خطوة جديده
نفسي المح جوه عنيكي
مشهد ليا
وله اتجلى على نضارتك
طاله عليا
وله اسمع نبض قلبك
سرحان فيا
كل ماافكر اقرب منك
مرة شوية
اقول اكيد هتعدى حدودي
واتخيل كفوفك معلمه ف خدودي
يااااااه
نفسي احقق بأه مقصودي
واقرب منك ياروحي شوية
عارف عيبي اني بسيط
فاكر الحب راح يستنى
ده انا بتمنى
اخده كمان بالتقسيط
آه ياعبيط
فاكر الحب قصوره كتير
واني بحب في زمن ميت
الحب فيه مش متقوّت
بحب لوحدي ومين بأه أدي
بس الحقيقه مبتستناش
اكيد ف يوم راح تتعاش
بس انا هاخد خطوة جديده
ومش هقعد تاني عالرّف
ولا هستنى قراية الكف
كفاية كده عليكي صبري
هبدأ احارب عشانك عمري
وهدعي تكوني أجمل قدري
وهبدأ حبك بعهد جديد
عهد كله مليان تجديد
معاه سبحانه
رب العبيد
Comments
كلماتك فيها تحدي واصرار وامل
يعني فيها حياة جديدة
ودا اجمل شيء فيها
بالنسبة لتعليقك علي موضوعي السابق
انا حسيت انك مضايق اوي من الكتابات الحزينة وطلعت كل الضيق دا في التعليق عندي :)
بس عندك حق , لازم ناخد خطوة جديدة سعيدة
تحياتي لك
انا متشكر جدا لتعليقك
انا قلت ابدأ انا الخطوة دي يمكن حد يقلدني وله حاجة
وبصراحه انا كنت جاي المدونه بتاعتك لإني عايز افك شوية كنت قريت كمية من البوستات الحزينة الكئيبه اللي خلتني خلاص اكتئبت فجيت شفت البوست ده كمان قلت بس انا كمان هقعد يومين عيان في السرير
ههههههههههههههههههه
بس متشكر جدا على التعليق الجميل ده
تحياتي
ربنا يوفقك مع اللي تحفظك
وتمونوا لبعض قرة عين
بوست جميل
تحياتي
ربنا يهديهالك وتفهم
وتحبك كمان
تحياتي ليييك
شكرا لتعليقك الجميل ده
ودايما بيسعندي وجودك
تحياتي
متشكر جدا على كلامك اللي اداني دفعوه معنوية ده
تحياتي
هههههههههههههه
فعلا ربنا يهديها وتفهم
بس انا كاتب الموضوع ده عادي لأي حد وهوه انا لو هحب وحده هفضل حاطط ايدي على خدي مستني الفرج
لا ياعمونا منته عارف بتوع هندسه مبيهمهمش حد
هههههههههههههههههه
ال يعني هعمل حاجة
تحياتي
ربنا يحفظك في كل خطواتك و دايما يكون النجاح صديقك
تحياتي ليك ياجميل
فعلا خطوة جديدة كل عايزين خطوة جديدة مش مع الاشخاص بس مع نفسنا عاوزين خطوة جديدة
الف تحيه لك
تحيااتى للرقة والانتقاء
والعمق كمان
منتظرااك
well Done
بس عايز تجدد صور شوية ـ وتختار مزيكا تكمل بيها كل كلماتك
هي حُريات بس انا بعشق الكلمات اللي بمزيكا
هشوف منك حاجات أجمد قُريب إن شاء الله :)
وأكيد انا منور البلوج بتاعت
ربنا يخليكي يارب ويحفطك على الكلمات الجميله دي
تحياتي
(وش مكشر)
انتي هتطلعي اشاعات انتي ومارو وله ايه ربنا يسمع منكم يارب بس لسه شوية
واكيد انا لو نجحت ان شاء الله هعمل زيطه وزمليطه مش هفضل ساكت
ربنا يخليكي على اهتمامك ده واكيد لما هنجح هاجي اخد حلاوة النجاح منك
تحياتي
فعلا احنا عايزين خطوة جديده يارب نبدأها كلنا
تحياتي
انا بشكرلك زيارتك الجميله دي اللي عرفتني بمدونتك الرائعه
وبدعي انها تتكرر
وبجد مرسي اوي على الكلمات الجميله دي
تحياتي
يارب تيجي بفايده والف شكر على تعليقك الراقي ده
تحياتي
اكيد منورني طبعا
وان شاء الله هاخد بتوصياتك دي مع ان بعضها مش فاهمها مكدبش عليك بس هحاول اطور في نفسي اكتر
تحياتي ليك ولتعليقك الجميل
الكثير يجهلون قيمة
الكلمات البسيطة....!!
على الرغم من ذلك تبقى هي الاصدق
بساطة الكلمات جعلتك على بساط الريح..!!
كلمات رقيقة ولا أحلى
Angel Love
وطول ما احنا عايشين لازم يبقى فية امل والا هنموت
قلتلك ممكن تتفهم غلط
بعيدا عن الاحلام اخترت التحدى
وبداية خطوة واقعية للوصول لهدفك عبرت عنها برومانسيتك الشديدة وفكرتك الجديدة وكلماتك الجميلة
ربنا يوفقك ياباشا
اول زيارة ليا
البوست جميل وكلماته هادية وبسيطة
دمت بكل الخير
سارة
بساط الريح مره واحده
ربنا يخليكي يارب
انا مبسوط ان الموضوع عجبك
وبشكرلك زيارتك واتمناها تتكرر
تحياتي
فعلا زي ماقلتي طول مااحنا عايشين لازم يبأه فيه امل والا هنموت
تحياتي وياريت الزيارة تدوم
تحياتي
وزي ماقلتلك خلي اللي عايز يفهمها غلط يفهمها هوه اللي فهم مش انا والمعنى في ظهر الشاعر
بشكرلك الكلمات الجميله دي وربنا يخليك
تحياتي
اول زيارة ومتمناهاش تكون الاخير
شكرا لإطرائك الجميل ده
وتحياتي