تاج

Slamo 3aleko
awalan aheb abal5ko 2n el post da tawel 2awy we mafehosh la she3r wala ai haga helwa we bsaraha aktar da lly 3awez ye3rafny 3an 2rb we ely mesh 3awez ana ba3feh men 2rayt el post da
besm ellah nebda2
lsa gay men 3and elo7't zefta hanem kanet menazela post 3n el franko arab we henak 2olt 2n ely beye3mel keda beyeb2a beygary elmoda bas mesh aktar we 3alashan agary ana kaman el moda 2olt agarb nafsy feh yemken anfa3
ana habda2 agaweb 3ala eltagat ely elnas edohaly we ana besaraha manzary ba2a wehesh 2awy coz 2n ba2aly fatra rakenhom 3andy
da awel tag from my sister mona realy ana appreciates u mona " 3ala el tadbesa el helwa da" we nerodahalek fe el afrah


اذكر عشر صفات عن نفسي
وعلشان اكون صادق مع نفسي هقول 5 صفات كويسين و5 منيلين بستين نيله
1- عصبي جدا ولما بتنرفز بتصرف تصرفات بندم عليها بعدين.
2- مستفز احيانا وده بيعرضني للوقوع في بعض المشكلات انا في غنى عنها
3- غيور جدا ومشكلتي الحقيقية اني بكتم جوايا وبحاول مبينش الصفه دي لإن مقتنع تماما ان الغيرة الزايده بتضر مش بتنفع وربنا يستر.
4- حساس جدا وبرضه بكتم جوايا فبتألم قوي.
5- اني كتوم فعلا وبحاول مبينش انفعالاتي اوي يعني اكون مبسوط وابين اني مش مبسوط واكون متضايق وابين اني مبسوط شكلي لازم اروح لدكتور نفسي.
6- احيانا بكون مغرور بس على اصحابي وبيكون بهدف الهزار" قالوا زمان ان ياما هزار قلب بجد ومشاكل وانا مصدقتش" بس بتفهم غلط برضه وعمري مااغتريت على حد مااعرفهوش بالعكس خالص.
ااييه ده دول بقم 6 صفات وحشه طيب معلش ال 4 اللي جايين كويسين ان شاء الله
7- طيب قوي وقلبي ابيض قويييييي وبسامح على طول " بس مبنساش اللي اللي يأذيني مهما طال الزمن وممكن تضيفو دي على الصفات الوحشه"
8- بحاول على قد مااقدر اكون صادق مع ربنا ثم مع نفسي وده بيديني راحه نفسيه .
9- اصحابي دول حاجة مهمه قوي في حياتي يعني بجد لو طلبو من اديهم حياتي كلها هديهالهم ومش هستخسرها عليهم وبسبب كده مش سهل ان اي حد يكون صاحبي حتى لو بينتلو انو صاحبي اوي " لو كان في دي خداع او حاجة يبأه ممكن تضيفوا الخداع على الصفات الوحشه مع اني والله مش بخدع حد بس علشان مضايقهومش"
10- مشاعر الناس شيء مهم اوي في حياتي ومحبش حد يتضايق مني ولو عرفت ان حد زعلان مني لازم اعرف ليه واهتم بيه " وبصراحه في بعض الناس بتلكك علشان تعرف غلاوتهم عند بعض علشان كده انا بروح على طول للي بيزعل مني"
تم بحمد لله
بشكر اللي وصل معايا للنقطه دي قوي
18 Responses
  1. youmna Says:

    ايه ياعم الحبيب يا جامد يا محمد سوري عشان اتأخرت في الرد بس الاجازة الفظيعة ديه مخلياني مش عايزة اعمل حاجة يلا عموما جامد يا محمد بس انت مكتر اوي من العيوب متخفش يابني انت مش وحش اوي كدة للدرجة ديه


  2. WhItE HeArT Says:

    الاجازة الفظيعه دي مالها بس

    مش كويس انهم ادولكم اجازة

    احمدي ربنا

    عموما ربنا يسهل

    اما اني مش وحش للدرجة مهو انتي عارفه لو كان مسموح بأكتر من عشر صفات كنت زودت 2 كويسين علشان يبقوا 6 و6 بس نقول ايه


    تحياتي


  3. منى Says:

    اولا حمد الله على السلامه
    تعرف بقى
    رغم انك كتبت صفات وحشه كتير اوى
    لكن حسيت انك احسن بكتير
    لان صعب ان حد يعرف عيوبه وكمان يعترف بيها
    وعلى فكره قريت الكلام اللى فوق كله
    بس اوعى تعملها تانى
    هههههههه
    تحياتى


  4. rara Says:

    شخصيتك جميلة ومحبوبة
    والحمد لله واهم صفة ان قلبك ابيض متواجدة فيك
    وممكن صفة كويسة بتغطى على كل العيوب

    دمت بخير دائما


  5. كل دى عيوب
    انت جبت نفسك من الأخر أنت أكيد ظالم نفسك
    الف تحيه لك


  6. wael Says:

    اولا : انا تحدثت عن الاهميه في الموضوع اللي فات يعني مكنتش مهتم بالشعر على قد ما اهتميت بالحدث وهو العمره
    بس الشعر حلو بس مش قادر احسه عشان انا بجد مش طايق البلد دي بالغرم من اني معشتش فيها غير 10 سنين بس بجد استويت فيهم عشان مش ممكن يجتمع الكم الهائل من الفساد في مكان واحد غير في مصر
    ولو على التاج ده فبجد انا بكره التاجات عشان مش بحب اجبر حد يدعبس جواه ولو دعبس لازم يعني يقول هو ايه اللي لقاه؟
    تحياتي ياباشا


  7. mohaawad8 Says:

    بص يا مان

    لو علي الفرانكو-عرب
    انا معرفش المدونة اللي كتبت كده
    بس احب اقولك
    ان الفرانكو مش موضوع موضه
    لا
    الفرانكو لغة شباب
    لغة اخترعوها عشان يبقي ليهم عالمهم خاص بيهم ما يدخلش فيه الاباء او غيرهم
    حاجة خاصة بيهم
    لغة تواصل

    بس مش ده موضوعنا

    موضوع التاج ده
    صعب بالذات التاج ده

    بص لو قلت العشرة عيوب
    فده معناه انك عندك ميزة
    تغطي اي عيب
    ميزة
    الصدق &عدم النفاق&
    الاعتراف بالحق و هو الفضيلة

    انا معاك يا مان
    لان ذكر العيوب ممكن نقدر نحسنها
    و قليل اللي يقدر يواجه نفسه بعيوبه فما بالك بمواجهة الناس
    يعني تقدر تزود ميزة الشجاعة

    وكفاية عليا كده لاحسن ااخد قلم في نفسي و افتكر نفسي فيلسوف
    و ساعتها مش هتخلص
    :d
    خلينا في الطيب احسن


  8. ro7 Says:

    جميل كلامك ببساطة وصراحة
    عن نفسك وجميل ان الواحد
    يلتمس العيوب اللي فية
    بس حاول تظبطها بقي
    وجميل التاج انة صغير بصراحة
    ههههههههه
    اه صحيح رديت علي غير معروف
    ومسحت تعليقه بس
    في ناس قالتلي مكنتيش مسحتي التعليق
    قال يا وايت مكنتش مسحتة
    تقريبا انت الوحيد اللي شوفته


  9. appy Says:

    هو ايه حكايه عصبى دى الله هو كل الشعب بقى عصبى على نفسك يا اخ انت وهو هههههههههههههه
    طيب بقولك اتقمص منك واعرف غلاوتى عندك زى اختك الكبيرة ولا لا ههههههههههههههه


  10. WhItE HeArT Says:

    منى

    والله يامنى انا بحب الصراحه وبالذات مع نفسي اصل مفيش حد خالي من العيوب بس الميزة ان الواحد يعرفهم ويحددهم ويحاول يعالجهم


    بالنسبه للي فوق مش هعملها تاني ان شاء الله اصلي تعبت اوي بصراحه في كتابتهم

    تحياتي


  11. WhItE HeArT Says:

    رارا

    بشكرك اوي على الاطراء ده

    تحياتي


  12. WhItE HeArT Says:

    رئيسة حزب الاحلام

    ليه انتي شايفاهم وحشين اوي كده وله ايه

    ربنا يكون في عوني بأه

    تحياتي


  13. WhItE HeArT Says:

    حبيب قلبي مبروك خلصت الثانوية ابأه قول لي ناوي على ايه ان شاء الله

    اما بالنسبة للفرانكو اراب فاللي انته قلته ضمن كلمة موضه من وجهة نظري ان احنا نعمل جيل غير الجيل القديم فهوه ده مفهوم الموضوع

    وبالنسبه لصفت الصدق فبشكرك على الاطراء الجميل ده

    تعليقك دائما يسعدني

    تحياتي


  14. WhItE HeArT Says:

    وائل

    عندك حق في وجهة نظرك وانا متفق معاك تمام ان شاء الله


    تحياتي


  15. WhItE HeArT Says:

    روح

    ربنا يخليكي على كلامك الجميل ده

    وبالنسبه للتعليق السخيف اللي انا شفته ده فاانا بصراحه قلتلك امسحيه لإن بصراحه انا بدخل على مدونتك استريح نفسيا فلما لقيت التعليق ده اتضايفت اوي


    تحياتي


  16. WhItE HeArT Says:

    آبي


    أطللتي فأنورتي

    بالنسبه للعصبيه انا شايف دي بصراحه

    اما بالنسبه للغلاوة فجربي وتشوفي

    ههههههههههههههه

    تحياتي


  17. تعرف يامحمد انت فيك صفات كتير فيا والله

    وبالذات موضوع بتفهم غلط دى

    مش عارف دى مشكلة فيا ولا فى الناس والله

    بس ده بيبقى بسبب هزارى والناس اصلا مخنوقة فبتاخد اى حاجة جد



    ربنا يوفقك وترجعلنا بالسبحة

    هههههههههه

    وبالسلامة اهم حاجة


  18. WhItE HeArT Says:

    مدحت

    طيب والحل في المشكلة دي يامدحت هنفضل كده على طول وله ايه ؟؟

    هههههههههههههههه

    وان شاء الله هرجع بالسبحه


    تحياتي