بفكر اسيبك


مش عارف اقول ايه بجد انا بتأخر جدا ومش لاقي اي كلمة عذر حتى بس والله كنت برتب للسفر ومشغول بحاجات عندي في الكية وكنت بتابعكم من بعيد لبعيد

المهم انا فعلا سافرت اعمل عمره في السعودية وطبعاً هدعيلكم كلكم المدونين وان يوصل فكرهم للناس كلها لإن بجد دول فئة انا بحترمها جدا


جالي شعور وانا في المطار بالحزن اني هسيب مصر ولو حتى لفترة صغيرة انا طبعا عشت حياتي كلها بره مصر بس مش عارف ليه حسيت اني مقدرش اعملها تاني فكتبت كلمتين عبرت فيهم عن شعوري وبعتذر اني ممكن اتأخر عليكم تاني بس مبفكرش في موضوع اجازة تدوينية يعني هتأخر بس هكون معاكم برضه



يابلدي ياأشجاني

ياسر احزاني

عمري بتفكرك

وانتي ناسياني


بفكر اسيبك وابعد بعيد

جايز بعادي يابلدي يفيد

وازاي راح اقدر

ودمعي مايتقدر

في بعدك اكيد


دي عصافير جناينك

بتدبح في سمعي

ونيلك يابلدي

بيطرح في دمعي


وبقول هسيبك وابعد بعيد

جايز بعادي يابلدي يفيد


ومن فوق سحابك

بطقطق براسي

بصور شوارعك

وحدايقك جنيانك

وبحلف ماناسي


شموعي طفيتها

كل مااسيبك

وحالف لإيدها

كل اما اجيك


هسيب ذكرياتي

تحضن في أهلي

وهتهرب آهاتي

فيكي يابلدي


وبفكر اسيبك وابعد بعيد

جايز بعادي يابلدي يفيد


يابلدي اسمعيني


هقول كلمتين

من حزني مرميين


واربيلنا بابك

مهو احنا ولادك

ويوم اما نسمع

صرخه بلادي

علينا بتنادي

في لحظه هنرجع


بس اعذريني


بفكر اسيبك وابعد بعيد

جايز بعادي يابلدي يفيد
28 Responses
  1. الغربة مش مكان ولا ارض ولا عنوان ........الغربة قلب وحنين لعيون اهالينا الغاليين ...ومهما باعدت المسافات .......بيفضل مكانهم قلب ومشاعر اكتر من الكلمات
    تحياتى
    تقبل مرورى مدونتك رائعة


  2. bRoBaGaNdA Says:

    حلو..اكتب كلام ..قطع ورق..خلص اقلام..تعمل قلق والى الأمام\

    وحشنى اوى


  3. منى Says:

    جميله كلماتك اوى
    رغم الالم
    والشجن
    بلدنا بقى هنعمل ايه

    بس اوعى تنسى تدعيلى
    قول يارب منى تدخل الجنه وتوعدها بالفردوس الاعلى
    ويارب تقضى هناك ايام كلها خير وترجع بالف سلامه
    تحياتى


  4. حلوه اوي
    يمكن غيابي يابلدي يفيد

    ترجع بالسلامه
    ومتنساش تدعي لقطران ينجح
    اختك زفته


  5. جميله اوي الككلمات ديه
    معبرة كمان جداااا
    الواحد بيحبها صحيح و نفسه تبقى احسن بلد فى الدنيا
    بس بيلاقى الحاجات الوحشة بتزيد...فترجع تاني تزهق و تقول حسيبها....
    وبعدين تلاقى حاجه جواك تقولك....لأ


  6. حلوة اوي الكلمات

    ان شاء الله عمرة مقبولة
    ولا تنسانا من الدعاء
    وترجع لبلدك بالسلامة ان شاء الله


  7. عمرة مقبولة إن شاء الله
    أما عن مصر مانقدرش نسيبها مهما عملت فينا


  8. ro7 Says:

    عمرة مقبولة
    وماتنسناش من الدعاء
    وفعلا بعادنا يمكن يفيد
    بوست رائع
    تحياتي


  9. WhItE HeArT Says:

    ساره علي

    كلماتك عبرت بشكل رائع

    ياريت الزيارة تتكرر

    تقبلي تحياتي


  10. WhItE HeArT Says:

    بروباجاندا

    حاسس فيك انك ناوي ترجع للكتابه تاني
    وانا معاك في اختيارك ده

    بالتوفيق ياصاحبي

    وانته واحشني اكتر والله

    تحياتي


  11. WhItE HeArT Says:

    منى


    ربنا يخليكي يارب على كلامك الحلو ده ودعواتك وعد عليا لازم هوفيه ان شاء الله

    تحياتي


  12. WhItE HeArT Says:

    زفته وقطران

    ليه بس الاسم ده عموما شكرا لكلامك الجميل

    وان شاء الله هدعي لقطران ينجح

    تحياتي


  13. WhItE HeArT Says:

    مفروسه

    شكرا ليكي على رأيك اللي بحترمه جدا

    وتحياتي


  14. WhItE HeArT Says:

    سنووايت

    شكرا ليكي

    ان شاء الله هدعيلك يادكتورة

    تحياتي


  15. WhItE HeArT Says:

    فرنسا والرايق

    طبعا انا مش عارف مين بالظبط بصراحه

    المهم شكرا على رأيك الجميل

    وتحياتي


  16. WhItE HeArT Says:

    روح

    ان شاء الله هدعيلك ياروح

    وشكرا لرأيكم

    تحياتي


  17. انت وعدتنى انك هتدعيلى قصاد الكعبة

    وتسلملى على الرسول لو زرته صلى الله عليه وسلم

    تروح وتيجى بالف سلامة


  18. Anonymous Says:

    تروح و ترجعلنا بسلامه
    ربنا يوفقك عزيزي


  19. عمره مقبول ان شاء الله
    بس انا بفكر اسيبها وحسيبها لانى كده كده متغرب بس والله الغربه بره بلدك اهون من الغربه جواها


  20. secret-love Says:

    ايه ياعم الحلاوه ده جامدحبيبى وحشنى والله كتير


  21. wael Says:

    بعيدا عن اي حاجه عن البوست وعن اي كلام
    مش عايز اقولك غير يارب يتقبل منك ويابختك وعقابلنا يارب


  22. WhItE HeArT Says:

    مدحت

    والله انا وفيت بوعدي فعلا والحمد لله على قدر الامكان افتكرت اللي وصاني بالدعاء

    انا رجعت للرياض الحمد لله وقريبا العوده لأرض الوطن دعواتك

    سلام


  23. WhItE HeArT Says:

    اجندا حمرا

    ربنا يخليكي على التعليق الجميل ده

    تحياتي


  24. WhItE HeArT Says:

    رئيس جمهورية نفسي

    بص ياريس لو لقيت شغل محترم بره لازم تسيبها مش تفكر تسيبها لا ده لازم لإن بجد حالنا بيزداد سوء يوم عن يوم وفعلا احنا زي المغتربين في بلدنا

    بدعيلك بالتوفيق

    وتحياتي


  25. WhItE HeArT Says:

    secret love

    شكرا على ردك الجميل ده

    وبجد انته واحشني اكتر والله

    تحياتي


  26. WhItE HeArT Says:

    وائل

    عقبالكم يااارب

    بس انا عايز اعرف ليه بعيدا معجبكش الموضوع وله مش موافقني الرأي وله ليك وجهة نظر في الموضوع

    ياريت لو ليك وجهة نظر تقولها يمكن نتناقش فيها

    تحياتي


  27. youmna Says:

    اخيرا يا محمد اعترفت ان مصر ام الدنيا وان احلى سنين حياتك ضيعتها في حته تانية وان السنين ديه لو كنت قضتها هنا كان زمانك حسيت بسنين عمرك عموما كلامك حسيت فيه بالرقة مع انه مليان بالحزن بس كلام جميييييييييييييل


  28. WhItE HeArT Says:

    آنسه يمنى

    بتغيبي كتير وفي الاخر بتفكتريني

    بس وجودك بيسعدني حقيقي وخليكي مداومه على التواجد لإنك منوراني هنا

    وحقيقي مصر وكلكم وحشتوني

    اما بالنسبه للبوست

    فبجد بشكرلك تعليقك الجميل ده

    تحياتي