اعملي معروف
-------------------------------------------------
تحديث
مش قلتلكم انا شكلي هحب التحديثات دي
المهم الساعه دلوقتي 9 الا عشرة صباحا
وانا امتحاني الساعه 1 ونص ظهراً
ادعولي من قلبكم
وبعتذر على اني الفترة اللي جايه مش هقدر اتابعكم
وهرد على تعليقاتكم كلها لما ارجع ان شاء الله
وبجد هتوحشوني جدا
ارجوكم اعذروني
وطبعاً تدعوا
------------------------------------------------------
دي اهداء لمدحت محمد لإنه قال لي كفاية ضرب ضرب
قصده يعني حزن حزن
وعلشان كده انا بهديله دي وياريت بجد ميقوليش حزينة برضه
هنتحر بجد
--------------------------------------
اتعودت اتأمل فيكي
ثانية بثانية
واما تحس بيا عنيكي
اداري عنيا الناحية التانية
واعمل ال ايه مشغول
بأي حاجة سخيفه سقيمة
جنب جمالك قليلة القيمة
وتبعدي عينك ال نسياني
وارجع بعيوني انا من تاني
واتمنى اللحظة حبيتي تطول
واتملى ف سحرك بذهول
وقلبي بيعيد ويقول
ان جمالك مش معقول
والناس بتهاتي وتنادي
مالك ياابني السعادي
مش عارفين اني ف وادي
بس وادي غير الوادي
وللوجود من تاني بعود
الاقيني عيني ف عنيكي
من غير لا حواجز وقيود
واقولها انا لنن عنيكي
ياحبيبتي مشتاق انا ليكي
مش قادر اعمل مشغول
والنظرة عماله بتطول
واسهر ليلي لنفسي اقول
لإمتى ياواد تفضل مكسوف
واقنع نفسي انك حساني
واجي اقول لك احس بخوف
وفبعادك انا بلقاني
غريب حقيقي ومش مألوف
متريحيني اعملي معروووف
--------------------------------------
دي اتكتبت الساعه 3 ونص بالليل بعد ماهلوست شوية مع الرياضه الهندسية
وحسيت اني داخل على امراض من المذاكرة فكتبتها تفريغ لبعض الرغبات المكبوته
ههههههههههه
مش بس البنات هما اللي عندهم رغبات مكبوتة
سامعاني ياآبي
Comments
بجد بجد بجد الله يسامح الامتحانات الي عملت فيا كدا
معقووول تنزل كذا بوست كدا واشوووفهم كلهم متأخر
بس بجد بجد بجد كلام رووعة وخصوصا اعملي معروووف دي فعلا عندو حق صحبك بصرااااحة
بس فعلا تسلم اييديك
تقبل مروري ...
اوقات النظرات بتكون احلى ما في الحب
ويارب بقى تعمل معروف هي هههههههههههههههههههههه
بس بجد جميله يا محمد تقريبا اسمك كده صح
تحياتي ليك
بس ولا يهمك
مدام الكبت بيطلع كلام حلو
تحياتى
ياريت تدخل تقرا للمدون الجديد no more هتلقيه عندى فى التعليقات
ربنا يعينك ويوقيك على المزاكرةوكفاية انها دافع لكتابة كلماتك الجميلة
تحياتى لك
جمعية اية هى مش موجوده اصلا
حلوه اوى يا ابيض القلب انت
تحياتى
بس الناس هيفهمونا غلط كدة يابنى
ههههههههههههههههه
بجد الكلمات رقيقة اوى وتحفة
احلى من الحزن ياراجل
ياريت تكتب كدة على طول
بجد
البوست راااااااائع
تحياتى
عز
سلاااااااام
تحياتي للهندسة
و دى مش حزاينى دى لذيذه جداً
و على فكره اغانى الحب السعيده بتبقى اصعب من الحزاينى بكتير
كلام الفراق و العذاب معروف و سهل
بس القصص الى زى دى بتظهر الموهبه اكتر بكتير
اهنيك عليها
و تحياتى
قصيده جميله و كلها رقه صديقي
ربنا يوفقك في الامتحانات و تعدي الأيام دي علي خير انشاء الله
الصراحه كل كلمه من كلمات القصيده روعه و لوحدها حتعوز يتكتب فيها اشعار
انت موهوب صديقي ربنا يوفقك دايما
بتمنالك يوم سعيد
دى اول زيارة ليا
المدونة جامدة اوى
انا بحب الشعر العامى وبحترمه جدا
كلماتك جميلة ومعبرة
انا عامل مدونه بكتب فيها شعر عامى برضه
يا ريت تزورنى وصدقنى هتعجبك
سلالالالالالالالالالالالالالالالالالالالالالالام
الرياضه الهندسيه ليها تأثير حلو اهه
على فكره
الصوره اللى انت حاططتها
بتاعه الكارتون دى ده فيلم حلو قوى وانا بحبه جدا
بالضبط زى ما حبيت كلماتك
تقبل مرورى
احييك
دمها شربات
اى رأيق فى التدوينة الجديدة
تحياتى
(عز)
طب الحق بقى اعمل كام بوست وحوشهم قبل الامتحانات متخلص
تحياتى
جامدة دي بقي تجربة جديدة
مش قولنا نهدي شوية
دي ورا دي ورا دي
صحتك انت لسة طالع من
خناقة جامدة
ومبسووووووووووووطة جدااااا
انك مش حطيت اغنية
ربنا يباركلك ياشيخ
Helmy
اعذروني بجد امتحاناتي بهدلتني
كلامك جميل
تحياتى
واجمل ما فيها .. انها كالعزف
يعنى فيها موسيقى حلوة
ملاحظاية
ذاكر كويس قوى علشان نعملك احتفال لما النتيجه تظهر
ان شاء الله
تحياتى
انت هتخلينا ندعى تكتر رغباتك المكبوتة
حلوة وليها معنى جميل
والجملة دى حلوة اوى ولذيذة
اتعودت اتأمل فيكي
ثانية بثانية
واما تحس بيا عنيكي
اداري عنيا الناحية التانية
تحياتى
سلام
ايوة كدة خللي قلبك ابيض :)
ربنا يوفقك فى الامتحانات يارب
تحياتى
المهم متاخدش على التحديثات علشان صحتك ياابنى ههههههههههه
ربنا معاك وينجحك يا رب
وحلو التفاؤل ده متبقوش انتم والسوياسه علينا
اه الكئابه دى
دنتا غلبتنى يراجل
حزن وهم
فكك
من الكلام الفوق
بجد رائعه
وانا عارف كويس شعور الهلوسه
انت مع الرياضه
وانا مع عبد المنعم الهيكل العندى
على امتحانتك
اما كلامك
ماشاء الله عليه
تحياتى اخى الفاضل
اخيك احمد سكر
ربنا يوفقك يا باشا
و ينجحك بتقديرات كمان
تحياتى
ويارب معاك ومعانا في الايام دى ويعديها على خير
يارب تكون بخير و ترجعلنا بسلامه ياجميل
ربنا يوفقك في الأمتحنات وتجيب تقدير عالي
القلب الابيض
منور المدونة والله
ربنا يوفقك في امتحاناتك اولا ثانيًا بالنسبة للقصيدة
القصيدة حلوة جدًا جدًا
وموزونة ما شاء الله
ومعناها جميل وكويس التغيير برضه اهو مفيد يعني
بانتظار الجاي يا باشا
ربنا يوفقك فى امتحاناتك ان شاء الله
انما بالنسبه للبوست جميل اوى والكلام الجميل بيجى من الهلوسه اكتر هههههههه
ربنا معاك
تحياتى
السلام عليكم
بجد احيييييييييييييك على كلماتك ومش حزينه ولا حاجه
دي رائعه اوى
وربنا يخلي الرياضه الهندسيه علشان بتطلعلنا حاجات حلوة اهوة
تحياااااااتى
جيلان
ربنا معاك
تحياتى
ربنا معاك فى الامتحانات...
هحاول ارجع ارد هنا تانى..:)
عشان انت مش ناقص كفايه عليك الامتحانات
بجد حلوه اوي
ويدم عليك الحب والفرح يارب