوقتني
غيرة انا عارفك بتحبيها
وزي ماقلت بتستهويها
غيرة بترضي غرورك
وبتهدم حساباتي
غيرة بتخفي نورك
عن طريقي وحياتي
ملحوظة بس
انا ياجماعه بكتب الموضوع وبقعد اقراه لنفسي اكتر من مرة لدرجة اني في الاخر وانا بكتبه بحس ان الكلام ده في غيري كتبه قبل كده وممكن يقول عليا سرقت فكرته مع اني والله انا اللي كاتبه مش عارف دماغي جرالها ايه
اعلان بأه
في مدونة معانا كان نفسها تقريبا كده تعمل مدونتها لنفسها في الخفاء يعني مش عارف ليه وكانت مش عايزة تورينا كتاباتها
بس تقريبا كده بالصدقه الموضوع اتكشف وعرفنا الموضوع وهيه نزلت بناءاً على رغبة الجماهير وهتخلينا نقرالها يعني
بجد ليها بوستات جميله جدا وكلمات انا نفسي حسيتها معرفش ازاي كانت ناوية منشفش الكلام ده
Comments
لإن مفيهاش اي اساس من اسس الاغنية
وياعمي لو فيها معتقدش اني هرضى انها تتغنى
تقبلي تحياتي
كل اسورة مكتوب فيها
ياحبيبتي بحبك
وكل بحبك مرسوم فيها
صورتي وصورتك
@@@@@@@@@@@@@@@@@
بجد فوق الروعه خاطرتك دي
عجبتني جدا وعجبني فيها اد ايه ممكن تكون واقعيه وبتحصل
المرءه بطبعها تحب تحس بالاهتمام من شريكها بس اكيد لو ذادت الحكايه دي عن حدها هتخنق الطرف التاني
بس بيتهيالي انه المراء بتلجاء للاسلوب ده بانها تشعل غيره حبيبها لما تحس انها مش واخده قدر من الاهتمام الكافي او يكون عدم ثقه في نفسها
مرسي اوي يالقلب الطيب وتحياتي ليك
كل اسورة مكتوب فيها
ياحبيبتي بحبك
وكل بحبك مرسوم فيها
صورتي وصورتك
كلمات رائعة .. تحياتي
مين يصدق ان اللى كان عمال يزعق ويشخط من تدوينتين فاتوا
هو اللى كاتب الكلام الحلو ده
ان شاء الله نشوف المدونه الجديده
تحياتى
نفسي اعملك من قلبي اساور
كل اسورة مكتوب فيها
ياحبيبتي بحبك
وكل بحبك مرسوم فيها
صورتي وصورتك
صباح الفل يا باشا
احساسك عالي جدًا جدًا وجميل جدًا
كلام رائع وشايف عندك موهبة هايله
بس وزن القصيدة مش متظبط شوية وده اللى انا شايفه عيب .. لكن لو كنت كاتبها كخاطرة تبقى تحفة
مستنيين جديدك يا باشا
وجاري زيارة قلب صغير
واشكى منك اليك
وابكى منك عليك
كأننا روح فى جسدين
قلب ينبض لا قلبين
يا كل حياتى
بس الغيره المرضيه قاتله
و الحب الزائد خنقه
موافقك في رأيك تماما
والحمد لله انها عجبتك
تقبلي تيحاتي
مرسي لكومنتك الجميل ده
تحياتي
ههههههههههه يزعق ويشخط ايه بس انتي محسساني اني كنت بردح وعموما هبأه اروح اتأكد هههههههههه
بجد مبسوط جدا ان الكلمات عجبتك ويارب دايما
تحياتي
والله انا عمال بكتب في الحب بس ربنا يسهل والواحد يلاقيها بس اللي تستاهل الكلام ده
للأسف انا مكتبتوش لحد معين انا كل ده بتقمص ادوار ونفسي اتقمص دوري انا بأه
هههههههههه
شكرا على تعليقك الجميل
صباح الورد والفل والنعناع كومان
لا هيه بصراحه انا بعتبرها تميل للشعر اكتر منه للخاطرة او تقدر تقول خاطرة شعرية
لكن مادام حضرتك شايف الوزن مش ماشي فده نقد احييك عليه بس لو كنت حضرتك تحدد بس علشان اخد بالي
لإن في وسط الكلام زي بسيب كومنت واابدأ بيه زي
اعلنتيها نقطة ضعفي ( كومنت)
(واللي تحت ببني كلام على الكومنت ده )
ونسيتي ان الضعف ده قوة
بس عليكي
والحنيه مليانه قسوة
تبكي عنيكي
واعتقد اني مشيت اغلبها بالطريقه دي
نفسي اسمع رأي حضرتك مرة تانية
واسمع وجهة نظرك
تقبل تحياتي
اهلا بيكي في مدونتي
وبجد ميرسي على الكلمات الجميله ده
تحياتي
الغيرة المرضيه قاتله
والحب الزائد خنقة
بس انا وجهة نظري انها مش قاتله للروح لا قاتله للمشاعر كمان ودي كارثه
اما الحب الزائد خنقة فبصراحه مش معاكي اوي فيه لإن معتقدش ان الحب الزائد عمره ماهيبأه خنقه الا اذا كان مصاحب بغيره قاتله زي مابتقولي
لكن حب زائد بس لا مستحيل يكون خنقه
تقبلي تحياتي
انه يشوفها
نظرة غيرة .. جوه عنيكي
او يسمعها
آهة حزينة .. بتجرح فيكي
عجبني اوي الاحساس ده
احساس تحفه
الشخص اللي تحبه يخليك تغير
وانت تخاف عليه ليتجرح
ومش عارفه ازاي اشكرك ع الاعلان
شكرا بجد يا محمد
مع احترامي للراي
كل الناس عجبتهم
نفسي اعملك من قلبي اساور
كل اسورة مكتوب فيها
ياحبيبتي بحبك
وكل بحبك مرسوم فيها
صورتي وصورتك
وانتي عجبتك حاجة تانية وبصراحه انا معجب بحته تانية خالص
اه معجب بحاجة في كتابتي عادي يعني الحته
اللي بقول فيها
اخاف ازاي انا ياحبيبتي
وهوه قلبك يقدر يرفض
قلب بينبض ؟؟؟
وبالنسبة للإعلان فده شيء بسيط لإن بجد كتاباتك جميله جداا
اما موضوع الاغنية فاانا وجهة نظري من وجهة نظر حضرتك بالظبط
تقبلي تحياتي
ربنا يوفقك يمان
جميل قوى الاصرار
وان عايز ترضيها
بجد موضوع جامد
بجد جميله جدا جدا جدا حلوة اوى
عجبنى اوى الجلتين دولت
نفسي اعملك من قلبي اساور
كل اسورة مكتوب فيها
ياحبيبتي بحبك
وكل بحبك مرسوم فيها
صورتي وصورتك
بجد هااااااااااااااااااااايل
تحياتى
جيلان
مش تقلق من ان فيه حد كتب زيك قبل كده
المشاعر واحدة واللغة ومفرداتها واحدة
طيب نجيب منين كلام نعبر بيه يعنى
علشان مش نحس ان غيرنا استعمله
ولكن لكل كاتب طعم مميز
وروح تستشعرها وانت تقرأ له
مهما كانت الكلمات
صح؟
دمت مبدع
انا بحب قلمك قوى
لانه تلقائى وبيعبر ببساطة وجمال
تحياتى
تحفه واللهى
و خاصتاً الجزء الخاص بالأساور
و بالنسبه للجزء الخاص بالغيره
هما بيحبوا الغيره اه بس ان ذاد عن حده بيتقلب ضده و بتتحول لأنسان رخم و غتت فى نظرها
هههههههههه
ميه ميه يا باشا
تحياتى
ملحوسه من اختك عادى ان يبقى فيه توارد خواطر بين الناس كلها وبعضها
اللى مشعادىالنقل من غير ما نقول بس خلاص فمتحملش نفسك فوق طاقتها ويجيلك هسس قرب مش ناقصين ههههههههههههههههه
متشكر جداااا
بجد كلامك اكتر من رائع
تقبلي تحياتي
اهلا بيكي في زيارتك ليا بجد اتمناها تتكرر
مش هقدر اوصف سعادتي ان الموضوع عجبكم بجد ده احساس فوق الرائع
تقبلي تحياتي
انا بجد متشكر جدا على كلامك الجميل ده
رأيك انا عارفه بس مش عارف ليه من كتر مابقرأ في المواضيع دي بيجيلي الاحساس ده
بجد اطرائك ده تاج فوق راسي
وميرسي ليكي اوي
تحياتي
بجد كلامك عجبني ومبسوط ان الحته بتاعة الاساور دي عجبت الكل ده شرف ليا
ومتبقاش تغيب ياشريف في بوستاتك احنا في انتظار ابداعاتك
تحياتي
شكراً اوي لردك وزيارتك اللي بتمناها تتكرر
تحياتي
بس ساعات المرأة هيه اللي بتخلي الراجل يغير بتصرفاتها وده في حد ذاته بيولد مشاكل بجد
اعتقد ان لو الاتنين اتفاهمو في الموضوع ده مش هتبأه في لا هد وفض ولا غيره
اما بالنسبة للملحوسه بتاعتك لا احنا الحمد لله في السليم مبننقلش حاجة ولو حصل بنكتب ههههههه
وياريت فعلا محملش نفسي فوق طاقتها
شرفتيني ونورتيني