أغرب لقاء




قصعدت بالليل ماسك السماعه كالعاده بكلم مين؟؟


اكيد مش بنت طبعا مش اخلاقي
بكلم شريف ( اعز صاحب ليا طبعاً )


وفجأه شريف يقول لي انا حاسس بألم في قلبي غريب


اقول له طيب ياابني اتنفس بالراحه مهو انا مش عارف اقول له ايه مجربتش ابقى دكتور وبعدين هوه اللي في طب مش انا


وفجأه اسمع من النااحيه التانية صوت تكه وبعدين محدش بيرد


طبعا انا ناديت عليه ياشريف ياشريف ياشريف


مفيش فايده محدش بيرد


قلقت طبعا وفي عز الشتاء سبحت في بحر عرق


مسكت موبايلي بااتصل بيه


اسمع صوت موبايله الناحيه التانية والاخر ولا هنا


قعدت ربع ساعه ساكت مكتوم من الخضه مبعملش حاجة غير ان الاخ شوشو الشيطان مش شريف طبعا عمال يلعب في دماغي


وبعد ربع ساعه استقر رأيي على ان الواد اتكل


قمت وقفت ومعرفش ازاي رجليا ساعدتني اقف


قلت انا هلبس وهصحي الحج الوالد ونروحله


ولما قمت عمال بنادي ياعم انته


ياشريف لو بتهزر الموضوع هيقلب بجد


مفيش فايده


ياشريف هصحي عيلتي واقعد ألطم زي الولايا


مفيش اي ريسبوندنج عند شريف ولا حتى صوت نفس


المهم قمت فعلا ورايح افتح باب اوضتي


لقيت شريف جاي على التليفون


طبعا متوقعين مني ايه (( سلسله طويله من الكلام اللي لو كان حاجة غير شتايم كنت قلتها ))


وبعدين


:: انته فين ياوغد ؟؟


ش: معلش اصل واحد تحت هنا انصرب بالعربيا وراجل كبير وكان ماسك مقشه في ايده بيسند عليها ونزلت اساعدهم


:: طبعا هديت نفسي وقلت الواد بيعمل عمل خير




تاني يوم


ش: محمد انا عاوز اقول لك ان انا اشتغلتك امبارح


ومكنش في عربية ولا واحد انضرب ولا اي حاجة مجرد اني رحت اتمشى باين في الشقة وحبيت اعملها فيك مقلب


:: ( سلسله طويله من الكلام اللي لو كان حاجة غير شتايم كنت قلتها))


::ماشي ياشريف شكرا


ش: ياعم متزعلش ومش عارف ايه وايه و ..............


:: ماشي ياعم




قفلت وانا الفولت بتاعي اكبر من الفولت اللي بيأين الهوا




لازم اشفي غليله منه


ملقتش طبعا غير اني اكتب فيه شعر ويكون هوا البطل




قلتله


أحببت قلبا يحب العناء ** أحببت قلباً يريد الشقاء



قلباً يفهم حديث الطيور ** قلبا حقاً حُبُهُ عناء



حاولت ابتكار حقاً دواء ** ولكن رحلت محاولتي هباء



ترجلت ألوم زمناً عنيد ** حقاً انني اريد البكاء



ذهبت حيثما يبكي السحاب ** لم أدري انه أغرب لقاء



فإذا بها تصرخ في انهيار ** ثم تسقط قتبرق لها السماء



ورحلت حبيبتي دون وداع ** رحلت دون وعداً بلقاء



رحلت وليتني لم ارى الحياة ** ليتني حتى لم انفس الهواء



انا الذي اعالج الغرباء ** لم أستطع ابقاءك في شفاء



لا أستحق ان ألقب بالطبيب ** يجب أن يُقال أغبى الاغبياء




اي حد ممكن يقول ان ده مش شعر ولايقرب له ومش هقول له حاجة بس الحاجة اللي فارحاني اني


هديت اعصابي من د.شريف


وعلى فكره ياشريف انته البطل يعني انته اللي بتحكي




واسف على اني طولت عليكم


ومش اسف على اني طولت عليك ياشريف





9 Responses
  1. حلو اوى يا هندسة الاسلوب بتاعك وانت بتحكى

    اى نعم انت خضتنى على شرى فى الاول بس لحقتنى على طول

    بس بجد اسلوبك لذيذ البوست ضحكنا كلنا بما فينا طبعن بطل البوست

    بس انا لو مكانك كنت عملت حجات تانية خالص

    كنت بردو هقرر اروح له بس عشان اخد حقى من رقابته

    بس الحمدلله ربنا ستر وعمو مصحاش

    كانت بقت ليلة

    وبالنسبة بقى للشعر

    على فكرة حلو جدن

    وخليك واثق من نفسك شوية

    ليه حد هيقول عليه وحش؟

    ما دام انت كتبته يبقى اكيد توحفه
    الا اذا كنت غشه من حاجه

    وانا عارفه دى مش اخلاقك طبعن

    وافتكر ان احنا مستحملين تأليفاتك اهو

    وكمان بنشكر فيها

    مش زى ناس

    واخد بالك؟؟؟؟؟؟

    شرى قال كل حاجه

    تعليق تعليق على بوست بوست

    قافية قافية

    واخد بالك؟؟؟

    والحساب بعدين بقى؟؟؟؟؟

    وافتكر انى كل مرة اول حد بيعملك كومنت

    شد حيلك فى الدراسة وربنا معاكم انتو الاتنين

    ومعانااحنا كمان

    ربنا يخليكو لبعض

    يلا سلاموتو
    (واخد بالك بردو)


  2. WhItE HeArT Says:

    على فكره انا هقتل شريف لحاجتين
    نزولوا اللي ملوش معنى خالص
    وثانيا ان انا قلتله متقلش لإن انا كنت ناوي ارد واقول بس كنت بحضر النقد في دماغي لإني مش هنقد فراغ
    وعلى فكره انا اكتر واحد بيثق في كلام هوه كاتبه اولا لإني ببأه كاتبه من قلبي
    وانا الفكره دي كانت في دماغي قبل ماشريف يعمل فيا المقلب ده وكنت هكتب قصة شعرية بطلتها هتموت فعلا
    بس قلت ألزقها لشريف
    وعموما انا عندي شعر تاني بحاول اكمله
    لإن الكل قال لي كمله بما فيهم شريف
    هنزلو البوست اللي جاي
    وميرسي اوي انك اول واحده بتردي على البوست بتاعي ودايما بتبقي اخر واحده

    سلاموز <=== بتتقال كده في جميع الدول المتقدمه


  3. جميع الدول المتقدمة دى كوم وانا كوم لوحدى ها

    واهم حاجه التميز

    وانا عرفه والله انك واثق بس كنت بأكد عليك

    لان بجد من غير مجاملة كلامك جامد

    ويلا بقى خلص البوست الجديد مستنيينه

    وبالراحه علينا بقى فى النقد يا فنان

    يمكن منستحملش

    بس عشان تكون فاهم يا فندم دا مش شعر

    دا اللى فى قلبنا على بلوجتنا

    اوك

    فى انتظار ابداعاتك يا مبدع

    وبالراحه على اخويا لو سمحت

    اقتله بس بالراحه

    يلا سلاموتو


  4. الو الو الو
    ازيك يا وايت هارت والف الف مبروك يا سيدى عالبلوجه انا حسه البلوجات دى بقى فيروس وبينتشر بس الحمد لله انه حاجه صح مش غلط

    ندخل بقى فى الموضوع اولا بجد اسلوب البوست فوق الفظيع وربنا يوفقك بجد موقف مسخره ولو كان حصل لى بيتهيالى رد فعلى هيكون اصعب منك بشويه انا شايفه ان رد فعلك قليل اوى بالنسبه للى بروباجنده عمله بس انا مالى انتو صحاب فى بعضيكو مش كده بردو اقولها انا احسن ماانت تقولهالى

    الشعر بجد شديد ومؤثر ربنا يوفقك فعلن قصه ماساويه واسلوبك الشعرى حلو انا اصلن مش بفهم حاجه فى البحور الشعريه والكلام ده بس كان عندى تعليق انك ليه بتكرر بعض الكلام فى ابيات ورا بعض زى كلمة حقا وعناء جايز ده ميكونش غلط شعرى بس دى وجهة نظرى وانا عارفه انها بلوجايه ديمقراطيه

    انا بقى كان عندى سؤال هو ايه علاقة العنوان والصوره بالموضوع؟؟؟؟؟؟ دا مجرد سؤال وليك مطلق الحريه فى الرد او عدمه

    جامده كلمة الوغد دى على فكره انا لما قريت الموضوع كنت مبسوطه اوى فيك لانى حسيت ان الاشتغاله اللى انت عملتها فيا اتردتلك اللهم لا شماته انت عارف دى مش اخلاقى...خد بالك انا دخلت ارد فشقتن بيك لانى ملقيتش غير الكائن اللى بينور بيرد عليك. افتكر الجمايل دى

    يلا سلام ومبروك تانى عالبلوجه


  5. WhItE HeArT Says:

    على فكره يا يادوكتورة انا لما بصيت للي كتبتيه قلت لشريف انا عاجبني البوست اللي بتوصفي فيه الفتاة بس مش عاجبني انك كررتي حاجات بنفس المعنى كذا مرة وقلتله ملحوظة بتاعت القافيه وبعدين قلتله بس الكلام جميل وجايبه افكار متنوعه وطبعا هوه مقلش الكلام ده انا متأكد شريف تلاقيه قال الكلام اللي حسسك ان انا كرهت البلوجايه لكن بجد اللي بتوصفي بيها بنت فظيعه والتانية اللي بالانجليزي جميله فعلا رغم موسوعة الكلمات الغير طبيعية اللي معرفتش معناها لكن اللي عرفت معناهم كانو حلوين
    وربنا معاكم ونشوف لكم حاجات جميله جديده


  6. WhItE HeArT Says:

    اما بالنسبه ليكي انتي ياعالمة النباتات والكائنات العجيبة
    فردا على تكرار لبعض الكلمات ده علشا انا عاوز افيد بحاجة وعاوز اللي بيقره يخليها في باله طول ماهو بيقرا الشعر ومش بكررها على طول في كل كتاباتي وساعات يبأه لكل واحد بيكتب طريقة في الكتابه بتميزه عن غيره محمود مثلا تلاقيه بينهي الشهر بأول بيت كتبه وده اسلوب ليه

    وبعدين علاقة الصورة بالموضوع بالعنان اكيد علاقة وثيقه ان القصيده اسمها اغرب لقاء لإن شريف بيقابلحبيبته وهيه بتموت في مكن هوه راح له صدفه
    الصورة ده الرمز اللي بحب احطه في المنتديات اللي بكتب فيها باستمرار رغم ان ده مش منتدى بس انا هقلبهوملكم منتدى ان شء الله

    وبالنسبة لاشتغاله اللي انا عملتها فيكي مفتكرش اتردت لي لإن مش انتي اللي رديتيهالي بك اسف
    هعمل لك زي احمد حلمي لما كان بيذيع برنامج الاطفال ===> ونقول معلش لطفلتنا وتكسب معانا في الحلقه اللي جايه من عالم اطفال اطفال <=== وشكراً

    صقففه بربع بأه لو سمحتم


  7. بسم الله

    اولا ليا عندك رجاء ممكن تبقى تبص كويس عالكى بورد وانت بتكتب لان فى غلطات كتير فى الكومننت

    وبالنسبه لتكرار الكلمات دى وجهة نظر احترمها

    اما للعلاقه بين العنوان والموضوع اللى انت وصفتها بالوثيقه
    هى اكيد كده بس جايز انا اللى عندى قصور فى الفهم
    بس اهم حاجه تكون انت فاهم لان دى بلوجتك وبتعبر عنك انت ومش قضيتك غيرك يكون فهم ولا لا على فكره انا بتكلم جد

    وحكاية الاشتغاله اللى عجبنى ان فى حد اشتغلك بس مش شرط انه انا وبعدين انا واخويا واحد حتى لو كان رايه غير كده


    اما بالنسبه لبرنامج الكيدز بتاع احمد باشا حلمى انا هعتبرها زللة لسان ومش هعلق عليها

    صقفه ونص بقى لو سمحتم


  8. WhItE HeArT Says:

    شكرا
    واسف لو كنت زعلتك ببرنامج احمد حلمي اصل انا كنت متابعه وانا صغير

    وبعدين انا بكتب علشان اخد اراءكم وايه النقد اللي انتم شايفينه مش علشان دي بلوجتي وخلاص

    انا عاوز اعرف ايه المميزات وايه العيوب ولو فيه مثلا بيت في الشعر بتعلقي عليه انا معنديش اي مانع بالعكس انا كاتبه علشان كده
    مهو انا عندي اشعار كتير انا كاتبها ولسه ان شاء الله هكتب مادام ممتش والحمد لله لكن انا فعلا عاوز ارائكم
    وبصراحه مش بحب الحد اللي يجاملني ويقول انها حلوة جدا ومفيهاش عيوب هيه اكيد فيها عيوب اما بالنسبة للكيبورد فا انا ببص على الكيبورد لكن المشكلة ان الكيبورد عاوز بطارية وانا مكسل انزل اشتريله

    شكرا مرة تانية على ردك


  9. yaعفون

    على فكره انا مازعلتش ولا حاجه انا بهرء معاك

    جميل اوى انك اخدت البلوجات وسيله لتحسين كتابتك فى الشعر بس ساعتها بقى انت محتاج حد بيفهم اوى فى الشعر يقراهم وانا ليك عليا هجيبلك الناس دول لحد بلوجتك عشان لو قدرو يساعدوك بس والله ومش بجامل اسلوبك جميل اوى سواء فى الشعر او الموضوع الاخير
    سر على بركة الله يا محمد ومستنيين ابداعاتك يا بشمهندس