ألحان الحياة
ياجماعه اللي يقرى الكلمتين اللي تحت تكون دماغه رايقه وشارب كوبايتين شاي ويركز اوي
مش هحبك .. رغم انك
صوت في قلبي.. بيعزف ألحان الحياة
روح في نبضي .. بيشدني لطوق النجاة
ايوة حبك داء كياني
ايوة صمتك لحن تاني
لحن غير لحن الاماني
لحن زلزلني فـ مكاني
بس
انا متحملش غيرتي
تصرفاتك كل حيرتي
حاجة بتغير مسيرتي
مش هسيبك
تجرحيني بحبي ليكي
توأديني بشعري فيكي
مش هكون
تمثال بفرضك
والشوق يهون
من تحت امرك
غيرتي ومن حقي الوفاء
ولجل يهون الكبرياء
لازم مش اكون انا
اكون سراب م الفنى
واسمعيني
مش هحبك .. رغم انك
صوت في قلبي
..
..
..
بيعزف الحان الحياة
Comments
ربنا يخليك
الكلام معبر عن نفسه
no comment
صوت في قلبي.. بيعزف ألحان الحياة
ياربى
ايه الكلام الجميل دة
بس مين يقدر على كدة
ازاى مش هيحبها وهى كل دة بالنسباله
بيتهيئلى مش هيقدر
كلمات جميلة جدااا
هحاول .. يمكن افهم حاجة
ههههه
صوت في قلبي.. بيعزف ألحان الحياة
احلى حاجة حسيتها اوى
تحفة
احلى مافييها انها بتوصل للقلب على طول
دا هو اساسا بيموت فيها
وعلى راى مجد القاسم (انى اتنفس عشقا )
هى دى حالته
لكن هو بيحاول
وما اعتقدش انه هيقدر
بجد رائعة ياواد
تسلسل جميل نبرة صوت فيها تحدى مش هحبك
موسيقى الابيات الهادية
بس ملحوظة
ايه رايك فى الموضوع ده
ايوة حبك داء كياني
ايوة صمتك لحن تاني
مش زي الحان الاماني
لحن زلزلني في مكاني
مش زى تقيلة شوية
ايه رايك لو قلت
ايوة صمتك لحن تانى
لحن غير لحن الامانى
لحن زلزلنى فى مكانى
والنبى الكلات دى عجبانى
وعايزين نشوف حاجة تانى
الفكرة والله انا كان عندى حالتين وفاة فى العيلة مش عارف اكتب جديد يابنى
اعذرنى
انت الشاي هو اللي يشرب من كلامك يا ريس
تحياتي ليك
سعودي
فعلا محتاج شوية مشروبات
بجد حلو
الجمل القصير ة القوية
واضحة ومعبرة
ونافذة
جميل
تحياتي
لولووووووووووووووووووووووووووولى زعروطة متأخرة حبتين سامحنى
الف مليون مبروك وربنا يسعدك ويفرحك كمان وكمان
نيجى بقة لالحان الحياه
مش هحبك .. رغم انك
صوت في قلبي.. بيعزف ألحان الحياة
روح في نبضي .. بيشدني لطوق النجاة
ايوة حبك داء كياني
ايوة صمتك لحن تاني
لحن غير لحن الاماني
لحن زلزلني فـ مكاني
مش هقولك غير تحفففففففففففففففففة فنيه
ربنا يوفقك
سلام
جوة قلبى عايشه حبك
بس حبك يوم كسرنى
رغم انى حته منك
يعنى اتأثرت بالبوست شويه:))
حلوة الفكرة والمعانى كمان
فكرة الكبرياء فى الحب
تسلم ايدك
تحياتى
انا قريت بقى وخلاص اصلى مش بحب الشاى
ورغم ذلك عجبتنى اوى
مش عارفه ليه فكرتنى بمسلسلات محمد صفاء عامر اللى بحبها جدا
تحياتى
بجد جامد
ربنا يخليك والف شكر على تعليقك الجميل
تحياتي
بيتهيألي هيقدر لإنها بتتصرف تصرفات تثير فيه غيرته وكبريائه وهوه كبريائه اهم شيء في حياته
زيارتك اسعدتني وان شاء الله تتكرر
تحياتي
ليه كده بس ده انتي من اسمك يعني من غير لا شاي ولا اي حاجة
ده انتي بتتعبي اعصابي بكتاباتك اللي مش بفهم منها حاجة
تحياتي
ربنا يخليكي مع ان في ناس مفهمتهاش
تحياتي
أنتي كمان متعتقديش انه هيقدر
زي ماقلت ل
original heart
مادام هيه مبتحترمش مشاعره يبقى بناقص الحب ده من الاساس
تحياتي
انا خلاص عدلتها
وانا لله وانا اليه راجعون يارب صبرك ويصبر كل اهلهم
ومفيش مشاكل انا عاذرك
تحياتي
ربنا يخليك يارب على الاطراء اللذيذ ده
خليه يشرب علشان يبأه طعمه مسكر شوية
هههههههههه
تحياتي
ودمت بكل الود
مش عارف اقول ايه بجد بشكرك على التعليق الجميل ده
وتحياتي
اهلن بيكن اهلن بيكن
ايه الزغروطه الحلوه دي
سمعيهاني تاني كده
ده انا المدونين كلهم عرفوا ان انا نجحت
ده في ناس في اهلي لسه معرفوش
هههههههههه
وبالنسبه لتحفه فنيه مش هقول غير
ده العادي بتاعي
"وش عليه ابتسامة غرور"
لا بجد ربنا يخليكي ومرسي اوي
تحياتي
يادكتور دايما تعليقك بيسعدني لإني قريت كتير من كتاباتك وبهرتني ويسعدني ويشرفني كمان ان فكرتي عجبت حضرتك
تحياتي
انا فين ومحمد صفاء عامر فين
لكن انا مبسوط اني فكرتك بمسلسلاته اللي محدش يقدر يقول عليها حاجة
وطبعا تقدري تقري من غير شاي بس ده اكسبشن لحضرتك بس
نورتيني
وقوليلي صحيح هتكوني في اجتماع المدونين بتاع المنصورة وله لا ؟
تحياتي
مبتفتكرينيش الا في المواسم والاعياد فقط لا غير
عموما ربنا يخليكي على الكلام الجميل ده
وتحياتي
بيعجبني في تعليقك انه من سطر واحد بس
تحياتي
لحن غير لحن الامانى
لحن زلزلنى فى مكانى
و احساس الكبرياء بجد فى
و اسمعينى مش هحبك رغم انك
صوت فى قلبى بيعزف الحان الحياه
لا بجد جامد
البوست حلو اوى
مش عارفه اقول غير كده
السلام عليكم
و البوسي رائع
تحياتى