رسالة إلى الاشيء



ازيكم دي اول مرة ليا فيها بقتحم عالم التدوين عليكم اللي عجبني فيه حاجات كتير

عجبني فيه الصدق وروح الاخوة وعجبني اني هكتب الكلام اللي انا حساه وشايفاه واخد فيه رأيكم بصراحه وبكل وضوح


رسالة إلى الاشيء

حين يشعر المرء أن في قلبه توقد النيران.. وفي عقله تتوقف عجلات الزمان ، فيمسك القلم ويبدأ بكتابه رساله ! لكنها .... رسالة الى الاشيئ !

حال الكثير من الأدباء الذين استخدموا القلم كسلاح والاوراق تتحمل عبء ما يكتبون في معركة الحياة .

ضجر ..

سخط..

فرح ..

حزن ..

رعب ..

كل شيء يمكن ان تتحمله تلك الاوراق المسكينة ! ومنها أوراقي! لكن ليست أوراقي التي أسطر فوقها كلماتي ! بل هي أوراقي مع الحياة!

اوراقي في لعبة الحياة!

لعبة سخيفة سئمت لعبها , لكني مع ذلك أشعر برغبة في ممارستها ، ربما لكوني صغيرة يخدع عقلي هذه الأشياء ، أو ربما لكونها لعبة مسلية مع العلم انها سخيفة !

أو ربما لأنه الواقع الذي أحياه ! لطالما تمنيت كسر قاعدة روتين الحياة البائس, لأهرب من ذلك العالم الذي لم يعد فيه الإنسان يحمل صفات الإنسانية إلا من رحم ربي!

أشعر أني في غابة, أريد أن أخرج من هذا العالم لأدخل عالمي الخاص, إنه عالم الأحلام! حيث الأعين لا تنام

حيث الحب بلا أسوار!

والشعر بلا أسرار!

وأسمع فيه أعذب ألحان موسيقى الشعر والجيتار!

وإنه حقاً لشعور غريب ذلك الذي أشعر به حين يقف قلمي على الورقة ليكتب!

اشعر اني في معركة!

اكتب واكتب واكتب

علي أنتصر!

لكـــــــن!

في النهاية

أشعر اني لم أكتب شيئ

هذه هي الرسالة!
اكتب و اعبر ولكن .. عن الاشيئ و للاشيئ!

ربما يكون هذا هو صديقي المخلص

وربما اكون عاشقة له!

ولكن ما انا على ثقة منه .. أنه أفضل بكثير من أشياء تجعلك تدخل عالم الاحلام وتستيقظ على مفاجئات وحقائق لا تريد ان تكون هي واقعك !
لكن الاشئ هو الذي يجعلني احلم الحلم الجميل واحققه بنفسي!

فهنيئاً لي ما كسبت من معركة الحياة!

أغلى الهدايا وهي (( الاشيء))!!!!!
18 Responses
  1. WhItE HeArT Says:

    اهلا بيكن اهلا بيكن

    يامراحب يااهل البيت يامراحب

    نورتيني بجد واسعدني اني اشوف حد غيري بيكتب في مدونتي

    بس انا مكدبش عليكي مفهمتش ولا كلمة من اللي كتبتيه

    ايه اللي لعبه ولعبه مسليه ايه هوه احنا فتحناها محل لعب اطفال ههههههههه

    لا بجد موضوعك عجبني جدا وكويس انك لاقيه اللا شيء في غيرك لسه بيدوروا عليه

    تحياتي لحضرتك وتدوينة ممتازة


  2. secret-love Says:

    السلام عليكم
    اولا اهلا يكى وشرفتينا فى عالم التدوين
    ثانيا نات دخلتى مع واحد عزيز على جدا وهو ابن اختى حبيبى ثالثا المدونه ده تعتبر بيتى التانى
    رابعا انتى اخترتى صديق كويس وهو القلم بس ده مش معناه ان الاصدقاء فى الحياه نستغنى عنه
    وتحياتى ليكى ومنتظر منك الجديد


  3. Unique Says:

    اهلا بيكي .. بداية موفقة باذن الله

    التفكير في اللاشيء والتعبير عنه هو من

    اكثر الاشياء المثيرة للاهتمام

    غير بعيد خطرت لي خاطرة مفادها ان الاكثر

    الكلمات غنى بالمعاني هي التي لاتحمل اي معنى

    the meaningful the meaningless


  4. walaa Says:

    اهلا بيكى فى عالم التدوين
    التفكير فى الاشىء متعب جدا واكيد الحياه اللى احنا بنعشها فيها حاجات وحشه وحاجات حلوه
    الوحش ممكن نتخطاه والحلو نحاول نعيشه
    وكويس اللى انت بتحولى تحققى احلامك
    تحياتى ولاء


  5. appy Says:

    ايه ده هو حد احتل المدونه يا ربنا طيب مش تقولوا نعمل حفله
    بس داخله حلوة
    احيانا اللاشئ يبقى احسن من الشئ نفسه ازاى معرفش اقولها بس هى حقيقه


  6. white heart...
    المدوونة منورة باصحابها طبعا
    اشكرك بجد لانك اديتني الفرصة اني اكتب في مدونتك الرائعة وبجد دا شرف ليا
    وشكرا على كلامك الجميل بخصوص المووضوع

    *************

    secret-love...
    اشكرك على رايك بس انا مازلت مقتنعه بصراحة ان القلم أوفى صديق وطبعا مع عدم الاستغناء عن الاصدقاء ... شكرا ليك

    **************
    walaa..
    أشكرك على إطلاعك على موضوعي
    وطبعا لازم كلنا نسعى لتحقيق احلامنا

    **************
    appy...
    واضح ان رأيك من رأيي وهو ان الاشئ افضل من الشئ نفسوو
    وانا مقتنعه بدا جدااا
    اشكرك على ردك


  7. Tamer Nabil Says:

    كلمات جميلة وسرد رائع

    الدنيا كبيرة وطول ما احنا عايشين هنشوف فيها كتير

    المهم مش نضعف ولانسلم

    تحياتى


  8. السلام عليكم
    لا تياسى وتعلقى لو بمجادبف قارب
    فمهما تكن الحياة قاسية فنحن اقسى منها
    ومهما ضاق بكى توجهى لله عز وجل بالاضافة الى قلمك الذى يعبر عن مابداخلكى وتاكدى انة اوفى صديق واعز حبيب
    خالص تمنياتى


  9. هو مين لا شىء عشان اعرف


  10. Tamer Nabil..
    شكرا ليك .. وانا معاك فعلا عمر ما
    الضعف والاستسلام كان حل
    اشكرك مرة تانية ...

    ***********
    ...عفراء
    عليكم السلام ورحمه الله
    شكرا ليكي كلامك جمييل جدا
    تقبلي تحياااتي ...
    ***********

    صوت من مصر ...
    اللاشئ ببساطة هو الحاجة الجميلة الي بتخلينا نحلم..

    ******
    اشكركم كلكم بجد واتمنى يكون الموضوع فعلا عجبكم ...


  11. رساله الى الا شئ

    حلوة اوى الجملة دى

    ربنا يوفقك يااميرة الاحزان وعايزين تبقى اميرة الافراح برده

    تحياتى


  12. أولا ما شاء الله مدونة مميزة و مضمون فعلا متميز .....

    ثانيا أدعوك لدخول مدونة الصحبة الشبابية و مشاركتنا أرائك و أفكارك بل و تعليقاتك و خاصة بموضوع

    الشباب و التغيير فى مصر

    أرجوك كن اجابي ولو برد لأن شرف ليا اني أشوف تعليق عندي أرجوك متحرمنيش ردك و تعليقك ,, رجاء مش أمر " يا تري حتكسفني ولا لأ " ....

    و عموما ... جزاك الله خيرا علي أي حال

    http://so7bah.blogspot.com/


  13. rara Says:

    السلام عليكم ورحمة الله وبركاته
    بجد كلامك جميل واوفى صديق القلم لان احيانا ممكن صديقك يتخلى عنك لكن صديقك القلم والكتابة لا يمكن تتخلى عنكى كلامك جميل وربنا يوفقك

    تحياتى


  14. عزيزى

    معلش طالب منك تروح المدونة وتشهد شهادة حق

    لانك طرف من اربعة شاهدين على كذب انسان

    روح المدونة واقراها هتعرف

    واشهد باللى حصل

    شهادة حق مش اكتر

    سلام


  15. رصيف نمرة خمسة ....
    متشكرة جدا وان شاء الله في يوم ما احس اني حققت احلامي لازم اكون اميرة الافراح

    ************
    أحمد كاجول.....
    أشكرك على اعجابك بالموضوع
    وزيارة مدونتك تشرفني واكييد هزورها ان شاء الله

    *************
    rara........
    عليكم السلام ورحمه الله
    اشكرك وانا معااكي جدا في حكاية ان القلم اوفى صديق
    شكرا مرة تانية ...


  16. WhItE HeArT Says:

    عزيزي حسام

    انا فعلا رحت وعلقت عندك

    وبجد بتمنى المشكلة دي تنتهي في اقرب فرصه


    تحياتي


  17. Abo 7anf Says:

    السلام عليكم
    دى دنيتنا
    عالم متناقض
    ساعات تعوزه وساعات لا
    من غير الحزن مفيش فرح
    بنحب نروح مع نفسنا
    لعالم من صنعنا
    مش هروب
    يمكن عدم رضا عن وضعنا
    موضوع جميل قوى


  18. Abo 7anf ...
    اشكرك على كلامك الجميل
    وفعلا حضرتك قولت حاجه جميلة جدا
    دنيتنا عالم متناقض
    اشكرك مرة تانية