خطوة جديده







نفسي المح جوه عنيكي




مشهد ليا




وله اتجلى على نضارتك




طاله عليا




وله اسمع نبض قلبك




سرحان فيا




كل ماافكر اقرب منك




مرة شوية




اقول اكيد هتعدى حدودي




واتخيل كفوفك معلمه ف خدودي




يااااااه




نفسي احقق بأه مقصودي




واقرب منك ياروحي شوية




عارف عيبي اني بسيط




فاكر الحب راح يستنى




ده انا بتمنى




اخده كمان بالتقسيط




آه ياعبيط




فاكر الحب قصوره كتير




واني بحب في زمن ميت




الحب فيه مش متقوّت




بحب لوحدي ومين بأه أدي




بس الحقيقه مبتستناش




اكيد ف يوم راح تتعاش




بس انا هاخد خطوة جديده




ومش هقعد تاني عالرّف




ولا هستنى قراية الكف




كفاية كده عليكي صبري




هبدأ احارب عشانك عمري




وهدعي تكوني أجمل قدري




وهبدأ حبك بعهد جديد




عهد كله مليان تجديد




معاه سبحانه




رب العبيد

28 Responses
  1. خطوة جديدة بعيدة عن الاحزان بقي شوية

    كلماتك فيها تحدي واصرار وامل
    يعني فيها حياة جديدة
    ودا اجمل شيء فيها

    بالنسبة لتعليقك علي موضوعي السابق
    انا حسيت انك مضايق اوي من الكتابات الحزينة وطلعت كل الضيق دا في التعليق عندي :)
    بس عندك حق , لازم ناخد خطوة جديدة سعيدة

    تحياتي لك


  2. WhItE HeArT Says:

    سنووايت

    انا متشكر جدا لتعليقك

    انا قلت ابدأ انا الخطوة دي يمكن حد يقلدني وله حاجة

    وبصراحه انا كنت جاي المدونه بتاعتك لإني عايز افك شوية كنت قريت كمية من البوستات الحزينة الكئيبه اللي خلتني خلاص اكتئبت فجيت شفت البوست ده كمان قلت بس انا كمان هقعد يومين عيان في السرير

    ههههههههههههههههههه

    بس متشكر جدا على التعليق الجميل ده

    تحياتي


  3. ro7 Says:

    ماشاء الله ماشاء الله
    ربنا يوفقك مع اللي تحفظك
    وتمونوا لبعض قرة عين
    بوست جميل
    تحياتي


  4. خطوة جديدة جميلة وكلها قوة واعتزاز بالنفس ودة اللى مخليها توصل بسرعة تسلم ايدك يبو قلب ابيض


  5. bar2ash Says:

    جمييييييييييييييل يا عم المتبهدل

    ربنا يهديهالك وتفهم

    وتحبك كمان

    تحياتي ليييك


  6. WhItE HeArT Says:

    روح

    شكرا لتعليقك الجميل ده

    ودايما بيسعندي وجودك

    تحياتي


  7. WhItE HeArT Says:

    برنسيس

    متشكر جدا على كلامك اللي اداني دفعوه معنوية ده

    تحياتي


  8. WhItE HeArT Says:

    برقش

    هههههههههههههه

    فعلا ربنا يهديها وتفهم

    بس انا كاتب الموضوع ده عادي لأي حد وهوه انا لو هحب وحده هفضل حاطط ايدي على خدي مستني الفرج

    لا ياعمونا منته عارف بتوع هندسه مبيهمهمش حد

    هههههههههههههههههه

    ال يعني هعمل حاجة

    تحياتي


  9. Anonymous Says:

    صديقي العزيز صاحب الألب الطيب

    ربنا يحفظك في كل خطواتك و دايما يكون النجاح صديقك
    تحياتي ليك ياجميل


  10. appy Says:

    انت يا وااااااااااد انا عرفت انك نجحت من مارو الف مبروك بجد فرحت ليك


  11. كلماتك جميلة
    فعلا خطوة جديدة كل عايزين خطوة جديدة مش مع الاشخاص بس مع نفسنا عاوزين خطوة جديدة
    الف تحيه لك


  12. جميلة اوى كلماتك

    تحيااتى للرقة والانتقاء

    والعمق كمان

    منتظرااك


  13. ربنا يوفقكم يارب , واهى خطوة جامدة , وغن شاء الله تجيى بفايدة


  14. Gre8

    well Done

    بس عايز تجدد صور شوية ـ وتختار مزيكا تكمل بيها كل كلماتك

    هي حُريات بس انا بعشق الكلمات اللي بمزيكا

    هشوف منك حاجات أجمد قُريب إن شاء الله :)

    وأكيد انا منور البلوج بتاعت


  15. WhItE HeArT Says:

    اختي اجندا حمره

    ربنا يخليكي يارب ويحفطك على الكلمات الجميله دي

    تحياتي


  16. WhItE HeArT Says:

    آبي

    (وش مكشر)
    انتي هتطلعي اشاعات انتي ومارو وله ايه ربنا يسمع منكم يارب بس لسه شوية

    واكيد انا لو نجحت ان شاء الله هعمل زيطه وزمليطه مش هفضل ساكت

    ربنا يخليكي على اهتمامك ده واكيد لما هنجح هاجي اخد حلاوة النجاح منك

    تحياتي


  17. WhItE HeArT Says:

    رئيسة حزب الاحلام

    فعلا احنا عايزين خطوة جديده يارب نبدأها كلنا

    تحياتي


  18. WhItE HeArT Says:

    دعاء

    انا بشكرلك زيارتك الجميله دي اللي عرفتني بمدونتك الرائعه

    وبدعي انها تتكرر

    وبجد مرسي اوي على الكلمات الجميله دي

    تحياتي


  19. WhItE HeArT Says:

    زي الهوا


    يارب تيجي بفايده والف شكر على تعليقك الراقي ده

    تحياتي


  20. WhItE HeArT Says:

    محمد

    اكيد منورني طبعا

    وان شاء الله هاخد بتوصياتك دي مع ان بعضها مش فاهمها مكدبش عليك بس هحاول اطور في نفسي اكتر

    تحياتي ليك ولتعليقك الجميل


  21. Angel Says:


    الكثير يجهلون قيمة
    الكلمات البسيطة....!!


    على الرغم من ذلك تبقى هي الاصدق
    بساطة الكلمات جعلتك على بساط الريح..!!

    كلمات رقيقة ولا أحلى
    Angel Love


  22. نونو Says:

    اجمل مافى البوست العمق اللى فية بجد؟
    وطول ما احنا عايشين لازم يبقى فية امل والا هنموت


  23. واتخيل كفوفك معلمه ف خدودي

    قلتلك ممكن تتفهم غلط

    بعيدا عن الاحلام اخترت التحدى
    وبداية خطوة واقعية للوصول لهدفك عبرت عنها برومانسيتك الشديدة وفكرتك الجديدة وكلماتك الجميلة
    ربنا يوفقك ياباشا


  24. saragebaly Says:

    السلام عليكم ورحمة الله وبركاته
    اول زيارة ليا

    البوست جميل وكلماته هادية وبسيطة

    دمت بكل الخير

    سارة


  25. WhItE HeArT Says:

    angel

    بساط الريح مره واحده

    ربنا يخليكي يارب

    انا مبسوط ان الموضوع عجبك

    وبشكرلك زيارتك واتمناها تتكرر

    تحياتي


  26. WhItE HeArT Says:

    نونو

    فعلا زي ماقلتي طول مااحنا عايشين لازم يبأه فيه امل والا هنموت

    تحياتي وياريت الزيارة تدوم

    تحياتي


  27. WhItE HeArT Says:

    مدحت محمد

    وزي ماقلتلك خلي اللي عايز يفهمها غلط يفهمها هوه اللي فهم مش انا والمعنى في ظهر الشاعر

    بشكرلك الكلمات الجميله دي وربنا يخليك

    تحياتي


  28. WhItE HeArT Says:

    ساره

    اول زيارة ومتمناهاش تكون الاخير

    شكرا لإطرائك الجميل ده

    وتحياتي