الحب بات ... مصنوع من قهر السكات



متقوليش


الحب كان ماضي وراح

وان من عادتي السماح

وهوه كان فين البراح؟

وجرح قلبي بات مباح

ومشاعر الروح تستباح


والحب فين يروح

ولمين الشوق يبوح

وقلب مين مجروح؟

ده قلب كان قلبك
.
بعطره بشتاقلك

باسمه بندهلك

وبحبه كان نهلك


وبتطلبي ان انسى زمان

واقتل حب كان كيان؟؟

في ليل جريح

بات مريح

اصبح طريح!!؟؟

اصبح ضريح!!؟؟
.
وبدون معاد
الحب يتحول رماد
والهوى في زمنه يُقاد


وبظلم مين آن الآوان

اني اقتل الشوق الـ كان

اني اجرح القلب المهان

اني اعقد الروح ف الزمان


وده امر مين؟


انسى الغرام

والمغرمين

انسى احلام

العاشقين



مكتوب


حياتي تكون صراع

مع حبيب لازم يطاع

والحب سلعة بقت تباع

والغدر فيه اشهى الطباع


فمتنسينش اني حبيبك

الغدر دايرة من ايدينك

هتلف اكيد بيني وبينك

وهييجي من يجرح حنينك


وتفتكري من ضاع بإيدك

بس انسي انه يطير يجيلك


وافتكري يومها الذكريات

وافتكري ان الحب بات

مصنوع من قهر السكات


---------------------------------------------------------
عاجباني اوي كلمة قهر السكات دي معرفش انا جبتها منين بجد فجأه لقيتها في الورقه فطبعا محدش يسألني معناها
المهم انا دي من المرات القليله اللي اكتب حاجة واحبها قوي كده افتكر اخر حاجة كانت سلام وده كان اخر بوست ليا السنة اللي فاتت
وده ان شاء الله هيكون اخر بوست ليا قبل النتيجه ادعولي علشان انا بجد خلاص بدعي ربنا يرحم اعصابي
دمتم على خير واكيد هبلغكم لما النتيجه تطلع دعواتكم

46 Responses
  1. اول تعليق على اجمل بوست


  2. الا يعنى ايه قهر السكات ههههههههه


    لا بجد الكلمات والموسيقى متماشية جدا لدرجة انى كنت بقراها بغنى والله

    انا ساعات بحب الحم مع نفسى كدة
    الحن قال يعنى بلحن يعنى دندنتها اقصد بجد متماشية ورائعة

    ماشاء الله عليك

    ها طمنى اختارت مواقفولا ايه

    تصدق الفكرة تنفيذها صعب اوى

    مش عارفعايز انزل اجيب عمال وعدة عشان يشتغلو فيههااااااه

    ابقى طمنى انا النت لسة واصل النهاردة


  3. Angel Says:


    حروف ذهبية..!!

    وصياغة فنية ترتقي بالذائقة Yلى مشارف السمو..!!

    وتروي القرائح بفيضٍ من الحس الإبداعي الغارق..!!

    في التحفيز على التحليق في آفاقٍ شاهقة العلو..!!


    ولا يسعني أكثر من ذلك سوى التصفيييييييق


    وربنا ينجحك يارب ويريح قلبك
    بس متنساش البيبسي بقى (:
    Angel Love


  4. اولا ربنا بنجحك ويريح اعصابك
    كلمات جميلة وماشاء الله اسلوبك أكثر منرائع والكلمات لامنغمه
    تحياتى لك ودمت بكل ود


  5. هيييييييييييييييييه
    انا جاوبت على تاج الاحلام قبل كدة
    سلامى راحت عليك التدبيسه


  6. منى Says:

    جميله
    ماشاء الله
    ربنا ينجحك ويوفقك وتفرح وتفرحنا معاك
    على فكره انا جاوبت التاج وبرضه
    مرسيي جدا انك افتكرتنى بالاهداء
    تحياتى


  7. كلمات جميلة اوى

    وتحسها شفافة ونقية اوى

    تحياتى ليك

    وربنا معااك وتنجح بتقدير عااااالى


    يااارب

    نورتنى


  8. ro7 Says:

    الا قهر السكات دة
    انا مجرباه ألمة فظيع
    ربنا ما يحكم علي حد
    خاطرة جميلة
    وربنا ينجحك وبتفوق
    تقبل تحياتي


  9. كنت معاك انسانة بجد
    وانت خدعت لأبعد حد
    اتغريت بهوايا و عشقى
    و بنيت بينى و بينك سد
    ****
    كان اسطورة رسمها خيالى
    ليها بيرخص كل الغالى
    بس حقيقى بجد تعبت
    و اتغربت ايام و ليالى
    ****
    وصلنا خلاص لطريق مسدود
    بينا و بين الحب حدود
    سافر هاجر طيفه خلاص
    مش حيكونله ما بينا وجود



    بجد كلامك جميل اوى و فيه احساس عالى
    بالذات الدخلة جامدة جدا

    بوست رائع

    دمت بكل ود و خير اخى العزيز


  10. Unique Says:

    قهر السكات .. اختراع ظريف

    ربنا يطمنك على النتيجة .. خير باذن الله


  11. انا هعيط يا عم ايه الشعر المؤثر دى
    حلو قوى

    يا رب تنجح يا تتح


  12. WhItE HeArT Says:

    مدحت حبيب قلبي

    والله ربنا يخليك على الاطراءات الشيك دي

    قهر السكات يعني يعني يعني قهر السكات انته مش عارفها وله ايه

    هههههههههههههه

    انا بالنسبة للمواقف حضرت شوية بس مستني اشوف انته هتعملهم ازاي واانا اعمل زيك على طووووووووووول

    الظاهر ان العملية صعبه صحيح

    ومبرووووك على النت

    انته دوختني امبارح على السواك اللي بالقرنفل لدرجة ان صاحبي السعودي قال لي انا طول عمري سعودي واول مرة اسمع مصطلح السواك اللي بالقرنفل ده

    وانا مصمم طيب بس مينفعش سواك من غير قرنفل ؟؟

    ههههههههههههههه

    تحياتي


  13. WhItE HeArT Says:

    angel

    انا مش عارف اقول ايه بعد الكلمات التحفه اللي حضرتك قلتيها دي طبعا اللي جبت القاموس وقلت يامسهل وقعدنا نترجم

    هههههههههههههههه


    انا متشكر جدا بجد وان شاء الله انا بجهز في الصناديق بتاعة البيبسي


    تحياتي


  14. WhItE HeArT Says:

    رئيسة حزب الاحلام

    ههههههه ماشي يعني برضه راحة عليا التدبيسة

    نفسي ادبس حد في تاج من التاجات دي قبل مااموت


    وطبعا مرسي للكلمات الجميله دي


    تحياتي


  15. WhItE HeArT Says:

    منى

    ماشي انتي كمان جاوبتيه امال مين الليم جاوبوش غيري

    يله ربنا يخليكي على الكلام الجميل ده

    تحياتي


  16. WhItE HeArT Says:

    دعاء مواجهات

    انجح بتقدير عالي

    هههههههههههه

    ده بس من ذوقك

    ده منظر واحد ينجح بتقدير عالي في كلية هندسة

    ربنا يخليكي على الدعوه

    تحياتي


  17. WhItE HeArT Says:

    روح

    هههههههههههه

    بمناسبه ان حضرتك جربتي قهر السكات

    كنت انا والاخ مدحت يعني بنسأل على معنى قهر السكاااات

    ههههههههههه

    ربنا يخليكي على كلمة انجح بتفوق ده

    بس زي ماقلت لدعاء ده منظر واحد ينجح بتفوق

    تحياتي


  18. WhItE HeArT Says:

    unique

    اختراع ظريف هوه انا قلتلك ان انا عملت انسان آلي وله حاجة

    ههههههههههههه

    دي حتة كلمه محدش فاهمها

    دايما بيسعدني تعليقك

    ودمت بكل الود


  19. WhItE HeArT Says:

    بنت مصريه

    هتعيطي ليه بس كده ده انا كنت بضحك وانا بكتبه

    بجد مرسي قوي لدواعتك للحج تتح بس انا اسمي محمد لسه مغيرتوش والله

    تحياتي


  20. WhItE HeArT Says:

    ورود واشواك


    كلام مين اللي جميل حضرتك هوه انا كلامي بأه ليه وجود جنب الكلام الجميل اللي حضرتك كاتباه بجد كلامك هوه اللي انا هعلق عليه ان هوه تحفه فوق الوصف بس انتي كإنك بتردي عليا

    انتي كده طلعتي الراجل هوه اللي فيه العيب بس الجميل ان الاسلوب هوه اللي رائع

    تحياتي


  21. بجد كلماتك حلووووووووووووووة اوووووووووووى و أسلوبك احله و إحساسك عالى اوى ...

    تسلم ايدك ...


  22. على فكرة انا بعشق اسلوب المساجلات
    يعنى قبل كدة كنت فى منتدى
    و دخلت رديت على واحد بنفس الاسلوب و طلعته هو اللى غلطان
    و دخل واحد تانى رد عليا
    لحد ما فى الاخر عملت موضوع جديد خالص بردودنا احنا الاتنين
    سميته ادم و حواء
    و الموضوع كان حيوصل للدم ههههههه
    خلى بالك بقى


    بجد ميرسى اوى على كلامك الجميل ده
    اتمنى اكون استحقه

    ******

    انا لقيتك كنت متدبس فى تاج قبل البوست ده على طول
    صعبت عليا
    بس انا خلاص دبستك فى تاج تانى
    ياريت تشرف مدونتى و تاخد التاج بتاع الانت :)


  23. WhItE HeArT Says:

    أميرة الاحزان


    اجري يااميرة اهربي وله انزلي تحت المدونه وله اعملي اي حاجة لحسن التانية تيجي وتحطني في استجواب مين دي وليه داخله بااسمي وتبأه شغلانه

    هههههههههههههههههههههه

    لا بجد تعليقك اسعدني بطريقه غير طبيعيه لإنه فكرني بزميلتي التايهة اللي بدور عليها ادعيلي اعرف فين اراضيها

    والسبب التاني جمال التعليق بجد وشياكته

    دمت بكل خير واوعي تضايقي انا بهزر والله


    تحياتي


  24. WhItE HeArT Says:

    ورود واشواك

    اه جميل النظام ده بس بلاش سيرة الدم لإني مبحبوش لو انتي عايزة الاسلوب ده اوك انا موافق بس ميكنش للدم

    بس تصدقي فكره احنا ممكن نعمل حاجة زي دي بس بلاش روح المعانده يشتغل والتحدي ونطلع بنتيجة 10\ صفر للأهلي طبعا ان شاء الله هيفوز النهارده على الزمالك


    وبعدين تلاقيني لسه متدبس وبشم لسه هوا تقومي تدبسيني كمان


    تحياتي


  25. تاجين فى تاج انا عارف انك هتجاوب واحد بس روح استلم ياريس


  26. WhItE HeArT Says:

    حاضر يامدحت انا رايح جري كفايا انهم منك

    بس لو مكنتش تحلف

    هههههههههههه


  27. على فكرة جامده جدا

    واعتقد ردى عليها هيبقى قليل على الحاجات الحلوة اوى اوى اللى انت كتبتها

    سواء فى الالفاظ او حتى الاحساس

    صحيح يعنى ايه قهر السكات..ههههههههههههههههههه


  28. fire bird Says:

    دى اول مرة آجى عندك

    وبصراحة

    اللى شدنى انى ازورك

    رايك على آخر موضوع عند rara

    لقيت ان فيه تطابق فى وجهات النظر بينا فى موضوع الحب دا

    ولما جيت عندك

    عجبنى جدا الكلام اللى تحت اسم المدونة

    ولما قريت الموضوع عجبنى جدا تعبير (قهرالسكات)

    دا لوحده حكاية تانية خالص

    لو فكرت فيه شوية ممكن تكتب عنه موضوع كامل

    ممكن تتكلم تحت العنوان ده عن السياسة مثلا - عن الحب زى انت ما عملت - لانه تعبير جامد جدا

    .........................

    تقبل مرورى

    ارق تحياتى


  29. Desert cat Says:

    من قالك لك حقا انى اريد النسيان
    من قالك بعد سماع كلماتى اصمت لتصنع من القهر عنوان
    اعترف بانى تمردت عليك كثيرا ورددتها ملايين المرات
    اكرهك لانى احبك وبجنون
    اهرب من ضعفى فى اسرك لى فانا اتلذذ بقيودك واليك اعود ولكنى ابدا لم ولن اقوى على النسيان


  30. Desert cat Says:

    نسيت اسالك
    يعنى ايه قهر السكات
    ههههههههههههه
    ههههههههههههه


  31. rara Says:

    بوست جميل فعلا وكلماتك
    روعة واحساسك جميل

    وربنا يوفقك
    ويكرمك بالنجاح والتفوق
    ويهدى اعصابك


  32. موهبة رائعة

    الرجاء عدم التفريط فيها

    وحسن استغلالها الاستغلال الامثل


  33. واااااااااااااااااااو احلى عنوان واحلى بوست بجد تحفة وكلها احساس حلوة اوى بجد واحساسها عالى وكلماتها حلوة اوى عجبنى اوى الجزء دة بصراحة كلها عحبانىى بس دة اكتر

    وبتطلبي ان انسى زمان

    واقتل حب كان كيان؟؟

    في ليل جريح

    بات مريح

    اصبح طريح!!؟؟


  34. WhItE HeArT Says:

    سفاح كارموز

    اهلا بيك وبجد مرسي اوي على التعليق الجميل اوي ده

    والزيارة دي تتكرر بالعافيه

    مليش دعوه


    تحياتي


  35. WhItE HeArT Says:

    fire bired

    ههههههههههههه

    متاخدي المدونه كلها احسن واخلع انا بأه


    ههههههههههههههه


    لا بجد نورتيني جدا جدا

    واتمنى الزيارة تتكرر ومتشكر جدا على التعليق الجميل ده وحاضر هحاول اكتب في الموضوع ده

    تحياتي


  36. WhItE HeArT Says:

    قطة الصحراء

    حلو اوي التحليل ده

    بس ده ضعف في الشخصية لو كده بأه

    بحييكي على التعليق الجميل ده وبالنسبه لقهر السكات

    فجاري البحث عن المعنى

    ههههههههه

    تحياتي


  37. WhItE HeArT Says:

    رارا


    ألف تحيه ليكي على التعليق الجميل ده

    ودايما بيسعدني تواجدك

    تحياتي


  38. WhItE HeArT Says:

    الجمعاوي الاصيل


    والله الحمد لله يمكن تكون موهبه الحمد لله بس على قد ما الموهبه انا حاسسها على قد احساسي ان انا هاوي وهفضل طول عمري هاوي بس بحاول انمي الموهبه ارقيها شوية

    بجد اسعدني ردك جدا

    ويارب الزيارة تتكرر

    تحياتي


  39. WhItE HeArT Says:

    برنسيس بيري


    مبسوط جدا انه عجبك الموضوع

    ومندهش الى الجزأ اللي عجبك لإني توقعت ان هيكون فيه كلام وان في ناس مش هتفهموا اوي زي ماانا عايز

    تحياتي لحضرتك


  40. مدونة جديدةفكرة جديدة

    ادينى رايك يامعلمى

    http://romantic-messages.blogspot.com/


  41. WhItE HeArT Says:

    انا رايح اهو يامدحت

    يارب تطلع حاجة تبسطني

    هههههههههههههههه


  42. appy Says:

    طيب لما اشوف قهر السكات والحركات دى اخرتها ايه معاك
    كل شويه طفح مشاعير وتغرقنا


  43. ايه الكلمات الجميله دى

    انا كنت بتعذب من مدحت و كلماته

    هيبقى انت و هو

    حرام

    انا بغبط عليكم

    بغبط مش بحسد خد بالك
    ههههههههههههههه

    اما بقى عن الخناق

    فاطلما انت من طرف ابى يبقى ائمر
    اى حد من طرف اى حد جدع يعمل اللى هو عاوزه

    اتمنى نبقى اصحاب بس من غير خناق و يبعد ابى عنا يارب
    هههههههههههههه

    ده اميلى لو تحب تضفنى اتمنى
    maro_tatu@yahoo


  44. WhItE HeArT Says:

    ههههههههههههه

    ايه يآبي واحده واحده علينا ربنا يكرمك

    ده انتي ناويالي شكلك كده

    ههههههههههههههههههه


  45. WhItE HeArT Says:

    مارو


    هههههه

    اغبط ياعم زي ماانته عايز مادام بتقول كلمة انا مش فاهمها يبأه اتكل على الله انا مالي

    ههههههههههههههههه


    وانا ضيفتك اهو بس اقبل انته وان شاء الله هنبعدها عنا فعلا

    هههههههههه

    تحياتي


  46. Anonymous Says:

    comment41, [url=http://h2o.law.harvard.edu/user/profile.do?userID=14012]buy valium 10mg[/url], :-), http://h2o.law.harvard.edu/user/profile.do?userID=14012 valium 10mg, :-), [url=http://www.ziggs.com/apps/profile/Interests.aspx?uid=139855]order zolpidem online[/url], ocu, http://www.ziggs.com/apps/profile/Interests.aspx?uid=139855 order zolpidem no prescription, %-(, [url=http://www.ziggs.com/apps/profile/Interests.aspx?uid=139998]order cheap vicodin[/url], %[[, http://www.ziggs.com/apps/profile/Interests.aspx?uid=139998 order cheap vicodin, %[[, [url=http://h2o.law.harvard.edu/user/profile.do?userID=14011]cheap alprazolam[/url], %[[, http://h2o.law.harvard.edu/user/profile.do?userID=14011 buy cheap alprazolam, :-), [url=http://www.chop.edu/forum/user/profile/12410.page]order zolpidem without prescription[/url], =-], http://www.chop.edu/forum/user/profile/12410.page order zolpidem without prescription, :-)