My bad wards now is out of area


بناءاً على طلب بعض الناس اننا امسح الكلام اللي كان هنا فا انا مسحته علشان الشكل العام للبلوجايه


انا في البوست ده هحط شعر ليا برضه كالعاده وده اخر شعر


الشعر ده كان جزئين جزء حلو والتاني كئيب انا شلت الجزء الكئيب وهنزلكم في اخر شعر


الحبه اللي مش كئيبين كنوع من الفرح





انت حورية



تـمكـن الحــب مــن قـلـبي..... وطـالعتـنـي بـعيـونـهـا البـراقه




نظـرة عــين فــخفـقـة قـلـب.... وكـأن ضـيها لحـياتي اشـراقه




رقيقة اللمسات تهوى الهمس.... وكأنهـا تخشـى للطيـور إفـاقة




عين عسليـه كلئاليئ ذهبية.... للجـمال والـرقة هـي السـباقه




ليـسـت جـمـيله بـل حـورية.... رحيـق عطر للحــياة منسـاقه




انحـنـيـت انـتـقـي لـهـا وردة.... فتجملت الورود وهي مشتاقه




لا اجـد في الـبسـتـان وردة..... تضاهي مابهــــا مـن انـــاقه



خلاص ده الجزء الجميل من الشعر او الجزء الفرايحي على رأي بعض الناس
سلام
20 Responses
  1. ايه اللي انت بتقوله دا


    دا هزار ولا بتحاول تعمل إعلانات عشان نقولك لا والله اكتب

    بص انا هأخذ الكلام علي محمل الجد

    وأقولك لو تسمحلي أهلك كلهم مهندسين مش بيعرفوا في الأدب كويس

    ولو بيعرفوا يبقي عندهم مزاج معين وعيزين يلزموا قلمك بيه

    وايه مجامله دي

    العبقريه انك تخط بقلمك خط يعبر عن حاجة جواك

    ومحدش قلك انك المتنبي ولا أبو نواس

    بس انت بتكتب حلو وبتعبر حلو

    ماتحرمش نفسك وتحرمنا من متابعه ما يدور بداخلك

    فيك والله العظيم بذرة فنان انت وشريف ومحمود ولو كملتو هتكبر مع الايام

    انتو وخدين المواضيع قفش انتو الثلاثه

    بلاحظ انكم بتركزوا في تعليقاتكم علي الالفاظ والوزن والاسلوب

    والمدونه مش مجال لكدة قول كل حاجة جواك يا محمد لو سمحت وما تسمعش لكلام حد


    انت أكتر واحد هيخسر لو سمعت كلامهم


    خلي عندك ثقة بنفسك يا أخي الشاعر الواعر

    ليه حرمنا من طلتك علي البلوجايه بتعتي
    عليك 3 مواضيع متأخرة

    ههههههههههههه

    كبر كبر سقع سقع

    ايه رايك ان المتنبي في الاول كان بيأخد من دا كتير

    بس الفرق بينك وبين المتنبي انه مافكرش يبطل او كسرة كلام حد

    خليك قوي
    جمد قلبك


  2. kingmody Says:

    كل الي هقولهولك انا مكنتش بجاملك
    وزي ما قالت رفيدة محدش قال حضرتك المتنبي مع اني بكرهو او ابو نواس
    اما قريبك الي قالك كده فانا هعرفو بالعند فيك :p
    اما حكاية هتبطل ومش عارف ايه فبطل لعب عيال يابني بدل ما انزلك مصر اخليك متبطلش وانت عارف ايد محمود :p
    واي حاجة مع التعود بتتحسن ولا حضرتك مش فاكر الشعر الي انا كتبتو في 2 اعدادي اظن مكنش شعر خالص ولا كان حاجة ولا حتى تعبير وانت بقة حاجات شعر وده رايي من غير مجاملة اي نعم موصلش للبروفيشنال بس مع الاستمرار هيوصل ده غير ان الكتابة بتريح نفسيتك ولا صحيح انت مهندس متفهمش الحاجات دي :p
    على العموم انا حذرتك هتبطل هتلاقيني ناتطلك :d
    سلام


  3. WhItE HeArT Says:

    شكرا لردك يارفيده انا هتكلم على نقطتين
    الاولانية بتاعة الدعاية لإن انا مبحبش اعمل لنفسي دعايه اساسا لإني مفتكرش اني انسان مش محبوب بيحاول يخلي الناس يحبوه بالعافيه انا الحمد لله اصحابي كتير وكتير قوي قوي قوي وانا انسان اجتماعي

    اما بالنسبة لردودي على فكره انا كل يوم بدخل على بلوجايتك مبلاقيش غير زي النهارده فبسكت وامشي النهارده دخلت لقيت في 2 زياده رديت عليهم اما بتاعة زي النهارده ففي واحد جزاه الله خير خلاني اكتب فيها كومنت غصبن عني فا انا مش هكتب كومنتات كفايا اني اقول لك هنا ان مفيش حاجة اسمها فال حلو وفال وحش اساسا ولو في يبأه رأيك هوه الصح

    سلام


  4. WhItE HeArT Says:

    اما بالنسبة ليك انته يامحمود
    فاانته والله انا عارف انك مبتجاملنيش اطلاقا وده شيء انا عارفه من زمان
    اما بالنسبة للشعر فا انا مش هبطل الكتابه لإني لقيت فيها جزء من روحي اساسا لكن انا بقول مش هعرض على البوست حاجة ومش هاخد رأي حد لإن انته معرفتش انا اتقال ليا ايه اساسا
    اللي يقول لي ده زجل واللي يقول لي ايه اللي انته بتكتبه ده عمرنا ماشفنا شعر بالشكل ده وفي الاخر جه الاخير واتحفني باه بطلته البهية وقال لي الكلمتين دول فا انا يااما فعلا شعري وحش وانتم كنتم بتهزروا بجد وتقولوا اه تمام لإني ماشفتفش حد غيرك كان بينقد نقد واحد حتى

    وانته عارف اننا مش شخصية مترددة او مش واثقه من نفسها بالعكس الحمد لله شخصيتي قوية وواثق من نفسي بس المجال ده انا كنت داخله زمان بس مش بنفس القوة وكنت محتاج الناس ينقدوني اوي انا كان نفسي لو الناس هزأتني وقالتلي الكلام ده زفت زي ماانته قلتها مرة علشان انا كنت عامل البلوجاية دي علشان كده لكن من الواضح ان اللي بيقرولي من الاطباء والصحفيين والمهندسين وبتوع علوم برضه علشان مكنش نسيت حد محدش قال رأيه بصراحه وده اللي خلاني هتوقف اننا اعرض الشعر هنا ومحدش ييجي يقول لي كلمتين
    1- دي دعايه
    2- هتحرمنا من شعرك الجميل
    انا مش قابل دي او قابل دي وعلى فكره ممكن يكون البوست مكتوب بطريقة مستفزة لكن انا كنت هفرقع من الغيظ وانا بكتبه فااستحملوني ولما افضى هعدله

    اما عن ايدك فبلاش علشان انته عارفني بركب الهوى على اول طيارة وانا مش عاوز اسافر دلوقتي

    يله سلام


  5. مالك يابنى واخد الدنيا كدا قفش

    بالراحه على نفسك شوية

    واحنا عمرنا ما كذبنا عليك

    احنا هنجاملك ليه يعنى؟؟؟

    ماهو لو مش عاجبنا مش هنعمل كومنت اصلن

    والشعر بتاع المرة دى والله عجبنى جدن

    ليه متضايق اوى كدا

    الكلام اللى ميعجبكش من اللى حواليك

    ارميه ورا ضهرك اذا ما كنش فى مصلحتك



    نفض ...

    اللى بيركز مع الناس بيتعب

    وبعدين انا قلتلك قبل كدا اللى فى قلبنا على بلوجتنا

    سيبك من الكلام البايخ دا ورووووق


    مالك يابنى؟؟

    هواللى قال لك الكلام دا حد مهم اوى عندك كدا

    يستاهل كل اللى انت عمله دا

    فى انتظار بوستاتك يا هندسة

    وفك بقى

    سلاموتو بالتوتو


  6. سلام عليكم


    الاولانية بتاعة الدعاية لإن انا مبحبش اعمل لنفسي دعايه اساسا لإني مفتكرش اني انسان مش محبوب بيحاول يخلي الناس يحبوه بالعافيه انا الحمد لله اصحابي كتير وكتير قوي قوي قوي وانا انسان اجتماعي



    اولا لم أكن أقصد الإهانه
    ثانيا حضرتك فهمت الكلام غلط كنت أقصد أعمل مجرد أيس بريك في أول الجو المشحون بتاع البوست


    وشكرا


  7. WhItE HeArT Says:

    والله الحكاية مش حكاية قفش وانا على فكره خر واحد في العالم كله بياخد المواضيع قفش بالعكس باخد المواضيع ايزي ومفيش مشاكل

    لكن الموضوع دخل في نطاق انا مكنتش احب انه يدخله من البدايه مرحلة ازاي تكتب كلام ماانتاش فاهمه وازاي اصلا تربيتك تسمحلك تكتب حاجات زي دي وبعدين بعد كل ده طلعوني مبعرفش اكتب شعر ومش بعرف حتى اكتب اي حاجة ده ياعيني قعدوا يدوروا للي انا بكتبه
    اسم كإنه وليد مطلعلوش اسم يمكن تكونوا انتم ملكمش ذنب وانا ظلمتكم لكن انا من النوع اللي لحد ماحد يتريق عليا ويهزأني بالطريقة دي واستوب

    انتي عارفه انا هقول لك حاجة انتي عارفه مين اللي شجعني قوي على كتابة الشعر او الوليد اللي لسا مطلعلوش اسم ده ؟

    ابويا وكنت برضه بكتب عن الحب وكنت عامل زي نوته صغيره تحت السرير اكتب فيها بالليل قبل ماانام وارميها تحت السرير وفي مرة تقريبا نسيت فاهوه شافها قراها عجبته قوي للأسف النوته دي ضاعت فشجعني ونسي هوه الحوار جه مصر كنت انا بكتب في أجمل حاجة انا كتبتها اللي هيه أجيبيني حبيبتي

    كنت حاطتها على المكتب وعمال ابص لها من كل جها تقوليش خلاص هحضر الدكتوراه فقال لي اقراها فقريتها عجبته اكتر قوي وصمم اننا اكتب واجيب كتب شعر وموال

    حسيت اني مفيش مشكلة صحيح مش هبأه شاعر لكن اقدر اكتب وبعدين انا مبكتبش حاجات عيب ولا عمري كتبت غزل فاحش لا سمح الله

    الخلاصه ان لما الموضوع يتططور ويبأه مهزله وتريقه بالشكل اللي انتم مشفتهوش ومش هتتخيلوه يبأه لأ بلاها شعر وبلاها كتابه من الاساس وبرضه لإن معظم الناس اللي انا مش هوريهم عمرهم حاجة من اللي انا كتبتها معاهم عنوان البلوجايه وده من الاسباب اني مش هنزل شعر هنا تاني اطلاقا وده مش لضعف مني ولا سمح الله لكن لإن انا هوايه عندي اني امنيه عندي اني اهمل بعض الناس والحمد لله جه الوقت اللي هياخدو في حياتي جنب وهيعيشوا فيه في الضلمه ولا هعيرهم اي اهتمام ولا حتى يعرفوا انا بعمل ايه وله حياتي ماشيه ازاي

    انا طولت في الرد بس كان لازم اشرح اللي انا شايفه واللي بسببه مش هكتب شعر تاني


  8. WhItE HeArT Says:

    شيء طبيعي يارفيده انك متقصديش كده لإن ماشاء الله عقلك تعدى الهيافات دي بس ممكن اي حد بيدخل على البلوجاية من اللي عارفين نفسهم ومبيردوش ومش هيردوا يفكروها كده ولازم كنت اخد حد قاطع من الكلمة لكن والله العظيم انا عارف انك قيلاها تهريج " حلوه قوي الحته بتاعة لم أكن أقصد الإهانه دي عجبتني قوي مش بقول اختيارك للكلمات ماشاء الله جميل"
    لكن البوست ده غالباً انا بوجه رساله لبعض الناس صدقوني مش انتم ولا اي حد رد لحد دلوقتي
    وبقول من ورا الكلام انهم للأسف نقطه سوده في حياتي وهتتمحي بعون الله


  9. kingmody Says:

    محمد معلش استحمل ردي اصلي عندي هيبر :p

    طن طن طن
    ذئاب الجبل في صراع مع الزمن :d
    حلو العنوان ده للردود دي كلها انا شايفو مناسب بس مش عارف ليه
    او ممكن نسميه مخابرات هندسية تتجسس على سفينة معدية
    نخش بقة اجد شوية

    اولا انا مش فاهم حاجة معلش اصلي بقالي بتاع 7 شهور بحفظ فلو سمحت براحة عليا وفهمني واحدة واحدة وبشويش كده
    انا مش فاهم ايه يا محمد نسيت القوانين ياض ولا ايه !!!!!؟
    كبر تستكبر
    بجح لا تستبجح
    ( هذا القانون ممنوع من العرض )
    ايه رايك في ممنوع من العرض دي شديدة صح هلتقيها على روتانا سينيما uncut
    بس صدقني لو ملقيتتش لكش شعر خلال اسبوع هتلاقيه نزعل على موقع اسمو
    باش متبهدل . بلوج سبوت . كوم
    ده طبعا واكيد مش تهديد عشان محمد موش بيتهدد بس بيعزني فانا بهدد براحتي :$ :$ :$
    وطبعا ادارة بلوح سبوت لما تلاقي القانون ده هتقوم قافلالك البلوجاية كلها او ممكن امريكا تاخدك على جوانتانمو تلعب هناد 12 دور شطرنج تخسر فيهم والدور التلاتاشر تكسب وتقعد تذلهم انك كسبت الدور الاخير فاهمني يا محمد اكيد :d

    ثانيا بقة جد جد شوية ( المرة الي فاتت كان جد مرة واحدة )

    بس يامحمد انت قلت اني مش بجاملك وانا فعلا مش بجاملك عشان مش بجامل حد في الشعر والي عاوز يتكلم يتكلم مع اني تقريبا اخدت من ردودك فكرة كده مين الي اتكلم وتقريبا عرفت انت بتتكلم عن مين بس بص يا محمد
    المثل بيقول ايه
    الكلاب تعوي والقافلة تسير
    طبعا مع فارق التشبيه
    ولو هنقف على كل حاجة الناس بتقولها مش هنخلص
    غير كده ارضاء الناس امر محال
    اما على حكاية التريقة فيا محمد شغل التلاجة يا حبيبي والي يتري بيتهيألي انت عارف هتعمل ايه وترد عليه ازاي (تربيت ايدي :$ )
    فالي يتريق عليك اتريق عليه وبينو انو ميفهمش حاجة وانت خليك تلاجة

    نرجع بقة للهبل :d

    وهنا تنتهي الحلقة الولي من مسلسلكم المحبوب مسعود ينافس عبود فوق جبلاية قرود

    تابعو الحلاقات القادمة


  10. WhItE HeArT Says:

    نرد على الدكتور المهيبر على الاخر محمود ونقول له اولا اسم الحلقه مش عاجبني

    وبعدين ياض ايه 12 دور شطرنج و13 يكسب يقوم ذاله بيه فاهم قصدك مهو انته هتفضل تذلني بالحوار ده مع اني ماسكلك حاجات تانية وساكت ومبتكلمش لكن انته دكتور زياط بشكل

    عموما ماعلينا موضوع القانون التالت مينزلش على بلوجايتي لإن دي بلوجايه محترمه اما بجح دي فا انا غيرتها من زمان ومبشتغلش بيها وفوق كده كمان موضوع الكلاب تعوي والقافلة تسير طبعا وشكرا انك قلت مع اختلاف التشبيه فهما فعلا هيبقوا لحياتي الكلام تعوي وانا مش هعبر حد وبرضه مع اختلاف التشبيه لإن انا ضقت من ناس عمري ماكنت اتوقعه بجد وحاجات والله مااستاهلها وانته عارف يامحمود ان انا اول واحد لما حد بيطلب المساعده بيلاقيني لكن الظاهر في مصر ظاهرة الاحترام بقت خساره
    متقلقش انا هنزل بوستات ومش هسكت انته عارفني قرد وزي البحر ملوش اخر بس مش هنزل شعر ومش هحاول اكتبه بيني وبين نفسي وان شاء الله البوستات اللي جايه تعجبك اكتر ياحوده وربنا معاك

    وبرضه عنوان الحلقه مش عاجبني


  11. ازيك يا هندسة

    اخبار امتحاناتك ايه

    سمعت انك مطحون

    شد حيلك

    ربنا يكرمك ويوفقك

    خلو بالكم من بعض

    سلاموتو


  12. WhItE HeArT Says:

    اه لو اعرف ايه لفظ هندسة العجيب ده

    ايه ازيك ياهندسة دي

    لو حد غيرك كان قالها كان التصرف هيبأه مختلف تمام

    عموما انا بهزهز :) الامتحانات زي الفل "الفل الهندسي اكيد عارفاه" والاخبار اللي وصلتك من مصدر اكيد موثوق فيه صحيحه كلها

    وبالنسبة لشد حيلك انا مبحبش اشد حاجة بصراحه بتعب قوي من الشد انا اخري شد الحبل وبرضه بتعب منه

    وشكرا على الدعاء قوي

    وربنا يسهل خدوا بالكم من بعض لإننا مديناش بالنا لبعض علشان ناخدو من بعض اساسا


    جاست نكته :)

    ربنا يوفق الجميع ومرسي قوي على السؤال ويارب تكون حالتك احسن من حالتي ياطب

    حلوه ياطب دي :)


  13. halawa Says:

    باشا سلامو عليكو
    وصباحو فل
    ايه الأخبار
    لذيذ الكلام في حس عالي
    بس ايه رأيك لو هربت من الجري ورا القافية الواحدة علشان يبقى فيها مزيكا
    المعنى أهم لأنه الأبقى

    بالتوفيق يا جميل ربنا معاك في الامتحانات
    وفكها بلاش كآبة مفيش اي حاجة مستاهلة

    تحياتي


  14. WhItE HeArT Says:

    ياسلام حلاوة بيه عندنا يااهلا وسهلا

    منور البلوجايه كلها اكيد

    كان لازم يعني تاخد اذن علشان تتشرف هنا

    اخبارك انته ايه ياباشا؟

    عموما ياعم انا مبثوط اوي انك قلت رأيك :)

    مع اني شايف ان انا بكتب شعر مش اغنية

    ولو بكتب اغنية فشيء طبيعي اننا ااغير في القوافي وفي كل حاجة مش بعيد اكتب نثر والملحن هيظبطني :)

    وبعدين انا مبجريش ورا حد ""ايموشن متنرفز في الحته دي " ده انا حته بكسل اجري ورا الاتوبيس

    وانا فاككها على الاخر اهو

    انا اخر من يكتئب ياعم بس فعلا وانا كاتب الموضوع ده كنت مكتئب حبتين :(

    عموما منورني وعاوزك هنا على طول


  15. MeDo Says:

    ازيك يا هندسة عامل ايه واحشنى جدااااا

    طبعا انت مش عارفنى ان محمد قريب الواد شريف

    انا كنت عند محمود ولقيتك عنده ولقيتك بس ايه البلوجات دى بجد جامده قوووى

    وانا اول مرة ادخل واشوف البلوجايه بتاعتك بس ان شاء الله مش اخر مرة وهتابعك

    ومش مكشلة انك تكتب شعر ولا حاجه بس يكون نص فريحى ونص كئيب مش جزء صغير اللى فريحى وربنا يوفقك

    وهستنى منك رد وانك تزور البلوجاية بتاعتى


  16. WhItE HeArT Says:

    بصراحه منور البلوجايه لدرجة انها بقت تشاع "" ايه الفراغ ده على رأي شريف "" بس الحق مش عليك الحق على اللي مدالكش البوجايه انا هعلمه الادب وشكراً جداً على الاطراء الجميل ده وهزورك في اول مواصله ان شاء الله وهتابعك برضه

    سلام والف شكر على ردك الجميل


  17. ازيك يا هندسة عامل اية شد حيلك
    ركز ربنا معاك


  18. WhItE HeArT Says:

    نفسي افهم ايه معنى لقب ياهندسة ده بجد

    ازيك ياهندسة ؟؟؟
    بيتهيألي ازيك يامحمد اظرف مش كده :)
    انا كرهت لقب هندسة ولقب مهندس وكل حاجة خلاص الحمدلله
    كليتنا بتدينا دروس جميله قوي في العذاب لو عاوزين اتفضلوا :)

    بس الحمد لله على كل شيء واحنا بخير وهنعود قريبا بإذن الله بس الظروف مش مساعده خالص حالياً :)


  19. ازيك يا محمد

    ايه الاخبار؟؟؟؟؟

    خلصت امتحانات ولا لسه؟؟؟

    واخبار امتحاناتك ايه يارب تكون كويسه

    انت ليه معدش بتنزل بوستات

    لو عشان المزاكره يبقى سماح

    انما لو حاجه تانيه

    يبقى سماح بردو

    يلا ربنا يوفقك

    دعواتك

    سلام


  20. mohamed helmy Says:

    el bloga 7elwa bas fe kelma meday2any beta3t 7opak me3arbd fe alby bas fe moshkela tanya en elly 3amel el bloga wad 5ane2ny tool el nahar f el kolya we kaman da wad teeeeeeeeeeeeeeeeeeeeeeeeeeet


    from your bad brother


    Mohamed Helmy