لن أعود حبيبتي


بقالي اسبوع كده كل ماافتح بلوجاية أي حد لازم والاقي فيها اي حاجة عن الناس وجرح الناس وظلم الناس ومش عارف ايه عن الناس


قلت اشمعنا مصر كلها بتكتب عن جرح الناس وانا لا ""شوفو العقلية الطفولية"" لازم اكتب انا كمان


بس اانا مش هكتب عن الجرح انا تقريبا كده كاتب حاجة عن الظلم


لإن فعلا ساعات الواحد بيجرح حد وفي الاخر يندم قوي قوي قوي وييجي يصلح اللي فات بس للأسف يلاقي الوقت متأخر قوي


ولو اتخصصنا وسبنا الناس كلهم "شفتو انا كريم ازاي" هنلاقي الموضوع ده موجود حتى بين الحبيب وحبيبته


واحد فيهم يجرح التاني ويقول طز وبعد اربع بتاع 3 تيام ونص كده تلاقيه ندمان


ونفسه حبيبه لو يرجعله زي الزمان والمية تعود لمجاريها


وساعات الواد بيبأه عامل فيها عمونا روميو ويقول انا بكره هروح اقول لها ان انا بحبها


تاني يوم ييجي عمونا روميو وطبعاً بعد مايرتبك شوية وركبه تخبط في بعضها وفي الاخر يقول لها


التانية يااما هتوافق وده مش موضوعنا يااما هترفض وتقول له خلينا اخوات وده مش موضوعنا برضه


يااما هتقول له انته ازاي تفكر في حاجة زي دي انته اتجننت وحاجات زي دي


وفي الحاله دي الواد نفسه عزيزه عليه هوه فعلا كان بيحبها "" بغض النظر عن وما بعد الحب ومش عارف ايه اتكلمت عنه في بوست قبل ده "" فهيمشي مجروح ويحس الدنيا كلها بقت عبارة عن نص متر في نص متر يعني حتى متكفيهوش ويشتم نفسه ويضرب نفسه على انه فكر يقول لها


اما بالنسبه للبنت فتمشي تكلم نفسها

ازاي يفكر في حاجة زي دي ده اكيد مجنون بس المشكلة اننا برضه بحبه وبكده ضيعت كل حاجة من اديا وكلمه من قلبها ورد من عقلها وشوية وشوية تلاقي نفسها قدام حيطة سد فطبعا هترجع


بس هترجع ايه اكيد بعد فوات الاوان"طبعا احنا بنتكلم عن الشباب اللي عندها كرامه في النقطه دي " و

تيجي تقول له نرجع يكون التاني مش طايقها ومش طايق سيرتها واسفها عنده مش مقبول بالمرة


وطبعا انا مش هطول اكتر من كده لإن الموضوع ميستاهلش اكتر من كده كلام كله عارف الباقي


ندخل بأه في الشعر اللي في البوست ده وشوفوا انا هقول لكم حاجة مختلفه

بجد مش عارف مختلفه في ايه بس انا حاسسها مختلفه
وياريت اللي يقرا يقول رأيه لإن انا فعلا مش فاتح الشعر ده سبيل انا برضى بكل الاراء وموافق عليها وانا بتعلم من
رأيكم في شعري

وانتم اللي هتساعدوني اعرف انا مختلف في ايه



-- لن اعود حبيبتي --

------------------------------------------------------


حبيبتي حرمتني حنانك *** زعمتي حبنا كان ارتجال



حبيبي حقاً احببتك *** ورجوعنا حبيبتي عين المحال



حبيبتي فلتغمضي جفنك *** فلربما نلتقي في الخيال



او ربما يرسمنا قلبك *** بشاطيء الحب أعلى الرمال



حلمت بمنزل بفؤادك *** وأرغمتني أنت على الترحال



كم كان ثمين حبك *** نجم منير صعب المنال



وكم أصبح ذليل عشقك *** ثمن بكاء عيوني ليال



عودتي ليست تحت طوعك *** لست أُملَك حبيبتي بالأموال ==> انا اللي بتملك يعني



أعلم كم أُهيم بوجهك *** ولكن جرحك فاق الاحتمال



الذنب يافتاة هوه ذنبك *** تصورتني صلب كالجبال



لن أعود لقصر قلبك *** ولا تعبثي حبيبتي بالآمال



أفرطت لشعري في وصفك *** وكم انتظرت "" أتحبني؟"" سؤال



وكم تماديت حبيبتي بظلمك *** ودموع عيني كانت تسال


حان وقت تركك وحدك *** سيرضيني رؤية دموعك تنهال


-------------------------------------------------------

Comments

BoTaNesToKeeSoo said…
وبتقول مبحبش اكئب الناس


القصه جميله و اسلوبها حلو. وبالنسه للعقليه الطفوليه اكيد منت صاحب شريف

انت شايف مين اللى ظلم مين؟ انا مش شيفه انها جرحت كرامته ولا حاجه هى اتفاجئت مش اكتر والواحد لما بيتفاجئ بيبقى مش عارف هو بيقول ايه

نيجى بقى للشعر جميل جدا بس انا معرفتش ايه الاختلاف

ربنا يوفقك

الى الامام
WhItE HeArT said…
شكرا يا"بوتانيستيكيسو (خلاص اتهجيت الاسم وكتيتو)" اما بأه عن العقليه الطفوليه فا انا دايما بحب تبأه عقليتي الظاهره طفوليه حتى ولو كان مخي بيفكر بشكل كويس بس ما علينا

اما بالنسبه لموضوع اكئب الناس فا انا فعلا مبحبش اكئب الناس وانا شايف ان الشعر مش كئيب قوي حتى فيه نوع من
الهزار

اما انا فشايف ان اي واحده مسؤوله عن الكلام اللي هيه بتقوله ومسؤولية كامله كمان ومادام حسيت انها غلطت تبأه هيه غلطت فعلا

عموما شكراً على رأيك في الشعر

اما الاختلاف انا نافسي مش عارفه بس انا بجد بحب الشعر ده بشكل خاص اولا لإني لما كتبته كتبته عن قصة واقعيه محدش لازم يعرف ايه هيه ومتخصنيش على فكره وبرضه هتلاقي في الشعر ألفاظ انا من زمان وانا كان نفسي احطها بس مكنتش عارف احطها فين

عموما احنا لسه بنتعلم

سلام
حلو اوى اوى اوى يا محمد

هو فعلن مختلف

هنا اظن انك مكنتش ندمان على البيع

لانها هى تستاهل

مختلف فعلن عن باقى حاجتك

بس اللى متشابه فيه جمال الصورة

ونبوغ الشاعر

حلوة نبوغ دى

هـا؟؟

ربنا يوفقك

خلى بالك من مذاكرتك ومن صحابك

ربنا معاكم جميعن

سلاموتو
kingmody said…
مش هتكلم عن المقدمة الفلسفية يا محمود :p
هدخل في الشعر على طول ومش هجامل كالعادة ومتقوليش اني جي اتخانق معاك
بس الشعر ده مش عاجبني خالص خالص
الموسيقى فيه بايظة والوزن بايظ
بس الفكرة حلوة اوي وعلى فكرة هي لي ناقصو بس شوية حرف جر وتشيل كلمة حبيبتي شوية :) ده مش معناه انو غلط انك قايلها كتير بالعكس في بعض الاحيان صح بس هيا هنا بوظت في الابيات
هو انا حاولت اصحح شوية بعد اذنك طبعا بنفس الفاظك بس زودت حروف جر وشيلت شوية حاجات " تنقيح " وقول رايك :)

حرمت حبيبتي من حنانك *** وزعمتي حبنا كان ارتجال


حبيبتي حقاً احببتك *** ولكن رجوعنا حقاً محال


حبيبتي هيّا أغمضي جفنيك *** فلربما نلتقي في الخيال


او ربما ترسميني حبيبتي *** بشاطيء الحب على الرمال


سكنت بقصر في الفؤاد *** وأرغمتني انت على الترحال


كم كان ثمين حبك *** نجم منير صعب المنال
(مغيرتش فيه حاجة عشان روعة)
وكم أصبح ذليل عشقك *** ثمن بكاء عيوني ليال
(مش فاهمو خالص )

عودتي ليست تحت طوعك *** لست أُملَك حبيبتي بالأموال ==> انا اللي بتملك يعني
( مش عاجبني خالص )

أعلم كم أُهيم بوجهك *** ولكن جرحك تعدّى الاحتمال


الذنب يافتاة ليس ذنبي *** فأنت ظننت اني كالجبال


لن أعود لقصر هواك *** فقد حطمت حبيبتي الآمال


أفرط شعري في وصفك *** فكم انتظر اجابت سؤال


وكم تماديت حبيبتي بظلمك *** ودموع عيني كانت تسال
( ده ملووووش حل )
ولا تعودي حبيبتي انني *** سأسعى لأرى دموعك تنهال


طبعا ده بعد اذنك يا محمد اني نقحتلك القصيدة على زوقي طبعا وزوقي ده قابل اكيد للنقاش وللغلط وطبعا واكيد انت اكتر واحد هتحس عشان انت صاحب القصيدة وانت الي هتشوف وتحس التغييرات دي
WhItE HeArT said…
مش هيتغير رأيي فيك ابدا يامحمود طبعا انته استاذ في 3 تربع الحاجات اللي قايلها بس في حاجات انا مش موافقك فيها تعالى نبدأ

حرمت حبيبتي من حنانك *** وزعمتي حبنا كان ارتجال
"انا شايف في ده ان هيه اللي حرمتني مش انا حُرمت من حد تاني ولا حاجة ودي يمكن حاجة انته مخدتش بالك منها "

حبيبتي حقاً احببتك *** ولكن رجوعنا حقاً محال

حبيبتي هيّا أغمضي جفنيك *** فلربما نلتقي في الخيال
"انته معلم في البيت ده وانا موافقك فيه بس بشرط بدل هيا أغمضي نخليهي فلتغمضي"

او ربما ترسميني حبيبتي *** بشاطيء الحب على الرمال
"والله يامحمود كنت كاتبها على وكتبتها فوق بعدين كتبتها أ‘لى لإني حسيت ان فيها شوية ابتكار عموما مش هنختلف كتير"

سكنت بقصر في الفؤاد *** وأرغمتني انت على الترحال

"كالعاده يامحمود استاذ بس انا شايف ان الاولاني كان احلى لإني انا بقول اني كنت بحلم بمنزل في قلبك وممكن نشيل قلبك ونحط فؤادك علشان انا فعلا شايفها اقوى
وفي الاخر بقول حبيبتي لن اعود لمنزل قلبك يعني خلاص انا ممكن ارجع للمنزل اللي انا كنت بحلم بيه زمان لكن انا اللي مش عاوز وبرضه من الاسباب اللي هتخليني مااشيلوش ان شريف اول ماسمع البيت ده عجبه اكتر واحد في القصيده كلها "


كم كان ثمين حبك *** نجم منير صعب المنال
"شكرا على مدحك يامحمود وانا كنت متأكد انه هيعجبك"


وكم أصبح ذليل عشقك *** ثمن بكاء عيوني ليال
"هنا بأه انا كنت بقول ان الحب نفسه كان بالنسبالي زي نجم منير صعب اننا انوله وبعديها قلت ان عشقك (لإن طبعا انته عارف ان العشق اقوى من الحب بأه رخيص في عيني وده ثمن بكائي انا "

تعالى نكمل

عودتي ليست تحت طوعك *** لست أُملَك حبيبتي بالأموال
"بصراحه ولا انا عاجبني حتى حاولت افسره ونفسي الناس تقول رأيها في البيت ده اشيله وله لأ لإن ولله الحمد كل اللي بيعلقه اه قصه جميله واحساس عالي والى الامام وانا ارد في سري يافرحتي "


أعلم كم أُهيم بوجهك *** ولكن جرحك تعدّى الاحتمال

"جمميل فعلا كلمة تعدى بدل الهبل اللي انا كنت كاتبه بس ايه رأيك في كلمة فاق"


الذنب يافتاة ليس ذنبي *** فأنت ظننت اني كالجبال

"مفيش اختلاف بينه وبين اللي انا كنت كاتبه بل عل العكس اللي انا كنت كاتبه يتناسب مع النغمه بتاعة الشعر اكتر"


لن أعود لقصر هواك *** فقد حطمت حبيبتي الآمال
"الجزء الولاني انا رديت عليه قبل كده وقلت اني برد عليها وبقول اني مش راجع للمنزل اللي كنت بحلم بيه اما الجزء التاني فا انا رأيي ان لا تعبثي بالامال بمعنى متتوقعيش امال او متضحكيش على نفسك وتأملي حاجة عمرها ماهتحصل"


وكم تماديت حبيبتي بظلمك *** ودموع عيني كانت تسال


حان وقت تركك وحدك *** سيرضيني رؤية دموعك تنهال

انا شايف ان البيتين اللي ورا بعض دول احلى بيتين انا كاتبهم في القصيده وياريت تكون اخدت بالك من كلمة تسال وتنهال وانته طبعا عارف ان تنهال اقوى من تسال فعلشان كده انا بقول لها اننا دموعي هتسال بس انتي بأه هتنهال فيها شوية من الريفريشمنت للقاريء

طبعا يامحمود انا هعدل التعديلات اللي اتفقنا عليها وبرضه الموضوع لسه قابل للنقاش بس حاول تفهم رأيي من الشعر بجد لإن انا وانا بكتب ببأه واخد بالي من حاجات نفسي فعلا لو اللي هيقراه ياخد باله منها زي تنهال وتسال والحته بتاعة المنزل والحاجات دي

وطبعا بجد يامحمود انته احسن واحد بيرد على البوستات لإنك بتفيدني

طبعا ده مش معناه ان التانيين وحشين لكن انا اتوقع منهم ارائهم في الشعر مش مجرد مدح وخلاص لإن انا مبقتنعش بحاجة اسمها المجامله وعمري ماجاملت ولا هجامل حد

وشكرا يامحمود بجد

سلام
WhItE HeArT said…
اما بالنسبه للدكتورة اللي بتنور بتاعة مصطلح ضمور خلايا المخ بييجي من الكئابه لإنه لو كان كده كان زمان ناس اعرفهم كتير ماتو من زمان مع اني معرفش يعني ايه ضمور بس بيتهيألي هيه تلف

منورة كالعاده البوست

وشكراً على سلسلة المدح اللي ورا بعضها
اما بالنسبة لكلمة نبوغ الشاعر دي كلمة انا بحلم بيها والله بس صعبه قوي قوي على مااخد اول حرف منها والله بجد نبوغ الشاعر دي تتقال على الاستاذ عنترة وحسان بن ثابت و المتنبي وجميل بثينه والناس العمالقه دي
متتقالش عليا ابدا ومهما عملت ومهما هعمل

عموما ماعلينا

شكرا مة تانية على ردك
kingmody said…
شكرا على المدح الي قولتو بردو
بس نخش في الموضوع

انا موافق في كلمة فاق بدل تعدى
بس حكاية فالتغمضي انا قلت هيا اغمضي عشان الوزن لاغير

اما الباقي فاكيد موافقك عشان ده احساسك انت وانت الي كاتب
عقبال ما اشوف ديوانك يا محمد :)
WhItE HeArT said…
ديواني ههههههههههههه انته هتعمل زي كائن نوراني نبوغ الشاعر والكلام اللي معرفش بتجيبوه انتم منين ده

عموما انا تمنى بس ده يبأه لما يكون الواحد فاضي وموراهوش كلية ادعيلي علشان داخل على امتحانات عملي ونظري وحوسه
Anonymous said…
حبيبتي حرمتني حنانك *** زعمتي حبنا كان ارتجال

حبيبي حقاً احببتك *** ورجوعنا حبيبتي حقا مُحال

حبيبتي فلتغمضي جفينكِ *** فلربما نلتقي في الخيال

او ربما يرسمنا قلبك *** بشاطيء الحب أعلى الرمال

حلمت بمنزل بفؤادك *** وأرغمتني أنت على الترحال

كم كان ثمين حبك *** نجم منير صعب المنال

وكم أصبح ذليل عشقك *** ثمن بكاء عيوني ليال

عودتي ليست تحت طوعك *** لست أُملَك حبيبتي بالأموال

أعلم كم أُهيم بوجهك *** ولكن جرحك فاق الاحتمال

الذنب يا حبيبتي ذنبك *** تصورتني صلب كصخور الجبال

لن أعود لقصر قلبك *** ولا تعبثي حبيبتي بالآمال

أفرطت لشعري في وصفك *** وكم انتظرت "" أتحبني؟"" منكي سؤال

وكم تماديت حبيبتي بظلمك *** ودموع عيني كانت تُسال


حان وقت تركك وحيدة ***تبحثي للجرح عن إندمال

**************************

أولا يا بشمهندس انا هقولك حاجا بسيطة بعيدا عن الوزن اللي حاولت اصحح فيه لابعد حد بس مفيش أخطاء ياما كتير بس فيه تقل بسيط في بعض المواضع حتى بعد تصحيحي البسيط جدا الذي لا يليق بجمال كلماتك

بس دعني اتجمل قليلا واتناقش هنا كم التناقض الرهيب بين الحالة النفسية

انت تحُبها ومع ذلك سوف تتركها

يعني مش فاهم ازاي مهما كان المُبرر

الجو الرومانسي الرهيب هيمن على أبيات القصيدة والعمل جزء جزء وبيت بيت

وتأتي أنت في خاتمة قولك تتركها وحيدة

يمكن تناقض النفس كويس في بعض الأحيان

لكن الحال الشعرية هُنا مختلفة تماما فلم تبين سبب الرفض

ودعني استشف الفرق المادي بينكما من حيث المال لأني لم أقرأ المقدمة على الأبيات

اذ كان رحيلك عنها لتضارب المستوى المادي بينكما وخاصة ذكرك لكلمة الأموال

جميلة وتستحق الانحناء والتقدير

وفقكـ الله وانتظر مزيدك :)

أخوك _ محمد البري
_
WhItE HeArT said…
انا لما هتكلم عن التناقد النفسي في الحاله دي انا قاصده لإني كنت عاوز ابين اد ايه انا بحبها قويي للدرجة اللي انا مبينها حتى لحد اخر وقت كنت بقول لها ياحبيبتي ماعدا في النص قلت يافتاة
ورغم ده انا هسيبها لوحدها وكرامتي هتكون فوق كل اعتبار

بس الاجمل من ده بجد يامحمد انا اللي بنحني قدامك علشان اخدت بالك من حتة الاموال
لإن انا دايما بحب احط زي لغز بسيط شعري في كل قصيده ليا
فعلا طول ماانته تتابع في القصيده تحس ان الفتاة غنية وانا فقير وعلشان كده انا قلت اني مش هأملك بالاموال بجد انا ليا الشرف انك بترد عليا يامحمد بعد ماقريت اللي انته كتبته

طبعا تعديلاتك شيء جميل بجد
بس في منها اللي هيتقل الشعر قوي اما عن اخر بيت انا قاصد الحته بتاعة تسال وتنهال ورديت عليها عند محمود ابأه اقرى ردي على محمود

Popular posts from this blog

الحب بات ... مصنوع من قهر السكات

تساؤلات

ساعد نفسك