king mody: حديث الروح

من كتر ابداعاتك مستحيل هحصيها
ده شعر ياشاعر الروح ومعانيها
دي تحفه اكيد والحزن فاض بيها
دموعك لئاليء تنور للقلوب مجاريها
وليه ياابني افراحك دايما ناسيها
دي دنيا من الدناوة خداعه اراضيها
سيبها للكفره عشاقها ومحبيها
والامك ياحبيبي بااستيكتك امحيها
وافراحك رحلها مش من بعيد تناديها
اهم حاجة قلبك ونفسك دايما تراضيها
وبرضه هقرالك ولو روحي رايحه لفانيها
ياصاحبي دي عشره سنين بلياليها
ليالينا اللي ياما دبت انا فيها
ولو جرحتني
أيامي معاك عمري ماهندم عليها


"اهداء الى اخويا محمود"


king mody: حديث الروح
6 Responses
  1. kingmody Says:

    ربنا يخليك ليا يااااااا محمد
    انت الي مبدع يابني
    بس منت عارف وحكيتلك الي كان بيحصل معايا وده الي حكيتهولك مش كل حاجة يابني ده ميجيش عشر الي كنت فيه
    بس الحمد لله دلوقتي يا محمد بجد ربنا سد الباب الي كان بيجيني منو الريح وفعلا استريحت اوي اوي
    اما ايه بقة حكايت لو جرحتك انا جرحتك امته ياض وبرده تقوم قايل ذهب الصديق ومعه امالي وهو جافاني
    فيه حاجة عاوزك تفسرهالي فهمني فيه ايه ؟؟؟؟؟؟؟!!!!!!!والاهداء مش هيتقبل الا لما تفهمني


  2. WhItE HeArT Says:

    ياابني فيه ايه هوه احنا محصلش بنا خناقات قبل كده فبقول عادي ولو جرحتني عادي وبعدين ياعم خلاص هشيلها لو مزعلاك وبعدين وهوه جفاني والله مكنتش اقصدك انته خالص خالص والله العظيم

    وبعدين انا لما بتضايق منك او من شريف بقول لكم على طول مش محتاجه يعني
    عموما خير مفيش مشاكل

    والاهداء هتقبله غصبن عنك
    يله سلام ياباشا


  3. kingmody Says:

    ايوة كده ناس مشبتيجي الا لما نطلعلها مطاوي :p

    الاهداء مقبول ياعم متزعقش انت عارف انا مش بحب حد يزعقلي ده انا خليت الظابط يقول على نفسو حمار عشان زعقلي :p


  4. WhItE HeArT Says:

    وهوه انا اقدر ياعم انته
    وبعدين اش جاب الظابط ليا انا ياض

    عموما هنعديها

    يله سلام


  5. بالراحه على نفسكو شويه بلاش الكلام ده ادام الناس احسن تتحسدو

    ربنا يخليكو لبعض

    ايه الابداع ده يا بشموهندس


  6. WhItE HeArT Says:

    متقلقيش محدش بيدخل على البلوجايه دي الا اصحابي وقرايبي يعني ان شاء الله محدش هيحسدنا

    والابداع ده بيطلع لما الواحد يكون مخنوق وحاسس انه مهما بيعمل النتيجه بتكون 10 صفر لصالح الغدر والظلم

    ماعلينا شكرا على ردك يا (مش ناوية تغيري الاسم العجيب ده بأه ) قوي