بفكر اسيبك
مش عارف اقول ايه بجد انا بتأخر جدا ومش لاقي اي كلمة عذر حتى بس والله كنت برتب للسفر ومشغول بحاجات عندي في الكية وكنت بتابعكم من بعيد لبعيد
المهم انا فعلا سافرت اعمل عمره في السعودية وطبعاً هدعيلكم كلكم المدونين وان يوصل فكرهم للناس كلها لإن بجد دول فئة انا بحترمها جدا
جالي شعور وانا في المطار بالحزن اني هسيب مصر ولو حتى لفترة صغيرة انا طبعا عشت حياتي كلها بره مصر بس مش عارف ليه حسيت اني مقدرش اعملها تاني فكتبت كلمتين عبرت فيهم عن شعوري وبعتذر اني ممكن اتأخر عليكم تاني بس مبفكرش في موضوع اجازة تدوينية يعني هتأخر بس هكون معاكم برضه
يابلدي ياأشجاني
ياسر احزاني
عمري بتفكرك
وانتي ناسياني
بفكر اسيبك وابعد بعيد
جايز بعادي يابلدي يفيد
وازاي راح اقدر
ودمعي مايتقدر
في بعدك اكيد
دي عصافير جناينك
بتدبح في سمعي
ونيلك يابلدي
بيطرح في دمعي
وبقول هسيبك وابعد بعيد
جايز بعادي يابلدي يفيد
ومن فوق سحابك
بطقطق براسي
بصور شوارعك
وحدايقك جنيانك
وبحلف ماناسي
شموعي طفيتها
كل مااسيبك
وحالف لإيدها
كل اما اجيك
هسيب ذكرياتي
تحضن في أهلي
وهتهرب آهاتي
فيكي يابلدي
وبفكر اسيبك وابعد بعيد
جايز بعادي يابلدي يفيد
يابلدي اسمعيني
هقول كلمتين
من حزني مرميين
واربيلنا بابك
مهو احنا ولادك
ويوم اما نسمع
صرخه بلادي
علينا بتنادي
في لحظه هنرجع
بس اعذريني
بفكر اسيبك وابعد بعيد
جايز بعادي يابلدي يفيد
Comments
تحياتى
تقبل مرورى مدونتك رائعة
وحشنى اوى
رغم الالم
والشجن
بلدنا بقى هنعمل ايه
بس اوعى تنسى تدعيلى
قول يارب منى تدخل الجنه وتوعدها بالفردوس الاعلى
ويارب تقضى هناك ايام كلها خير وترجع بالف سلامه
تحياتى
يمكن غيابي يابلدي يفيد
ترجع بالسلامه
ومتنساش تدعي لقطران ينجح
اختك زفته
معبرة كمان جداااا
الواحد بيحبها صحيح و نفسه تبقى احسن بلد فى الدنيا
بس بيلاقى الحاجات الوحشة بتزيد...فترجع تاني تزهق و تقول حسيبها....
وبعدين تلاقى حاجه جواك تقولك....لأ
ان شاء الله عمرة مقبولة
ولا تنسانا من الدعاء
وترجع لبلدك بالسلامة ان شاء الله
أما عن مصر مانقدرش نسيبها مهما عملت فينا
وماتنسناش من الدعاء
وفعلا بعادنا يمكن يفيد
بوست رائع
تحياتي
كلماتك عبرت بشكل رائع
ياريت الزيارة تتكرر
تقبلي تحياتي
حاسس فيك انك ناوي ترجع للكتابه تاني
وانا معاك في اختيارك ده
بالتوفيق ياصاحبي
وانته واحشني اكتر والله
تحياتي
ربنا يخليكي يارب على كلامك الحلو ده ودعواتك وعد عليا لازم هوفيه ان شاء الله
تحياتي
ليه بس الاسم ده عموما شكرا لكلامك الجميل
وان شاء الله هدعي لقطران ينجح
تحياتي
شكرا ليكي على رأيك اللي بحترمه جدا
وتحياتي
شكرا ليكي
ان شاء الله هدعيلك يادكتورة
تحياتي
طبعا انا مش عارف مين بالظبط بصراحه
المهم شكرا على رأيك الجميل
وتحياتي
ان شاء الله هدعيلك ياروح
وشكرا لرأيكم
تحياتي
وتسلملى على الرسول لو زرته صلى الله عليه وسلم
تروح وتيجى بالف سلامة
ربنا يوفقك عزيزي
بس انا بفكر اسيبها وحسيبها لانى كده كده متغرب بس والله الغربه بره بلدك اهون من الغربه جواها
مش عايز اقولك غير يارب يتقبل منك ويابختك وعقابلنا يارب
والله انا وفيت بوعدي فعلا والحمد لله على قدر الامكان افتكرت اللي وصاني بالدعاء
انا رجعت للرياض الحمد لله وقريبا العوده لأرض الوطن دعواتك
سلام
ربنا يخليكي على التعليق الجميل ده
تحياتي
بص ياريس لو لقيت شغل محترم بره لازم تسيبها مش تفكر تسيبها لا ده لازم لإن بجد حالنا بيزداد سوء يوم عن يوم وفعلا احنا زي المغتربين في بلدنا
بدعيلك بالتوفيق
وتحياتي
شكرا على ردك الجميل ده
وبجد انته واحشني اكتر والله
تحياتي
عقبالكم يااارب
بس انا عايز اعرف ليه بعيدا معجبكش الموضوع وله مش موافقني الرأي وله ليك وجهة نظر في الموضوع
ياريت لو ليك وجهة نظر تقولها يمكن نتناقش فيها
تحياتي
بتغيبي كتير وفي الاخر بتفكتريني
بس وجودك بيسعدني حقيقي وخليكي مداومه على التواجد لإنك منوراني هنا
وحقيقي مصر وكلكم وحشتوني
اما بالنسبه للبوست
فبجد بشكرلك تعليقك الجميل ده
تحياتي